موقع قبيلة عنزه الرسمي: الموقع الرسمي لقبائل ربيعه عامه و عنزة خاصه

من المنتظر مزن ٍ يجـي يـوم الاثنين
توقـعـوا أهــل الـفـلـك فــي وصـولـه

مـزن ٍ غزيـر ٍ ماحـصـل عدة سنـيـن
مـــن الـبـحـر تـبــدأ طـلايـع فـلـولـه

يغشى السماء ماتبين الشمس يومين
يـعــم كـــل الممـلـكـه فـــي هـطـولــه

يسقي الصحـاري والمدن والبساتيـن
يالله تـجـعـل خــيــر سـاعـة نــزولــه

مـزن ٍ ربيعـي والرعـد ينسـمـع زيــن
لشبـه الجزيــره واسـع ٍ فــي شمـولـه

مـار أحذورا مـن الغراسـات بالطيـن
وبالأوديـه بعض السـيـول محمـولـه

وترى المكابر والجهـل بالعمـل شيـن
أكـبـر خطـر مــن يتخطـرى سـيـولـه

بعـض الأوادم بالخطر مـاهـم داريـن
مــن يـنـزل الشعـبـان نــاس مهبـولـه

والله نهـى عـن الماهـلـك فــي الـديـن
وأخـص مـن طـرد السحـايـب ميـولـه

الله خلـق للـنـاس عـقـل وجعـل عـين
إن سالـت الشعبـان مـاهـي بسهـولـه

بأسبـاب جهـل النـاس راحوا كثيرين
يـذكـر ضحـيـة سـيـل بأسـمـه دعوله

وترى الحذر مطلـوب بالعسـر والليـن
وأخـص الـي يـأخـذ مـع الـبـر جـولـه