|
أبيات بمناسبة رحلتي إلى الجوف وعرعر وطريف والقريات ...
بسم الله الرحمن الرحيم أثناء هذه الجوله تجلت أسمى معاني الود والإخاء لرجال من قبيلة عنزه في المناطق التي زرتها وما لقيته من حفاوه وتكريم وإشادة بجهودي المتواضعه وخدمتي لهذه القبيله التي سخرت لها كل ما أملك من مواهب منذ طفولتي إلى هذا الوقت وحيث ان التعبير عن مواقف رجال قبيلة عنزه الذي لمستها في هذه الجوله قد يصعب التعبير عنه لذلك فقد قلت هذه الأبيات أثناء مسيرتي وأسندتها إلى الرجل الفاضل (عايد بن سليمان الرشيد المشدق الطيار) من أهل القريات: زان منظوم القصيد وطاب نحتـــه ** والقريحه تملي بيوت جدايد هاض نبع القاف والمكنون بحتـــه ** ما حصى مشاعري صحف وجرايد كل ما أكتب بيت ما جاز ومسحتــــه ** مجد وايل ما يوصف بالقصايد كيف أوصف شي بعيوني لمحتـــه ** عن كرمكم يا عريبين البدايد كل منكم بالفخر عرفه ربحتــــــــه ** مسندي عضدي بحزات الشدايد يابني عمي ستار الشك زحتـــــــه ** ما نشك بطيبكم عندي شهايد قلت ياللي بالكرم بابك فتحتــــــــه ** كان تسمح ما نبي تكليف زايد كل ما جاء ضيف له كبشك ذبحته ** عادتك للضيف تقليط الموايد الصخي بذله يزود اليا نصحتـــــــه ** ما يطيع النصح حيثه له عوايد الصخي دايم يشوش اليا مدحتـــــه ** وإن نخيته عن لزومه ما يحايد يالكريم اللي كسر بيتك شتحتــــــه ** نلت فعل المرجله والطيب كايد الردي ما نمدحه لو زاد سحتــــــه ** ماكسب طوله ولا حصل فوايد من يعز النفس صار الذل تحتـــــه ** ومن تلاشت قيمته ما صار قايد تم نظم القاف والمعنى شرحتــــــه ** والقوافي مسنده للقرم عايد مع تحيات أخيكم : عبد الله بن عبار العنزي |
صح لسا نك وعتلا شانك والحمد لله على السلامه ويستا هل الشيخ عايدالرشيد وهو مجلسه مفتوح ليل نهار ومدهل للغانمين وهو كل عيد يقوم المعايدين بالقريات من قبيلة ولد على خاصه وقبيلة عنزة عامه ووجها واعيان البلد من حاضره وباديه من اهالى القريات كما يوجد بلمجلس اكثر من مائه وخمسون قصيده مدح وثناء في شصه الكريم ولدي مايثبة ذالك سوفا تجدونه في منتدى العبار عما قريب وكل الفخر يعود لله ثم لحكومتنا الرشيده وشخصكم الكريم اطال الله في عمركم يابو مشعل ودمتم ذخرأ لقبيلة عنزة عا مه
مشكور يابو مشعل تقبل تحياتي اخوكم شمالي وبكيفي |
الصخي دايم يشوش اليا مدحتـــــه ** وإن نخيته عن لزومه ما يحايد
يالكريم اللي كسر بيتك شتحتــــــه ** نلت فعل المرجله والطيب كايد صح لسانك يا بن عبار ما قصرت ويستاهل عايد بن سليمان الرشيد المشدق الطيار والحمد لله على سلامتك |
مشكور على الطرح المميز
تقبل مروري وصادق ودي ,,,,,,,,,,,,, |
الله يعطيكم العافيه
|
صح لسانك يابومشعل
وانورت هاك الديار يوم انه وطاها |
صح لسانك يابو مشعل
ويستاهلون المدح |
قواكم الله على طاعتة والف شكررررر
|
ياليت ياخالي تعطيني شوي من قصيدك بس اقول لك يالخال الله يديمك لنا
يابن عبار |
صح لسان ابو مشعل
|
|
لو جفت الأقلام من حبرها لرويتها بدمي و كتبت بأن هذه القصيدة رائعة بكل ما فيها من كلمات و معان ,,,,,,,,,
(( بنت وايل )) |
