موقع قبيلة عنزه الرسمي: الموقع الرسمي لقبائل ربيعه عامه و عنزة خاصه

ياهجسي انظم اﻻشعار بوزانه
للشعر متذوقه ناس يحبونه

يلحنونه عن التكسير بالحانه
متذوقين الشعر جزله يعرفونه

الشعر عند العرب معروف ديوانه
على المراجل وصدق القول ينشونه

والشعر يؤخذ مضامينه من سمانه
الناس بصدورهم كانوا يحفظونه

كم وقعة صور الشعار ميدانه
بالمعركه ماحدث وصفه يعدونه

يوم العرب تفتخر في فعل فرسانه
مثل الصحافه مع احداثه يوافونه

ديوان كل العرب حضره وبدوانه
كل معركه تشهد اﻻشعار في كونه

وراع الفعل يثبته افعال برهانه
حام الضعن بالقاء ربعه يسمونه

يقدمه طيب فعله رافعه شأنه
راع الشجاعه خيار القوم ينصونه

يعرف نهار الوغاء في خوض ميدانه
يوم إن بعض المﻻ يتغير بلونه

كل فارس حامي لحدود عربانه
باليوم اﻻقشر نهار الحرب ينخونه

اذا العرب للسبايا أرخت أرسانه
والسيف الملح من نصابه يسلونه

كم فارس شوكة بعيون عدوانه
مايقربون الحماء حوله يوالونه

يوم العرب للموارد عند جيانه
كل جو له ﻻبة تزند به سنونه

واليوم كل العرب بالخير شبعانه
خيرات ربي على السفره يحطونه

كل مابغوا حاضر يوجد بدكانه
وكل ماطرأ بنفسهم شيء يسوونه

وكلن جيوبه من اﻻموال مليانه
افخم مديل المواتر نقد يشرونه

وبيوتهم من حجر يبنون سيسانه
مزخرف باحسن اﻻحجار يطوونه

واجمل خشب يوضع النجار بيبانه
من كل نوع وشكل يحط من لونه

من عقب بيت الشعر مسموك عمدانه
من ديره لديره اوتاده يطقونه

اليوم قصر ثبت باركان جدرانه
والباديه بالمدن حطت به ضعونه

والشرع طبق في اﻻحكام ميزانه
حكم القضاء من كتاب الله يحكمونه

سبحان من نزل القرآن سبحانه
اﻻلسنه تلهج بذكره يلبونه

الكل يطمع بعفوه يدخل إجنانه
فردا صامد واحد ماثاني دونه..

نهير بن رخيص