موقع قبيلة عنزه الرسمي: الموقع الرسمي لقبائل ربيعه عامه و عنزة خاصه

أنتقل إلى رحمة الله تعالى الشيخ الراوي بن بستان بن خشم التمران شيخ قبيلة الرباع من الحسني من السلقا رحمه الله وأسكنه فسيح جنّاته والهم أهله وذويه وقبيلة السلقا الصبر والسلوان وبهذا المصاب الجلل نعزي أنفسنا ونعزي أبناءه وأخوانه وأسرة التمران وقبيلة السلقا وكل من يعرف هذا الرجل النبيل صاحب المواقف المشرفه وهو الرجل الذي ما تأخذه في الحق لومة لائم ولا يجامل وهو من الرجال الذين يشيدون بجهدي لخدمة قبيلة عنزة رحمه الله رحمة واسعه ونسأل الله أن يكون أبنه ممدوح وأبناءه خير خلف لخير سلف ومن ذكريات الشيخ الراوي دعاني إلى حفل بمناسبة صدور الأمر بأعطائه ختم على قبيلة الرباع والقيت هذه القصيدة :

قال عبدالله بن دهيمش بن عبار يهني للشيخ الراوي بن بستان التمران :

الـلـه يزيـّن فالكـم يا ابـن بستـان *** عساك ترفـل بالهنا يابو ممدوح
الختم لك مبروك يا نسل تـمـران *** حيثـك نبيل وبالمعالي لك شبوح
عزيز قوم لك كـرامه ولـك شـان *** رب المـلأ ياقـاك من كل ساموح
مجناك من لابة نوادر وشجعـان *** اللابـه الـلي باللقـا تبـذل الـروح
أولاد حسن وأن تـلاقـوا بميـدان *** لهـم فعايـل يـوم ناطح ومنطوح
سلقا مدابيس العجاجـه بالأكـوان *** نطيحهم بسيوفهم طاح مذبـوح
جدك بعـلم المرجله والفخـر بـان *** بيتـه بنـاه بعالي الحيد مشتـوح
يفرح اليا جاء تالي الليـل ركبـان *** نـاره سناها بالدياجي لها ضوح
وأبـوك مـقـدام النـشاما كحـيـلان *** في ربعته ريح المهيّل لها فوح
وأنت اقتفيت آثار ذربين الأيمان *** ديـوان بيتـك للمسايـير مفتـوح
تشوم لعلوم الفضيله والأحسـان *** ألا ولا شاورت خايـب ومكبـوح
تروم منهاج الفخر والسعـد زان *** عساك دوم بعز والبال مشروح
نسل الحمايـل بالملمـات مـزبـان *** مثـل الذرا الياهب بالقيظ لافوح
لك المدايح والثنا جهـر واعـلان *** بك افتخر واعتز بالسر والبوح
يا مقـدم الربـاع حـضـرٍ وبـدوان *** لعل لو قصرت بالمدح مسموح