صح الله لسانك ابو مشعل
ويستاهل عايد |
الله يعطك العافية
|
صح لسانك ابو مشعل وتسلم على القصيد ه الطيبه
|
صح لسانك ابو مشعل وانت رجل تستاهل ونعم بالاخ عايد وهذي عوائد قبيلة عنزة دائم تتسابق على الطيب وكسب الافعال الطيبة وعساهم على القوه
|
الله يحفظك يا ( شاعــــر عنـــــــزة ) |
حذف حيث أنه مكرر والقصائد بالصفحة التالية
|
( ومن قصائد الرحلات أهدي للقراء هذين القصيدتين ) * وقال عبدالله بن دهيمش بن عبار العنزي هذه القصيدة يسند على حران بن عشوي البدري ويثني على رجال من قبيلة عنزة الذين حظي بلقائهم في ضواحي شعبة نصاب ورفحا وعرعر وطريف وسكاكا الجوف والقريات : يا وايل أكتب قيـل ما فيـه تصحـيـف ** سجل روابع خافقي وانقش حـروف خـط الكتـاب وغـلـف الخـط تغـليـف ** واليا ختمت القـاف حطـه بمظـروف أكتب صدى فيض المشاعر بتلطيف ** من جـم فكري خاطري حافها حـوف زان المجـال وطـاب نظـم التصانيف ** عـذب المعاني صغتها ما بها جنوف مـن فـن بـدع القـيـل ولفـت تـوليـف ** مـتـفــقــده لا يـنـقــده كـل مـنـقــوف جانيه مـن ورد الفـياض النـفـانيـف ** نفح العبيراللي من الروض مقطوف ما قـلت منظومي بهافي السراجيـف ** اللي خياله غـض والخصر ملهـوف أسنـد عـلى حـران ريـف المهاجيـف ** قـلبه لفعـل الطيب مغـرم ومشغـوف ما عـند أبـو نايف تكاسـل وتسويـف ** بتوصيل خـطـي للشغـاميم مكـلـوف وده لستـر المحـصنـات الغـطـاريـف ** الربع الـلي لهـم جـمـايـل ومعـروف أظهر ثناء الأجواد من دون تحريف ** أولاد مشـجـع بالمـراجـل بهـم نـوف وبـاقـي ضنـا عـنـاز ما هـم لفـاليـف ** مهما نشيد بمدحهم مـا بها حسـوف مـا أريـد أفـنـد كـل واحـد بـتعـريـف ** الشـكـر يـشمـل كـل الأجـواد لفـلـوف ولو أبي أعد شخوصهم قيل تهديف ** أخـشى يـقـال فـلان وفـلان محـذوف ومن لا ورد طاريه ما قلت به حيـف ** مـا أسبهـم والكـل بالفعـل موصـوف نعـم بهـم من شعبـة نصاب لطـريـف ** لـبــلاد دومــة لـلـقــريـات لـلـجـوف صافيـن مـا فيهم عـفـون وهـذاليـف ** ولا طـب مجلسهـم دويـني وملقـوف بيض الوجيه أهل القلوب المواليـف ** زاكيـن ما فـيهم مناحـيس واجلـوف حاولت أوصف كل ما شفت توصيف ** وأصور اللي تشبح العين واتشـوف جيـت الـذي عـلى المراجل مزاهيـف ** بين الحفر ونصاب في بـر مكشوف الـربـع الـلي مـا يكرهـون التكـاليـف ** كـل يـوم يأتـيهـم مساييـر وضيـوف الـربع الـلي مـا حسبـوا للمصاريـف ** لأجل الكرامة فدعوا ببيض الصوف عـزاه لـلـي يصالـن الـقـدر بالصيـف ** يطهن طعام ضيوفهم ما يقـلن أوف عمـار يا كسـور المروبـع مشـانيـف ** يزمي بعـالي الحيـد كنـه عقـرقوف وعمـار يا صفـر الـدلال الـمهـاديـف ** فنجالهن يصبغ كما خضاب هانـوف أنا أشهد أني عندهـم طـاب لي كيـف ** رايتهم البيضاء عـلى راس قفقـوف يا زيـن مجلسهـم اليـا هبهب الهيـف ** يجلي عن الخاطر ثمانيـن صـادوف من ضافهم يلقـا حـفـاوة وتـشـريـف ** ويصخون بالبلجيك وكلاش النكوف فوق الصياني صفـوا الحيل تصفيف ** وذبح الهرافي عندهم صـار مألـوف لكـن بهـم ذارب اليـا جـاهـم الضيف ** يصبح أسيـر