موقع قبيلة عنزه الرسمي: الموقع الرسمي لقبائل ربيعه عامه و عنزة خاصه

حــــــــزم العـواصــــف
..............................
يـاحـزم يـاحـزم العواصـف والأعصـار = يـامــن علـى الباغـي طيـورك تـغيـري

عطنـا تـفــاصيـل المهــمـه والأخبـــار = عطنـا علـومــك عـن طريـق العسيري

وش صـار بالحـوثي وربعـه والأنصـار = واعني بها اللــي بالمـراتـب حــقيـري

اعني بها اللي ينتهك حـــرمـة الجــار = اللي علـى درب الخيـانـه . يســــيري

بـاع الضـمير وبـاع دينــه. للاشـــرار = وأصبـــح لتفكيــر الــروافـض أســيري

راس الفتـن راس الخيـانات. والعـار = وش نـرتــجــي باللـي يبيـع الضميـري

اللـي تنـكــر للجـمــايل ومــا صـــار = اعـمـى البصيـره واســتـوى كالضـريـري

يـوم احترق وجـه الردي وانكوى بنار = ومـن شـاف وجـهــه ما رجى منه خيـري

ضـاقت بـه فجـوج الصحاري والاقفـار = جــا لـخــو نــــوره داخـــلً يســتـجيري

متناسيً معـروف وافيـن الاشــــــبار = جـاهــم ذليــل وخـاطــر لــه كـســـــيري

جاهــم وأخـذ منهم حشيمه ومقــدار = وكــرامـــةً . مــن طـفلهــم والكــبيـري

هــذا الوكاد اللــي على الواقـع اندار = وخلى الـحـزم بــالعاصـفــة يســـتـثيـري

محمّد بـن ســوعان الربيّــع .