موقع قبيلة عنزه الرسمي: الموقع الرسمي لقبائل ربيعه عامه و عنزة خاصه

البارحه كل الهواجيس لي جن
صار الكرى للعين ومخايل الطيف
كني خلوجً ترعب النزل وتحن
شافت ولدها ذابحينه قرا ضيف
لما نجوم الليل عني تكالن
والليل جا له من نهاره كواشيف
شبيت ناري والمعاميل قلطن
وانسف على المبارد من حمسة الكيف
ودلال صفرن على النار يصلن
واحرف الدله على الجمر تحريف
و دنيت نجرن يطرب الجار لا دن
صوته عذاب اهل القلوب الملاهيف
لما ركدنا للكيف ما صافي البن
وبهرت انا الفنجال من غير تكليف
فنجال سويته على حسبت الظن
احمر حماره لون دم المراعيف
وقمت اتفكر في ليالي تعدن
يوم البداوه كاسبين ومناكيف
اهل الفعول البينه ما تتقن
ستر العذارى لابسات النفانيف
بديار ربعن للملاقى بهم فن
وان جاهم الخطار دايم مواقيف
تلقى البيوت مشرعه حين يبدن
ملفى النشاما لا لفوهم مراديف
كلن يقول قراه والهرج يوزن
وزاد النزاع وصار للحق تصريف
عند الكبير اللي مضاله من السن
وتواردوا للحق عند العواريف
وعيا عليه اللي حسانيه جابن
ورحب بهم ترحيبة البدو بريف
عقب العشا اذناب حيلً يمدن
دار الحديث وتبادلوا السواليف