بـدارهـم تـقـل موقـوف لـومـا جـبـرنـاهـم بكـثـر المحـالـيـف ** ما يعذرون الضيف لو عنده ظروف ثـم انـتـويـنـا لـلـسفـر دون تـوقـيـف ** عـقب العتيم سـراه والليـل منصوف جينا أهل عرعر بالفخر فعلهم شيف ** وعـن زايد التكليف رفنـا بهـم روف رجـالهـم لـو يـاخـذ الـديـن تـسلـيف ** مابه عن الواجب تهاون ولا عزوف والـلي اعتـذرنا لـه مرافـة وتخفيـف ** غير السلام وشوفهم مالنـا اشفـوف ومن عندهم سرنا لحفـل الزوافـيـف ** وبصويـر لاقـونـا طوابيـر وصفـوف لابـة هـل العـليـا كـبـار المضـايـيـف ** النجـر يضبح والـمعـامـيـل بـرفـوف اللابـة الـلي يعــطـرون المـراهـيـف ** يـوم المـقـمـع والـفـتـايـل ومسقـوف اللابـة الـلي تـردع الخـصم بالسيـف ** صمع القلوب أيمانهم للعـدا احتـوف اللابـة الـلي جمعـهـم للعـدا أيـخيـف ** اليا ثارت العليا غـدا النـور مكسوف اللابـة الـلـي مـا تـطـيـع الأراجـيـف ** بالكون ما يطري على قلوبهم خـوف وأن ثار عج الخيل مثـل العـواصيف ** الجـمع الـلي قـدامهم شالـه الطـوف حالوا على اللي مقـط الناس بالليف ** ورجع معيف مخبـث الفـال مدغـوف وقـت اللقـاء تقـفي عـداهـم مناكيـف ** والـلي غـزاهم عـاد بـالخـام ملفوف تركي على كبود المعـادي مراضيف ** وتسقي العدا سم العرابيد واحضوف ريف النضا حامين عوج السراعيف ** يـوم الـركايـب قافـلة كـنها خشـوف عـاداتـهـم ذبـح البكـار المـزاغــيـف ** وببيوتهـم تشبع مساكين واضعـوف وعقب الوناسة والطرب والسواليف ** بالحفل اللي ما به مزامير وادفـوف سرنا على اللي كن جوه هوا جنيـف ** لطريف نسنـاسه ذعـاذيـع نـفـنـوف وجينا على اللي ما تجيهم صواديـف ** يستاهـلـون الـنعـم مثـني ومـردوف للضيف والجيران صاروا كما الريف ** الكـل منهـم باسـط الـراح واكـفـوف مثل الحرار الـلي بروس المشاريـف ** مـن هـد خـلا الريش بالقـاع منتوف طبـع الكـرم حطـوه مهنـة وتوضيف ** حيث الشرف موفور والمال متلوف أعـتـز بالـلي طيبهـم لـيـس تـزيـيـف ** ومـن لا اعـتـز بلابـته بألف ذالـوف ولاني بحـال أهـل العـلـوم التفـاتيـف ** الـلي مـذاهـبهـم عـلى عـدة صنـوف شيـن الضميـر الـلي بقـلبـه لغـاليـف ** صـداقـتـه بالـدلبحـه درق وازحـوف الـلي يـدرفـع صـاحـبـه بالـمهـاييـف ** وعـن المعـادي ناظره تقـل مطروف تمـت وصلـوا عـد مـن داج بالخيـف ** على الرسول عداد ما هب عاصوف * وقال عبدالله بن دهيمش بن عبار العنزي هذه القصيدة يوصف بعض مشاهداته أثناء زيارته لشعبة نصاب ورفحاء وعرعر والجوف وطريف ويشيد بكرم وحفاوة رجال عنزة الذين حظي بلقائهم أثناء تلك الزيارة معبراً عن مشاعره بالثناء والوفاء لذلك الرجال ويذكر أسماء الكثير منهم ويعتذر لمن فاته ذكر أسمه ويسند على عواد بن شعيّب : بسم الكريم انظم من الشعـر قيفـان ** واكـتب عـذيـات المعاني بقـرطاس وأعـوذ بالرحـمن مـن كـل شيطـان ** مـن عاذ بالرحمن ما جاه وسواس قم يا نديب أركب على جيب نيسان ** مديـل واحـد لـون بديـة تقـل مـاس تـوه وصل من طوكيو صنع يابـان ** جابوه للمعرض على شارع انكاس ما فـيه ذارب كـود غـلوه بالأثمـان ** لو كـان تصرف قيمته عبـت كياس عـز الطلب ما هو مهرقـل وخربان ** هو منوت اللي راح زاير وعساس يقطـع مهاميـه الـوعـر والسمهدان ** ويبوج عسرات الفيافي والأطعاس تبـارك المـولى تـقـل روج شـيهـان ** عسى الولي يحميه من كل لـولاس من يركبه مـا نـاد لـو كان سهـران ** تبـارك الـلـه ما دخـل جفنـه نعـاس ساقـه غـلام مـن الشغـاميم ديـقـان ** متعـوّد لمسرى الغداري والأدماس من العاصمة مندوبنا سـار عجلان ** حث السرى والسير للبنص دعّاس ويوم أعتـدل ممشاه والخط له زان ** مـا هـمـه الـلي لعـالي النـور كبّاس سـار بطريق سديـر مع خـط بنبـان ** وتجـاهـل العـداد لـو دق الأجـراس واليا وصلـت المجمعـة دار عثمـان ** شرّق على خط الحفر وزن وقياس واليا توهلت الحفـر ما نـت بلشـان ** عـّدل يسارك صوب بير ابن هباس وميّل يمينك كان جيت ابن وجعـان ** واسلك طريق البادية بـر واعفـاس تلقا بضواحي شعبة نصاب عـربان ** يزبنهم المنيوب وأن حـل به يـاس تلقا طـوارف مـن سلايـل سليـمـان ** ولابة هـل الملحا شديدين الأمراس وأشاجعـه بـالمرجـله فـعـلهـم بـان ** يتلون أبـن معجـل للأضداد طساس المهيوب أهل الفخـر يـوم الأطعـان ** وبـدور وخليفـات وعـيـال بلعــاس من زارهـم يرتـاح لـو كـان تعـبـان ** يدله وينسى كل هاجوس واعماس يا صاح بلغهـم مع الشكـر عرفـان ** شكر وثنا ينبع من شعور وحساس وسلام مـني مـع شـذا ورد ريحـان ** فـوح الخمايل من بختري وبسباس مني لأبن جـارد ولـد سعـد سلطـان ** سلايـل الـلي سمعتـه ترفـع الراس ومـحـمـد الحـمـاد والـشـيخ راكـان ** نسـل العـديم الـلي للأخصام نسّاس ومحمـد مـراوغ مـع الـقـرم حـران ** ومحـمـد الـفـلاح لـلـعـيـب مـا داس ومتروك ابن مصيليخ خلفة جميان ** ومحمـد العمـر كسب عـلم نـوماس وناصر الدهمة مـن كبـار السنيـان ** وأبن جذيل من أهل الفعـل والبـاس والقرم مفلح من صماصيم مطخان ** والمنسي حميدان معدوم الأجنـاس وأبن بريك الجعفري وابن جـروان ** وعـيد وبشير القـرم للـبـن حمـّاس والأسـود الـلي مـن سلايـل عليـان ** وجربوع المرّقـد سليم من الأدناس ثم أمش يالمندوب من شرق فيحان ** سافر عسى ما جاك عايق وحبّاس تلقـا بـعـرعـر مـن رفاقـة وصدقان ** معدن ذهب ما خالطه زنك ونحاس بـلـغ تحيـاتي لصـقـر ابـن عـطـران ** وبشير أبو خالـد وباتـل وهوجاس ورميّض ابن خليف وأيضاً مطيران ** والأشجعي قـرم العيـال ابن دواس ثـم أتجـه لطـريـف يا طيـر حـوران ** يعـجبك جـوه بـه ذعـاذيـع نسنـاس سلم على اللي خاطره دوم ما شان ** نـزه الشوارب مـا تـدنـا للأطـفـاس متعب ندي الكـف مـن نسل قـعـدان ** وأخوانه اللي بالكرم حمرالأمواس الـكـل منهـم عـادتـه يـذبـح الضـان ** قصده كرم ما هـو منافـق وهـلاس القرم اللي دايم على الطيب شفقان ** أنوار بيتـه بـددت داجـي الأغـلاس مع الكرامة جـاب فديـوا وشرطان ** بالصوت والصوره مسجل وعكّاس وأشكر جميع الـلي حضرنا بديـوان ** وأهدي لهم شكر وسلامي بكـّراس أبـن الشريفي خلفـة الشيخ كنعـان ** وشلاش نسل معرب الجد والساس وقحيط أبو قاسم وعلي أبن عشبان ** وعـزيّـر وثـنيـان للطـيـب غـراس