يامُرجِفُــون اسـالكم بـ الله لمـــاذا تُرجِفُــون=وانتُـم تِحسّـــون بنعيمٍ غــيركُم مــاحـسْ به
الناس تُفجع لاحَدَث مكْرُوه وانتـم تَفرَحُـون=بالفُرصَه اللــي وقـتهــا عدوانكم تنـدَسْ به
بالله عليكم حَدْدُوا مطلب وقولــوا وش تَبُون=يامن فتحتوا سمعكم لبليس حتى وَسْ به
أفعالكم هــذي تِزيْــد الزّوبَعَه بعد السُكُــون=وإسلُوبِكُم ينشَدْ به حبْــل القِشـَـر ويمَسْ به
إذا تَبُــون الوضْع حِريـّــه مثــل ماتَبْـتَـغُـون=من يردع المُخطــي ليـازلْ الطريق وهَـسْ به
هل تعلمُون ان النفوس محَاسَبه هل تعلمُون=واعمَالُكُم يـوم الحِسَــاب مدقّــقـَـه ومحَسْـبه
إلى متى وانتُم لـ تشويــه الدُعـَـاة تسُوِقُــون=والسوق يا امّــا يخسّر الرجّـــال وإلا يكسْبه
يامسْلم ارضْ الله ولاتَتْبع طريــق الهَــالِكُـون=وإجْعَلْ تِجَاه أسْهُمْك في حَالَة صُعُود منسْبه
وحدّدْ مسَارَك وابْرَحْ لـ دَرْبَـك وفتّــح للعُيــُون=وقَبْـل يتفَجّر بك لغَم هَــاتْ المجـَسْ وجِــسْ به
قَوْلَك ومــاتفْعَل مَلاَيِكْة الرِضَى لــه يجْمَعُــون=ليوم إمْتِحَـانْ ينجّــح الرّجّـال وإلاّ يرَسْــبـه
0
0
>> حمد الضوّي <<

المشاركة الأصلية كتبت بواسطة عبدالله بن عبار (المشاركة 42933) أحسنت يا أخ حمد نسأل الله أن يرفع شأن أهل الحق ويخفض قدر أهل الباطل والصراع بين الحق والباطل قديم قدم البشرية ولكن الباطل كان زهوق وجزاك الله خير على هذه الكلمات الصائبة

المشاركة الأصلية كتبت بواسطة متعب الفققي (المشاركة 42952) صح لسانك اخي الكريم حمد الضوي عساك على القوه لكن والله يا بن عمي اختلط الحابل بالنابل من دعاة وفتاوى وخلو الناس تكشف كل خافي انا اعرف ناس دعاة تهاوشو فيه مسجدين واحد يصلي به رجا ك يوم له صياح ومتولج خلق المصلين يلجلج عليهم شوي والله يحول من منبره ويتولاهم دبخ وعيونه طيار ومسجد شرثي المسجد هذا ربعه هو يقولون للي يصلون بالشرقي لاتروح تصلي مع الكافر يعنون امام المسجد لي شرقي الحاره انا اعرفهم وعقبها با اسبوع واحد منهم الي مات بالكويت يوم يهجمون طاح من السطح هو الي يكفر امام المسجد الشرقي هذه الحاله انا اخبرها واعرفهم والله يا اخي قلت لك اختلط الحابل بالنابل وحنا متعودين كل واحد يسولف بالدين نصدقه ولقينا اكثرهم ببغاء يردد كلام فلان الي قايل له كذا وكذا ونقول اللهم احم الاسلام وانصره وفكة من الي شوهوه ومسوين حالهم اوصيا على الدين وعلى خلق الله المسلمين . ويفرحون علينا المرجفين كما ذكرت ... على عهد عمر بن الخطاب يقول للي مثل هولاء اجلس مكانك ولاتنتفخ على المسلمين . رغبت اعلق على قصيدتك الجميله الهادفه