|
قصائد بمناسبة شفاء الأمير سلطان
يتباشرون هذه الأيام أبناء المملكة العربية السعودية هذه الأيام بشفاء الأمير المحبوب والبشرى بقرب وصوله إلى أرض الوطن سليم معافى و من القصائد القديمة الجديدة جديدة ننشر هذه القصائد بمناسبة شفاء صاحب السمو الملكي الأمير سلطان بن عبدالعزيز آل سعود ولي العهد ونائب رئيس مجلس الوزراء ووزير الدفاع والطيران والمفتش العام حفظه الله ورعاه قال عبدالله بن دهيمش بن عبار العنزي : نحمـدك يا رحـمن يا مجـري الأفـلاك ** يا معتـني بالخلـق مـا خـاب راجيـك يـالـواحـد الـلي بـالشـدايـد طـلـبـنـاك ** يا مفـرج الضيقات يا مجيب داعيـك عافيـت أبـو خـالـد بلطـفـك وحسنـاك ** نظهـر ثـناء فضلك ونشكر حسانيك أبـو اليتاما اللي مسيره على ارضاك ** عـدل المناهج ما وجد يـوم عاصيك عـاد البطـل يا موطـن الخيـر بشـراك ** واليـوم يا شعـب الجـزيـره انهـنيـك حييـت يـا سلطـان يـا مرهـب اعـداك ** والـلـه من اعـماق الضماير انحييك احـلا الـليـالـي يـوم نـسعـد بـلـقـيـاك ** يشهـد عـليـنـا الـلـه نعـزك ونغـليـك عـم الـفـرح بـصـدورنـا يـوم شفنـاك ** يـامـيـر دامـت بـالـمـسـرة لـيـالـيــك عسى الـكريـم مـن العـواثـيـر يـاقـاك ** اللـه يجيـرك يـا أبـو خالـد ويحميـك يـا ذخـرنـا عـسى الـمـنـايـا تـعــــداك ** رب العبـاد مـن الصواديـف ينجـيـك ماجـور ياريف الوطن تسلم اعضـاك ** جعـل السعـد طـول الليالي ايـباريـك الـحـمـد لـلـه يـوم يـامـيـر عــافــــاك ** يـا مـا دعـينـا خالـق الكـون يشفيـك ما دمـت سلطـان الـوفي مـا نسينـاك ** لـو غـبت يالصنديد ما غاب طاريـك أنت الزعيم اللي على المجـد ممشاك ** تـسيـر بالحـكـمـة وتـقـدا مـواطـيـك يا من على درب الفخر طالت اخطاك ** يا بعـد هـوماتـك ورمعـت هـقـاويـك تصعـد جعـل مـن دوّر الهـون يفـداك ** تـرقـا المعـالـي مـا تهـاب المداريـك شـورك صـلـيـب وللمعـاضيـل فـكـاك ** تنقـض مباريـم العـقـود الشـرابـيـك بـانـت عـلى عـز المـواطـن احـميـاك ** فـعـلـك يسـر البــال مـا فيـه تشكيـك من لاذ بـك مظيـوم يفـرح إلـى جـاك ** تزيـل عـنـه المظـلمـة حيـن يـأتـيـك أنـت الـذي مـزبـان مـن لاذ بـحـمـاك ** ملجـأ الدخيل اللي من الظيم ناصيك شـهـم وكـريـم وتبـذل الجـود يمنـاك ** تنفـق وربـك سامـك العـرش يعطيك مـا تـاه سلطـان العـرب يـوم سـمّـاك ** صـقـر الجزيـرة للصعيبـات عـابيـك والـدك يـشـعـر بـالـفـخـر يـوم ربّـاك ** يالليـث يالضرغـام ما خـاب غـاذيـك ساسك عريب وماكر المجـد منشـاك ** وأنـت الأصيـل الـلي عريبه مجانيـك تسلسلـت مـن وايـل امـجـاد عـلـيـاك ** ومـن زايـد الملطـوم تسمـو معانيـك يـزهـالـك التمجـيـد والمـدح يـزهـاك ** أنت الذي ربـك عـلى الخيـر هـاديـك جدك حما الديره من اوباش الأتراك ** هـو سورهـا من دورعصر المماليك وأبوك وحدها عـقب حـرب واعـراك ** وانقـذ جـماهيـر الشعـوب المهاليـك الـوايـلـي خـلا الـطـواغـيـت نـســاك ** حـدب السيـوف استبدلوها مساويـك وانجب ملوك المملكة تحمي الأملاك ** أدنـاهـم الـلي بالـمـفـاعـيـل يـكـفيـك مصقـر صـوارم كـل من هـد عـشّـاك ** ماكـر نـوادر والـمخـالـب مشـاويـك وعن وصفهم تقصر سجلات الأبواك ** اخبـرك يا مـن تكتـب المجـد وانبيك قـلـتـه ونطـلـب والـي الـكـون مـولاك ** الـلـه يـعـزك يـا أبـو خالـد ويـبقيـك وصلوا عدد ما غاص باللج الأسمـاك ** عـلى الرسـول اعـداد ما قيـل لبيّـك * وهذه القصيدة بمناسبة شفاء سمو الأمير سلطان بن عبدالعزيز آل سعود ولي العهد حفظه الله شعر عبدالله بن دهيمش بن عبار العنزي : يـا الله يا مناجي كليمه عـلى الطـور ** يا خالق المخلوق باشكال واجناس يامن بنصرك صاحب الحق منصور ** يامن حميت البيت من غير حراس لـك نبتهـل يا مشرق الكـون بالنـور ** يا مجري الأفلاك في وزن واقياس تحفـظ لنـا الـلي دوم للملتجي سـور ** سلطان أبـو خالـد للأجـواد نبـراس والـلـه مـا قـلـتــه تـمــلــق ولا زور ** لكن بديت القول بشعـور واحساس سلطان كل الشعب بشفـاه مسـرور ** من يـوم عاد الوايلي فرحت الناس يا أخـو فهـد يـزول شـرك وماجـور ** عساك يا فـرز الوغى ما ترى باس عسى الولي ياقاك مـن كـل عاثـور ** ويشفيك رب الكون يا معرب الساس تمشي صعود ولا بدأ مشيك احـدور ** لك عادة تـمشي عـلى كـل نـومـاس وأنت الذي تصعـد عـلى شامخ الـقـور ** عن العلا مـا عـوقك نفـد الأطعاس سرت ب طريـق المجد لو كان محذور ** حتى القدم من فوق برج العلا داس هذا هـدف ممشاك يا صايب الشـور ** يا من تسير لشامخ المجـد عساس ليـث الليـوث وكامـل الشبـر منعـور ** صيد الرجال وسمعته ترفع الـراس مزبان من يشكي من الظيم والجور ** ملجأ الطريد إلى ابتـرم عقد لولاس شبل الأسود وساسه فهود وانمـور ** الـلـيـث الأروع للجـزيـلات فــّراس سـيـف مـجـرب لـلملازيـم مـذخــور ** يقـطع بـه الـراس المعاند الياخاس اليا ضرب يسطي على مشت الزور ** ما حال دونه قاسي الدرع والطاس زير الرجـال وطيـب الفعـل مخبـور ** نسل الذي ياخذ على الخيل مرواس كنه عـرار الضيغمي فـوق مشهـور ** والا المـهلهـل يـوم يـبـرز لجساس عبـدالعزيـز الـلي بالأمجـاد مـذكـور ** نـال الفخر فوق النجايب والأفراس عـسـاه بـالجـنـه يـخـلـد مـع الحـور ** يشرب مـن الكوثر قـراطيع بالكاس وصلاة ربي عـدد مـا تـثمـر زهـور ** على الرسول أعداد ما طش غراس شفيع الأمـه عنـد مـا ينفـخ الصـور ** لاقامت الأجداث من تحت الأرماس * وهذه أبيات بسمو الأمير سلطان بن عبدالعزيز آل سعود ولي العهد حفظه الله شعر عبدالله بن دهيمش بن عبار : سلطـان عـنـوان الـفخـر والبـطولـه ** سلـطـان سـاس المرجـله والحميـا سلطـان لـه بالمجـد صولـه وجولـه ** الـبـاسـل الـلـي لـلـمـراجـل تـهــيـا الـمـقـرني تـتـعـب عـلى كـل طـولـه ** حـتـى بـلـغ مـجـده مـقـام الـثـريــا مجـده تسلسل مـن عريـن الشبولـه ** نسـل الزعيم اللي على المجد عيـا سلطان نجد اللي الرجال اخضعولـه ** ساوى الصقـور الجارحـه بالحديـا مـا حـصـل العـليـا بـليـن وسـهـولـه ** قـصـر الـفـخـر كـلـن بـضلـه تـفيـا * وهذه أبيات أيضاً بصاحب السمو الملكي الأمير سلطان بن عبدالعزيز آل سعود ولي العهد حفظه الله شعر عبدالله بن دهيمش بن عبار : سلطان ساسه من مواريث سلطان ** سلطان نجـد الـلي تجيه السلاطيـن الصيرمي مجنـاه مـن طير حـوران ** إلـى شهـل تـلـبـد جـميع الشياهيـن الـنـايـب الـثـانـي سـلايـل كحـيـلان ** منشـاه من صلـب الملوك العريبين الـوايلي من ساس لابـة لهـم شـان ** نـقـوة أسـود وبالحـرايـب عطيبيـن خـلايـف الصنديـد نـصـار الأيـمـان ** نسل الـذي حامى على ملـة الـديـن عبدالعزيز اللي عـلى الحق برهـان ** فعـايلـه مـا هـي هـقـاوي وتخـمين [center] هذه المقاطع من الشعر قلتها ولاء ووفاء وأخلاص [/center |
سلطان الخير ... سلطان الانسانية ... أباخالد المجد .... الحمدلله على سلامة وزير الدفاع والطيران والمفتش العام وولي العهد ... تباشر الوطن بعودة ولي العهد سلطان بن عبدالعزيز ال سعود ... وبارك الله فيك أبا مشعل على هذه القصائد التي تعبر وبكل فخر عن حبنا وولائنا لقادتنا الكرام ...
|
صح لسانك يا أديبنا العزيز ، فأنت أحد أكبر وأبرز شعراء هذا الوطن الغالي والذي يدين لهم الوطن بأشعارك الحماسية والوطنية والتي تؤصل للوطنية بين القيادة وأفراد هذا الشعب الكريم..
فنسأل الله العلي العظيم أن يحفظ لنا هذه الأسرة وأن يديم عزها ويثبت حكمها .. وإذ نحمد الله عز وجل على سلامة أميرنا أمير القلوب الذي فرح بخبر شفائه كل رجل كهل وكل إمرآة ٍ عجوز ورجعت الطمأنينة بهذا الخبر لقلب كل يتيم لآمسته أيدي سلطان بن عبدالعزيز الحانيه بالعاطفة الأبوية .. وإذ نحمد الله عزيز الجلال إذ نرى علامات الفرح وهي ترتسم على محيا خادم الحرمين الشريفين وملك العروبة والإسلام بشفاء عضده وسنده .. وصح لسانك أخي أبو مشعل وحفظك الله وأدامك بالصحة والعافية . |
صح لسانك ....
والحمدالله على سلامة صاحب السمو الملكي الأمير سلطان بن عبدالعزيز آل سعود |
تسلم تسلم واللة ايحفضكم
|
صح لسانك شاعرنا واديبنا الكبير
|
واسمح لي بإقتطاف بعضها لحفل مدرسي مقام بمناسبة شفاء الامير وعودته وع حفظ حقوق شاعرنا واديبنا بذكر أسمه قبل القائها ولي الشرف بذالك دمت بحفظ الرحمن ورعايته ما يحتاج ليس عندي مانع ولي الشرف أن يتم أختيار ما يلوق بالمناسبة |
صح لسانك .... والحمدالله على سلامة صاحب السمو الملكي الأمير سلطان بن عبدالعزيز آل سعود |
وأنا كذلك ... قد أقتبست بعض القصائد طبعا بعد الأذن من والدنا ربان السفينة أبامشعل حيث سيقام غدا الأثنين إن شاء الله في مدرستنا وفي جميع مدارس المملكة أحتفاء بشفاء وعودة سيدي صاحب السمو الملكي الأمير سلطان بن عبدالعزيز آل سعود إلى أرض الوطن سالما غانما ....
|
ألف الحمدلله على سلامه الأمير حفظه الله وأطال في عمره
وصح لسانك والدنا العزيز |
http://www.al-jazirah.com/278335/tr3d.htm
يشاركنا الشاعر الكبير عبد الله بن عبار وهو أحد أبرز وأجزل شعراء الوطن الغالي بقصيدة جزلة تعبر عن حب أبناء الوطن وولائهم لولاة أمرهم وقادتهم الكرام أعزهم الله, والشعر في ولي العهد الأمير سلطان بن عبد العزيز أطال الله عمره وأدام عزه يزخر بكل حلل الجمال الأدبي والثراء الشامل في كل جوانب معانيه. مبداي بسم الله مدير الهواء الهاب =منزل هماليل المطر من سحابه رب العباد اللي للأرزاق وهّاب=هو باسط البيداء ورافع هضابه له نبتهل في كل منبر ومحراب=نطلب عسى دعواتنا مستجابه يحفظ لنا اللي للوطن حرز واحجاب=الليث أبو متعب كبير المهابه وولي عهد المملكة ريف الأصحاب=سلطان مصباح الدجى يقتدابه والنايب الثاني عن المملكة ناب =الشر عن شعب الوطن سد بابه عاشوا هل العوجا عريبين الأنساب=حكّام عدل وخير عزوة ولابه حكامنا عاداتهم حل الأنشاب=وأن جاهم المضيوم يجبر أنصابه هم ملتجأ من عضه الوقت بالناب=عون الضعيف اللي زمانه دوابه سلايل اللي قوّم الشرع بكتاب=دستوره القرآن حكمه قضابه سيف العدل لرقاب الأشرار قصّاب=ومن يعتدي يردع بحد الحرابه صارت شعوب المملكة كلها أحباب=من عقب ماهم كل عصبة عصابه ما سلمهم مبدأ المذاهب ولأحزاب =ساروا على نهج النبي والصحابه رب الملأ يحمي بلدنا من الأرهاب=واللي نوانا بسوء يعجل عقابه واللي تسلل وهمه شور نصّاب=عند الله أهون من جناح الذبابه اللي لنار الشر نافخ وشبّاب=بأمر الولي تصبح دياره خرابه الفاسد اللي عاث بأمن الوطن خاب=من عال يبشر بالقشر والمجابه حد الوطن دونه مهدين الأصعاب=يخسى المعادي ما يدنس اترابه قوات تردع كل عابث ولعّاب=تنهار من فعل البواسل اعصابه مثل الأسود اللي تدافع عن الغاب=من هول صولتهم تعاوى الذيابه ما للخصيم من الصناديد مهراب=وعن المقدر ما تفيد الحزابه وصلوا على الهادي عليه الولي تاب=المصطفى عم العباد بخطابه عبدالله بن دهيمش بن عبّار العنزي |
صح لسانك ....
والحمدالله على سلامة صاحب السمو الملكي الأمير سلطان بن عبدالعزيز آل سعود |
ابو مشعل الله يعطيك العافية وصح لسانك
حمدا على سلامة سلطان الخير اطال الله عمره بالصحة والعافية |
الحمدلله على سلامته ويستاهل ولاهنت يابومشعل على مواقفك النبيلة شاعر فحل ودائما ما تتحفنا بما هو جديد وفريد في اقتناص كل ماهو مشرف من مواقف رجولية
ولدك سعد مسهوج |
صح لسانك ....
والحمدالله على سلامة صاحب السمو الملكي الأمير سلطان بن عبدالعزيز آل سعود |
صح لساااانك شاعرنا الكبير
مانقول الا اطال الله في عمرك |
الشاعر والكاتب والاديب القدير عبدالله بن عبار مصافحه اولى لهذا المنتدى اقول يابومشعل صح لسانك واعتلاء شانك بيض الله وجهك قصائد تكتب بماء الذهب بشخصيه كشخصيه سيدى صاحب السمو الملكى الامير الانسان سلطان الخير دايم ابومشعل مبدع وجزل كثر الله من امثالك ووفقك الله لما يحب ويرضاه |
| الساعة الآن 06:39 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd