موقع قبيلة عنزه الرسمي: الموقع الرسمي لقبائل ربيعه عامه و عنزة خاصه

أبيات لها وجهين ظاهر معنى ومخفي وكلاهما مرتبط ببعضه ان كان ظاهرها او مخفي ويستطيع القاري انه يستشف منها مايريد
حتى لو خفى عنه بعضها ..

يا صاحبي لاتتبع اشهوة الصّدر صبح الغِدِر لو خلت برّاق المزون الناشيه
الناس حالـت والـمـلا هـذي طبـايـعها تـمنّى للحَيــَا لـو كـان بـس بقـلـوبـها

خـل الركايـب مرتعات ٍ بـالجـَلَا أطيب لهـن من صمْـرِة ٍ ولو مطرها غاشيه
أرض الـمَـرَا تقطع ضرمها لين يردم فوقها سوات الرجوم المنتبي لهبوبها

ان سقت ذودك ماتبعـناكم وذودي مانسـوقه يـم شـوح نـاسها اللي مـاشيه
بنت الرهيفه سرحها من كيفها وان روحت ماقـلت هذي وش بـلا عرقوبها

بالديـره اللـي من قديـمٍ ٍ قبلـنا أهـلـنـا بـاجـم حـدهـا دون العـفـون الخـاشيه
قلوب الريـلان اللي يـماري عقـْبـها بالهيـّنات مثـل ذاك وذاك من محسوبها

يوم الحـمى محـد ٍ قربها غير اركابنا وطتها وادهجتها غصب عن الحاشيه
يوم انهن جـن الرهـايف والعِـلِي ماصدغـوها ولا تجـرا الـلي يبــي يلـوبها

عنـدك خبـرها يانـديـم العـرف والـفهـامه قـلي كيف تتبع جمع هاكالـواشيه
ان كان غـرك مزنها اللي يلهْلهْ برقها تراها مثـل الصيف من يراعي صوبها

اقولها لو ان زمــان اهـلنــا اتّــقى وجـانــا بـعـدهــم زمـان ذولا الــفــاشيه
اللي يسيّــرها الــريـال وجمخها بالكذب ويا الهيلمه لوهي اتركت ماجوبها

واليـوم أرْ أهـل الشجـاعه والرياده بالقبـيله صـارم ضمن ناسها المتحاشيه
يسنى لها اللي تقـصر امحوصه ومن على راس المقام زود معقده بغروبها

مار ان ترى وصـفه كمـا الطـخا يـوم انتـحت بها هـبوبها تسوقها متلاشيه
والا البـقا لاهـل الشكاله والشيم ويا المراجل مثل عدود ٍ يستحيـل نضوبها

.
.
.
فهد العنزي