موقع قبيلة عنزه الرسمي: الموقع الرسمي لقبائل ربيعه عامه و عنزة خاصه

( زيارتي لأسرة الرميح في بريده )

بدعوة من سعادة الدكتور عبدالله بن صالح الشتيوي الرميح تشرفت بزيارة أبناء الشيخ صالح الشتيوي الرميح رحمه الله في منزله في بريده يوم الجمعه السادس من شهر صفر لعام 1436هـ حيث كان الشيخ صالح الشتيوي الرميح رحمه الله من الرجال الذين لي عنده قدر وشأن ولا يزالون أبناءه يجتمعون في منزله في بريده بعد صلاة الجمعه ولا استطيع أصف ما لقيته من حفاوه وأكرام وأشاده بجهدي نحو القبيله من هؤلاء الرجال الأفاضل وقد أهدى لي سعادة الشيخ رميح بن صالح الشتيوي الرميح محافظ البكيريه وأخوانه أبناء الكريم المشهور صالح بن عثمان الشتيوي الرميح رحمه الله شجرة عوائل ذرية حمد النجيد المصلوخي من أعداد الأستاذ يوسف بن صالح الشتيوي الرميح وجاء في ملخص الشجره :

شجرة ذرية حمد من آل نجيد من المذهل من القرشه من المصاليخ من المنابهه من بني وهب من ضنا مسلم من عنزه
تفرّع من حمد 1- علي وهو جد عوائل الرميح 2- صقير جد الصقير ومن ذريته نسل رميح بن عيسى 3- عبدالله جد القرعاوي أهل بريده 4- عثمان جد القرعاوي أهل عنيزه 5- محمد جد القرعاوي أعل القرعا وحفيده حمد بن علي الملقب الحويطي وقد انقطع نسله والبقاء لله 6- إبراهيم جد الصييفي أهل الطرفيه
ويتفرّع من علي جد الرميح 1- رميح 2- إبراهيم جد الديقاني 3- عثمان جد الشتيوي
ومن رميح 1- عبدالعزيز وله ذرية كثيره 2- منصور وله ذرية كثيره 3- عيسى وعقبه أناث 4-سعود وعقبه أناث 5- بديوي وعقبه أناث من عبدالعزيز 1- إبراهيم الملقب عبران وله ذريه 2- رميح وعقبه أناث 3- صالح وله ذريه ومن منصور 1- رميح وله ذرية كثيره 2- سعود وله ذرية كثيره 3-سليمان وله ذرية كثيره 4- محمد وله ذرية كثيره 5- عبدالرحمن وليس له عقب
أما إبراهيم جد الديقاني فمنه : محمد وعلي
إما عثمان جد الشتيوي فقد أنجب : عبدالله ومن عبدالله : عثمان وحمد ومحمد ومن عثمان الشيخ صالح الشتيوي الكريم المشهور وله عدد من الأبناء والأحفاد
ومن أعلام هذه الأسرة الكريمه : عبدالله بن محمد بن منصور الرميح أمير القرعا وصالح بن عثمان الشتيوي من أهل الصلاح والتقى ومن الأجواد الكرام وسليمان بن ابراهيم الرميح إمام مسجد القرعا ورميح بن صالح الشتيوي محافظ البكيريه ومن هذه الأسرة دكاتره وأصحاب مناصب

ومن باب الوفاء من قبل أنجال الشيخ صالح الشتيوي فأنهم يهاتفوني في كل عيد مهنئين وذلك حفظاً لعلاقتي مع والدهم رحمه الله الذي كنت أزوره في حياته وهو من كرماء الرجال وفي كل زياره يبالغ في أكرامي ولا يقبل عذر وفي ذات يوم زرته وكان رحمه الله عنده صياني لهن شهرة في القصيم ودائماً تكون كرامته جزله رغم أنه صاحب طاعه ولكن الكرم غريزه ويقول راضي أبو دحيم أمير قصيبا رحمه الله في وصف الشيخ صالح الشتيوي إذا دعى أحد لضيفه ورفض المدعو فأنه تصيبه صخونه وقد تطرقت لهذا المعنا في أحد قصائدي به رحمه الله فمن قصيدة طويله ضمنتها ديواني منها قولي :
ثـم اشكـر الـلي للـكـرامـة دعـاني *** صالح عسى رب الخلايـق يصونـه
أبـن رمـيـح الـوايـلي عـز شـانـي *** المـكـرم الـلي بـالـكـرم يـمـدحـونـه
ما دك بـه عـرق البخيـل الهـداني *** جـده هـواشيـل العـرب يـقـصدونـه
من قبل اشوفه صادق العلم جاني *** وحكـوا لـي الـلي بالكـرم يبخنونـه
قـالـوا تـرى مـن الا ريحية ايعاني *** لوعارض المدعو تصيبه صخونه
حاولت ارده عـن هـواه وعصاني *** ولا طـاوع الـلي حاولـوا يقنعـونـه
جـوده مـحـيـط ولا لـحـده مـوانـي *** ولا خـالـف المعهـود لـو تمنعـونـه
مـا يذخـر الماجـود والعـمـر فـاني *** مـا يـمتـنع مـهـمـا تـراثـت ديـونـه
فصـل لتـقـليـط الـذبـايـح صيـانـي *** تـنـدا من شحـوم الهرافي صحونه
يـذبح عـناتيـت الكبـاش السمانـي *** كـل يـوم تـجـّار الغـنـم يـحـتـرونـه
قالولـه اقبض راحتـك قـال مـانـي *** من شح في مالـه تـزاود اغـبـونـه
أبـن شـتـيـوي لـلـردا مـا ايــدانـي *** طاهـر ضمير وصاحبه ما يخـونـه
من روس لابه يوم عسر الزماني *** يـوم السنيـن الـلي بهـا قـل مـونـه
زبن الدخيل اللي به الوقـت وانـي *** عـز القـصيـر وضيفهـم يشبعـونـه
نسل النجيدي ما مشوا بالطمانـي *** شـم الجـبـال الشـامخـه يصعـدونـه
في ما مضى عـلم المصاليخ باني *** قـفـر الحـمـاد بـذودهـم يـرتـعـونـه
منـابهـة وقـت الـقسىوالليـانـي *** ضـد العنيـد الـلي بـراسـه خشـونـه
والمعذرة عن كـل مقـصد خـفاني *** والـلي قـصـر عن مدحكم تعذرونـه

