|
قصيدة الذود عن حسب هزاع أبا الروس
( قصيدة الذود عن حسب هزّاع بن عايش أبا الروس )
هذه الأبيات للشاعر بشيّر المطيري يعرّض برجل الأعمال المعروف هزاع بن عايش أبا الروس العنزي الرجل الذي يشيد به كل من يعرفه من الأجناب والأقراب وهو من الرجال الذين لهم مواقف طيبة في الكرم والبر والإحسان وقد أهدي له أحد معارفة ذئب ووضعه في شبك في استراحته وبدأ كل يوم يقدم له ذبيحة حتى طلبه منه أحد المشائخ فأعطاه أياه وقصة هذا الذئب لا تبرر لهذا الشاعر أن يقدح برجل فاضل من رموز عنزة قال الشاعر بشيّر : يا ذيـب يـالـلـي دقـقـولـك مـنـاسـيـب *** شـرواك مـا تـرضى عـليـه الأهـانـه الشيـخ يـا هـزاع مـا يـسجـن الـذيـب *** مفـروض يطلع وأنـت تبـقى مكـانـه سبع الخلا في حوشكم جـاه تـعـذيـب *** أسـيـر عـنـدك يــوم غــّره زمـانــــه فـكـه ورزقـه يـعـلـمـه عـالـم الغـيـب *** ربٍ خـلـق خـلـقـه عـلـيـٍم بـشـانــــه ولا أنـت رزقـك بالحفـر والسراديـب *** تـاخـذ عـلى فـتح المجـاري ضمـانـه أبـن سعـيّـد فـاز بـه منـقـع الـطـيـب *** عـشّـاه كـبـش يـوم سـمـع أعـويـانـه الـشـمـري كـسّـاب كـل الـمـواجـيـب *** ولا أنـت في دارك حـصـل لـه لعـانـه واليـوم تـبي المـدح في شمّخ النيـب *** تعـرض على الساحة وتعرض بدانه وقلت هذه القصيدة وهي نصيحة لصاحب الأبيات وبذكر مآثر الرجل الفاضل هزّاع بن عايش أبا الروس الدهمشي العنزي : قـال الـذي رتّـب مـبـاديـه تـرتـيـــــب *** وسجّـل سطـور القـافـيـة فـي بنـانـه بـديـت أركـبّ جـملـة الـشعـر تركيـب *** أنـظـم جـزيـل القـاف وأفهـم أوزانـه من صافي النقروح عـذب المشاريب *** أنـهـل قـراح الـقـيـل وأتـرك سـيـانـه هذبـّت منظومي عـن النـقـد تهـذيـب *** والشخص تعرف سيرتـه من اقـرانه أرسـلـت لـبـشـيّـر بـيـوتـي مـنـاديـب *** عـسى عـن الأجـواد يـمسك لـسـانـه مالـه عـلى مخـلـوق ربـي مطـالـيـب *** والـفـاهـم المـدرك عـلـيـه الـمـيـانـه الرجل يخطي بعض الأحيان ويصيب *** ويستخـدم المعـنـا بـعـقـل ورصـانـه والهـرج من غـيـر الحقايق طباطيب *** ولا خـيـر بـالـلي مـا كـلامــه تـقـانـه تلقـا مجـال القـاف شـرقٍ وتـغـريـب *** لاشـك لا تـفـتح عـلـى الـقـدح خـانـه القدح يخرب بين الأصحاب تخـريـب *** وحكي الخطأ مـا جـاز تنشر أعلانـه الـنـاس مـا تـقـبـل مـسـبّـه وتـأنـيـب *** والحـلـم مـن بـعـد التـمـادي جـبـانـه الـنـار تضـرم بالعـطـب والمشاهيـب *** والـرجـل يـا بشيّـر لسـانـه احصانـه عندي عـلى ما قـلت بالشعـر تعقيـب *** وضحّـت لـك والـقـول تـفهـم بـيـانـه وضحـت لـك قـافـي ولابـه شـواذيـب *** والـقـيـل قـصـده يفهـمـه تـرجمـانـه شـرواك مـا يلـفـظ مـسبـة وتهـزيـب *** مـادام تـوصـف بـالـذكـا والـذهـانــه شاعـر وعـنـدك بـالـقـوافـي أساليـب *** شاطـر لـسـان ولا بـعـقـلـك سـكـانـه لـيـتـك عـن الطـيّـب تجنبـت تجـنيـب *** وخـلـيـت سـبّـك لـلـردي والـهــدانـه سب الـذي يبـرم عـلى الناس وأيليب *** مـا يستحي وجـهـه تـقـل سختـيـانـه وسب الهـذور مشطّب النزل تشطيب *** الـلي جـمع خسّـه وخـبـث وعـفـانـه وسـب الـذي يـوم اللـيـالي شلاهـيـب *** لـو كثـر مـالـه مـثـل عشب الـدمانـه ولا تشمـت الطيّـب قـلـيـل العـذاريـب *** لـو قـلت هـرجـك ما يـهـزهـز كيانـه هـزاع يـا بـعـده عـن اللـوم والعـيـب *** رب الـمـلأ مـن كـل عـذروب صـانـه أبـو فهـد يـبـعـد عـن الشك والـريـب *** عنـده عـن هـروج المسبـه حصانـه يـامـا عـنـالـه مـعـوزٍ فـارغ الـجـيـب *** أنـعـم عـلـيـه وعـاد يشكـر احسـانـه من جـود كـفّـه مـا حصاه الحواسيب *** يـبـذل وربّـه سـامـك العـرش عـانـه