عذرك تقول آسف دخلت انا عالمك ؟؟!!
 

جـرحـتـنـي وش فـيك ، جرحتني من فمك
يا ليتك ما صـرّحــــت ’ ويا ليتني ما كنت
عذرك تقول آســـــــف ، دخلت انا عالمك
هـو ليه ما تدري ، ان عــالــمـي هو انت
لا كـنـت انا ولا كــان ، من عالمه يزحمك
ادخـل على هونك ، يا عــالــمي واحسنت
ادخل في لـب القلب ، وانا ترى ما الزمك
خــذ راحتك واسكن ، وانا اعرف انك بنت
وانت الغلا والضيف ، تمون والله وافهمك
اطلب ولو روحي ، ان كـــانــهــــا تخدمك
انزل على صدري ، ثـم ســلّــهــا لا هـنـت

خيّال الّلهازم بن وايل .