{{ الشكر لله ذا التعالي والكِبِر }}
قصيده بمناسبة هطول الامطار على معظم مضارب ومناطق قبيلة عنزه جعلها الله امطار خيرٍ وبركه وعم بنفعها جميع بلاد المسلمين
عسى السحاب اللي من المنشاء زبر=وصـوت رعــده دندن وبــراقـه ســـراء يخايلونــه ليــن جــاء عـــنـْــه الخـــبر=هل برده و أرخــى قـنوفــه و امطـراء اسقى المضارب مابقى منهـــا شـبر=المنخفض ملـيـــان والـــوادي جـــراء وراع النيــاق اللـي لكل أرضٍ عَــــبَر=اللـي يســوق الـــذود خَلْفَه وعشـــراء يمشي على رغبـــة مطيّـــرت الـــوبر=همّه دلهّـــا لـــو جــرالـــه مـــاجـــراء ربّي خلف طــول انتظــاره والصــبر=جت لــه على المطلوب من بعد الحراء ربـيـع نـفـســه قــبــل يوضع بالقـــبر=لاجاءالوطى غدران والروض اخضراء والشـــكــر لله ذا التـعــالــي والكِـــبِر=غاث الديـار المجدبــه واسقى الــثـراء ديـرة عـــرب من طيبهم توخــذ عِــبِر=مـافعلهـم مدسـوس يمشـون جهــراء قــومٍ بجــار البــيــت تِـهـّـتَــم وتِـــبر=وخويهم مــا يلحقــه جـــوع وعــــراء ولاجـــاهم المحـــروج موضــوعــه دِبٓر=للملـتــجـــي مــزبـــان وظــلال وذراء يوم الليـــال عجــاف وأيــامٍ غُـــــبر=وولاد وايـــل تُعْــرٓف بطيب الــقْـــراء الضيف لاجــاء عندهم قـدره كـِــبَر=كلٍ يقول ضيــافــتـــه عنـــدي تــراء يقلط على اللي شٓحْمها غطاء الهبر=مربـاعهـــا بـ ارضٍ منابتهـــا مـــراء وعدوهم يجـبر على انكـافـــه جـــبر=ويســاق ذوده ســوق وعيــونــه تـراء وعض الاصابع مـن نـدامـه وإنثــبر=ميّــت قهــر منـٓهار ولـ جيـبـه فــــراء تاريــخ كلٍ فــيـــــه يــدري ويخــــبر=والشــاهــد الافــعــال لــو عـدنا وراء . . . حمد الضوّي |
الله يغيث البلاد والعباد ويقبل دعوتك يا أخ حمد ونحمد الله على فضله وأحسانه
|
سرني مرورك أبا مشعل حفظك الله ورعاك
الف شكر |
الشاعر / حمد الضَوي صح السانك وسلمت بنانك ونحمد الله على فضله وعطاه حيث إن الإمطار عمت انحاء عديده من بلادنا الغاليه وقبيلتنا العزيزه 0 تحيايا وفاء لك0
|
الساعة الآن 03:10 PM. |
Powered by vBulletin® Version 3.8.8 Beta 3
Copyright ©2000 - 2024, Jelsoft Enterprises Ltd