موقع قبيلة عنزه الرسمي: الموقع الرسمي لقبائل ربيعه عامه و عنزة خاصه - ( قصيدة مهداه إلى سلمان بن رحيّل الشبيعان )

( قصيدة مهداه إلى سلمان بن رحيّل الشبيعان )

قال عبدالله بن دهيمش بن عبار العنزي هذه القصيدة يسند على الرجل الفاضل سلمان بن
رحيّل بن وقيت الشبيعان العواجي

بديت وأهـديـت القـوافي عـلى اللـيّـث *** سلمان بن رحيّـل لـه اسندت حـيثـه
حـيـثـه لـبـيـب ولا عـلـومـه مثـاميـث *** ولاهـو من الـلي دوم يضهر بحيثـه
ماهـو من أهـل الثرثـره والطـراميـث *** عسى فـداه أهـل القـلـوب الغـثـيـثـه
عساه في حفـظ الـولي منـزل الغـيـث *** الـلـي بـه الـقـاع المـحـيـلـه يـغـيـثـه
يـا أبـو سـعـد لا تـسـتـمع للحـلابـيـث *** ومـن لا يـعــد الـحـق قـلّـه كـريـثــه
أشوف بعـض الناس مثـل المغالـيـث *** مـن زايـد الهـرفـال تـوحـي لهـيـثـه
والـلي يـلـم مـن السـوالـف فـراكيـث *** مـن الحـقـد كـبـده يالسنافي فـريـثـه
والـلي عـلى البـاطـل يـدور المعـاليث *** يلـدغ كـمـا الثعـبـان يـقـذف نـفـيثـه
حكـم النسّب نصـت عـلـيـه الأحاديـث *** بالشـرع وضحـه الـرسول بحـديـثـه
مـن نـوح لإبـراهـيـم اليـا آدم وشيـث *** جـد الـعـرب بـاقـي لـيـوم الـبـعـيـثـه
كـان عـنـزه لـهـا تــراث ومــواريــث *** مـا تـاجـد الـلي مـا يسـمّى بـوريـثـه
تـاريـخـنـا مـا حـرفــوه الــبـواحــيـث *** قـبـل يـحـكـم شـريـف مـكـه رمـيـثـه
ماضي نسـب عـنـاز مافـيـه تـحـديـث *** مهـمـا اجـتهـدنـا بالبحـوث الحثيـثـه
بعـض البحوث تلـوّث الأصل تـلـويـث *** الـلي أودعـت شمـل القبـيـلـه بثـيثـه
لاباس في غـرس النخل عقب تجثيث *** ويـسـقـى بـتـنـقـيـط الـرذاذ ودثـيـثـه
والأصل قـصر وبـه زخارف وتأثـيـث *** مـاهـد سـاسـه مـن يـحـرّث نـبـيـثــه
والـلي يحـرّث بالـي الـرمس تحـريـث *** مـجـد عـنـزة بـالطـعـس ودّه يـديـثـه
الصّـدق عـنـه أبـعـد من ديـار تثـليـث *** عن ديـرة الجـوبـه جـنـوب الـدمـيثـه
بـه فـرق مـابـيـن النحـل والبـراغـيث *** والـطـيـر يـفـرق نــادره مـن بـغـيـثـه
بـعـض العـلـوم تخـبّـث الـبـال تخـبيث *** صـار أيـتحـدّى الـلي هـروجـه نـكيثـه