وهذا مقطع من قصيدة أخرى قلت :
صالح اللي بالصخى نفسه بشوشه *** والهواشـل فـي مضيفـه يحتريهـا
حيـث عـلم الطايله صالح يحـوشـه *** الـمـراجـل دوم صـالـح محتسيهـا
يذبح من العيت لضيوفـه رشوشـه *** سلـم عـادات الحمـايـل مـا نسيهـا
والشريطي كان شافه عند حوشـه *** زاد سعـر الحـيـل حـيثـه يشتريهـا
ليت اللي شرواه ما اتكمل قـروشه *** ودك أبـو رمـيح دايـم مـرتـهـيـهـا
يوم اضافير الزمن تجرح اخموشه *** ما حسب ميلات بقعـا ولا خشيهـا
جرب اللي راس من يجزع يدوشه *** لـو ظـروفـه قـاسيـه مـا يشتكيهـا
بالسنيـن الـلي بهـا شح المعـوشـه *** يـوم مـن صـاد الجـراده يشتويهـا

وعندما فجعنا بوفاته رحمه الله رثيته بهذه القصيده إسند على نجله سعادة محافظ البكيريه :
أصبـر عـلى ما قـّدر الـلـه يا رميح *** بالصبـر سلـوى للقلـوب الحـزيـنه
العـيـن تـدمع والضمايـر مجـاريـح *** ومن احتسب رب الخلايق عـوينـه
الـعـمـر يـفـنـا والـمـنــايـا ذوابـيـح *** ولا ينتظـر لحظه الـيـا حـان حينـه
نـاخـذ بـدنـايـا الـدنـيـه مـشـاويــح *** وحـوض الـمـنـايـا كـلـنـا وارديـنـه
مالـوم من عينه دفـق دمعهـا سيح *** ولالوم من تبكي على الشيخ عينه
مرحـوم يـامـن غـيـبتـه الصلافيـح *** عــز الـلـه إنـا بـغـيـبـتـه فـاقـديـنـه
حيثه من قـروم الرجال الزحازيـح *** فـقـده عـلى الويلان غـلب وغبينـه
الـلي يـقـلـط بالصيـاني مـفـاطـيـح *** ولا يذبـح الا مـن الكباش السمينـه
ينفـق حلاله بالمساء والمصـابـيح *** ولا يكترث لـو كان تفضى الخزينه
ينفـق كـرم مـا هـو تملـق وتبجيح *** ولا طاع عـن فعـل الكـرم عـاذلينـه
شهم وبشوش وعادته هبت الريح *** اليـا طالـع الهـاشل تبهـلـل جبـينـه
يتعب عـلى نيـل الفخـر والتماديـح *** مـن راس لابـه مـجدهـم وارثـيـنـه
يبهـج جـليسه بـيـن جـد وتمازيـح *** وضميره ابيض ما يعرف الضغينه
لـه مجـلس مـا غـلـقـه بالمفـاتـيـح *** مـن حـل بـه يـلـقـا وقـار وسكـينـه
شيخ قضى عمـره عـبـاده وتسبيح *** والـلـه وكـيـل الـلي تمسك بـديـنـه
يطلب من الله والي العـرش تنجيح *** بـيـوم تزوغ ابـه العقـول الرصينه
مالـه عـلى الطـرق الرديه مراويح *** ولا سـار قـدمه بالـدروب المشينـه
يا الـلـه يـا مجـري هبوب اللوافيح *** لطفـك وعـفـوك يالـولي مرتجـيـنه
يا عـالم بغـيـب السرايـر ومـا بـيح *** تعـلم جهـر عبـدك وخـافي كـنيـنـه
يالله عسى صالح عن الحق مازيح *** عـنـد السـؤال تثـبـتـه فـي يـقـيـنـه
يا رب نج الشيخ مـن صالي الفـيح *** واجعـل كتـابـه يحملـه فـي يـمينـه
وعـساه يـنهـل مـن زلال النقـاريـح *** الكوثر الـلي اهل الرضى شاربينه
عسى الخلف باهل الوجيه المفاليح *** هاك الأشبال اللي ربوا في عرينه