ومنهم تحرك صوب ذربين الأيمان ** للجوف يـم رويل مرذيـن الأفـراس الربع اللي بصوير وهـديـب سكـان ** وأهـل زلوم وما خلطهم من الناس وأهـل النظـايـم والزبـارة وهـدبـان ** مـا يـنسي ميـقـافـهـم تـقـل حـّراس وسلم عـلى كـل البنيخي والأخـوان ** اللي دعـوا بمناسبة حفل الأعراس تجـمعـوا بـصويـر والـكـل فـرحـان ** نسمر عـلى ترنيم زينين الأحساس وأتـراثـنـا الـدحـة مـواريـث جـدان ** هي سلم أهلنا من قبل دور جساس الـلي بلقـاهـم نــّور الحـفـل وأزدان ** يومين فاتـن عندهـم فـرح وإيناس الـلي مضـايفهـم تـقـل شـم ضلعـان ** تبـارك الـلـه كنها هـضبة اضـراس والنعـم بالقعقـاع من نسل روضـان ** كف اللغـى يـوم المضاهير تحتاس وأبن اللميخ الهيلعي وأبن ورهـان ** وأبـن دويرج من صواريم قـرناس وهـزاع الحمـادي وبـدر العـوينـان ** ثم الخضع منصورمن عقب حواس وأبن غـشم وأيضاً سلايـل بشيتـان ** وأبن جـزلـه لا صـار للخشم لماس وأبن علي بندر مـن أحفـاد حمـدان ** وابـن الكويكـب للرجاجيل مرواس وعيال زيدي والكريـم أبـن جفنـان ** ومهدي العايد ستر مدقوق الألعاس وكاتـب الغبـن مـع شقيـقـه قـريـان ** وعايد بن فدغاش به طيب وحماس والقـرم سالـم والنصيـري عـشيـان ** ردالهجا وايبس حلوق العدا ايباس ومنصور وبن شعيل وأبن عكاشان ** ومطـرد العـياط لا جـتـه الأتـعـاس وهـزاع القهيـوي وحضرة عنيزان ** وجزاع بن مهدي بالأشعار نبراس وهايل وابن قايم وعـازم طعيسان ** نسـل الـلي أفعـالـه جـدايـد ودرّاس ونعم بكل اللي حضرنا من الأعيان ** والـلي بعيد الـدار ما هـو بالأحناس قعاقعـه وأشبال مرعـض ودغمـان ** وكـواكـبة لباسـت الـدرع والطـاس ونسل الفـريجي بالملازيم شجعـان ** من نسـل زايـد كلهـم خلفـة جـلاس يتلون زيزوم الجموع أبـن شعـلان ** يـوم الركايـب قافلـه مثـل الأقـواس تاريخهم معروف من قـدم الأزمـان ** ولـف لهـم وليم وموزل وتـوماس ونـعـم بهـل العـلـيا الـيـا ثـار دخـان ** وصار المعابك وأشتغل كل ترباس وتعـاقـبـوا كـوخ النواظـر بكرخـان ** وثار المشوك وأشهب الملح قبّاس عـدوهـم وقـت اللقاء عـاد خسـران ** في ساعة يكثـر بها قـطع الأنفـاس يـوم الرجال أجسامهم تـقـل نيشان ** بالكـون وأجساد العدا مثل الأكداس شقوا صميل الخصم كانه بهم خان ** بالقاع راسه له مراغـه ومطحـاس يوم الفخر بالسيف والرمح والـزان ** والكـل منهـم للوغى كـان مدبـاس اليوم اللي كانوا على الخيل فرسان ** راحوا لك الله مثل تشليع الأضراس اللي عـلى دور الجهل يوم الأكـوان ** يرحمهم الله كلهـم تحـت الأرمـاس وأولادهـم وأحفادهـم مثـل مـا كـان ** اجواد نسل اجـواد والعـرق دساس صـافيـن مـا فـيهـم هـلابـيج رديـان ** ولا بهم اللي عن المواجيب خنّاس ويلان من ويـلان مـن نسـل ويـلان ** اللي بهـم ما بـار مدحي ولا خـاس مدحـتهـم بالصـدق ما قـلـت بهتـان ** واللي شنونا روسهم مابها عطاس و من لا يعد الحق مخطي وغلطـان ** ولا يجحـدون إلا هلابيج واخساس أعتـز وأفخـر بالحمايل هـل الشـان ** الـلي لهم فـي قمـة المجـد مجـلاس أفخـر بهـم مـا همني قـول نـدعـان **الـبـايـق الـلي