يـامـا عـطـأ مـن زاهـيـات الدبـاديـب *** وزمـل فـحـولـه مـا تـغـالا اثـمـانــــه تـشهـد بـطـيـبـه لابـتـه والأجـانـيــب *** والـكـل يـبـدي لـلـكـريـم أمـتـنـانــــه وضّف عـلى جـزر الذبايح قصاصيب *** فـي كـل يـوم الحيـل يـذبـح اسمانـه يـبـدي لـمـن زاره تـهـلي وتـرحـيـب *** تـبـهـلـل حـجـاجـه وتضحـك ثـمـانـه خدمة وطن سهّـل جميع المصاعيب *** مخلص ضميره مـا يعـرف الخيـانـه ساوى الطعوس النابيـة والحـراديـب *** ومشى عـلى الخطـة بصدق وأمانـه عـلـى الخـرايـط كـان دق المنـاسيـب *** يـودع تـضـاريـس الفـيـافـي لـيـانـه أبـو فـهـد يـعـتـز فـي شـمّـخ الـنـيـب *** مـنقـيـتـه شـاق الـنـظـر ويـضحـانـه اللي أرخص أمواله بحرش العراقيب *** وضـحٍ تـلالأ مـثـل لـون الـجـمـانــه الـبـل لـك الـلـه لـلـبــوادي مـراكـيـب *** هي باص من سافـر وهي سبرمانـه مـن دونـهـا يثـنـون عصم الأشانيـب *** يـوم الشلافي تـقـل جـلـد اسـطـوانـه بـاسبـاب نـاقـه فـتـك جساس بكليـب *** صـابـه سهـم نشّـاب مـن خـيـزرانـه أبـو فـهـد هـزأع ريـف الأصـاحـيـب *** والـنـعـم بـعـيـالـه وجـمـلـة اخـوانــه حـرٍ يـشبـب مـن تـنـصّـاه تـشـبـيـب *** فـعـلـه هـو الـلي عـنـد الأجـواد زانـه مـا يـنـزل ألا بـعـالـيـات الـمـراقـيـب *** يـرقـى الـعـوالي مـا نـزل بالطـمـانـه ومكـازي الـلي نـال بالـذيـب تـلـقـيـب *** جـاد ورفـع بالطـيـب قـدره وشـانـه أبـن سـعـيّـد بـالـكـرم لـه مـجـاذيــب *** والغرس تنمي من جذوعه أغصانـه خـوالـه الخسـران هـم منـقع الطيـب *** وبـه عـرق مـن والـد عـدي وسفانـه وهـزاع ذيـب وطـاب لـه خـوة الذيب *** يـامـا تعشى الذيـب مـن حيـل ضانـه سبـع الخـلا لـه بالصحاري تجاريـب *** بالقيـظ شـوب وبالشتـاء هـرمـزانـه ياما هرب من خوف دعس الدواليب *** ويـامـا سمع صـوت المشوّك بـذانـه من عقب ما يطنّب من الجوع تطنيب *** فـاخـت هـريـفـه بالـخـلا واعـديانـه كـان بـمـغـاره بـالـتـلاع الضنـابـيـب *** يستنشق الجـيـفـة وريـحـة اصنـانـه وصار بحديقة عن سموم اللواهيـب *** وأرتـاح مـن حـوف الغـنـم بالشنانـه عـنـد المطوطح ماعلى الذيب تثريب *** مـاه وطـعـامـه تـنـقـلـه مـعـربـانـــه تـكـفـلّــه حـتـى غــدالــه لــغــابـيــب *** حـبـاه فـي عـطـفـه وفـاز بـحـنـانـــه لو تنشده يعـرب عـن الشكر تعـريـب *** حيـثـه بـعـز ولا حـصـل لـه مـهـانــه الـوايـلـي طـوّع شـطـيـر المخـالـيـب *** لا شـافـه السـرحان جـتـه استـكـانـه ربـعـه بـني وايـل عـطاب المضاريب *** يـوم الـفـرنـجـي ثــايـرٍ جـبـخــانـــه فـي ساعـةٍ راس الفتى ينقلب شيــب *** والـريـق بحـلـوق الـفـوارس ذنـانـه نـالـوا فخـرهـم بالسيوف المحـاديـب *** حـد الحـدب يـروون شـذرة اسنـانـه أفـعـالـهـم فـوق الـجـيـاد الـمـهـاذيـب *** يـوم الرمـك بالكون تـرخي عـنانـه فـازوبـهـا يـوم الـنجـايـب جـنـاديــب *** فـوق الهجين الـلي يـكـّرب ابـطـانـه ماراعهم من صولـة الخصم ترهيـب *** حـتـى الـذي مـعـهـم مـدافـع ودانـــه التـرك جـوهم فـي تلطـف وتـرغيـب *** وتـشهـد بـفـعـل جـدودهـم تـركمـانـه أولاد وايـل تـنـطـح الجـمـع لاهـيـب *** يـوم الـقـبـايـل مـا تـعـرف الـديـانــه والـيـوم مـا ياجـب تحـيّـز وتعـصيب *** تـبـنـا وحـطـيـنـا السـهـم بـالـكـنـانـه حـنـا بـزمـان يطـرب البـال تطـريـب *** مـثـل الـربـيـع الـلـي زهـا ديـدحـانـه نمشي عـلى منهـاج حكـم المعـازيب *** وزال الـزمـان الـلي عسيـر امتحانـه الـلي نصبوا عـلى الـرعيـة مناصيب *** ولا يـربـح الـلي عـادل الشـرع دانـه |
ونعم ونعم ونعم بك وبا أبو فهد والحاسد المغتل خانه لسانه ..
وهو لا يمثل إلا نفسه وعقليته هداه الله فياليته عن مثل هذا الكلام أحجم ولم ينطق به .. ولا له فخر بفعل بن سعيّد الشمري معشي الذيب إن أتى للفخر مجالاً ، وقد خاب وخسر في توظيف هذه النقطة التي تحتسب ضده وليست له زيادةً على ما أتى به من سيء القول والوصف ، وهو بذلك يريد أن يجد لنفسه مخرجاً حتى وإن كان عن طريق زرع الفتن، وقبيلتا عنزة وشمّر عينان في رأسٍ واحده ولهما مكانتهما التي لا يستطيع أحدٌ أن يجترئ عليها ولا يحل قربها وهما نصاب المجد وسنانه، والمفترض به أن يفخر بشخصه وبأفعاله هو حتى دون أن يستند إلى أمجاد قبيلته مطير والذين لاشك أن رجالاتها وعقلائها لا يجيزون قوله هذا قطيعاً هداه الله ، والشيخ هزاع إبن عايش رجل معاصر له ولا يصح له قول ما قاله كما وأن الكرام لا يجيزون مقاله هذا نهائياً.. وصح لسانك وبنانك طال عمرك حتى ترضى ويا نعم والله بسواعد لحيتك يا أديب قبيلة عنزة وشاعرها ولا هي غريبه عليك التصدي لمن يتعرض لأي شخص من قبيلة عنزة ولك الباع واليد الطولى في هذا المجال أعزك الله .. وعساه ما هو رضا بن طارف يوم وصف الإبل حين شافها مقيده وسجينة بالأحواش بعد أن كانت ترعى في كل مرعى ، فهو من عرف كيف يصخّر القيفان .. فبارك الله فيك وأعزك الله وهدى الله الشاعر الذي لم يجد صياغة القيفان بغير هذه الطريقة المستهجنة بين جميع أبناء القبايل ولا يقبلها أي عربي . |
بيض الله يا أبا مشعل ،،
وكتب الله لك بذودك عن أخيك ما يدخلك الجنة ،، فالذود عن الآخرين من العبادات التي تكفر بها السيئات ،، وأبو فهد أهل لما ذكرت ،، وحال أبي فهد يذكرني بأبيات لأبي العلاء المعري يقول فيها : ألا في سبيل المجد ما أنا فاعــــــــــــل *** عفاف واقدام وحزم ونائل وإني وإن كان الأخير زمانــــــــــــــه *** لآت بما لم تستطعه الأوائل وإني جواد لم يحل لجامـــــــــــــــــــه ***ونصل يمان أغفلته الصياقل فوا عجبا كم يدعي الفضل ناقـص *** ووا أسفا كم يظهر النقص فاضل وطال اعترافي بالزمان وصرفـــــه *** فلست أبالي من تغول الغوائل بيض الله وجهك ووجه من تذود عنه في الآخره كما رايتك بيضاء ومن تذود عنه في الدنيا ،، |
اردى فعايلك ياابو مشعل لاهنت على هذه النصيحه التي ارجو ان يستفيد منه الاخ بشير وغيره والله انك ابدعت
يلوموني بغلاك الله يحفظك ويلبسك ثوب العافيه يادرع عنزه |
بسم الله الرحمن الرحيم
شاعرنا الكبير والقدير والباحث الاديب / عبد الله بن دهيمش العبار ..أمسي عليك بالخير .. وعلى جميع رواد المنتدى من مراقبين واعضاء وزوَار .. شاعرنا الكبير / صح لسانك لين ترضى وبيّض الله وجهك يابو مشعل أن أشهد أنك وافي أخي أبو مشعل لقد عاملت هذا الشويعر بأخلاقك الدمثه الحسنه كما عهدناك أطال الله بعمرك وليس بأخلاقه لعل هذا الشويعر يرجع الى صوابه ويعتذر لانه ظلم حظه .. ليته يتمعن هذا الشويعر بقول الله عز وجل [ مايلفظ من قول إلا لديه رقيب عتيد ] وليته يتمعن في قول المصطفى الكريم [وهل يكب الناس على وجوههم في النار إلاحصائد ألسنتهم ] وليت هذا اللخيمه يدرك عواقب السب الوخيمه .. الـنـار تضـرم بالعـطـب والمشاهيـب *** والـرجـل يـا بشيّـر لسـانـه احصانـه ابو مشعل والله العظيم أنك أعطيته درس في الأخلاق لله درك .. أبالروس محشوم أيها الكريم إبن الأكارم .. بيّض الله وجهكـ .. يابو مشعل . |
بيّض الله وجهك يابو مشعل عز الله انك كفيّت وو فّيّت
وابو فهد رمز عنزة في كل المحافل والبطولات ويبطي خامد الذكر ما ياصل للذره من كرمه وطيبه اللي سمع عنه القاصي قبل الداني والمفروض مانكتب بيت واحد بعد هذا الشعر البليغ يابو مشعل لكن اسمحي بكم هالبيت كان انت يابشيّر تحسّر على الذيب /// ليّن هرجك يالحصيني عفانه لو انت قايل ياملا شوفوا الطيب //// يالثعلب اللي كل مضمون خانه هزاع اسد والا انت زحّاف بجنيب /// و تكريمك تراب وحصاه ودفانه هزاع اسد مايترك اهل المواجيب // والذيب منهم ياقليل الفطانه ما يلحق المطنوخ شكٍ ولا ريب //// الوايلي دايمٍ وسيعٍ بطانه |
لا هنت ((يادرع عنزة)) وافي يابو مشعل وما اقول ( ألا ليت ربعي يعون)
والله يعز حكامنا ويديم علينا نعمة الامن والامان وإلا مثل هالرويبضة مايحكي |
صح لسانك ياابو مشعل على القصيده الطيبه وابو فهد الشيخ هزاع ابا الروس يستاهل المدح والطيب ويزهاه حيث ان الكل يشهد على طيبه من جميع القبائل ولاهمنا من ينبح نباح الكلاب مثل ماقال المثل (( القافله تسير والكلاب تنبح ))
من حر ماشافوا بالمهرجان من طيب وكرم عجزوا يصيرون مثل ابو فهد وبدري عليهم (( العنوز كنوز )) يالمطيري |
الله أكبر
قمه الشعر هنا وهنا الوفاء مع الاصدقاء وابو فهد يستاهل المدح ولا يسبه الا الناقص بيض الله وجهك يابو مشعل ووقت الصحيح لايقف سواك أعجز عن الشكر |
هـزاع ذيـب وطـاب لـه خـوة الـذيـب = يـامـا تعشى الذيـب مـن حيـل ضانـه كـان بـمـغـاره بـالـتـلاع الضنـابـيـب = يستنشق الجـيـفـة وريـحـة اصنـانـه وصار بحديقة عن سموم اللواهيـب = وأرتـاح مـن حـوف الغـنـم بالشنانـه تـكـفـلّــه حـتـى غــدالــه لــغــابـيــب = حـبـاه فـي عـطـفـه وفـاز بـحـنـانـــه لو تنشده يعـرب عـن الشكر تعـريـب = حيـثـه بـعـز ولا حـصـل لـه مـهـانــه الـوايـلـي طـوّع شـطـيـر المخـالـيـب = لا شـافـه السـرحان جـتـه استـكـانـه تسلم يابو مشعل وليست غريبة عليك هذا ابو مشعل كما عهدناه . وهذا بشير المطيري بذي لسان حتى ربعه لم يسلمون من لسانه . وطريقته مع ابالروس هو تقليد لــ حنس الشغار العتيبي وصاحب محطة بنزين من قبيلة حرب .قبل 25 عام عندما قال . والا نترك الابيات لــ انها تسيء لقبيلة حرب العزيزة . |
برزان ماهو بانت لو قيل بـرزان
==========واللي سكنبـك ماتطابـق فعولـه برزان في حايل على دور الازمان ==========قصر الرشيد أهل الكرم والبطولـه اللي لهتاش الخلى ضيفهـم بـان ==========كلمت هـلا قـدام تبـرك ذلولـه سجلهم في صفحة المجـد عنـوان ==========ونعم الرجال ونعم هاك الحمولـه هذه قصيدة سب بها اهل هجرة برزان بالقرب من جراب وهم مطران من جماعته . |
الأخوة الكرام شكراً لكم جميعاً على تفاعلكم مع هذه القصيدة وبخصوص هذا الشاعر فقد قابلته ذات مرّة وعرفت عنه أنه ذكي لأبعد الحدود ولديه حفظ للشعر ولكن الرجل الذي لا يمنعه ذكاه عن القدح بالناس فأنه مخطي لأن الناس لها مشاعر ولها كرامة وكل رجل يبدأ بفتح باب يسبب التنافر بين الناس فهو ليس على حق والشعر سلاح ذات حدين فالرجل الذي يستخدمه لمسبة الناس بمجرد أن فلان ما أنتبه لي أو ما ذبح لي فهذا شناه غير مقبولة لأنه ليس وكيل على خلق الله أما الرجل الذي يتعرّض ويظلم ويزوّر ويكذب ويحرّض ويفرّق شمل القبيلة ويقدح دون وجه حق مثل ما حصل لي من بعض الحاقدين والحسّاد من بعض قومنا المحسوبين على القبيلة كما يعرف الجميع فأن هؤلاء هم الذين يستحقون المسبة لأنهم أهل لها
أما الرجل الفاضل الذي من خصالة أنه لم يسيء لأحد وأن ما عمل خير ما عمل شر وله مواقف وهو كريم وشهم وقد عرف على مستوى قبائل المملكة وله فضل بعد الله على الكثير وهو ممن ساهم في تمهيد الطرق الضخمة وليس كما قال يشتغل بالمجاري وأني أعرف هذا الرجل منذ عصر أم سليم بالرياض قبل أربعة عقود وعندما رزقه الله ووفقه فهو يستلم مشاريع طرق وفي كل منطقة يشتغل بها يضع بالكنب مضيف وعنده رجال يكلّفهم بستقبال الضيوف ويكرمون الوافد ويحفر بير ويبني مسجد ومجمع وعندما ينتهي مشروعه ينسحب ويترك البير والمنشآت ومكاين الماء والكهرباء هبة لأهل المنطقة الذين حول المشروع وكذلك عندما يمر المشروع بالقرب من مزارع أو محطات ويطلبونه أهل المزارع فهو يزفلت مزارعهم على حسابة وكذلك يأتونه أصحاب الحاجات وينفق على الجمعيات والمساجد وبيته واستراحته وشركته مفتوحه لكل وافد وعنده خفة نفس وتواضع وقيل به من المدح آلاف القصائد من شعراء يصفون كرمه وهو رجل مثله تعتز به القبيلة ومع هذا لم يجد عليه هذا الشاعر ألا أنه أحتفظ بذئب وقد عيره بعمله وعمله مفخرة للوطن والمواطنين وهو خدمة للجميع وليس هو عيب لذلك فأنني قلت هذه النصيحة |
بيّض الله وجهك يابو مشعل عز الله انك كفيّت وو فّيّت
وابو فهد رمز عنزة في كل المحافل اخوك برق الشمال |
اخي العزيز ابومشعل بارك الله فيك وصح لسانك يادرع عنزة
|
صح لسانك يابومشعل ويسلم كل الشعراء الذين ردوا
تقبل تقديري |
ملاحظة تم نقل القصيدة بالموقع بعجالة وقد سقط منها ثلاثة عشر بيت وللمعلومية فأن ما كتب بالخط الأسود هو الذي نقص من القصيدة في طبعتها الأولى حيث بلغت سبع وستون بيتاً أسأل الله أن أكون قد وفقت لما يرضي الجميع دون التعرض للرجل الذي أنزلق به قدم فتعرض لهذا الرجل الفاضل وللمعلومية فأن قصدي من أطالة هذه القصيدة لقصد استهلاك القافية لعل الأخوة الشعراء يكتفون بما قلت ولا يحصل مهاترات حيث أن هذه القصيدة عبارة عن نصيحة وأشادة |
صح لسانك يابوي الله يطول بعمرك ما قصرت فيه الله يجازيه |
صـــ ح لـــسانك يابو مشعل والله انك كفوو ياشاعرنا الغاالي
لــك كل الاحـــترام |
أبيات متواضعة للذود عن هزاع الروسان (( أبو فهد ))
قلت هذة الأبيات ذود عن أبو فهد علماًبأن أبومشعل قام بالواجب ولاكن فقط تعبير عن الشعور أتجاة الروسان لما له من مكانة عند جميع ربعة بني وائل .
بسم الله أبدا وأبتدي بـالـمــكــاتـيـب *** ذودن عن الروسان عال المكانه السالفة ماهي بــــترويج أكـــــاذيب *** و الشعر فيها مـطلـقـيــنً أعنانه عندي على بشيرمن القـول تـعــقـيـب *** اللي يـدورشـهـرتـه فـي زمــــانه قولك على الروسان مافـية تصـويب *** و أبو فهد مـانـزل الــســب شـأنـه أبو فهد يـوم اللــيــالــي شــلاهــيــب *** يفرح به اللي ذاق لـوعــة زمـانه يمشي بعـز ويشمخ الرأس بالطـيـب *** ما زلزلت بعض الـسـوالف كـيـانه وتلقى صحيح العلم لـوتنـشد الـذيـب *** كم ليلتن عشـاه مـن حـيــل ضــأنه ان طعتني مالك ومـال الـنـواشــيـب *** و السب ماله يـابن الأجــواد خـانه قبيلتك حمر الــنــواظـرمـعــاطــيــب *** وكل الـقبـايل مــارضــت بـالأهــانه ومن غارحط براعي الطيب تـثـريب *** دايـــم عـلـيـة يــحـد شـذرة لـسـانه لا واصلن قــدره ولا فـيـة تـوجـيـب *** يمشي طريق الـمهـزلة والـمـهـانه وهزاع لو دورت مـاتـجـد الـعــيـب *** يضفي على من جـاه زايـد أحـسـانه عن الردى عذاه من يعلـم الـغـيـب *** الـوايلــي مــن جــاه ينــصــاه عــانه و صلوا عدد ماتطلع نجوم وتغـيب *** على الرسـول اللي صـدق بـالـديـانه أخوكم / فـرج بن عـودهـ الـجـعـفـري ..أبوهديل .. |
بيض الله وجهك يابومشعل ولا هي غريبه عليك ولك كثير من المواقف لن ينساها رجال عنزه الشرفاء وطول الله بعمرك وعفاك ربي |
عاداتك ياشاعر الويلان= الشاعر اللي يهابونه مخافة الله مع الايمان =وتواضعه هوسبب عونه |
صح لسان الشاعر أبو هديل الأخ فرج بن عوده ولسان الشاعر عبدالله سمير أبو ثامر ..
كفو عز الله ويستاهل بن روسان .. وأبو مشعل أهل للشكر والثناء ولا نستغرب وقفته المشرفه ودفاعه المنصف فهو في مثل هذه المواقف جميع وايل يعرفونه .. وتقبلوا إعجابي وتقديري .. |
صح لسانك يابو مشعل وماقصرت والله صح لسانك ياابو مشعل على القصيده الطيبه وابو فهد الشيخ هزاع ابا الروس يستاهل المدح والطيب ويزهاه حيث ان الكل يشهد على طيبه من جميع القبائل
المدح في هزاع ماضن يكفيه *** لو جبت انا من طيبات المثايل |
بعد السلام والتحيه الصادقه للجميع هنا .. شاعر عنزه والرجل الفاضل الذي نشهد ويشهد كل منصف لذاته انه قدّم ولازال يقدم مالاقدمه احدٍ غيره .. في جميع المواقف التي تتضح فيها معادن الرجال .. فـ قبيلة عنزه عامه مدانه لهذا الرجل ويحق لها الفخر بمواقفه المشرفه وليس قبيلة عنزه فقط بل التاريخ العربي والكلمة الأدبيه تفتخر به ..الرجل الذي ناجده بالواجهه في كل ماهو نبيل ومشرّف قبل ان يفيق البعض من سباته .. ذلك هو : عبدالله بن عبار .. اطال الله في عمره وابقاءه ذخرا وفخرا .. لايوجد عندي اضافه سوى الشكر والتقدير لهذا الرجل .. وماكتبه هنا ردا على الشاعر بشيّر المطيري موقفٍ لايستغرب منه .. والشاعر بشيّر المطيري لم تكن المره الأولى التي يتطاول بها على الأوفياء امثال هزاع ابالروس فهو صاحب سوابق بهذا الجانب .. وقد تم تجاهل هفواته السابقه وتصرفاته التي لاتصدر الاّ من ناكر جميل .. وهو معروف بهذه الاساليب الغير سويه ولايقدم عليها الاّ من جًبل على الجحود والنكران .. ورغم ان الشيخ هزاع ابالروس وسيرته التي يعرفها الجميع أكبر من أن نلقي اهتماما لمثل هذا المتطاول الا أن ردعه واجب .. وقد كفيت ووفيت يأبو مشعل .. وحقيقه انني لم أعلم بقصيدة بشيّر الاّ بالامس .. وعندما سمعتها .. كتبت "رد " سوف يكون في هذا القسم بأذن الله تعالى .. شكرا لك يا بو مشعل .. ودمت ذخر .. |
ابومشعل
بيض الله وجهك كفيت ووفيت , وهذا ليس غريب عليك دائم موافقك مشرفه والشيخ هزاع يستاهل المدح جملنا ولاقصر تقبل مروري |
الأخ الزميل الشاعر صالح الضويحي العنزي حيّاك الله وأنت من الرجال أهل الحمية والنخوة الوائلية ومثلك من يعتزابه وبخصوص أخينا بشيّر بن مناور المطيري فهو قد أنزلق به قدّم فتعرض لهذا الرجل النبيل بكلام لا يجب أن يقوله لأنه تذّرع بذيب والذيب لم يلحقه ما يقول بل أنه ظلم وقد نصحناه وكما يقال ( العاقل خصيم نفسه ) ومع الشكر الجزيل لقد تذكرت قصيدتك الجميلة التي وجهتها لي وطاب لي أن أنشرها مع ردها
قال الشاعر صالح بن ضويحي العنزي هذه القصيدة بمناسبة تكريم زميله عبدالله بن دهيمش بن عبار من قبل ماتقا مثقين قبيلة عنزة : جل شان الخالق اللي على خلقه وكيل ***واحـدٍ معبـود ندعوه خـوف ونرتجيه كون الأنسان من طين ولهداه السبيـل ***نوره الخالق على أرضه ومنهجنا عليه سنـة محـمد ومـلـة إبراهـيم الخـلـيـل *** ملتقى الدعوه لرسله وهـديه يرتضيه باسمه أبدأ القيل وأختار معناه الجزيل *** واعتـني به مثـل مالـه بفكري وأبتديـه اعشقه وارتاح له واعشق البحر الطويل *** راهي المعنا وانا الراهي الصعب أرتهيه قالوا أن الشعر من فيض ولا غيض قيل *** والـوكـاد أنـه الهـام بتـنـاقـض حـالتيـه حقنا بالشعر حسنه وعـذب السلسبيل *** وكـل مـابـه مـن جميل وقـبيحه مـا نبيـه يحتفي به هاجسي وأدري أنه فيض نيل ***أن حضر سافر بالأحساس وأن غاب احتريه اقبلت خيله لهـا تحـت راياتـه صهيـل *** بين عشر وعشر تختال وعنايه وجيه لا تحـدث تـرجمانـه حـديثـه يستميـل *** أنـتـبـاه أصحـاب الألباب بالـلي يحتـويـه في زمان العولمه له سعة علم يهيـل *** ويحفـظ الماضي وكنه معاصر سيبويـه حطني مـابين قـدحة زنـاده والفـتيـل *** يـوم ساق أعـذب معـانيـه للفكـر النبيـه يا عزيز النفس مالك على الجاهل سبيل ***راس مالـك عـز نـفسك ومبـداك النـزيـه والحيـاه ومابها من شديد ومـن نـزيـل *** عـبـرة للمعـتـبـر عـن مصيـر مقـتـفيـه كـل ما يجمع بها العبد يصبح غثو سيل *** غيـر دينـه والعمـل بـه وطـاعـة والـديـه القـصـور العـامـره والمدايـن والنخيـل *** زينـة الدنيـا ولا أغتـر فيهـا الا السفيـه واللبـيب بكثـرة المـال مـا يغـبـط بخيـل *** الـردي يـفـرح بـمـالـه وربـه مـبـتـلـيـه خالق الأنسان في شئون تصريفه كفيل *** لو سعى ماله سوى أمراً له الله مقتضيه والرجال اصناف والساس يبقى له سليل *** ولا يجود الا من الله على الجود ايهديـه وبالـرجال معـّرب وقـفتـه تشفي الغـليل *** قبـل يبذل جهـد تكفيك ضحكت حاجبيـه وبالرجـال مجـّرب يبخص الكيل ويكيـل *** أن وفاء قالوا نعم وأن هباء ما قيل ليـه وبالرجـال مـّذرب لسان وقـليل حصيـل *** مقضي الـلاّزم ومـن جالسه يغـتـر فيـه وبالرجـال مـدّرب لا صحيح ولا هبـيـل *** صنف ثالث بين الأثنين سموه الشبيـه ولا يغث أهـل الوفاء غير جحّاد الجميل ***وش تقول اليا اغتنى وأنكر الطيب ونسيه معـك أمـانـه لا تجامـل بـراي ولا تميـل *** واذكـر أن الحـر لا قـال قـول يحـتميـه خـذ من أفعـال الرجـل لك براهين ودليـل *** وأنـزلـه بالمنزل اللي لنفسه هـو رضيـه ورافق الطيّب على ساس مبداه النبيل *** وأترك الساس الردي وش تبي به لا تجيه وفي يميني سقت باسم الوفاء فنجال هيل ***لليمـيـن الـلي تـقـدر وفـاي وتحـتـفـيـه ما نبيهـا مثل ما يقال من تحت الشليل *** كلمـة الرجال لـه تحسب أو تحسب عليه لا يغـرك من يحط برخاء الوقت ويشيل *** لـو تشوفه بالرخاء كـل منبـر يعـتـليـه لا تجلى الفجر الأبلج من بعد ساعات ليل *** فارس أيام الرخاء طاح رمحه من يديـه الشمالي لأعتـزاء قـام لـو حـملـه ثـقـيـل *** وسع صدره حـلم والمجـد ثـوب يكتسيه للخصيم أشد من صاطي الحـد النحيـل ***وللصديق أحلى من الشهد وأصفى من الجنيه والوفاء معهود من راعي المجد الأصيل *** يكـفي أن العـز ساسه وتـاجـه يـرتـديـه وعزوة نبراسها المجد جيل بعـد جيـل *** تـفـتخـر بالـوافي الـلي كلامـه ينتصيـه أبـو مشعل لا تبرى العـميل من العـميل *** أعتزا لعـيون من هو بالمواقـف يحتريه وقفته وقفت شجاع سمع صوت الدخيل *** وأنتخى واسرج جواده وشمـر ساعديه كل مدح يقال في حـق عبدالـلـه قـليـل *** لـو كلام المـدح نـوفيه شرح وننتقيـه الوفي راعي الوفاء لا أنكسر عزم الهزيل *** الشيـم هـو تـاجـهـا والمـراجـل تهـتـويـه أنشدوا معناه عن شذرة السيف الصقيل *** وأنشدوا من يصنع السيف هو ليه ايحنيه والحكيم الـلي معـانيه شهد وحنضليـل *** لـه بياض الوجـه باسم القصيد وسامعيه شاعـرٍ راعى ضميـره ولا يقبل يعـيـل *** شـامخ معـنـاه فـيـه الـدليـل لمـن يـتـيـه مثـل أبن عبـار ما اقول مثله مستحيل *** نـادراً وأقـول مثـلـه قـليـل بـما رضيـه أحتمى الماقف بيوم جرى مالـه مثيـل *** مـا تـزعـزع مـن كـلام قـبيلـه يـفـتـريـه عاش راس بالوفاء لـه براهين ودليـل *** لا مدحتـه ما أفتريت المديح ولا أدعيه كل مدح يقال في مدح عبداللـه قـليـل *** الأديـب الشامخ الـوافي الشهم النـزيـه قال عبدالله بن دهيمش بن عبار رداً على صالح بن ضويحي السلمي : أبتدي بسم الكريم الواحد الـرب الجليل *** مطـلع فـي سر عبده لـو يكنه ما خـفيه الولي منشي السحايب تروي الروض المحيل ***وأن تخالـف ديدحانـه كـل عين تشتهيه من مراهيش الغـمامه بارقـه يشعـل شعيل *** ساقه الريح وتحدر يابس البيدا غشيه وبعد ذكر اللـه نشد الجيب فـي آخـر مديل *** جيب من سيد المواتر ما يناله كود بيـه من مصانع طوكيوا جابـوه للتاجـر جميل *** منظره يغدي العماس وهيكله لونه زهيه وبعد ذكر الله نـرد لشوق منسوع الجديل *** صالح ضويحي يعله ما يرى يوم كريه وقفته ماهي غـريبه هـو أبـن عـم وزميل *** من زمان الجد الأول من يغزينا يغـزيه كنه الحـر القطامي وأن عـثا بـأول رعيل *** المشبب من قنص به كل جزل يشتويه يالسنافي لا تهـون وعسى يفـداك الذليل *** الصديق اللي نوده مـا نبيعه نشتريـه الحمول أن كان ثقـلت شيلها يحتـاج حيل *** الجمل يشيل حمله لو ثقـل حمله قـويـه الحمـول تـريـد حيص مـا تحملها فـصيل *** بس ما حصـل بليهي للمحامل نعـتبيـه من يبي بالقيض يسفر يلزمه رحل وصميل *** الوعـر دربه غثيث ما رتاح اللي مشيه لو غلطت بحرف واحد قلت أزيله بالمزيل *** ليت من هو شاف غلطه قال للغلطان هيه مار بعض الناس طبعه دايـم مرح بجفيل *** الحسود الله حسيبه دوم جهدي يزدريه مجد وتراث القبيله صار أبين من سهيل *** هو فخرنا اللي نصونه بالغوالي نفتديه ياعجب كيف الصويتي بالسبق خلف العصيل ***حصل الكاس الهليب وقام ينفض منكبيه مدحك لي وسام عـز وعندنا قدرك جليل *** كنه شعار العساكر حط من فوق البـريـه |
بيض الله وجهك يابو مشعل وصح الله لسانك على الجزله تبقى عنزة قبيلة عريقه ويبقى هزاع ابا الروس كريم ومشهود له باالطيب تقبل مروري |
درع عنزه واديبها الشااامخ شاعرنا القدير ابو مشعل لاهنت وصح السااااانك
مواااقفك لاتملك القبيله امامها الا الشكر والتقدير يعلم الله لايمكن لنا تثمين جهدك للابد فانت من جعلنا نقراء ونطلع على تاريخ هذا القبيله. بذلت الغاااالي والنفيس يابومشعل احييت تاااريخ القبيله اجتهدت ونعلم ماوجهت ولاكن ثق ثقه يااااابو مشعل ان جهدك ولله الحمد لم يذهب سدى عند قبيلة عنزه الشااامخه فانت رمز نحترمه ونقدره لرجل يخطي بعض الأحيان ويصيب *** ويستخـدم المعـنـا بـعـقـل ورصـانـه والله ياابو مشعل كاان ودي ان ابو فهد ذبح للذيب والشيخ اللي اهداه وفكه قد اكون مخطي انت تقول الرجل يخطي بعض الامراار ويصيب الف نعم ببوفهد طااالع(ن) الشك يكفي انه شرف القبيله نفتخر فيه وكل شخص غيور على هذه القبيله وهمه رفعتها احتراااامي ومودتي |
صح لسان الشاعر / صالح الضويحي
وابو مشعل يستاهل ومهما قيل من مدح وثناء وشكر وعرفان فلن يوفي هذا الرجل حقه أدامه الله ذخرا ً لقبيلة عنزه كيف لا وهو أفنى عمره ووقته وماله لخدمة القبيله والف صح لسانه ورده على الشاعر صالح الجميع من إبداع إلى إبداع تحياتي للكل |
صح لسانك عزيزي / ابو مشعل ما قصرت بهذه النصيحه للشاعر / بشيّر هداه الله . الجميع يعلم بأن الظلم والتجني على الغير لأسباب شخصيه من أسواء العادات التي يتصف بها الرجال شعراء او غيرهم ولن ينجي الظالم من الخالق العالم بكل شيئ عاجلآ أم أجلآ نسأل الله الهداية للجميـــع .. أما الشيخ هزاع ابن عايش فهو بعيد كل البعد عن القصور ولا مجال للتشكيك بصفاته النبيله أطال الله بعمره وذلك بشهادة البعيد قبل القريب.
ابو فهد يكرم جنابه عن العيب=عن الردى والنقص عنده حصانه وافي جزيلن شهم للشاره مصيب=تقصر شوارب ماتوصّل مكانه ابو فهد مافيه شكّن ولا ريب=هزاع عنوان الكرم والاعانه يشفق على الجزلات مابه عذاريب=كلن شهد في عزّته واتزانه تشهد له المطران وشمّر مع عتيب=وحرب ٍ ويام وكل راعي امانه وحنا بني وايل سواة الشواهيب=نقض روس النايفات لطمانه عدونا نسقيه مر المشاريب=يشوف منا كل ذِل بأوانه وصديقنا نحميه بين المحاديب=بعد الولي حنا عزاه وضمانه حنا هل النخوات نِعم المعازيب=بنا المروّه والكرم والرصانه نطيب لاهل الطيب حنا هل الطيب=من غير قصور بكل رجل بمكانه محبكم / نواف الشامان دمتم جميعآ بخير وعافيــــــــــــه |
| الساعة الآن 12:57 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd