موقع قبيلة عنزه الرسمي: الموقع الرسمي لقبائل ربيعه عامه و عنزة خاصه

هذه القصيده تشرفت بإلقائها بحفل قبيلة ولدعلي من عنزه بمغيرا

بمناسبة تنصيب الشيخ/ فارس بن ناصر الهايس الايدا رئيساً لمركز مغيرا

ـــــــــــــــ

مبتداهــا الله دعـوتـِه واستخـــيره=ربي اكتب لـي بهــا مكتوب خيره
دام جــال بخاطري قــافٍ بديــتـه=بســم رب النــاس عــلام السـريره
مجــري الأنهــار ومــدير الهبـايب=جل شــانه مــوجد الكــون ودبيره
أرســل محمد نــبي وانزل كتــابٍ=مــا يغــادر لا كــبـــيره لا صغــيره
محصي اعمــال العبـاد بكل دقـه=وحــده المعـبود لا معــبـود غــيره
وبعد هــذا زان ترتـيــب القــوافي=من هجوسٍ كنها السحب المطيره
إستهــل خيـالهـــا وأرزم رعــدهـــا=وما وطـت بـه سـال مــدرارٍ غــزيره
مثلهــا فكــري يجــود ليــا دعيــته=يبـتكــر ما طاب لـه مــا يستعــيره
معــوده ومــدربــه تدريــب رامــي=أقتنص بــه كل شــارد مســتـذيره
شاعــرٍ عــن واجبـاتــه مــا تخــلا=دون ربــعــه باليسيره والعسـيره
ولا يخلي باب لاهـل النقد مدخــل =محترص من ناقــد الشعر وخبيره
جا يسلم جــا يشارك جــا يبــارك=للرجــال اللـي بطاريهــا شهــيره
في حفــل تكريم شيخٍ مُحتفـابـه=ابو ناصــر ريـس المٌـركـز وأمــيره
تفتخر بــه لابتــه من طيب راسه=لنه اصبح رايــد الطيب وسفيره
تعجز الاقلام ما تحصر صفــاته=حي فاله سيرته محمود ســيره
بإختصار أذكر قليلٍ من خِصاله=واتكلــم عــنْــه لــو نبــذه قــصـيره
خُفْ نفسه والبشاشه والتواضع=مـــيزةٍ مــا ضنهــا تلقى بـغــيره
رجل علم وفـيـه حلـم وبــعـد نظره=وفـكـــرةٍ فـــذه ورويــا مستـنـــيره
مــن دهــاه وحكمتــه يوخــذ برايــه=ليا تلاشــى راي عميــان البصــيره
والــف نــعــمٍ بالمُــكـــرَّم والْمــكـــرِم=وجهـاء واعيــان وأفــراد العـشـيره
الفـخــر لا قــيل عــزوه ولــدعـيــه=لابــةٍ بافعــالهــا عظـمــى كبــيره
الــرجــال اللي لــهــم تاريخ حـافل=بالمــلاحــم والبـطـــولات المــثــيـره
كم لهم وقفــات تُعــرف ومحسوبه =ومنجزاتٍ صعـب نحصرهـا كثـيره
لابــةٍ يشهــد لهــا حاضـر زمنهـا=وتشهد ايامٍ مضت صعبه مــريره
يوم كــان الناس هــذا ضــد هـــذا=والزمــن تــبرم رحـــاه المســتديره
راكبــين الجيـش والخــيل الاصايل=والسلاح السيف والشلفا الشطيره
واهل الملحـاء العنيـد يطــوعــونــه=فــي نحور القوم ضربتهم ضريره
قوم حمرا خصمها يخشى لقــاها=تحتـمـي للــذود وتــصــد المغــيره
ليا شتبك صوت النخاوي والعزاوي=يكـســرون ولا يعــرفــون الكــســــيره
ياهل الملحـاء لـو امدح لين بكــره=حقكم مــا وفيـه يالقــوم القـــديره
قمتــوا بتكريم شيخٍ لــه مقــامــه=بإحتفــالٍ فــاق ما يوجـد نظــيره
فـي مغـــيرا ديـرة كبــار المهــابــه=دار عـــز وتخـتلــف عــن كل ديـره
دار جــود نعزهــا من عــز اهلها=الوجيـــه المستنــيرات السفــيره
ديـرة اليــديان ذربــين الفــعــايل=مصنع الامجاد سيرتهم عطـيره
للثــريا فــوق ســاروا بالقبــيلــه=تحت ضل ملوكنا صقورالجزيره
الملــوك الحاكــمـيـن بـ ما انزل الله=ومع طريق الخير قادوا للمسـيره
الله انــه يحفــظــــه ويــديــم عــزه=ابو متعب عــم كل الشعب خـــيره
ذا وانا من قوم تعرف بالشجاعه=كان صوّت داعـي الحرب ونذيره
جعفري وافخر بـ عــزوه جعفريــه=بالمعــادي كســرهـا مــالــه جبـيره
ولانقـول قصـور فــي كل القبــايل=كل طيــب للـعــلا يشعــب بعــــيره
واختتم وقــول عــذراً والسمـوحه=عن خطيه قلتها لــو هي يســيره