لـلمـواعـيـن لـحّـاس الخايب الـلي حـط الأقـراب عـدوان ** ومـن خسته لجبـاه الأضداد بّـواس ومن لا تعـزوى في قرايب وخـلان ** مثل الهبيل اللي على المرح نكّـاس ولا درت من قولي زوايد ونقصان ** ولاني عـلى غـرات الأجـواد بـلاس ولا جيت أريـد اجـرب فلان وفـلان ** ولاني مغـربـل للحـمـايـل وسـّواس ومن عادتي ما خاوي النذل كوبان ** ولانـي رفـيـق لكـل خـايـب ولقـّاس من قـارب الأجـواد كاسب وربحـان ** ومن رافـق الأنذال يبشر بالأفلاس من لا غطس بالجم ما جاب مرجان ** در البحـر مـا يدركـه كـود غطـاس والـمعـذرة عـن كـل زلـة ونـسيـان ** العـفـو يا ابعاد الهقاوي والأحداس والـلـه ما قصدي تجاهـل وحـقـران ** ولامقصدي لحقوق الأجواد بخّاس حـاولـت أوضح كل شاهد وبرهـان ** لاشك بعض الوضع شايك وحسّاس واليوم أمن ولا بقي خوض ميـدان ** نرفل ونلبس مـن جديـدات الألباس قـلته مثل ما مقصدي لمزت إنسان ** ولا مقصدي للخلق هـازب ولغـّاس وأسندتهـا لعـواد بالـقـاف فـهـمـان ** يـقـرا القـصيدة والمناعيـر جـّلاس يا أبن شعيّب ما نـت يالقـرم بحلان ** أجهـر بهـا مـا بـيـك بالأذن همـاس أنـت الـذي تـفهـم تـرانـيـم الألحـان ** ومن يسمتع لقرايتك بالطرب هاس والخاتمة صلوا على نسل عـدنـان ** الـلي أحـاديثـه رواهـا أبـن عـبـّاس |
الله يعطيك العافيه
|
الله يخليك لنا يا أبا مشعل ذخرا وصح لسانك ....
|
مشكور ...صح لسانك يا بن عبار
تقبل مروري |
صح لسانك يابو مشعل والله يوفقك ويسعدك
|
يا طير شلوى قصيدة بشير حجر ب عايد الرشيد الولدعلى بالقريات
مبدآي باللي للسموات سمـــاك بسمه انضمت القاف مدح وهديـــــــة أنحاك يا شعري بجدك وجــدواك ارسل معانيك الجزيله عليــــــــــــــــــة ارسل مطر غيثك على من تـــحراك يمطر على قاع خصاب ومريــــــــــه وتروي الكبود اللى بها عطاش من ماك اما نزلت بليل ولا ضحويـــــــــــــة وآخـــــــذ مرادي من معينك ومعناك واهديه للي به حميا وحميــــــــــة لاتشـــــــــــــــتبه ما بين هذا ولاذاك مزبك عايد لك مضيف وحضــــــية يابو مـــــحمد وابل المدح ياجاك استقبلة بحجاج عين فضـــــــــــــية أنالذي تســـــــتاهل المدح لآعدمناك أنت اللذى تزهاه المديح وصبية وأنـــــت الذي يعرف طريقك وممشاك مواقف بطيب ماهي خفيــــــــــــة وعلـــــــــــى القبيلة شفت رغبة حمياك وبك تفتخر كل العرب والسمــــية وبك تفتخر وائـــــــــــــل بطيب نواياك وبك تعتزي بالطيب كل عنزيــــة ياطير شلوى جعل الانذال تفـــــــــداك ولا تستعين بفاعلين الرديـــــــــة لافعلهم فعلك ولاهم بشـــــــــــــرواك وعلى الرفيق يدورون الخطيـــة ماودىاشرح عن هذولا وهــــذولاك ناس تمتع بالنــــــــفوس الاذيــــة وانت تعرف ماظني العلم يــــــــــخفاك وتفهم رموز جديع بالأبجدــــــــــة تعيش ياللى منهج الطيب مـــــــــبداك وجه الندا عايد زبون الونيـــــــــة طلق حجاج وزين طلعت محيـــــــــاك وقلبك عن الشينه بعيد نويــــــــة رخيص ما باليد كريم بدنيـــــــــاك وبين الكرم والجود نفسك صخية ياللى أعتليت من الكرم ســـبع الافلاك ياعل تفداك العفون الغنيــــــــــــة يفداك عفن لآكثر المال مـــــــــــلاك بالعيد مايذبح لجده ضحيــــــــــــة مرحوم ياعود على الطيب ربــــــــاك ووصاك في طيب المراجل وصية أعجبتني ياللى نضاف سجايـــــــــــاك يامنتحي بالعزوة الولدعـــــــــــية وجه الندى ياللى بشوش محـــــــياك هــــــــــــداج تيما يوم تذرف دليله كلن على لسانه مدحك وطريـــــــــاك ويمــــــــناك من فعل الكرم حاتمية على الفضيلة مسرعات مطـــــياك ولهن على بيت الكرم جاذبيــــــة ودعيتنا يابو محمد وزرنــــــــــاك وشديت من شانك شداد المطيــــة ولولاك ماجينا مســــــــــايير لولاك ولاصار لى يم القريات جيـــــــتة نبي نتشرف في جنابك ورؤيـــــاك وعند ك نشوف من النشامي نبوية أحسن من مجالس كلنتن وبــــــاراك اللى ماحلو لراى قـــــــــــــــــــــضية ماهمهم صيحات باكي وضحـــــــاك ومنهج مسيرة بوش منهج خويـة مجلسك عندي يابن العم وملقــــــاك هــي منوتي شوف الوجية الرضية اللى ليا ضك من الوقت ضـــــكاك يشيلون عنك حمول ضيم قويـــــة وقت اللوازم هم حزامك ومركـــاك مثلك ومثل اللى بهم غادريـــــة ولأالردي همش جــــــــــنابة لياجاك خله يدور بالأيام حلـــــــــــــــــية ياعايد بن الرشيد نذكر مزاياك تسلم لنا وأيام عمرك بطـــــــــية لولاالفعول الطيبة ماعرفنــــــــــاك لكــــــن قمر عشرين بان عشوية جعل الولى ياطيب الاصل يرعــاك ويحفظك يابن الرشيد رب الربريـة وجعل نصيبك طيبأًعند مـــــــولاك جاه الكريم وجاه منــــــــــــهو نبية وختمتها بأذكار سرك ونجــــــواك ونفسي على مدحك شفوق وشفيــــة الشاعر بـــــشير محمد الحجر الدهمشــــي العنزي 21/6/1430هـ |
العبدلى محمد صفوق يهدى قصيدة مدح
للشيخ :عايـد سليمان الرشيـد يا متجه للشمال وللقرياتي * ** الله يوفقك تكفى خذلي كتــــــابي وصـل سلامي وحبي مع تحياتي* للى يا جيت يمه قام حيــــــابي رجل مكانه بقلبي وكل الاوقاتي * يمشي على الطيب والطويلات مايهابي لعايد رشيد راع الطيب بالذاتي ***به أرفع الراس والفخر عند الآجنابي ياعايد رشيد فعلك عند هقواتي *** وزود على الفعل لك تقدير وإعجابي ياعايد رشيد طيبك بيح سكاتي **** مثلك على المرجله والطيب يرقابي يا عايـد رشيد وعلومك بعيداتي* ويمدحك راع الطيب بين الناس ياطابي يالولدعي تستحق المـدح بإثباتـي **** أقدر أسميك حـلال للانشابي يامقدر الضيف والعاني واللى يأتي *** والبيت مفتوح مايسكر له البابي مجلسك شاهدعلى فعل الطموحاتي**** ذباح للحيل ماتحسب لها حسابي تفعل من الخير وتحل الصعيباتي *** وتدفع من المال لجل تعتق أرقابي يابومحمدعسى أيام عمرك طويلاتي ** مشان تبقى ذخرنا عند الآسبابي في ساعة الظيق والشده والآزماتي ترسي رواسي الجبال وتنطح أصعابي والعلم يبقى مع الآيام ما ماتي *** لو إن الإنسان بأخر عمره تــرابي يحل ودنياه مافيها ملذاتي **** للحفـره اللى بها تعذيب وأحسابي من يعمل الخير في جنه وخيراتي ** ومن يعمل الشر باللى تلهب الهابي |
بديت باس اللى نخافه ونرجيه ==== نراجي عفوه عند نشر المناشير
ربً كريم كامل الاوقات ندعيه === منشي من المنشى سحابً مزابير وعقب المحل عشب البختري يغطيه==== ويكسب من جوده زهورونواوير ومن بعد ذكره طيب القاف نبنيه ==== نبني لاجل عايد جزيل التعابير ولاعنك عزر يابيض الوجه نبدئيه==== ماعنك ياساس الرجوله معاذير ياعايد بن سليمان عسى الرب يفيه==== الوفي اللى له معزه وتقدير الضيف يفرح به ويفرح بعانيه ==== كريمً يقدم مايهاب الخاسير ذباح جل النيب والله يقويه ==== ونبااحلى من حليب المباكير وابوه قبله يمدحونه عوانيه ==== زايداًعلى العليا يبوح المعابير والمدح بعايد طيب الصيت يزهيه ==== رجلاًظهر يوم السنين المدابير قرم يشرف ويرفع الراس طاريه ==== سباقل للمعروف من دون تذكير والله يزيده خالق الكون يغنيه ==== والله يفكه من جميع العواثير وعسى السعد دايم خوياًيباريه ==== الوفي اللى يعطي الشور ويشير وصلات ربي عدهيت ذواريه ==== على الرسول اعداد جمع الطوابير جمال موسى الخيبري |
سم الله الرحمن الرحيم
اخواني الاهداء للمكرم العزيزالحشم عايد سليمان الرشيد الولدعلي حفظه الله امين بديت باسم اللى له الكون محـــــــــــــــــــــكوم ==== هومرمرسياسمر الجبال الثقيلـــــه يامنشيا غيثاً من المزن هــــــــــــــــــــــــــردوم ==== عقب المحل يدرج عالقاع سيله ومبعد ذكره صغت انا القاف منضـــــــــــــــوم ====لعايد بن سليمان اللى افعولهجليله لاجاه عاني من عنا الوقت مضـــــــــــــــــــــيوم==== يزيح هم اللى نخا يشتكيلــــه وانجاء مجاله بالكرم زابح الكـــــــــــــــــــــوم ====لاجاه محتاج يمد االجزيلــــــــــــه عايد ابن الرشيد بفعل يمنـــــــــــــاه زي زوم ==== محنكاً والشجاعة دليلــــــــــــه وختامها صلو على اللى من الخطا دوم معصوم ====نبينا المختار راعي الفضيلة جمال موسي الخيبري |
صح لسانك
قصيدو حلوة |
مشكور على ما امتعتنا به من ابيات جزلة
|
صح لساااانك ياشاعر عنزة
ماتقول الا درر يا ابومشعل |
يابني عمي ستار الشك زحتـــــــه ** ما نشك بطيبكم عندي شهايد
قلت ياللي بالكرم بابك فتحتــــــــه ** كان تسمح ما نبي تكليف زايد كل ما جاء ضيف له كبشك ذبحته ** عادتك للضيف تقليط الموايد صح السانك يابو مشعل وتقبل وجودي |
السلام عليكم ورحمة الله وبركاته الحمدلله والصلاة والسلام على رسول الله وعلى آله وصحبه أجمعين موفق بإذن الله ... لك مني أجمل تحية .
|
كل ما جاء ضيف له كبشك ذبحته ** عادتك للضيف تقليط الموايد
الصخي بذله يزود اليا نصحتـــــــه ** ما يطيع النصح حيثه له عوايد الصخي دايم يشوش اليا مدحتـــــه ** وإن نخيته عن لزومه ما يحايد يالكريم اللي كسر بيتك شتحتــــــه ** نلت فعل المرجله والطيب كايد الردي ما نمدحه لو زاد سحتــــــه ** ماكسب طوله ولا حصل فوايد من يعز النفس صار الذل تحتـــــه ** ومن تلاشت قيمته ما صار قايد تم نظم القاف والمعنى شرحتــــــه ** والقوافي مسنده للقرم عايد صح الله لسانك صح الله لسانك |
صح لسان أبومشعل وفي دايم الله يبارك فيك ويكثر من أمثالك.
|
| الساعة الآن 07:38 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd