|
من قصايد التصدي للحملة المغرضة
( قصائد التصدي للحملة المغرضة وتوضيح نسب عنزة ) بسم الله الرحمن الرحيم وبه نستعين قال تعالى في سورة الشورى: { وَالَّذِينَ إِذَا أَصَابَهُمُ الْبَغْيُ هُمْ يَنتَصِرُونَ . وَجَزَاء سَيِّئَةٍ سَيِّئَةٌ مِّثْلُهَا فَمَنْ عَفَا وَأَصْلَحَ فَأَجْرُهُ عَلَى اللَّهِ إِنَّهُ لَا يُحِبُّ الظَّالِمِينَ . وقال تعالى في سورة الشعراء : ( إِلَّا الَّذِينَ آمَنُوا وَعَمِلُوا الصَّالِحَاتِ وَذَكَرُوا اللَّهَ كَثِيرًا وَانتَصَرُوا مِن بَعْدِ مَا ظُلِمُوا وَسَيَعْلَمُ الَّذِينَ ظَلَمُوا أَيَّ مُنقَلَبٍ يَنقَلِبُونَ ..... عندما اجتهدت وتعبت وتخسّرت وجمعت تفرعات أنساب قبائل عنزة ومصادر تاريخها القديم والمعاصر وجمعت ما تيّسر جمعه من التراث والقصص من تراث قبيلة عنزة وأصدرت عدد من الكتب وصرت أتتبع اصدارات المؤلفين الذين عاصرتهم وارسل لهم تصحيح الأخطاء وتصديت لكل من أساء لقبيلة عنزة وكافحت ونافحت في الجرائد والمجلات وتصديّت لمن تعرّض لقبيلة عنزة في مقال أو شعر وذلك خلال خمسة عقود من الزمن وسافرت لأماكن بعيدة وقابلت الكثير من الرجال وحصلت على معلومات صادقة ومفيدة ولا تركت شاردة ولا واردة عن قبيلة عنزة خاصة وقبائل ربيعة عامة ألا أوردتها وبعد هذا النجاح من فضل الله وعندما توفرت وسائل التواصل من نت ووسائل أخرى برز بعض أعداء النجاح وبدأت ضدي حملة مغرضة وظالمة من أشخاص لهم أهداف بسبب الحقد والحسد والغرور أو الجهل وبدل أن يثمنون جهدي صاروا يلفقّون دعايات كاذبة ويصنفون أقوال بعيدة عن الصواب ويقدحون ويسبون ويوقعون مشاهد لتزوير نسب قبيلة عنزة وبرز مزورين يريدون يصلون إلى ما وصلت له من المعلومات عن هذه القبيلة وتعاون معهم بعض الذين ما يهمهم امجاد ومفاخر قبيلة عنزة التي دونتها في كتبي وذكرتها في قصائدي وبحوثي بل صدّقوا ما كتبه الذين يسمّون أنفسهم باحثين وهم مزورين والرجال الذين صدّقوهم وأكثروا من وضع الختوم على المشاهد ضدي ولا منهم من كلّف أنفسه بالبحث عن الحقيقة والاطلاع على المصادر الذي تلقيت منها المعلومات فقاموا ضدي بشكاوي وصاروا يستخدمون منزلتهم ضدي بدل أن يستخدمونها لحل قضايا القبيلة وهم يغرون أصحاب المنتديات ويعدون المزورين بأنهم سوف يوقفون نشاط أبن عبّار وينصبونهم باحثين وهم يفكّرن أنه منصب وقد فات عليهم أنه جهد وحصيلة جد واجتهاد وقد حاولوا بشتّى الوسائل تشويه سمعتي والادعاء أن ما كتبته غير صحيح وصاروا يصّدقون بالكذب ويكذّبون بالصحيح وقد وقف في طريقهم مصداقية أبن عبّار وصحة معلوماته بحيث كتبه صارت مرجع لكل من يبحث عن الحقيقة وصاروا ينتهجون أسلوب الظلّم والعدوان والكيد ويكتبون مواضيع ضد أبن عبار ومعظمها قدح وسب ولم يوضحون أي خطأ لكي يفيدون أبن عبّار ويوضحون سبب حملتهم بل كل كتاباتهم مبهمة وكتاب أبن عبار صدر بعد مراقبته من جهات مختصه وتكررت طبعاته بينما كتيبات الذين يشجعونهم منعت لأنها تجميع كلام ليس له مصدر وتلفيق وهم يصنفّون من مخيلاتهم بينما أبن عبار تلقّى المعلومات والأخبار من مصادرها من كتب النسابين والمؤرخين العرب ومن رجال أهل صدق وأمانة وذلك قبل وجود الذين يزورون وبعد أن بلغ السّيل الزبى ووصل الأمر إلى الكرامة فقد تصديت للحملة المغرضة بالحقائق الدامغة دفاع عن النفّس ويعلم الجميع أنه يوجد من مشايخ عنزة ورجالها الأوفياء من أصر على تكريمي ورفضت وطلب مني البعض أن أجمع ختوم وتواقيع لصالحي مقابل ختوم وتواقيع الذين ظلموني ورفضت لأنني ما أريد أن عمل تصادم بين رجال عنزة بعد أن فخرت بالجميع ومجدّت الجميع وألفت عن الجميع وحيث أنني واثق أنني صاحب حق وهم على باطل لذلك ما قمت بجمع تواقيع وختوم وثبت الحق وبطل الباطل وحيث أن الدفاع عن النفّس مشروع فأني قلت أكثر من 100 قصيدة من شعر التصدي للحملة المغرضة وقد كشفت وعرّيت الذين يقدحون دون وجه حق والشّكر لله سبحانه وتعالى ثم لولاة أمرنا الذين أنصفوني من الظالمين والكل يعلم أن ما قمت به هو خدمة لقبيلتي ولا أقصد الشهرة ولا قبلت أي لقب علماً أنني اسمع الكثير من النعوت والمدح من رجال منصفين وحصلت على مئات من خطابات الشكر ومئات من القصائد تشيد بجهدي ولا التفت للمغرضين والمزورين والحاقدين بل لا زلت أواصل بذل جهدي ولله الحمد وأذكّر من رجال عنزة الذين أطلعوا على تلك الحملة ضدي أن كل ما قلت من شعر توضيح ولم أخص أحد في سب ألا ذكر صفات المزورين والذين شجعّوهم لكي يسبونني وحسبي الله ونعم الوكيل وهذا عدد من القصائد وملخصات مقاطع من قصائد التصّدي للحملة المغرضة أقدمها لأبناء قبيلتي الأتقياء الأنقياء والله المستعان وصلّى الله على نبينا محمد وآله وأصحابه . قال عبدالله بن دهيمش بن عبار هذه القصيدة تبلغ سبعون بيتاً من الشعر الرباعي مسندة على المنصفين الأوفياء من رجال قبيلة عنزة وتحتوي على توضيح للعامه حول ما حصل من حملات مغرضة ومكائد ضدي من بعض الجاحدين : 1 مبـداي بـسم الـلي لـه الخلق يرجون *** أرسـل رسولـه فـي شريعـه وقانـون مـولاي خـلاّق البشـر مـبـدع الكـون *** أرضـه بسطـهـا والجـبـل شـاد قـوره ومن بعـد ذكره هاض فيض القرايح *** منظـوم من نفحات فـكـري نـصايـح ندخل عـلى الـلـه عن كلام الفضايح *** ومـن لا اعـترضنا بالخطأ مـا نعـوره هاضت مـن افكاري قرايض طـريفـه *** قـيـفـان مـن كـل الشـوايـب نـظيـفـه أشـوم عـن لفـض العـلـوم الضعيـفـه *** أخـتـار لـب الهـرج واتـرك قـشوره ومـن طـاب عـلمه مـا يـدنـّق بـراسـه *** ولا يقـرب عـلوم الـرّدى والدنـاسه ولا يـرافـق أهـل الـدنـفسه والطفاسه *** ولا يطاوع اللي ينخشون الجحـوره والـلي خـدع يبطـل خـداعـه ونصبـه *** مـا تـقـبـلـه عـزوه ولابـه وعـصبـه الحـر يبشـر بالشـبـب مـن قـنص بـه *** فـرخ القطـامي من نـوادر صـقـوره أبـي أخـبـر الـلي يـرغـبـون الحقايق *** عـندي عـلى ما قلـت صدق الوثايق جـل الـعـلـوم الـمـسـمـلـه والـدقـايـق *** نجهـر بها بعلو الحساس الجـهـوره أنشـر كـلام الـصّـدق مـانـي مخـفيّـه *** والـفـاهـم الـمـدرك يـمـيّـز مـعـانيـه ولـيـه عـلى رجـال القبيـلـه مشاريـه *** المنصـفيـن أهـل النفـوس الشكـوره اسـنـد كـلامـي لـلـفـهـيـم الـلّـبـيـبــي *** ولااشره على الخايب ردي النصيبي أبـوح بـالـواقـع ولا اشـمـت قـريـبي *** ويـمـنـا بـلا يـسـرى تـكـون معسوره أبي أخبر الـلي من الرجال انشدوني *** وأخص الـلي من عـزوتي شجعوني رب الملأ أنصفني من اللي ظلموني *** ولا نـتـرك الواجب بوقـت الضروره ـامـن نـشـد يـبـغي صحيح الأجـابـه *** عـن قصد الـلي سـووا عليه طلابـه تـجـمـّعــوا ضـدي سـوات العـصـابـه *** وكثـرت مناجيهـم وصارت مشوره عـشـره تـواصـوا بـالـمكـايـد عـلـيـه *** والـكـل مـنـهـم يـدعـي فـي قـضـيـه والـحـمـد لـلـه مـا عـمـلـت الخـطـيـه *** ونفس الرجل على المصايب صبوره خـمسـه مـهـمتهـم خـتـوم وتـواقيـع *** وخمسـه مهـمتهـم تـوسـط وتـقـنـيع وعـبـر الوسايل ينشرون المواضيع *** والـكـل مـنـهـم صـار قــايـم بــدوره الـلـي عـلـي يـدورون الـمـثـالــــــب *** ولا منـهـم الـلي لـه عـلـيـه مـطـالـب والـلي لحظـه بارخص السعر جالـب *** غـلـطـان والـزلات مـاهـي مـغـفـوره شـنّـوا عـلـيـه بـالـقروبـات حـمـلـــه *** وبالمنتـدى مـن سـب كـلن حشم لـه لـكـن نـفـيـنـا كـل مـاقـيـل جـمــلـــــه *** حـيـث العـلـوم البـاهـيات مخصوره يـبـون جـهـدي بـالـثـرى يـدفـنـونـــه *** لأجـل كـتـابـي قـصـدهـم يـمنعـونـه واهـدافـهـم يـبـون لـيـه مـهـونـــــــه *** صـاروا دعـات الشّـر لـلـشـر بـوره الـكـل غــرّه بـالـخــطــأ مـسـتـشــاره *** ولا هـمنـي لـو سبـبـوا لـي خسـاره الـحــق واضــح وأثـبـتـتـه الـــوزاره *** والـلي نـذر مـا نـال مقـصـد نـذوره الـلي وقـفـوا بالـكـيـد ضـد أبـن عبـار *** الحسـد ولـّع فـي مـعـالـيـقـهـم نــار قـالـوا كـلام ولفـقّـوا هـرج مـا صـار *** مقصودهم يـبـون جـرحـت شعـوره كـيـف الـعـلـوم الـكـاذبـه صـدّقـوهــا *** وكـيـف الـعـلـوم الصـادقـه كـذّبـوهـا وكيف المصادر واضحـه مـا قـروهـا *** وكـيـف أهـل الباطـل تكـون معذوره كيف الـذي يبحث عن الصّدق لامـوه *** والـلي تخبّـط بالنسب كيـف طـاعـوه خـلا نـسـب وايــل مــزّور ومـشـبـوه *** بـالـشـكـه الـلـي مـا تـسـدد ثـغــوره والـلـي لـنـسـب عـنـاز زوّر وحــرّف *** وايـل ضنـا عنـاز حطـه عـلى الـرّف العـزوه الـلـي فـي فخـرهـا انتشـرّف *** صـارت حـليفـه بالنسـب ومحـقـوره والـلـي يـروّج بـالـمجـالـس أشـاعـه *** الـحـمـد لـلمـولـى تـكـشّـف قـنـاعــه قصـده يـبي يحـرّض عـلي الجماعـه *** لاشـك هـم ذخـري بـوقـت الخطـوره مـهـمـا عـلـيـه فـوهـوا مـن دعـايــه *** بـيـض الضمـايـر يجـهـرون بثنـايـه ولـو كـنـت مخطي مـا اتمادا بخطايه *** وعـوج السوالـف مـا نـردد انشوره حسبي عـلى الـلي بالوصايف نعتني *** الـلي هـذاريـمـه مـع النـاس جـتـنـي عنـدي خبـر فـي كـل مجلس شمتني *** يـقـدح ويطعـن مـع عشـاه وفـطـوره مـن يـنشـد المغتـاب وش جـاه مـني *** بالمنصفيـن الصـّيـد مـا خـاب ظـنـي مـن قـال هـرج الــزور ردوه عــنـي *** الـلي هـروجه بالحضيض مـحـدوره مـا خـاف من ربـه ولا ينفض الجيب *** يغضي عن الزينه ويبحث عن العيب ما مقصـده تصحيـح غـلطـه وتعقيب *** يشعـر بجـوفـه مـن نجـاحي حـروره نــوادر الـعــزوه تــثــمّــن جـهــودي *** وجميع منصف عن حياضي يذودي يـنفـون منطـوق الحسـود الحـقـودي *** ولا يصـدّقـون الـلي خـمـالـي يـدوره من فضل رب الكـون مرفـوع راسي *** والـلي يسـب النـاس خـايـب وخاسي ارسي كـمـا حـيـود الجبـال الرواسي *** ماهـزه العـاصـوف مشمـوخ طـوره وضـّحـت مقصـود المعـاني للأجـواد *** ولا اقول قـول ألا لـه اثبات واسنـاد والـلي هـدف قصده منـاحـاه وعـنـاد *** مهـمـا تخـفّى تسبـر الـنـاس غـوره الـصّـدق عـنـدي بالـحـقـايـق دلـيـلـه *** والحـق تشهـد بـه شخوص الـقبيلـه ومـن يجحـد المجهود مـالـه وسيـلـه *** مـصـادر الـتـاريـخ مـاهـي مغمـوره ما يقنعـون أهـل المقاصد والأهـداف *** لاشك اللي يمشي مع الحق ما خـاف أهـل الضماير عندهم عـدل وأنصاف *** ولا يواخذون المجتهـد فـي قصوره جـهـدي لـربـعي طـول مـدّت حياتـي *** ولانـي بحـال الـلي جـحـد منجـزاتي الـمـدعـي مـا نـال كـود الـشـمــاتـي *** الـلـه كـفـانـي شــر كــيــده وجــوره مـن فضـل ربـي مـا جنيـت المعايـب *** آخـذ صمال الهـرج مـن قـول شايب عـبـر السنيـن أجـمع تـراث القـرايب *** يــوم الــذيــن يــجـادلــونـي بــزوره حقي عـلى العزوة شخوص الحمايـل *** مـا أظـن يـنسـون الـمـلاحـم بـوايـل أفخـر بالـلي سويـت والـراس طـايـل *** حـاميـت لـو مـاهـي عـلي محـكـوره والـحـمـد الـلـه مـا تـعـرقـل مـسيـري *** الـلي عـملـت لعـزوتي عـمل خيـري ويشهـد عـلى جهـدي نـقي الضميري *** والعـود تعـرف ريحتـه من بـخـوره الـبـحـث والـتـألـيـف مـاهـو جـريمـه *** مـا حـرمـوه أهـل العـقـول السليمـه والـحـمـد لـلـه لـي كـرامـه وقـيــمــه *** عـنـد الـذي مـثـل السبـاع الجسوره يشـمـل كـتـابـي كـل عــزوة ربـيـعــة *** أسـد وثـم أكـلـب وايـضـاً ضـبـيـعــه يـوم العـمـر يجـلـب بسوق المبـيـعـه *** من عـال دقّـوا بـالـمـراهـيـف زوره مـجـدت بـالأفـعــال والـنـاس يـدرون *** أولاد وايـل بـالـلــقـاء مـا يـهـابـون يـوم القبـايـل بـيـن طاعـن ومطعـون *** فـي وقـت كـان لصالي الملـح ثـوره الـلي أدعـى ماهـو مـن الجهـد ذاخـر *** ضـد الكـتـاب الـلي يـضـم المـفـاخـر يـشـمـل قـدامـى عـزوتـي والأواخـر *** صـرح المعـالي لـوحـوا فـوق كـوره والـلـي يـبـي جـد الـقـبـيـلـه أعــاره *** لـومـه عـلـى الـلي وهـمـه بالعبـاره تـاريـخـنـا مـن دور هـاجــر وســاره *** جميع بـاحـث سجـلّـه فـي اسطـوره الـلي نسـب نـفسـه عـلى غـيـر جـدّه *** وش الــذي لـمـخـالـف الـديـن حــدّه الشّـرع عـن زيـف السـوالـف يـردّه *** ولافـيــه بـالـعـالـم جـدود مـخـشـوره تسعة عشر قـرٍن وحنـا اسمنا عنـوز *** حـنـا عـنـزة مـنـا مشاهيـر ورمـوز عـنـا حديث المصطفى خـزن وكـنـوز *** وكـل المفـاخـر بالحـروف محفـوره بشر وضنـا مسلم لهـم مجـد مشهـود *** أحـفـاد وايـل صـدق والـعـلم ماكـود لـهـم سـلاسـل بالنسـب مـارث جـدود *** واضح نسبهم من سوابـق عصوره حـنـا بـني وايـل شـريـفـيـن واعـزاز *** نـفـخـر بـعـزوتـنـا صـنـاديـد عــنّــاز عوق الخصوم اليا بدأ طراد والـزاز *** كـان العـدو بـانـت طــلايـع اسـبـوره حــنــا عــنـزه لـنــا بـوايـل عــزاوي *** يالـلي عـن التـاريخ جـاهـل وغـاوي عـلـم الـنسـب يـرويـه راوي لـراوي *** وكـل العـلـوم الـلي ذكـرت مخبـوره أولاد وايـل كـيـف نـنـسـى حـسبـهـا *** مـن ماضي التاريخ ما أحـدٍ هـزبهـا مـن نـسـل عـامر مـا تـغـيّـر نسبـهـا *** والغـرس غصنه من منابت جـذوره يالــلـي لـتـاريـخ الـقـبـيـلـه مـتـابـع *** حــلـّوا بـديـره سـيـلـهـا لـه مـنـابـع خـيـبـر بـلـد عـنـاز مـن قـرن رابـع *** بـشـر وضنـا مسلـم تقـاسـم حـيـوره مـجـد عـنـزه كـلـن يشـوفـه بعـينـه *** مـا يـخـتـفـي كـل الـعـرب خـابـريـنـه خـيبـر بـلـدهـم فـي حـدود المـدينـه *** بالغـرس وأنـواع النخـيـل معـمـوره من يجهـل التاريخ يحتاج لـه شرح *** منـزل ضنـا عـنـاز في عالي الصّرح ماضي الزمان بكل ديره لهـم سرح *** بالصحصح الخـالي تـحـاوم طـيـوره عـزوة ضـنـا عـنـاز مـاهـي نـبـيـتـه *** تاريخهـم مشهـور عـلمـه وصـيتـه بالـكـتـب عـنهـم كـل مصـدر قـريـتـه *** والـلـي يــزوّر بــان زيـفــه وزوره مـن زيــف الأقـوال يـذكـر سـنـدهــا *** مصـادر أنـسـاب القـبـيـلـه جـحـدهـا العـزوة الـلـي كـل منصـف حـمـدهـا *** مع الأسـف لعـبوا بـهـا لـعـب كـوره عـبـر الـزمّن مـا يغلـب الحـق باطـل *** والشرع مـا حكمه لـك الـلـه عـاطـل والـلي نـوى بـالحـق الأبـلـج يماطل *** مـن فـضـل ربـي مـا تـسـنّـع أمــوره بـيـن القـرايـب مـا يـجـوز المجـادل *** ولا جـاز فـي شيـن المهـاجي تبـادل مـا ينهـظـم مظـلـوم والحـكـم عـادل *** بـأمـر الـذي خـلا الـطـغـاه مخـفـوره والـشـكـر لـلـه ثـم لـلـي احـكـمــونـا *** نـلـجـأ لـهـم كـان الخصـوم اظلمونـا عـادوا سلـيـب حـقـوقـنـا وانصفونـا *** هـم فـرحـت الناخي وغـايـة سروره أخوان نوره هـم فـزع كـل مضهـود *** ومن سار بالباطل من الناس مقـرود ما ينجح الـلي مقصده حسد واحقود *** والحـق مـن فضل الولـي بـان نـوره سلـمـان ومحـمـد صنـاديـد وأبـطـال *** ضـد الضديد ومـزبـن الخايـف الـذال نسل الملوك الـلي يضدون من عـال *** ومـن خـان عـهـد الـلـه تقلّع اضفوره ولاله لـوا من كان قـصده خضوعي *** وش عـاد لـوهو من دواني ربـوعي ومـن يعـتـدي لابـد ينصاع طـوعـي *** بـأمـر الـزعيـم الـلي طويله اشبـوره الـلـه يـعـز الـلي حـكـمـوا بالشريعـه *** الـلـي لـهـم كـل الـقـبـايـل مـطـيـعــه سـادوا عـلـى كـل الـبـلاد الـوسيـعـه *** مـن ديـرة الجـوبـه لـديـرة شــروره حـكـم العـدل لأهـل البغـي دوم والـم *** عـدلـه يـعـدّل كــل طـاغــي وظـالــم عسى الـزعـيّـم المقرني دوم سـالـم *** وأطـلـب لـعـل أعـداه دوم مـعـثــوره حـاكـم وينجـب مـن صماصيم حكّام *** رب المـلأ نـصـر بـهـم ديـم الإسـلام زبـن الـدخـيـل وملـتجـأ كـل منظـام *** والمعـتـدي للشّـرع يـلـزم حـضـوره الـلي حـكـم بـيـن الطـليـب وطـليـبـه *** أصدر صريح أمره عسى الله يثيـبـه تـعـميـم واضح مـن تجـاهـل دريـبـه *** والـكـل فـي أمـــره تــزوّد بـصــوره يـقــول مـا تـقـبـل دعـاوي مـزاعــم *** لابــد لـلـدعــوى مـن الصّـدق داعــم عـدل الكهـول استـورثـوه البـراعـم *** ورضيعـهـم بـالـحـق نـفسـه غـيـوره وفيصل أبن بندر جـلا الغبـن والظيم *** طـبـّق الـلي نـصّـت عـليـه التعـاميـم صـدح بقـول الحـق واصـدر تعـاليـم *** بـيّـن طريـق الرشد وابـرز ضهـوره عـاش الأمـيـر وجــل قــدره وشـانــه *** حـمـل عـلى الكاهـل ثـقيـل الأمـانـه حـرص عـلى حكـم الشريعه وصـانـه *** حيثـه من أحفاد الزعيم أخـو نـوره أن كان راعي صاحب الحق أو شيخ *** من عـال لـه عنـده رزالـه وتـوبيخ اشـبـال مـقـرن مـن قـديـم التـواريخ *** النـمـر عـقـب فـي عـريـنـه نـمـوره مـا يـقبلـون الـزور والزيف والهيـف *** والمعتـدي يـردع اليـاعـال بالسيـف بحكم العدل يقضون من دون تسويف *** هم ملتجأ شعـب الجـزيره وسـوره عـنـد أبن مقرن ما تضيع الحـقـوقـي *** من عال صـاروا له اليا عال عـوقي سـّدوا عـلى المخطي جميع الطروقي *** ومن خالـف الـواقع تلاشى غـروره وأهـل الدجـل والجور والمكر والكيـد *** ما منهم اللي صح لـه كـل مـا يـريـد قـدامـهــم يــومٍ بــه الـعـذر مـا يـفـيـد *** الـيـوم الـلـي فـيـه العـبـاد محشوره مـا دريـوا أن الـنـاس يقـفاهم حساب *** واحسابهم موعود من رب الأربـاب وأخـر مصـير العـبـد مدفـون بـتـراب *** في برزخه تحـت اللّحـد وسط جوره من زانـت اعمالـه مقـرّه مـع الحـور *** يسكـن بـدار الخـلـد والـذنـب مغـفـور لابـد يـأتـي يـوم بـه يـنـفـخ الـصــور *** ولابـد مـن بـعـث البشـر مـن قـبـوره واخـتـام قـولـي يـالـرجـال الـكرامــي *** صـلّـوا عـلى المخـتـار سيـد الأنامي اعـداد مـن صـلّـى لـربـه وصـامـــي *** وعـدد حجّـاج البـيـت والـلي يـزوره هذه القصيده قلتها قبل بضع سنين وهي تربو على مائة بيت أسندها على الشيخ سلمان بن محمد بن جريبيع السويلم أحد مشائخ قبيلة الغضاوره من ولد سليمان حيث أنه من الرجال المنصفين الذين يثمنون جهدي للقبيلة وفي هذه القصيدة شرح وتوضيح لمن تجهله الحقايق عن النسب والجد الصحيح لقبيلة عنزة ولكي يعلم كل من صدّق الإشاعات والأقوال والكتابات المضللة أن يميّز بين الحقيقه والتلفيق وأسأل الله سبحانه وتعالى أن يرشدنا إلى الصواب ويجنبنا الزلل أنه سميع مجيب وأقول: 2 مبداى في منشي المزون وسحايبها *** مـن هاطّل الغيمـه تزاجـر رواعـدها تملا الدعوب الـلي وسيعه مساربهـا *** وديانهـا عـروق الطعاميس تبجدهـا تحيي الجذوع الـلي تلـوّت محاطبهـا *** من بعـد ماهي جفاف القحط هامدها وبعد ذكر الـله نظمت حروف كاتبها *** مـن خاطري جـزل القوافي منقـدهـا أنـقـّح الـفـاظ الـقـرايـض واهـذبـّهــا *** وأختـار من عـذب المعاني فـرايدهـا أن جـادت أفـكـار اللبـيّـب بـمواهبهـا *** اشعـار فـي بـيـض الطلاحي نقيّدهـا وخـلاف هـذا ذلـول العـصـر نـادبهـا *** مـن صافي الفولاذ صبـوا حـدايـدهـا فـي طـوكيوا شـدوا براغي لـوالبهـا *** صنـع الـذي رمـز الصليب بمعابدهـا مـا حـمّـلـوهـا للمـهنـدس يـوضّبهـا *** جـميـل مـن دولـة الـيـابـان وردهــا منسوج من فـخـم المخامـل مـراتبها *** صنّـاعـهـا بـكـل الـوسايـل مـزودهـا تلفي على الـلي علوم الطيب كاسبها *** سلمان هو منصا القصيده ومسندها كـل مـا لفيتـه سمـان العيت يقصبهـا *** وعنـد الموادع يقول زيارتك عـدهـا كـيـف النشامـا بالفـنـاجـيـل يسكبهـا *** فـي دلـة مـن صنع بـغـداد مـوجدهـا روس العـوالي إبـو سطّـام يـرقـبـهـا *** عاف المطامن والشواميخ يصعـدها الشيخ نسـل الـلي فـعـولـه مجـّربهـا *** يـكـرم ضيـوفـه والمحاويج يرفـدهـا كـل المـراجـل لـه مـحـمـد مـعـقـبّـهـا *** ربّاه اللي نفسه على الطيب يجهدها صقـر الصقور الـلي شطيره مخالبها *** كان اخمرت بعض الطيور بملابدها الـنـادر الـلي مـن قـنص بـه يشببهـا *** لا هـد جـزلات الحـبـاري يجـلـعـدهـا ماهو من اللي هروج الزور يرغبهـا *** ثـمّـن جـهـودي للـقـبـيـلـه وأيـدهــا نسل الـرجـال الـلي تبهلـل حواجبهـا *** أهـل البيوت الـلي المسايير تقصدها نـفسه عـلى حسن الطبـايع مـدربهـا *** من ساس عـزوه نعتزي في بدايدها العـزوه الـلي أيـاد الخـصـم تعـطبـهـا *** نقـوة حمايـل عساني دوم ما افقدها العـزوه الـلي صريح المـدح يطربها *** أطـلب عسى الله ولي الكون يسعدها العـزوه الـلي مـقـر الطيـب مجـذبهـا *** وقـت اللّزوم بحّـزت الضيق ناجدهـا العزوه اللي نهار الكون مـا اصعبهـا *** يوم الحرايب مـا ربح من يضاددهـا العـزوة الـلي قـوي الـبـاس هـايـبهـا *** يا ويل من هـو بغلس الليل هاجدهـا العـزوه الـلي سلـوم الطيـب يعجـبهـا *** بالفعـل مـن سجّـل التـاريخ حامدهـا هـم عزوتي من خيـار القـوم ناجبهـا *** مجـدتهـا ومـن يـعـد الحـق مجـدهـا حدب السيوف اللي غلاض مقاضبها *** تشهد على اللي من الأغماد جردها سـيـوفـهـا بـدم المـعـادي تخـضبـهـا *** ضـد الخصيم الـلي سهومه يسددهـا مـا يـنـطّـح جـمعهـا لا ضـاع مـدّبهـا *** عـلى النّقـا وكبـود الأخصام تلهدهـا عـنـاز بـأفـعـالـهـا تـرفـع منـاصبهـا *** وتبني شوامخ مجدها في سواعدهـا فعـل المـراجـل هـو مقاصـد مطالبهـا *** والعـز يكـمـن والفخر فـي تعاضدها بالسّلـم يـزهـالهـا ميـلـت عـصايبهـا *** وبالحـرب مـا يسلم خصيم يعـانـدهـا وأن فـتّلت عصم الشوارب شواربها *** يا ويـل مـن هـو بالحـرايب توعدهـا يـوم الـذي خيله على الخصم هاذبها *** يـفــك ذوده والـمـعـاديـن يـبـنـدهـــا رجالهـم روحـه عـلى الموت يجلبهـا *** بالكـون وعـلـوم المـراجل مجودهـا الـديـره الـلي أولاد وايـل تحـاضبهـا *** كان أرتـعـت ذيـدانهـم مـن يطّـردهـا مـن ديـره الشنبـل تـناشع مضاربها *** للـحـرّه الـسـمـرا مـعـالـم مـرابـدهــا أرض الحـمـاد يـربـّعـون بـدبـادبـهـا *** وقـفـر الصحاري ينزلون بصياهدها مـثـل الجيـوش الـلي تنظـمّ كتايبـهـا *** سادوا عـلى كـل الـعـدود ومـواردها أهـل البـيـوت الـلي رفـاع جـوانبـهـا *** أدناهـم الـلي بـراس الحـيـد شيـدهـا ريف الطراقي كان غاضت مـزاهبهـا *** مـن عـندهـم تقفي ملايـا مـزاودهـا أولاد وايـل عـريـب الساس ينـتبـهـا *** من نسل عامـر لهـا التاريخ شاهدها صفـوة أسـد الـلي عـريبـه منـاسبهـا *** أنـسـابـهـا كـل المـصـادر اتـحـددهـا عـنـاز مـا تـاخـذ مـفـاخـر قـرايـبـهـا *** تـعـتـز بأمجـادهـا وصـافي عقايدهـا الفـعـلـه الطـيـبـه تـنسب لصـاحـبهـا *** عـبـر الـوسايل من سمعهـا يـرددهـا وايـل جـديله ضنـا عـنـاز مـا انجبهـا *** ولامـن قبيلـه تسمّي بغـيـر والـدهـا كـان الحمايل جحـود الجـد يغـضبهـا *** نـشرح لـهـا وكـل المـزاعـم نفنـدهـا عن خوض بعض العابثين وتلاعبهـا *** ملـزوم نـفـزع لـلـقبـيلـه ونـنجـدهـا أقـوال مـن زوّر الـتـاريـخ نشجـبـهـا *** عـساه يـتـرك فعـلـتـه مـا ايتعـودهـا الـلي نـفـوا كـل الحـقـايـق نجـاوبهـا *** عـن طـمس تاريخ القبيلـه نجاهدهـا نقـول وأصحـاب المكـايـد نـخـاطبهـا *** مـا هـمنـا مهـمـا تـبـوح بـمـكايـدهـا عـنـاز مـن ضمهـا للحلـف عـذربهـا *** أخـطـأ الـذي قـلـب الحقايـق تعمدهـا شـيّـاب عـنّـاز مـن يـقـدر يـكـذبّــهــا *** بالحفظ تاريخها وجـمـلـة قصايـدهـا من خط حـرف الغلط نفسه يحاسبها *** ومـن ينشر السالفه ملـزوم يسندهـا دار الحسب والنسب يصعب يخربها *** هوج العواصف ما تزحزح قواعدها مـن سلسل أنساب القبيلـه وعـرّبهـا *** صحايف أصحاب البحوث وجرايدها مـن يسرق عـلـوم القبـايـل وينهبهـا *** بهـروج تنسج مـن خيالـه يسرمدها مـا دامـت ثـيـاب العـواري لسـالبهـا *** ونحلـة جدود العـرب وشي فوايدهـا أخـبـر حـضور أولاد وايـل وغايـبهـا *** وأبـلّـغ رجـال الـقبـيـلـه وأنـاشـدهـا قـولـوا لمـن يـدعي معلومتـك جبهـا *** مـن الـذي فـي كتب الأنساب وردّهـا الـلي الحقايـق عـن الأجيال حاجبهـا *** يحتاج مـن نفسه عـن الغي يرشدها مـن شـذ عـن درب الحقيقه وجنّبهـا *** بـتـويتـره عـوج السوالـف يـغـردهـا الـلي عـراقـيـب البشـر دوم يشذبهـا *** حربـة لسانه ضـد الأصحاب يـزندها الـلي الحـمـايـل والأجـاويـد هـازبهـا *** والشر نـاره بـيـن الأقـراب يـوقدهـا مـالـه بـلـولاس العـلـوم ونـشـايـبهـا *** من شربك شبوك المشاكل وعـقّدهـا ومن أجهد الرجل بالمشوار واتعبها *** لابـد يعرض لـه من الناس حاسدهـا ومـن فـرّع أنسـاب القبيلـه وشعّبهـا *** الـكـل لـه رغـبـه أعـمـالـه يـقـلّـدهـا نـبحـث وصفحـات الـدفـاتـر انقلبهـا *** ونمشي مـع رواة القبـيلـه وننشدهـا كـل العـوايـل أخـذت أقـوال شايـبهـا *** تـاريـخ الأجـداد والأنسـاب يـسردهـا أتـرك عـلوم الخطأ وأختـار صايبها *** بـلـمـام واقـصاص القبـيلـه مـوكدهـا أعـتـز فـي شـيـخ القبـيـلـه ونـايبهـا *** والـلي تـرقّـى والمنـاصـب تـقـلـدهـا أعـتـز فـي عـزوتي وأفـخـر بـطيبّها *** ولا الـردي سيـرت الأجـواد سوّدهـا أعـتـز فـي عـزوتي وأديـت واجبهـا *** وأهل المكايد عسى الرحمن يبعدهـا صيـد الحـمـايـل هـقـوتـه ما تخيبهـا *** الـلـي تـجـمّـل والـخسـايـر تـكـبـدهـا أي الـذي سـب الـقـبـيـلـه وعـيّـبـهـا *** وأي الـذي تـاريـخ الأجـداد خـلـدهــا الـلـه يـخـون الـلي القبـيلـه يعصّبها *** قصده يـبي ينكـر جهـودي ويجحدها تـرى الـذي ولّـع الـفـتـنـه وسبـبـهـا *** طـرق الـعـداوه والحـزازات مهّـدهـا سـود الضماير مـا تجـد مـن يعاتبهـا *** مـن يـنـده نـيـام الـقبـيلـه ويقـعـدهـا هـل يـا تـرى كـل المـصادر نشطّبهـا *** مـن أجـل الـلي كـل العواذيـل بيّـدهـا حكم العدل والشرع والحق غاصبها *** مهـمـا عـلى الباطـل توّقع مشاهدهـا ومن يزعم أنـه جميع الناس غالبهـا *** معجـب بنفسه تـعـوّد يشمت ويـدهـا ومـن فكّـر أنـه كـل الأمجـاد طـوبهـا *** غـر الـعـقـول الـلـي كـثـيـر تـبـلـدهـا لا يـفخـر الـلي سلـوم الطيـّب سيّبهـا *** ألا أن كـان أمـجـاد الأجـداد جـددهـا والـلي تقلّب عـلى الصاحب مذاهبهـا *** عند الولي خالق المخلوق موعدهـا رب الـعـبـاد أهـل الظـلايـم يـعـذبـهـا *** الـلي يحصر العـمل والروح يجبدهـا في حق من سن الفروض ورواتبهـا *** نطلب عسى سـود الضماير يهجّدها مـن يأمـن الـدنيـا يـجـرّب عـواقـبها *** حوض المنايا مصير العـبـد واردهـا وأهـل الخيانـه شنيع الفعـل يـنكبـهـا *** فـي حـكـم حـاكـم أيـاد الشّـر قـيـدهـا في حكم اللي عّذّى طوارف جوانبها *** الـلي حكم شعـب الجـزيـره اوحـّدهـا فـوق العـوالي رايـة الحـق ينصبـهـا *** لم الشعوب اللي اشنع الوقت شّردها يـوم النضـا تـوصل المشوار راكبهـا *** هجنـه عـلى قـطع الفيـافي معـّودهـا لاجتك عوص النضا تومي غواربها *** ركـاّبهـا باطـراف الأعـقـاب يلكـدهـا عـدوانـه البـاسـل الصنديد حـاربـهـا *** ضـد الخـصيـم الـلي بـلاده يـهـددهـا عـز الأصاحيـب والعـدوان يـرهـبهـا *** أنـعـم عـلى ديـرته وأحـيـا مساجدها وأهل الجرايم عـلى الأشهاد يصلبها *** بالسيف الأملح قـوي الباس يجلدهـا وأنجب بواسل حماهـا ليس يقـربهـا *** الخصم اللي جنده على الشر جندهـا مـن مشرق بـلاد الجزيـره لمغـربهـا *** من سـاد منهـم هـو ملكهـا وسيّدهـا العاهـل شعوب الوطن هـو معـّزبـهـا *** هو حاكـم شعـوب الجزيره وقايدهـا نسـل الجـدود الـلي رفـيعـه مـراتبهـا *** فـي رحـمتـه رب العـبـاد يتغـمـدهـا وصلّوا عـلى الـلي دعاة الشّر أدبهـا *** الـلي حـمى الدين والكفّار جاهدها قال : عبدالله بن دهيمش بن عبار العنزي هذه القصيدة لتأكيد نسب قبيلة عنزة في هذا العصر وهي تنحدر من عنزة بن أسد بن ربيعة وتعتزي بوائل وهو جد عنزي صليبه وليس مستعار بالحلف كما يدعي بعض من خاض بالأنساب وكما تحتوي هذه القصيدة على تفنيد قبائل ربيعة قبل الإسلام وبعده خلاف ما يدعون في خلط نسب عنزة مع بكر وتغلب وأنتحال وائل بن قاسط عزوة لعنزة وهو ليس جد لقبائل عنزة ولتصحيح المفهوم الخاطي وأحقاق الحق وكشف زيف التضليل على العوام : 3 حـنـا عنـزة من دور عامـر وجيلـه *** معنا عـلى الواقـع ختـوم وتـواقيع حـنـا عنـزة مـن نسل وايـل قبـيلـه *** عن مجـدنا التاريخ سجل مواضيع حـنـا عـنـزة والجـد ما هـو هميـلـه *** الجـد مـا نقبـل بـدالـه ولا انـطـيـع حـنـا عـنـزة تـاريـخـنـا مـا يـزيـلـه *** ألا جـبـال طـويـق تـصبـح بـلاقـيع حـنـا عـنـزة مـا نـرتضي بالفشيلـه *** يشهد لنا مشعان وعقـاب وجـديـع حـنـا عـنـزة شجعـان يـوم الدبـيلـه *** أولاد وايـل عـلمنـا بالـعـرب شيـع حـنـا عنـزة نسل الجـدود الأصيلـه *** واصل نسبنـا ما حصل فيـه تقطيع حنـا عنزة والجـد الـلي ننتـمي لـه *** سـمي شـرسات الأسـود البـواتـيـع أسـد سـاسـه مـن ربـيـعـة سلـيـلـه *** مـا هـي هـقـاوي بالكـلام ومراميع ربـيعـة استـورث مـن الجـد خيـلـه *** وأنجب أسـد وأكـلب الليث وضبيع وأسـد أسـد الـغـاب عـقـب مثـيـلـه *** جد عنزة عامر صميدع وصعصيع وأنجـب عميرة من ضناه وجديلـه *** فـرعّهـم التـاريـخ بالقـص تـفـريـع وجديلـه انجب عبد قيس وغفيـلـه *** والنمـر بن قاسط وعـنـز المـداريع وبكـر وبـني تغـلب عـذاب الكحيله *** أهـل الفعـايـل بالسيـوف اللـواميـع الـلي تفـانـوا يـوم صيحـت جليـلـه *** نـهـار تحليق اللمم في هـاك الريـع ذولا قـرايـبـنـا ولا بـه جـهـيـلـــــه *** حيث النسب ودّع مع الناس توديع وكان ابن قاسط حاش علم النفيلـه *** عـن وايـل الهـزان مـا فـيـه ترفيع نـفـخـر بـطـاري طيـبـيـن الفعـيـلـه *** لاشـك مـا نقبـل لـلأنساب تـضيـيع مـصـدر فـخـرنـا مـا نـدّور بـديـلـه *** مـن دور آدم مـا عرض جـد للبـيع مـا جـدنـا سـلـعــه نـجـدد مـديــلـه *** جـد عـنـزه مـابـه معـايـب وتـشنيع ومـن لا يـعـد الحـق يا ويـل ويـلـه *** الـزيـف يكشف والدجـل والمخاديع ومـن لا يعـرف الحـق لازم نحيلـه *** للمصدر اللي يرجعه غصب ترجيع وهـرجٍ بـلا بـرهـان ما ينصغي لـه *** هـرج الغـلط يذهب سوات الفقاقيع أوردت فـي تسعيـن مصـدر دليـلـه *** ما هـو كـلام مجمع الهـرج تجميع سجـلـت جـزلات العـلـوم الجـزيلـه *** والقـول مثبـت مـا صنعنـاه تصنيع أنـساب فصلـتـه فـصيـلـه فـصـيلـه *** قصدي فخر مابي معونه وتشجيع مجـدت وايـل فـي مـلاحـم طويـلـه *** ولا همني من حـط بالشمل تصديع نـفـخـر وحـاسدنـا يمـوت بـغـليـلـه *** بالمجد الـلي كـل الوسايل بـه تذيع يـقـولـه الـلـي مـا تـسـوّل بـقـيـلــه *** ولا دار من بـدع القصيد المطاميع منظـوم قـافـي مـا جعـلتـه وسيـلـه *** جـلـه نـظـمتـه بالشغـاميـم تـبـريـع قال عبدالله بن دهيمش بن عبار العنزي هذه القصيدة من شعر التصدي للحملة المغرضة : 4 يا الـلـه يالـلي جميع الخـلـق تركـع لـه *** تسجـد لـوجهه كبـار الناس واصغاره يا الـلـه يا رب مـن يـدعـوك تسـمع لـه *** توحي صدى دعـوته يا عالـم اسراره يا الـلـه يا مـواعـد المظلـوم تـفـزع لـه *** وتبطل مكايـد صاحب الظّـلم وانصاره فرعون طغى وجته الأسباب من فعـلـه *** ونشرت عـلى كـل الملأ جملة أخبـاره حيثه صدح بالطّغى وإبليس طـاوع لـه *** رب الـعـبـاد اهـلـكـه ثـم خـرّب ديـاره والـلي ظلم واعتدي قولوا معي جعلـه *** يـتـوب عـن غـلـطـتـه ويـعـدّل افـكـاره لاشـك الـلي حضّـه تـوطـاه فـي نـعـلـه *** لـو اعـتـذر عـذره عـن الذنـب كـفّـاره الحسد نـاره بوسط الجوف لـه شعلـه *** بـفـواد راعـي الحسد مـا تنطـفي نـاره لومه على اللي من الهرابيد يجمع لـه *** بالكـيـد وأعـمـال النـكّـد قـام بـأدواره العـي الـلي درب الهـدى مـا يسانع لـه *** غـلطان من يقـبـل مهاجيـه واشـواره والتايه الـلي من الخواريف يصنع لـه *** شـوّه نسـب مـابـه مـعـايـب ومعيـاره هـذا يـحـز وذاك بالمـوس يـقـطـع لـه *** والـكـل مـنهـم لـعـنـزة يعـلـن انـكـاره العـزوة الـلي مـكـان القـفـر تـنجـع لـه *** دار الـعـدا تـرعى مفـاليـه وأشجـاره جـمع القبيلـه أولـف عنـه وأطـبـع لـه *** وأعـتـز بالـلي بالفخر شاعت أذكـاره وأصبح كتابي طالب الصّدق يرجع لـه *** مصدر نسـب ما تنقـده نـاس قـمـّاره والمجتهـد زيـنـات الأعـمال تشفـع لـه *** ولا يجحد ألا الـذي طبع الغـدر كـاره والـيـا ظـلـمـنـا ولـي الأمـر نـرفـع لــه *** بحكـم الشريعـه ترتـدع نـاس غـّداره الشرع حـق وسايـر الناس تخضع لـه *** والـلي مشى معتـدل ما تقصر اشباره واليـوم كـلـن رصيـد البـنـك يـدفـع لـه *** والـكـل يـمـلـك عــلـى فـلّـه وسـيـاره الحـر الأشقـر شامـخ الحيـد يطلـع لـه *** والبـوم ينغـط طويـل اللّيـل فـي غـاره قال عبدالله بن دهيمش بن عبار هذه القصيدة بعد أن سمع نصيحة من الشيخ صالح بن خلف بن سودان السويلم ومن الكثير من الرجال المنصفين بعد أن أطلعوا على كتابات بعض الذين يكذبون ويظلمون ويدعّون بأخطاء وهمية دون دليل ويجحدون الجهد بدافع الحسد والحقد : 5 سمعت من صالح كلام ولـه اصغيت *** أبـن خـلـف ينصح وقـولـه قـبـلـتـه قال اخصر اصحاب العلوم الهتاهيت *** ولا تكترث تـرى اكثر الناس فـلتـه صـد وتجاهـل كـل ما قيـل وأوحيـت *** واليـا خصرت الـلي يسبّـك خـذلـتـه وأن جاك هـرج مولّع النار بالـزيـت *** واجـبـك جـدعـه بـالمقـمّـه وحـلتـه جـملـة هـذاليـف الـرخـوم السرابيت *** مـا يثـمنـون الجـهـد مهـما بـذلـتـه وأفطـن تـرى الحسّاد دايـم شواميت *** ومن له هدف ما يستمع لـو عذلته للناس مهما تبذل الجهـد ما أرضيت *** والـلي تجـاهـل لا يـهـمّك ازعـلـتـه تشكـر عـلى الـلي للعنـزتين سويـت *** بـذلـت جـهـدك والـردا مـا فـعـلـتــه كـفـيّـت بالـلي قـمـت بـه ثـم وفـيّـت *** تـشهـد لـك الأجـواد بـالـلي عـملتـه هـذي شهـاده من حمايل لهـم صيت *** مثـل الوسام الـلي بصدرك حـملتـه قـلت أنت لي تنصح وللحّـق عـديـت *** وأنـت الـرفيـق أتشرفّـه مـا فشلتـه جـهـرت بالـقـول القـدي مـا تخفيّـت *** ولـو شفت مايل يا أبو ماجد عدلته تسعى لكسـب الغـانـمـه مـا تـونـيـت *** ومقصدك عـن كـل المعايب كفـلتـه وأنت الذي شرواك يا نعم ما اطريت *** ترقى الشوامخ والوطى ما نـزلتـه قـلتـه وأنـا لغيـر الـولي مـا تـرجيـت *** مجهـد وحملي فوق الأمتان شلتـه وفـي جـمع تـاريخ القبـيلـة تقصّيـت *** وعـن الحقـايـق كـل راوي سألـتـه مـا جبـت غـيـر الـلي موثّـق بتثبيـت *** كـلام صـدق مـن المصادر نـقـلـتـه والـلي تـخـبّـط بالنسـب لـه تصديـت *** نـفـيـت هـرج الـزور والحـق قـلتـه قـلـت الصحيح ولا توهمت واخطيت *** وبـاب المـنـاكـد والمجـادل قـفـلتـه لـيـت الـذي يهـمّـه الصّـدق يا لـيـت *** لـيتـه يـوضح مـا خـفي أو جهـلتـه |
قال عبدالله بن دهيمش بن عبّار هذه القصيدة من شعر التصدي للحمله المغرضه : 6 يا الـلـه يـارب العبـاد أكـفـني شـر *** شـر العيـول الـلي بـلاني بشّـره يارب يـا مخـرج مـن المشة الـّدر *** أنـك تجـازي مـن يـدور المضّره جعل كفـر خطو التريله اليـا صـر *** يـدهـك عـظامه مـا تجمّع اكسّره يصبح طعـام لجايع الـدود والـذر *** فـتيت جسمه مثـل رمـل الصفّـره نفـرح بمصرع كـل ظالـم الياخـر *** مصيـر مـن حـاك المكـايـد تحـرّه الظـالـم الـلـي بالـديـاويـن يـفـتّـر *** واليـا وجـد عـامي بصيـره يفـرّه يخـدع ردي الشان بالفـر والـكـر *** يـقـدح ومن يسمع كـلامه يغّـره الظـالـم الـلي بالخطأ للسبب جـر *** والـرمـل بـعيـون الـمغـفّـل يـذرّه ينقـل نـمايـم بالمجـالس اليـا مـر *** ويغـتابـني فـي كـل مجلس يمـرّه عنده خداع ولـه مـلاويـذ وازبـر *** ومن قـام مقـفي بالعـلابـي يـتّـره لو كان قرقر بالمجالس ولـو قـر *** مـا شلت من دعـواه مثـقـال ذرّه الهرج اللي مالـه براهين ماضـر *** والكـذب يملـه صاحبـه مـا يسرّه شيطان نفسه بالغـوى زرهـا زر *** يجـمخ وصـوتـه بالتشّدق يـجـرّه كنّه ملك عـلى المحيطات والـبـر *** يمـدح جنابـه والـردى هـو مقـّره خلا شمل ربعه حزوبات وأخبـر *** ونـار التشاحن بـيـن ربـعـه يـوره ياعل ما فعله مثل حضرة اعـمـر *** عـــز الأقـراب وقـالـوا الـلـه درّه المرجلـه ما هي تماثيل وأصـور *** ولاهـي ملامح زيـن منظر وغـرّه الطيب من دونه عراقيل واحفـر *** واتـلاع فـي دربـه وضلعـان حّـره الطيب تقليط الموايد على اسفـر *** مـا نـالـه الـلي دوم كيسـه يصـّره والتبع يبقى تبع لو مصقره حـر *** والهلب ما حـاز السبق لـو تـبـرّه قال عبدالله بن دهيمش بن عبار العنزي هذه القصيدة يسند على الشيخ زيد بن عليق الرويضان رحمه الله : 7 يا زيـد قـلبـي مـا هجـع ربـع يـومـه *** مـن غـب هاجوس الروابع يهومـي والعيـن مـن حلـو المنـام امحرومـه *** كـن الحـمـاط بمـوقهـا والـهـزومـي يـا لـيـت عـيـني لـو تهـنـت بـنـومـه *** عسانـي ادلـه مـع خـيال الحـلـومـي غـديـت مـثـل الـلي مضيـّع يـمـومـه *** تـاه الطـريـق بـداجـي الليـل يـومـي الـلي سـرى بـعـتمـه تـلبـد غـيـومـه *** اظـلـم سمـاه ولا يشـوف النجـومـي ســراي لـيــل وكـل ديــره يـهــومـه *** بـيـن التـلاع الموحشه و الحـزومي بأرض خـلا يلفح هـواجـر سمـومـه *** في صلف موجـات الهبايـب يعـومي الـداب يصـفـر فـي مـنـافـذ خـرومـه *** والـذيـب يقـنـب والقشاعـم تحـومي مع جـرهـد البيـداء تحـفـت اقـدومـه *** خـارت قــواه ومــر كـبـده يـزومـي والـلي مشى حفـيان لـو فـيه زومـه *** مـا ايبـاري الخيال فـوق القحـومـي يا زيـد يـامـن بـك شهامـه وشـومـه *** مـا تذخـر الماجوب وقـت اللزومـي يا مسندي مـالي حـقـوق مهضومـه *** ولاني سوات لـلي يبوس الخشومي كـم واحـدٍ يـشـكي عـلـيـه اهـمـومـه *** لا شك أنـا مـن اشتكي لـه اهمـومي أشكي على للي تـدي الناس صومـه *** رب الـملأ بـكـل الخلايـق رحـومـي والـجـاه مـا يجـلب لـمـن لا يسـومـه *** الـجـاه عـنـد الـغـانـميـن محشومـي ومـن يجـتهـد يا زيد تكثر خصومـه *** ولا خـيـر با اللي بواجبه ما يقـومي وأهل الحسد من جاد هـدوا عزومـه *** ولا يثني المخلص شمات الرخومي والـلي عـلى الباطل يـركـز هجومـه *** لابــد بـامـر الـلـه يعـود مـهــزومـي مـا هـمـنـا الـلي طايشات اسـهـومـه *** يطعـن ورمحه مـا ينوش الهدومـي عـدواننـا بأمـر الكـريـم امـخـزومـه *** ولا أشكـل علينـا كـل غاشم ظلومي نفس البشر يا زيد ما هي معصومه *** والنـاس تبحـث عـن مثالـب ثلومـي فـكـري شـقـا يـا زيـد بعـلـوم قومـه *** مـغـرم بـذكـر الـطـيـبـيـن القـرومـي والمعـتزي فـي لابـتـه مـن يـلـومــه *** يـا مـا بـهــم مـن طيبـيـن السلومـي تـاريـخ اهلنـا نـفـتخـر فـي عـلومــه *** لـو الـمـعــزة والـفـخـر مـا يـدومـي الـمـجـد الأول مـا تـخـفـت ارسومـه *** مـجـد تـلـيـد ولا اتحصـاه الرقـومي يلبق على بيض الصحايف اختـومه *** عـند العـرب والفرس مع كل رومي ولا اقول هـم خير البوادي عمـومـه *** الـطيـب يـوجـد بالـقبـايـل عمـومـي والـيـوم نـرفـل فـي حـيـاة النعـومـه *** من فضل ربي مابقي ضرب شومي الـشـكـر لـلـه والـفـخـر لـلـحـكـومـه *** والـكـل مـنـا بـالـنـظـام امـحـكـومـي وقال عبدالله بن دهيمش بن عبار العنزي هذا المقطع من قصيدة جوابية يسند على أحد الشعراء : 8 وصل القرايب يعبّـر عـن تكاتـفها *** وجمع الشمل يفرح المهجه ويبهجها والتفرقه تفرق العصبه وتضعفها *** تـذهـب قدر هـيـبة العـزوة وتسمجها من يلطم الخشم نون العين يطرفها *** تنثـر مـن الـدمع لو بالكحل يدعجها أفخـر بعزوة بني هـّزان وأنصفها *** شكر الثناء في مجد الأجـواد نلهجها عزوة فخر نفخر بماضي سوالفها *** ما هـي دعـايه خبـيـر الـفـن روجهـا هـّزان من عـزوه التاريخ يعرفهـا *** ضمن القبايـل سجـل المـجـد يدمجهـا هـّزان يـوم الجفا تقـري مضايفهـا *** ضيـانهـم يـجـذب الهـاشل تـوهـجهـا وأنسابهم من قبـل الإسلام ولـفـهـا *** هـشام بـكـتـابـه المشهـور مدرجهـا من ساس عزوه تزبّن من يحالفها *** دخـيـلهـم يغـلـب أخصامـه ويفلجهـا كـم دار قــوم بـنـي وايـل تصيـفهـا *** تسيـد قـطعـانـهـم مـا أحـدٍ يـهجـجها زمان يـوم العـرب كانـت وضايفهـا *** بالسيف ويـن الـذي يـقـدر يـرمجها وقال عبدالله بن بن دهيمش عبار هذه القصيدة مسنده على الرجل الفاضل الدكتور حسين بن علي العطالله الطويلعي حيث أنه تصدى للرجال الذين شنوا الحملة المغرضه ضدي وحاولوا أستقطاب رجال من القبيلة بتلفيق الإشاعات المضلله ولكنهم فشلوا حيث أن هذا الرجل النبيل يقدّر ما بذلت من جهد لقبيلة عنزة من خلال بحوثي ومؤلفاتي عن تاريخها وتراثها وأنسابها والذود عن أحسابها في شعري وقلمي وكل ما أستطيع وقد ثمّن جهودي وقلت هذه القصيدة أشكره على مواقفة وأوضح له مغزا هؤلاء الرجال : 9 يا حسين راجت بـالمجالس دعـايـه *** مضمونهـا مفهـوم قـصـده ومعـنـاه فـاهـت من الـلي يفـوهون الفـوايـه *** وقامت تـناقـلهـا الملاسن والأفواه وأحجمت عـن مـن بـثهـا بالـبـدايـه *** عسى يجي ناصح عن الظلم ينهـاه ولاحـظـت كـلـن يستـمـع للـوشايـه *** ويـصن لهـروج النمايم اليـا أوحـاه ومـن لا يـعـد الحـق مخطي وتـايـه *** ولا كل مـن سولف تصّـدق حكايـاه الـثـرثـري يـلـزم لـسـانـه وكـايـــه *** لازم نـقـول لصاحـب البـلبـلـه صـاه قالـوا رعاع القـوم ويش الحكايـه *** وش علم أبن عبار بالقص وش جاه قلت افـقهـوا يا ناس وشو خطايـه *** من حاك هـرج الـزور بانت نـوايـاه يـا نـاس تـرديـد السوالـف كفـايـه *** الهـرج الأجـوف مـا نقـره ونـرضاه يـا نـاس حـطـوا للتـكهـن نـهـايــه *** بعـض العلـوم المحدثـه مـا سمعنـاه مـن حيـث تـزويـر الحقايق جنايـه *** وتحريـف واقـعـنـا مهـازل ومـزراه مـن خـط مشهـد يجـدعـه بالنـفـايـه *** ما يغيّـر التاريخ ختمه ولا امضاه السـاس ثـابـت مثـل ساس البـنـايـه *** هوج العواصف مـا تـزيله وتمحاه عـلـيـه مـن كـل الجـوانـب حـمـايــه *** صرحه منيع ولا أحد يقـرب احماه والـلي يخوض بدون علـم و درايـه *** مـا يـتقـن التـاريخ مـثـلـه وشرواه أسنـدت فـي قولي صحيح الـروايـه *** سند على من وضّح الـقول وأمـلاه نـبـراس لـلي مـن صلايـب ضنايــه *** يبقى دلـيـل لسـايـر الـنـاس تـقـراه ولا اقـول أنـا قـولـي مـنـّزل بــآيــه *** أنـا بشـر والخلـق يـا مكـثـر أخطاه ولـو بـه نقيصه لـدعسه في حذايـه *** المبحـث الـلـي مـا يـشّـرف بـليــاه تدوين مجد أهـل الفخر لي هـوايـه *** اكـتب عـلوم الصدق والباطل أنفـاه ذكـر الشخوص الصيد غايـة منايـه *** ولا خيـر فـي رجـل قـليـلـه احميـاه أبعـدت عـن عـوج المقاصد مـدايـه *** ولاني من اللي مقصده ملي مخباه ولاني مـن أهـل الـدلبحه والحبـايـه *** أهـل الخديـعـة والـدجـل والمحابـاه مـن عـز نـفسه مـا خضع بـنحنـايـه *** لا عاش مـن طمّن مـن الذل علباه ومـن فـكـر أنـه لـه عـليــه وصايـه *** غـره شويـره تايه الـرأي وأغــراه فـي ظـل حـكـم الـلي أشـاد الـولايـه *** الحـاكـم الـلـي كـلـنــا مـن رعـايـاه والـلي مـرامـه بـس يبحـث خفـايـه *** خـاب وخسر ما صح لـه مـا تمنـاه وكان الجحـود بـمـا عـملته جزايـه *** عنـد الذي ربـه عـن الصايب اعماه عـنـدي شهايـد من قـروم زملايــه *** أشعار لي من بيض الألـباب مهـداه تـشهـد نــوادر لابـتي وأخـويــايـه *** بـالجهـد الـلي لـعـيـال وايـل بـذلـنـاه يـا كثـر الـلي لهـم مواقـف معـايـه *** ومـن يـصنـع المـعـروف لابـد يلقـاه وقـف بجنبي مـن أعــز أصـدقـايـه *** من كان لي عـنده معـزه ولـي جـاه صديـقي الـلي فـي ضميـره غـلايـه *** مواقـفـه بالطيـب مـا يـمكـن أنـساه يغتاض من غيضي ويرضى لرضايه *** ويفخـر بعلمي كل ما جيب طـريـاه منهـم جـنـاب حسيـن ذخري ذرايـه *** عون الرفيق اللي شكا جـور دنياه لا قـلـت ويـن حسين يـسمـع نـدايـه *** منصاي عز اللي مـن الظيم ينصاه ضميره أصفى مـن قـزاز المـرايـه *** ترياق للصاحب وحنضل على اعداه الـفـاهـم الـلـي يـفـتهـم كـل غــايــه *** أبـو عـلي ربـه عـن الـعـيـب عـذاه مـا سار بـدروب الدنـس والغـوايـه *** ولا عاشر الخايـب ولا يـوم خـاواه شهم وشجاع وبـالصخى لـه كنايـه *** حـاش الفـضيـلـه والنفيـلـه بـيمنـاه وأن صـار بمنيـب الزوامـل خـلايـه *** جض وثـقيـل الشيل مـا عـاد يقواه بـرك تـقـل بـالـقـاع لـه طـق شايـه *** عجز ينوض وجاوب الحشو برغاه حـطـوا عـلى متن البليهي حـوايـه *** الحيص يحمل كايد الحمل ما اعياه لو كان غـط الضلف حدر الـوقايـه *** يصبر لو أنـه غاص بالمتن وأدماه هـذا شبـيـه حسيـن لا جـتـه سـايـه *** أطلب عسى المولى يحفظه ويرعاه يـفـعـل وعـن فعـلـه يـريـد الكمـايـه *** مـا تـاق للتمجيـد لـو كـان يـزهــاه هـو الصديـق الـلي يعـادي اعـدايـه *** عسى الردي واللاش والنذل يفـداه ويـفـدا جـنـاب الـوايـلـي كـل بـايــه *** العفـن اللي يشمت قـريـبـه ويشناه ويـفـداه الـلي ينكـر بـربـعـه نكـايـه *** حـاقــد حسـود ولا يـدانــي دنـايــاه ويفـداه الـلي قلبـه ضهـر قيح دايـه *** المفسد الـلي شمل الأقـراب يشظاه الطيّـب أرفـع لـه مـن الشكـر رايـه *** واللاش شـف البـال بـعـده وفـرقـاه وقال عبدالله بن دهيمش بن عبار العنزي هذه القصيدة الجوابية رداً على الشاعر خليل بن غانم الوحداني التويجري الولدعي العنزي يشكره على موقفه النبيل ويوضّح له وللجميع ملابسات وأسباب بلبلة المجالس : 10 يا الـلـه يالـلي كـل مخلوق تعطيـه *** رزقه وهو مايملك الحول والحيـل يا الـلـه يالـلي يابس القـاع تسقيه *** من غـر هطال المـزون المضاليل يا خالـق المخلوق والكـون باريـه *** يا منـزل الآيـات بالـوحي تـنـزيـل أنت الذي في ساعة الضيق ندعيه *** وأنت الكريم الـلي عليك التواكيل من لاذبك عن كيد الأشرار تحميه *** يامن عـلى الظالـم عقوبـه وتنكيل بسمك قـريح القاف نختار صافيـه *** من جـم نقروح القـراح الشهاليل جـواب قـرم يبهج الصـدر طـاريـه *** خـليـل تـفـداه الـرخوم المساهيل خليـل بـن غـانـم وصلـني قـوافيـه *** ماطاع هرج المرجفين المهازيل قريت منظومه عسى الـلـه يحييـه *** يا مـرحبابـه عـد رمـل الغـراميل قـرم العيـال الـلي عـريبـه مجانيـه *** الـنـادر الـزاكي عريـب الأخاويل أبي أشكـر الوافي زبـون المداليـه *** الـلي بعـلـم الطايلـه لـه مفـاعيـل الـوايـلي بالطيـب طـالـت يمـانـيـه *** حيثـه مـن اللي يعـتني بالمعاميل يلقـاك بالترحيـب مـن حيـن تلفيه *** في مجلسه حلوالرطب وأشقرالهيل لاشفه الخـرمـان عـلـّم بـاشـافـيـه *** يصبغ شقار اللون بيض الفناجيل وبعده يجيب اللي عريضه ثناديـه *** كبش مـربـيه الشريطي تـقـل فيـل ماكن عن واجب عسى الله يقويه *** فـي مجـلسه تلـقـا النشاما تعـاليـل شهم وكريم وعـز ضيفـه وعانيـه *** يفـرح اليـا حلـت عـليـه الهواشيل الطيب سلمـه والمراجـل منـاويـه *** شرواه لـه عنـدي كرامـه وتبجيـل عسى الولي يرفع مقـامه ويـبقيـه *** ويكفيـه رب الكون سـؤ الغـرابـيل مثلـك يا أبن غـانـم نعـزه ونغـليـه *** يفداك مـن طبّـل مع الناس تطبيـل العـاقـل الـمـدرك بـعيـده مشاحيـه *** شبحه على روس الجبال المشاويل من طـاب فعـلـه مـا يطمن علابيـه *** والهـرج مـا يلـفـظ بـلـيـا دوالـيـل مفهوم قصد مفـوه الهـرج تفويـه *** قولـه نفذ عند أبـلـه القوم وخبيـل الـلي يريـد لفاعـل الخيـر تشويـه *** ضوح القمر ما هو سوات القناديل من شـوه التـاريخ مـاني مـداريـه *** أبي أنذره يقصر كلامه ولا ايطيـل من خالف الواقع عسى الله يهديه *** بالأصـل مـا نقبـل تـدلس وتضليـل يا ليـت لـوهـم ينصحونـه بنيخيـه *** عـن الخطـأ لا يـبـدّل الجـد تـبـديـل مـا نـتـبـّع رأي الغشيـم وهـقـاويـه *** لازم نـعــدل تـايـه الـراي تـعـديـل الـلي تمـادا ولا سمع قـول نـاهيـه *** غـروه قـوم يـنـصبـون المحـابيـل من عـال نبـراس الحقايق ايقـديـه *** الـلي عـلى الجاهل يهـوّل تهاويـل والهرج الـلي مالـه براهين مابيـه *** أبي أذكـر الواقع قبل يطفح الكيـل ما جـدنـا سلعـه يبـيعـه ويـشـريـه *** صفوة ربيعة من سلايل إسماعيل حلف الضعافة مـا نـبي دوم نتليـه *** حنا عنزة والراس ما ينتكس ذيـل حنـا عنـزه والجـد نفخـر بماضيـه *** لـنـا عـلى روس الشوامخ منازيل هذا الوكاد وصاحب الصدق ينجيه *** ما هو مخادع بالسوالف وتدجيـل يامن تحـوك الكيـد والحـظ تهـفيـه *** ادخل على الله رب موسى وجبريل حـذراك من جـور الزمان وبلاويـه *** مـا كـل وقـتـه فـيـه ورد وأكاليـل مـا داومـت دنيـاك للبـاش والـبـيـه *** ولا مهـلـت لـدهام شيخ الجلاليـل |
قال عبدالله بن عبار هذا المقطع من قصايد التصدي للحملة المغرضه : 11 بديـت أوضح بديع القاف واجهربـه *** واصوغ نظم الشعر واطوّع اصعابه أنشد عن المنتدى هـو ليه ينشر به *** الحملـه المغـرضه من سبب اسبابه القول الـلي تسمعه تدري وتشعربـه *** والقصد يا مسندي رب الملأ أدرابه ياالقـرم هـرج الخـطأ لابـد ينـظـربـه *** الحـر كـان أنـظـلـم تـوتـر أعصـابـه من جانب الحـق والشيطان غـرربـه *** كان اعتدل واعتذر ما عـاد نشقابـه الكـذب لـو صاحبه مـرات يسفـربـه *** لا بـد راعي الدجل ما تكشف ألعابـه المخلص اليـوم يطعن بـه ويغـدربـه *** قـليـل بالمجتمع مـن ينفض جيـابـه الناس مثل السمك يجتـال في وربـه *** صغـيـرهـا تـقـنصـه تـبغي تعـشابـه منقـار فـرخ الصعـو بالبـاز ينقـربـه *** والليث جـرو الثعـل حده عن الغابـه الغصن ما يزدهر والسوس ينخربـه *** ما بـان طلع الثمـر والـدود يرعابـه والبيت ما ينسمك كان انكسر خربـه *** لـو ارتـفـع بالعـمـد يحتـاج لطنـابـه أفخر بربعي لـو المخلوق من تربـه *** ومن نال علم الفخر للغوش مهزابه مجهـد ولا مقصدي علمي يشهربـّه *** ولا هـمني قـولهـم شاعـر ونـساّبـه من عاش مع لابته ما يشكي الغربه *** لاشك أنا غـربتي صارت من اللابـه والـلي طمـن للوطـأ ربعـه تعيّـر بـه *** يجـلب عـلى عـزوتـه عـارٍ ومعيابـه مـن بار بـك جنبه لا تشفـق لقـربـه *** هـذاك لـو تـزبنـه مـا فـيـه لـك ثـابـه لا صار ما ينتخى في حـزت الكربـه *** وقت الرخاء قلعته وش عاد يبغـابه قال عبدالله بن دهيمش بن عبار هذه القصيدة من شعر التوضيح لمن تجهله الحقايق يسند على الرجل الفاضل الأستاذ عبدالله بن سمير الحنتوشي : 12 قـال أبـن عـبـار مـن عـيـلم غـزيـر *** مـن روابع خاطـره يحضر احضار يسنـد المنـظـوم لعـبـدالـلـه سمـيـر *** أبـو ثـامـر لـلـمـعـانـي مـستـشــار يفهـم المظـمون والملـوى العسيـر *** عـادتـه يـرسي كـمـا حيـط الجـدار فـي مـجـال التـربـيـه عـيّـن مـديـر *** يـصـعـد العـالـي ولا سـار انـحـدار مـا سـلـك درب المسـفّـه والدشيـر *** غـيـر درب المرجـله مالـه مسـار أبــو ثـامــر دايــم لـربـعـه سـفـيـر *** عادتـه طـبع الـوفـاء مـا يـوم بـار أبـو ثـامـر دوم لـضـيـوفـه عشيـر *** مـثـل أبـوه وكـل زرع مـن البـذار عـوده لطبـع الكـرم ريـف القصير *** الــذي يـفــرح بـقــربــه كـل جـار يا أبـو ثـامـر أنـت فهمان وبصيـر *** ناجـٍح بالعـرف مـن دون أخـتـبـار بالمجـالـس نسـتـمع هـرج كـثـيـر *** واخـتـلاف الـرأي يـنهى بـالحـوار مـار تحـريف النسب أمـره خطيـر *** النسـب مـاهـو صنـاعـه وابـتـكـار لـيـت مـن حـرّف نـسبنـا يستخـيـر *** ومـن غـدالـه حـق لـه رد اعـتبـار مـن طلعـنـا مـالـنـا بـوايـل خـشيـر *** ولا اخـبـر جـد القـبـيـلـه مستـعـار الـجـد الـلـي بـالـعـرايـا مـا يـصيـر *** ولا يـجـوز الـجـد يخـتـار اخـتـيـار جـدنـا مـا هـو ضعـيف ولا حـقـيـر *** صيرمي مجنـاه من مصقـر حـرار حنـا عـنـزة مـا انتسمّى بجـد غيـر *** ومـن تسمّى بغيـر جـده نـال عـار الـنسـب مـعــلـوم لـلأمــه مـصـيـر *** تـاج في روس البشر مثـل الشعار لـو تلهـزمـنـا مـع الجـمـع الكـبـيـر *** الأصل والساس مـا جـالـه غـيـار الـلـهّـازم جـمـع مـفـزاع ونـصـيـر *** والنسب ثابت مثـل صلب الحجـار يـوم في ذي قـار جـاء بكـر النذير *** فـزعـنـا معـهـم وحقـقـنـا انـتصار نـفـزع لـبـكـر ابـن وايـل بالنـفـيـر *** والعجـم مـن ضربـنا راحـوا فـرار كان في عصر الجهل شر وشريـر *** الـشـعـوب الحـرب دمـرهـم دمـار ومع بزوغ الديـن جانـا كـل خـيــر *** زالـت الأحـلاف والـوقـت استـدار نـعـتـمـد بأنـسابـنـا عـلـم الخـبـيـر *** فـصّـل الـتـاريـخ مـا عـقّـب نــزار كتب أبن خلدون هـو وأبـن الأثيـر *** والـمـصـادر كـلـهـا تـورد اخـبـار يـذكـرون جـدودنـا كانـوا حـضيـر *** بالـديـار المخـصبه لهـم انـتـشــار مـن شـثـاثـا حـددوا خـط الـمسيـر *** صوب خيبـر وملـكـوا كـل الثـمـار مـن عقب جلوت قريضه والنضير *** مـع بـني جـعـفـر ملـكـنـا بالـديـار القـبـيـلـه عـلـمهـا مبـطـي شـهيـر *** مثل نور الشمس في نصف النهار يشهـد التاريخ واصحاب الضميـر *** النسب مـا تـو يـصـدر بـه قـرار نفتخـر في دعـوة الهـادي البشيـر *** وقـول نـعـم الحـي زودنـا افـتخـار والشـريف الـلي عـلى مـكّـه أميـر *** الـمـثـل قـالـه عـلـيـنـا بـاخـتـصـار عـزوة الشجعـان زبـن المستجيـر *** مـن ضـنـا ويــل لـهـم قـدر اوقــار مـا حـصيـنـا بـالـقـبـيـلـه كـل زيـر *** يوم عصر الكـون يهـدون العـمـار نخـبـر الـلي غـر بالـقـول الغـريـر *** الـرجـل طـبعـه عـلى سـاسه يـغـار وقال عبدالله بن دهيمش بن عبار العنزي هذه القصيدة رداً على زميله الشاعر الحميدي بن نبات بن صنعا الجعفري ويشرح له حقائق الأمور : 13 يا مرحبـا بمسطر القـاف يا حـي *** حيه عدد رمل البلاد وحصاها ابـن نـبات الـوايلي فـزعـتـه لـي *** شاف الحقيقة يوم كتبي قراها مبطي ذكرت الدم ما ينقلب مـي *** والقوم ما ترضى عليه خطاهـا يا أبو عمر دونت ما نالت أيـدي *** افخر بماضي لابتي من غلاها يوم الذهان مقيله في ذرى الفي *** تذكـر زميلك كـل مـلـه صلاهـا والـلي عـذاريـب الملأ حطها بي *** هو الذي شمل القبيلة شظاهـا اللي خلط يا مسندي ذيك مع ذي *** شتت بني وايل وقـلـّع مـداهـا والـلـه ما خـليت يا مسندي شي *** لو دار كسرت هوبرة ما لقاهـا عثيت بالناضج وخليت أنـا الني *** نترك حكاك قدروها لمن بغاها انهـل من الصافي نقاريح بـدلي *** وبقي حثايل من غثاريب ماهـا اشوف ناس بكل محفل لهم زي *** حتى رذال القوم هبهب هواهـا نسل الكرام اللي تشابه كرم طي *** دمـدم مكارمهـا فعايـل ضناهـا أهـل العفوج الزاقحه كنها نحي *** يا للأسف تسمع كلام اسفهاهـا واليوم سفيه البشر لبست عبي *** وصارت بلمات المجالس تباها من يارد الحسيان لا يرتجي ري *** صدر وشوله تجتلد من ظماها وقال عبدالله بن دهيمش بن عبار العنزي هذه الأبيات مجاراة : 14 يا بو عمر أصبّح عـلى البينه وأمس *** ولا بـد مـا أمـر الـولـي لـه نفـاذا وافطن ترى الدباب ما يشبه الجمس *** مـاذا يـريـد مـحـرف الـجـد مــاذا الصوت ما يوحيـه مـن غـيبـه رمس *** ولا يـروي القـاع المحيلـة رذاذا وقال عبدالله بن دهيمش بن عبار العنزي هذه القصيدة رداً على الشاعـر عبدالله ابن عودة الجعفري العنزي يشكره على موقفه ويوضح الحقيقة : 15 سـمـيـت وأدنـيـت الـقـلـم بالبـنـانـي *** هـاض الفكـر والقاف نفهم ارموقه حـي الكتاب الـلي من القـرم جـانـي *** رحـبـت بـه والـقـلـب يـزداد شوقـه من شاعـرٍ صـاغ البـيـوت السماني *** دلا رعـد شـعــره تـلاعـج ابـروقــه عبدالـلـه العـوده عـريـب المجـانـي *** قـرم العيـال الـلي عـريقـه اعموقـه مـن لابـةٍ تـروي شـطـيـر السنـانـي *** جـعـافـرة كـعـم الـمـعـادي وعـوقـه اليا اعتلـوا من فوق كـور العـمـاني *** رجـالهـم مـا يـقـرب الخـصم نـوقـه أهـل بـيـوت مـشـيـده بـالـبـيــانـــي *** ومـن ضافهـم هبـر الهـرافي ريوقه مشكـور يالمنعـور طـلـق اليـمـانـي *** مـثـل القـطـامي يـوم تطلـق اسبوقه مشكـور يالـلي بالـحـقـيـقـه يـرانـي *** شـرواه مـا غمض عن الحق موقه بالقـاف يـردع مـن بقـولـه هـجـاني *** ومـن عـد حق الـلـه مـا أحدٍ يفوقـه الـحـر طـبـعــه لـلخـطـأ مـا ايـدانـي *** وصـدرالحليم اليـا انظلم زاد ضوقه عند القـروم الصيـد قـدري وشانـي *** ولانـي بحـال الـلي أيجـلق اشدوقـه كـل الـقبـيـلـة عـدهـم مـن اخـوانـي *** مخـلص ولا نـقبـل خـديعـه وبـوقـه أثـبـت لشخـوص الحمـايـل كـيـانـي *** ولا اشكـل عـلي اللي يجدع اعلوقه بعـض الـرخـوم مفـرقيـن العـواني *** بـيـت الفخـر تفتح خلايـل اشقـوقـه والـلي بـلـمـات المجـالـس شنـانـي *** يـبـي النسـب عـلى مـزاجـه وذوقـه هـو يحسب أنه يابن عـوده وساني *** لا شك أنـا مـا شاق قـلـبي عـقـوقـه خصمي شكمته بالـرسن والعـنـاني *** ومـن زوّر الـواقع عـطـيتـه لعـوقـه يـبـغـي يـحـط لـعـزوتـي جـد ثـانـي *** والكـذب مـالـه عـنـد الأجـواد لـوقـه قـص النسـب هشـام والأصفهـانـي *** مـبـطـي ولا تـو الـعـبـاد امـخـلـوقـه الـعـلـم وضـّح كـل مـا كـان فـانــي *** والـلي مـضى يصعـب عـلينا لحـوقه وقـولٍ بـلا مـعـنـا حـلـوم وأمــانـي *** ضـريع ما يجنـا الثمـر مـن عـذوقـه واللاش لـو هـو من نحانـيح هـاني *** تكـرم عنـه قـدره مثـل جـرو طوقـه وقال عبدالله بن دهيمش بن عبار العنزي هذه الأبيات يشكر الشاعـر جميل ابن محمد الحوسي الفدعاني وذلك عندما سمع رجال يتحدثون بمجلس عن نسب قبيلة عنزة فتوهموا أن أبن عبار وضع قبيلة عنزة أحلاف علماً أن الذي كتب هذا الكلام غير أبن عبار فتصدى لهم مشكوراً ووضح لهم : 16 يابو تركي وش علام أهل السوالف *** وش بـلاهـم يا أبـو تـركي يطعـنـون الـلي واحـدهـم مـثـل ثـور المعـالـف *** غيشمـان وبالقـصص مـا يفهـمـون مـن بـراسـه مـخ مـتـحجـر وتـالــف *** يسمع الغـوغـاء ويـاخـذ بـالظـنـون عـادت الـكـذاب لا سـولـف يـحـالـف *** والـرعـاع بـكـل قـول يـصـدقــــون لـو وجـد عـاقـل لمنهـاجـه يـخـالـف *** قـرم مثلـك يا أبـو تـركي لا تـهـون لـو يـقـال لـمـن تـمـادا طـس ذالــف *** ما نجح راعي الخـلاعـه والمجـون وأنـت لأصحاب النمايـم مـا تـوالـف *** تـردع الـلـي دون ذمـه يـشـمـتــون من هو اللي من حلالـه كنـت بالـف *** من هو اللي جيتـه أطلب منه عون أعتـزي بجدودهـم في عهـد سالـف *** وأبـذل المجـهـود لـو مـا يشجعـون وأحمد اللـه مجتهد لـو كـنـت كالـف *** الـقـروم تـشـيـد والـلاش مـغـبـون قال عبدالله بن دهيمش بن بن عبار رداً على جميل بن محمد الحوسي : 17 حـي الـزمـيـل الـلـي للأشعـار بـداع *** حـيـه عـدد نـبـت النـفـل بالحـمـاده حيه عـدد ما نسنس الصبح ذعـذاع *** وأعـداد مـن صلـوا بـدور العـبـاده جميـل أبـو تركي كمـا الحـر لا ثـاع *** اسطى مـن الصيـرم بحـزت هـداده شيخ وخطيب لوالي الكون مطـواع *** عـسـاه دايـم فـي حـيـاة الـسـعــاده ترى الكلام الـلي سمعته ولـو شـاع *** لا تـصـدقـه يـا شـيـخ كـلـه ربــاده أصـبـح يـعـوث بـغـرتـي كـل خـداع *** الـلي لـه الـتـزويـر والـكـذب عـاده مـا دام تـشكـرني طـويليـن الأبـواع *** الـلاش مـا يـشـكـل عـلي انـتـقـاده عنـد اللـزم ما شفت من صال فـزاع *** الـكـل سيـفـه شـايـلـه فـي غـمـاده قال عبدالله بن دهيمش بن عبار رداً على الشاعر جميل بن محمد الحوسي : 18 كان العلوم الـلي يـروج لهـا جـتـك *** مـانـي يا أبـو تركي لك الله مرتـاب تسمع سوالـف بالديـاويـن غـثـتـك *** والشكـر لـلـه كـلهـا زيـف وأكـذاب ما دمت لي يالقـرم تـبـدي معـزتـك *** أهـل النحـاسه والنكـد كنهـا كـلاب انت الذي معي عـلى الضـد هـدتـك *** حيثـك قـرابـه مـن دنيـين الأقـراب عـساك تـسـلـم والـمـلامـه تعـدتـك *** والـداب مالـه عندنـا كـود مصـلاب |
19 قال عبدالله بن دهيمش بن عبار هذه القصيدة يعتز ويفخر بقبيلته وبما قام به من جهد لنبش تراثها وتدوينه وحفظه جواب لمن يبث الأشاعات ويعتمد الغيبة والنميمة بدافع الجحود والتنكّر لما بذلت من جهد بشهادة المنصفين وموجهه للذين أخلفوا نسب وتاريخ عنزة : قـال الـذي مـنـطـوق هـرجـه يسـلّـي *** يـجـيـد منظـوم القـوافـي بالأعـراب قـولي صـريـح وكـل فـاهـم فـطــلـي *** قـلـتـه وأنـا بـالـقـول لـلـحـق طّـّلاب أبـي أنـصـح الـلـي بالمكـايـد حـبـلي *** لـو كـان مـاني مـن مهاجيه مرتـاب يالـلي تـروّج ضـدي الهـرج قـل لـي *** وش جـاك تصدح بالنمايـم وتغتـاب حـكي الخطـأ يـرث تباغـض وغـلـي *** ولا يـربح الـلي للقشر جـر الأسباب ومـن لا يخاف الـلي لوجهـه نـصلي *** خـايـن ولاهـو من عفيفين الأجيـاب خـاب الـذي شـفـّه خضـوعي وذلـّي *** الظالـم المنكـود بـأمـر الـولي خـاب الحـمـد لـلـه مـن قـرض مـسهـمـلي *** مالـه قـدر عنـد الرفاقـه والأصحاب حـمـايـل الأجـواد تعـرض عـن الـلي *** هـرجـه خطـأ ولـنـار الأحقاد شبـّاب بـيـض الضمايـر مـا خـفاهـم محـلي *** لي عندهم حشمه وتقديـر وأعجـاب والـلـي بـهـم عـوج المشـاور تـفـلّي *** عـاث ولـعـب بـعـقولهـم كـل نصّـاب عـن السنـع مـا عـلـت مـقـدار مـلّي *** ولانـي بـحـال الـلي تخـبّـط بالأنساب مـصـادر أنسـاب الـعـرب يـشهـدلـي *** ومـن لا يـعـد الحـق هـايـف وكـّذّاب أكتـب فخـر وأمـجـاد عـن عـزوتـلي *** ودونـت كـل تـراث الأجـداد بـكـتـاب صيـد الحمـايـل مـا حصاهـم سجـلي *** لو أبي أعد شخوصهم مالها حساب مـن قبـل عصـر الفاطـمي والصّقلي *** تشهد لماضي مجدنا عصم الأشناب سـاس عـنـزة مثـل الجبـل مـا يـزلي *** اشم واشمخ من شواميخ الأهضاب ومـن حـّرف الـتـاريـخ خـلّـه يـولـي *** مجـد القبيلـة مشتهـر عبـر الأحقـاب عـنــاز وايــل عـزوتـي مـحـزمــلـي *** لا زال فـيهـم مـثـل أبـو زيـد وذيـاب مـن طـاب منهـم هـو ذرايـه وضلـي *** عن الهجير الـلي من الشوب لهـّاب والمجـد الـلي لـروس القبيلـه يعـّلي *** فـعـل الـرجـال الـلي تكنـّوا بالألقـاب مصـدر فخـرنـا فـي زبـون الـمتـلـي *** يوم المعازم والقـرى شلف وحـراب نـفـخـر بـعـلـم الـلي بضيـفـه يـهـلي *** منصى لهتاش الخـلا وقـت الأجـداب ونـعـتـز بـالـلـي خـاطـره مـسفـهـلي *** يضحك حجاجه يوم تشتد الأعصاب ونـعـتـز بـالـلي لـلـمـشـاكـل يـحـلـي *** لا جـاء لـزومـه مـا تـعـّذّر ولا غـاب ونـعـتـز بـالـلـي جـارهـم مـا يـمـلـي *** نفخـر بطـاري علمهم عنـد الأجنـاب ومـن كـان فـض وقاسي القلب خلي *** يـفـقـد شغـاميـم الـرفـاقـه والأقـراب والـرس مـا يـبـهـج ضميـر الـمـدلي *** نبعـه شحيح وقاعت الـرس جبجاب 20 قال عبدالله بن دهيمش بن عبار هذه القصيدة من قصائد التصدي للحملة المغرضة موجهة للذين يزورون نسب عنزة : توقعـوا يا أهـل المقاصـد والأهـداف *** مـا كـل مـن يكتـب يصنـّف بـكيـفـه عـلـم النسب مـا يتقنـه كـود عـرّاف *** الـلي شهـد لـه في بياض الصحيفه الـلي نـقـل حـمـل الأمانـه بالأكتاف *** يـعـتـز بـالـعـزوة ونـفسـه عـفـيـفـه ولا يـبـلـغ الـغـايـة مـخـادع وبـلاّف *** هـرجـه عـلى مـا قيـل مابـه طريفـه الـزلـه الـلي من القـرابـه لهـا شاف *** وعـن عيلـة القاصي عيونـه كفيفـه يامن خـبـر بجدودنـا خيـار وعـذاف *** وايـل ووايـل كـيـف مـثّـّل بـصيـفـه وايـل على وايل حسب قولهـم نـاف *** وايـل كـمـا الخـادم ووايـل خـلـيـفـه من طاب حظّه منهجه عدل وأنصاف *** ولا يـظـلـم الأجـواد كـود الهـديفـه جمع عنزة في زعمهم عـدة أصنـاف *** مـثـل الحبوك الـلي بنطـو السفيفه هم يزعمون أن اسمها هيكل غـلاف *** جـمـع تـجـمّـع مـن ربـيـعـه لفيـفـه جـمـلـة قـبـايـلـنـا مـن الكـاف للكـاف *** يـبـونـهـا لـعـيـال قـاسـط حـلـيـفـه الـلي فخرهـا شاع فـي كـل الأطـراف *** هـم لهـزموها واودعوهـا ضعيفـه دولـة بـني عثمـان وشيوخ الأشراف *** بعـصورهـم تـعـرف قبيلـة مخيفـه والجـد الـلي مـا هـو لـعـنـاز يـنـعـاف *** ومن زوّر التاريخ ما نريـد زيـفـه حـنـا عـنـزة يـوم المغـازي والأنكاف *** رجـالـنـا يـنـحـى عـدوه بـسـيـفــه حنـا عنزة يوم الضعن يتلي الأسلاف *** مـا نـنـزل الا بـالفيـاض المـريـفـه الصقري النجـدي وصفنـا بالأوصاف *** نـلـنـا المفـاخـر بالفـعـال الشريفـه صلـنـا مـن الشنبل لـيـا ديـرة خساف *** ومن شرقي الحاوي لوادي حنيفه فـي كـل ديـرة دوجّـت حـم الأشعـاف *** ترعى حمـاهـا بالسيوف الـرهيفـه يجنب لها الـلي ما تزحزح ولا خـاف *** غوش لهم دحـر المعادي وضيفـه 21 قال عبدالله بن دهيمش بن عبار هذه الأبيات من شعر التصدي للحملة المغرضة : مـن ينشد المـدعي وش ضاع لـه ضـايـع مـالـه مـع المغـرضه شريـه ولا بـيـعـه يمشي مـع أهـل الحسد بالـظـلـم وأيـلايـع الـلـي يـكـن الحسـب صـدّق مـواضيعـه والـلـي بـهـرج الـخـطـأ بالمجـتـمـع ذايـع مـن يـمنحـه بصمتـه بابـهـام أصابـيعـه أغـراه مـن وهـمّـه بـالـمـنـطـق الـرايــع حـتـى وضـع ضـدنـا خـتـمـه وتـوقـيـعـه مجـد عنـزة مشتهـر بـيـن العـرب شايـع والـلي عـبـث بالنسب بالـزور مـا أنطيعه أعـتـز فـي عـزوتـي بـواجـت الـخــايــع مـوحش فجـوج الفـلا يمشون مع ريـعـه أهـل الـبيـوت الـذي يـفـرح بهـا الجـايـع ويــلان رجـالـهــم يـبـعــد مــرامــيـعــــه شجعـان يـوم الحـمـر من خصمهم ثـايع مـا نـال مـن جـمعـهـم مـن راد تـرويـعـه وأن عـاث بأنسابنا المنحوس والصايـع هـرجـه يـشـابـه سـراب الّـلال بـالـقـيـعـه 22 قال عبدالله بن دهيمش بن عبار هذه القصيدة من شعر التصدي للحملة : أبـدي بـعـزّال لـيـلـه عـن نـهــاره *** الكـريـم الـلي يقيت الخلـق مـدّه وبعـد ذكـر الـلـه وضّحت العبـاره *** ننفى هرج الزور والواقع نعـدّه مـا نطيـع أهـل التجني والجـواره *** للخطـأ نشجـب ونستنكر بـشّـده عـزوة الـويلان مـاهي مستعـاره *** وأبن وايل ما ايتسمّى بغير جده ماضي التاريخ وضّح في اخباره *** مـن قديم العهد ما هـي مستجدّه قـلـتـهـا والحـر تكـفـيـه الأشـاره *** من تبرّى من القبيله خاب سـدّه من تعّبث بالنسب وأصدر قراره *** عـن مقاصـد غـايتـه لازم نـحـدّه من تعـبّث بالنسب نقصر مساره *** صاحب التزوير عن قصده نرده وايـل الـويـلان رديـت أعـتـبـاره *** والـرجـل يعتـز فـي ساسه وبـدّه وايـل عـنـزة مـحـلّـه بالـصـداره *** ومن غلط ملزوم يوقف عند حدّه من وصف جـد القبيلة بالحـقـاره *** ماضي التاريخ هو خصمه ونّده جدنـا مثـل الجبل صلب الحجـاره *** شامخٍ فـوق السهال المجـرهـدّه ومجدنا الموروث ما نقبل دماره *** للخصيـم عـيـال وايـل مـستـعـده والجد الـلي بزعمهم تم أختيـاره *** كـل من سلسل جـدوده مـا يـعـّده مـن يصـدّق بالـدعايـه مستشاره *** للسوالـف صـعّـر المثـبـور خـدّه الـردي مـابـه حـمـيّـا ولا نـمـاره *** لـو فـخـر بالجد مجـد الجـد هـّده مـا نفع لـوهـو توّضف بالـوزاره *** حاد عن فعل المراجل ليس قـدّه ينفـخ ويجـمخ وطبعه طبع فـاره *** مـن تـعـوث بحلتـه عفشه تـقـدّه قـالها الـلي ما ثنوه أهـل القماره *** ولا يـهـمّـه كـل ظـالـم قـام ضـدّه كـل ظالـم مـن سبب تخريب داره *** الطـغـى بـاد الـطـغـاه المستـبـده مـن ظلمنـا الـلـه وعـدنا بنعثـاره *** يـردع الظـالـم وعـن نـوّه يصدّه المـديح لعـزوتي مـاهـو خسـاره *** يـوم عصر السرّج وأيـام الأشدّه نفتخر بأهل الشجاعة والجساره *** والـعـلـوم الـزايـفـه بـابـه نـسّـده المـوّقـر محـتـرم يفـرض وقـاره *** والخـزي كـل الخلايـق مـا تـوده من تكبّر وش اللي غلّض زراره *** بس يطحر كـن حلقـه فـيـه غـدّه طاوع أهـل البهلوة وأهل العياره *** ومشكل الويلان ما حلـل اعـقـّده 23 24 قال عبدالله بن دهيمش بن عبار من شعر التصدي للحمله المغرضه : يا للعجـب كيـف الـرجـل صـار خـفـره بالنت صار اسمه ضعيف البخت ريم يـا لـيـت مـن نـقّـز عـيـونـه بـضـفـره مـن أجـل مـا يـرمـي البشـر بالمثاليم العـزوه الـلي الـريـف يـرعـون قـفـره الــربـع الـلـي داجـوا بـكـل الأقـالـيـم حـط اسـمـهـم عـنـوان وأزداد طـفــره الـغـادر الـلـي يـرّهـم الكـذب تـرهيـم يـظـلـم وهـو آخـر مـصـيـره بـحـفــره مـا خـاف خـلاّق الـمـلأ منشي الغيـم يـوم الـقـيـامـه تـنـفـر الـخـلـق نـفــره بالمحشـر الـلي بـه للأعـمـال تـقييـم من حاد عـن درب الهـدى بـان كـفـره حيثـه طـغى وخالـف جـميع التعاليـم لـو صـح لـه مـع بسرت القلـب دفـره يـرجـع لـرشــده مـا يـوزع تـعـامـيــم كوبـان مـا يسوى مـن الضـان جـفـره مـن شبت المثبور عـن واجـبـه نـيـم مــا يــوم قــلّــط لـلـمـسـايـيـر سـفـره ولابـه فـزع لـلمـعـوزيـن الـمـغـاريـم كشو بـوجـهـه وأبـصقـوا كـل صـفـره الفـاسـد الـلي حـرّم الصّدق تـحـريـم عـسـى تـحــزّه مـع عـلابـيـه شــفــره بالسيف الـلي حـدّه يقـص الـزراديـم وآخــر كـلامـه بـس صـيـحـه وزفــره يصلب وتدفـن جيفتـه عـقـب تحطيـم |
قال عبدالله بن دهيمش بن عبار العنزي هذه القصيدة يسند على الرجل الفاضل سلمان بن رحيّل بن وقيت الشبيعان : 25 بديت وأهـديـت القوافي عـلى اللـيّث *** سلمان بن رحيّـل لـه اسندت حـيثـه حـيـثـه لـبـيـب ولا عـلـومـه مثـاميث *** ولاهو من الـلي دوم يضهر بحيثـه ماهـو من أهـل الثرثـره والطـراميث *** عسى فـداه أهـل القـلـوب الغـثيـثـه عساه في حفـظ الـولي منـزل الغـيث *** الـلي بـه الـقـاع المـحيـلـه يـغـيـثـه يـا أبـو سـعـد لا تـسـتـمع للحلابـيـث *** ومـن لا يعــد الـحـق قـلّـه كـريـثــه أشوف بعـض الناس مثـل المغاليـث *** مـن زايـد الهـرفـال تـوحـي لهـيـثـه والـلي يـلـم مـن السـوالـف فـراكيث *** مـن الحقـد كـبـده يالسنافي فـريـثـه والـلي عـلى الباطـل يـدور المعاليث *** يلـدغ كـمـا الثعـبـان يـقـذف نـفـيثـه حكـم النسّب نصـت عـليـه الأحاديث *** بالشرع وضحـه الـرسول بحـديـثـه مـن نـوح لإبـراهـيـم اليا آدم وشيث *** جـد الـعـرب بـاقـي لـيـوم الـبـعـيـثـه كـان عـنـزه لـهـا تــراث ومـواريـث *** مـا تاجـد الـلي مـا يسـمّى بـوريـثـه تـاريـخـنـا مـا حـرفــوه الــبـواحيـث *** قـبـل يـحكـم شـريـف مـكـه رمـيـثـه ماضي نسـب عـنـاز مافـيـه تحديـث *** مهمـا اجـتهـدنـا بالبحـوث الحثيـثـه بعـض البحوث تلـوّث الأصل تلويـث *** الـلي أودعـت شمل القبـيلـه بثـيثـه لاباس في غرس النخل عقب تجثيث *** ويـسقـى بـتـنقـيـط الـرذاذ ودثـيـثـه والأصل قصر وبـه زخارف وتأثيـث *** مـاهـد ساسـه مـن يـحـرّث نـبـيـثـه والـلي يحـرّث بالـي الرمس تحريـث *** مجـد عـنـزة بـالطعـس ودّه يـديـثـه الصّـدق عـنه أبعـد من ديـار تثـليـث *** عن ديـرة الجوبـه جـنـوب الدميثـه بـه فـرق مابـيـن النحـل والبراغـيث *** والطيـر يـفـرق نـادره مـن بـغـيـثـه بـعـض العـلـوم تخـبّـث البـال تخبيث *** صـار أيتحدّى الـلي هـروجه نكيثـه 26 قال عبدالله بن دهيمش بن عبار هذه الأبيات من ذات القافية الصعبه مهداه إلى الشيخ الدكتور نايف بن عماش بن سويلم وهي خاطره طرت بعد أن لمست من هذا الرجل الأنصاف والأشاده بجهدي مشكوراً :يـا نـايـف العـمـاش حـيـثـك بـنـاخـي *** لي الشرف أهـديك من كتبي انسخ يا نسل الـلي بالجود والطيب شاخي *** سهـل جنـابـه مـا تغطرس ولا جـخ أبـن سـويـلـم بالـفـخـر لـه مـنـاخـي *** مـن عـفـتـه جـاره يـعـدّه كـمـا الأخ الحـر مـا صـيـده جـراد وجـخـاخـي *** لاشـك دم الخـرب مـن مخـلبه ضـخ يا شيخ بعـض القـوم مـابـه طبـاخي *** والـلـي يـفــّرق لابـتـه يـلـزمـه نـخ الـزيـف مـا يـاجـب عـلـيـه التـراخي *** ولا يقبل التحـريـف رجّـال بـه مـخ بالقـص مـا نسمـع كـلام الكـشـاخي *** حنا عنزة الـلي قـال لهـم النبي بـخ حـنـا لـك الـلـه بالنسـب مـا نـداخـي *** لـو ينصبون أهـل الحسد ضدنا فـخ ما اشكل علينا اللي جـداه الصراخي *** مثل الثعـل ما يخوّف الناس لو كخ والـلي بـراسـه غطـرسـة وانتفـاخي *** هـدّاه مـن طخـه عـلى هـامته طـخ كـم ضايـع طـب بحضوضا وصاخي *** طاح بوحلها وغاص ما يشهله زخ قال عبدالله بن دهيمش بن عبار هذه الأبيات يسند على سليمان بن شايع 27 السعران أبو وائل الوائلي : يا أبـو وايـل مـا علينا مـن المسفّـه *** مـا نـجـاري يا أبـو وايـل كـل تـافه نـزلـه المـعـتـوه والـلي فـيـه خفّـه *** ونسهـج المرجوج واللي به لقافـه السـفـيـه المـنحـرف مـا نـال شـفـّه *** أن كـتـب بـالــنـت ولا بـالصـحـافـه خاب وأيضاً خاب من ياقـف بصفّـه *** مـا كسب غـيـر النـدامـه والحسافـه طـاع مـن يومون بـه مثـل المهـفـّه *** يـقـتـدي بـفـلان ولا يـفـهـم أهـدافـه كـل جـاهـل يـاخـذ الـعـلـم ويـطــفـّـه *** يحسب أنـه يفتهـم والعـرف طـافـه الغشيـم الـلي كـمـا الأطـرش بـزفـّه *** جـنـب الـواقـع وصـّدق بـالـخـرافـه هـو بضفـه والحقيقة صـوب ضـفّـه *** الحـقـايـق بـيـنـهـا وبـيـنـه مسـافـه لـيـت شّـره عـن ضنـا وايـل يـكـفّـه *** الـخـطـأ مـا يـنـقـبـل والـكـذب آفـــه مـن يسـب أهـل الفخـر بقـعـا تـلـفـّه *** فـاز مـن هـام العـلا والهـون عافـه من حكى بأنصاف بـه شيمه وعفّـه *** ومـن ضميـره حـي يكفيني أنصافـه قـالـوا الـوافيـن راعـي الحـق وفـه *** صاحـب الـذمـه عظيم الجهـد شافـه مـن نـوادر لابـتي مـا شـفــت حـفـّه *** عـندهم لـي عـز مع حسن الضيافـه ومـن يـطـبّـل مـا يـهـمـن رقـع دفـّه *** كـان رايـه بـالـخـطـأ بـان أختـلافـه صبّـت السـنبـل نصفـى عـنـه غـفـّه *** نـاخـذ الصـافـي ولا نلـقـط اعـذافـه وقال عبدالله بن دهيمش بن عبار رداً على فرج بن عوده الجعفري : 28 حـيـيـت يـا قـرم بـالاشعـار بـيـطـار *** خـطـك لفـاني مرحبا ويـا هـلابـه لـك الشكـر يالـلي الحميـا لكـم كـار *** يـا بعـدكم عـن الـردى والمعـابـه يـا فـرج العـوده كلامـك لـه أثـمـار *** قـريـت منظومـك وجتـك الأجابـه من فضل ربي صاحب الظلم ينهار *** صابه قهر والحسد حطم اعصابه وش عاد لـو روّج دعايات وأفكار *** الكـذب بـاطـل والـتـجـنـي خـيـابـه عندي دليل الصدق والجد ما أيعار *** أنـا خصيـم الـلي يـريـد الـطـلابـه عيب أنتحال الجـد نقـولهـا اجهـار *** أقـولـهـا عـن لابـتـي بـالـنـيـابـــه من اعتزا بعزوة ربيعه لنـا أنصار *** أما النسب ما فـيـه مـزح ودعابـه كثّر التخبط بالنسب يجلب اضـرار *** ويلـزم لمـن زوّر نـسبـنـا مجـابـه والـلي تخبـط بالنسب منهجـه بـار *** وايـل أبـن قاسط لنـا كيـف جـابـه وايل بن قاسط بالأنساب مـا صـار *** مـا هـو لـعـنـزة جـد لـكـن قـرابـه جـد عنزه مشهور من قدم الأدوار *** والجـد الـلي بالحلف مـا يعتـزابـه الحلف ما نرضاه واجدودنا احرار *** حلـف الضعافه نـتـركـه مـا لنـابـه حنا عنزه نحشم عن العيب والعار *** نـنسب لـوايـل والأسـامي تـشابـه حـنـا لك الـلـه ما عـن الجـد نختـار *** لا حـلف يجمعنا ولا هـو عصابـه الـحـمـد لـلـه جـدنـا عـامـر اخـيـار *** سليل من سمي عـلى ليـث غـابـه نسـل ربـيـعـة مـن صماصيم نـزّار *** وأحـفـاده التـاريخ سلسل أنسابـه بـشـر ضنـاه عبـيـد وعيـال عـمـار *** هـم الـذي منهـم تسلسل اعقـابـه ومسلم ضنـاه أثنين وافين الأشبار *** أنجب وهب وجلاس يا نعـم لابـه وقال عبدالله بن دهيمش بن عبار العنزي هذه الأبيات يسند على الصديق حمود بن ناجم العريفي السبيعي عندما سمع بلبلة المجالس : 29 يا أبـو طلال أهـل الحسد ما تفـاهـم *** لا جيت تـقـل أنـي جـريـم لحديهـم مـا أبـغـي مجالسهـم ولا منـتـداهـم *** مـا أريـد اقابلهـم ولا أريـد اجـيهـم يا حمود قامـوا ضدنـا مـن عـناهـم *** فشلـت مساعـيهـم وكـلّـت أيـديهـم وش قصدهم يا مسندي وش بلاهم *** وش حدهـم وشـو خطايـه عـليهـم كان أنهـم ضـدي تـواصل خطـاهـم *** أعـرضت مابي بـالـكـلام أطـبـيـهـم الـلي ظـلموني عـنـد ربـي جزاهـم *** مـا أريـد بالقـول الصريح أهجـيهـم الـلي يـبـيعـون الـبخـت بـالـدراهـم *** خـابـوا وكـل المجـتـمـع يـزدريـهـم يغضون بعيون الخجل عن أعداهم *** وعـلى القـرابـه كـل منهـم تـهيـهـم خاب وخسر وقت اللزّم من نصاهم *** وقـريـبـهـم مـن شـرهـم يـتـقـيـهـم ويـن الـرجـال الـلـي كـرام لـحـاهـم *** الـلـي سجـّل كـتـابـنـا مـا نـسيـهـم |
وقال عبدالله بن عبار هذه القصيدة من شعر التصدي للحملة المغرضه : 30 صارت شـواميـت العـرب تـزدريـنـا *** سبـايـب الـلـي بالقـصص فـشلـونـا خاضوا وضافـوا جـد بـه مـا دريـنـا *** ومحـوا سوابـق مجدنـا وأنـكـرونـا وايـل جـديـلـه بالـنسـب مـا يـجـيـنـا *** وش مقصـد الـلي بالكلام اشغلـونـا وايـل جـديـلـه فـي ضـنـاه الـتـقـيـنـا *** بالـجـد أسـد الـغـاب بـه سـلسلـونـا وايـل جـديـلـه مـالـه الـعــرق فـيـنـا *** حـتـى ولــو بـالـلـهــزمـه دخـلّـونـا الـلـهــزمـة مـنـهـا قـديـم انـتـهـينـا *** وش جـاهـم لـجـد الحليـف انسبونـا وحـنـا بـغـيـر جـدودنـا مـا رضـيـنـا *** نـرفـض ولا نـقـبـل بتـغيـيـر أبـونـا حـنـا لـوايـل جـدنــا مـا نـسـيـنــــــا *** ولا نطاوع اللي لأبن قاسط عـزونـا حـنـا عـلـى درب الأوايـل مـشـيـنــا *** واجـدودنـا بـأنـسـابـنـا عـلـمــونــــا حـنـا عـنـزة بأرض المجازه نـشينا *** مبـطي هـل التاريخ فـيهـا اذكـرونـا ومنهـا عـلى الـدار الخصيبة نـوينا *** عـيـن التـمـر ديـرة جـديـلـة أخـونـا فـيـهـا بـعـصـر الجـاهـلـيـة ربــيـنـا *** لـكـن بـني العـبـاس عنهـا ابعـدونـا ثـارت بـهـا الفـتـنـة وعـنهـا جلـينـا *** وبـحـدود دار الـمـصطـفى نـزلـونـا ومـن حيـنهـا بـوديـان خيبـر بقينـا *** الـلـي لـنـخـلـهـا جـدودنـا ورثـونـــا ومـن خـيبـر لـنـجـد الـعـذيـه لـفينـا *** هي ساس دار جدودنا الـلي انجبونا زدنـا وكـثـرنـا بـدار نـجـد وقـويـنـا *** وكـل القبـايـل والشعـوب اعـرفـونـا مـن ديـرة البصره إلى حـدود سينا *** صلـنـا وجلـنـا والعـدا مـا أرهـبـونـا ولـنـا حـواضـر بـالـقـرى ساكـنـينـا *** منـذ القـدم نـدري بـهـم مـا خـفـونـا طـلـنـا وبـأفـعـال الـجـدود اكـتـفـينـا *** نـالـوا فـخـر بـأفـعـالهـم شـرفـونـــا هـذا القصص والـلـه يشهـد عـلينـا *** ومـن عـرفـوا التاريـخ مـا كـذبـونـا قال عبدالله بن دهيمش بن عبّار هذا المقطع من قصيدة اعتزاز بجد عنزة الأول وعمود نسبها عامر بن أسد بن ربيعة الذي طعن رجل بالعنزة ولقب عنزة وبقي اللّقب على ذريته منذ مطلع القرن الثاني الميلادي ولا يزال : 31 نجبـت النديـب وشد جيـب جـديـد طـراز *** مرفـعّ وقشع الهيش مـانـاش صـدامـه تـعـلاّ بصهات الجيـب وأسقـاه بالممتـاز *** يـبـوج الديـار ويسهـر الليـل مـا نـامـه يسوقـه عـلى هـونـه ولا يشغـّل الغـمّـاز *** ينـاظـر عـن السهوات خـلفـه وقـداّمـه تـبـارك ولـي الكـون كـنـه خطات الـبـاز *** اليـا لاح لـه خـرب الحباري تقل خامـه تـوجـه يـبـي ربـعٍ كـرام وعـلـي اعـزاز *** يحـث السرى من عاصمة نجد مجهامه نـويـت أرسلـه ماني مجامل ولا منحـاز *** عـلى أولاد وايـل ضد من عال وأكعامه أخص الرجال الصيد ما طاعـوا الهمّـاز *** ولا أسند على هلباج أو هيس واخمامه خـطـات الـرجـل ودك تـوقـّى لـه بـقفـّاز *** لأنـه شبـيـه الـلـي يـنجسـك بـجحـامـه وخطات الرجل صوره تعلّق على برواز *** خـيـالـه نضيـر بهيكـل الجسم والقـامـه بعيـدٍ عـن الفـزعـة وعـن نفعـة المعتاز *** ولالـه سـوى جـده بـدأ ينقـل اعـظامـه الـلي ولـّع الفتـنـة وشـب الحطب بالقـاز *** يدور الخطأ ونفسه عـلى الشر معتامه يحسب النسب مـالـه قـواعـد ولا مركاز *** مـعـه شـلـة اتـطبـل عـلى رقـع دمـّامـه تصـديـت للحاقـد ومـن قـصده استفـزاز *** مفـرّق شمـل ربـعـه بغيـبـات وانـمامـه صدحت بكلام الصدق ماهي رموز الغاز *** ولا يظـلـم الـلي عـزوة سعـود حكـّامـه أبي أشرح أهداف اللي لجـد عنزة لمّـاز *** يـعـوث بنسبـهـا وهـو مبـاديـه هـدّامـه نـقـلهـا لـقبـايـل تسكـن الشام والأهـواز *** يـشكـك ويـطعـن والـمـخـالـيـق لـّوامـه ولا تقـل عـرفـت نجـد ولا كنهـا بحجـاز *** ولا تقـل قـبـل اجـدودهـا طبـوا اتهـامـه تـرى جـدنـا عـامـر تسـمّى عـلى عـكـّاز *** طعـن بالعصا العايـل ولا فـكـه احسامه قبـل وقعـة الأغيـال وقصـة جبـل خـزّاز *** وقـبـل مـنـاخ الـزيـر هــو وأبـو دلاّمـه تـرانـا بـني وائـل بعيـن العـدو مـخـراز *** لنـا أمجـاد من يكتب بها تتعب اقـلامـه تـرنـم بـه الـحـادي وغـنىّ بـه الـرجّـاز *** لحـون الفخـر بامجـادنـا تـنشد انـغـامـه صناديد يـوم الخيـل فـي مطـّرد والـزاز *** مغاويـر يـوم الـروح تجلـب لمن سامه تـزول الجبـال ولا تـزحزح نسب عـنّـاز *** لـه الفيـن شاهـد بـيـن باحـث وعـلاّمه نسبنـا كضلع طويـق راسي ولا يـنهـاز *** أمجد وافـاخـر بـه وانـا شامخ الهـامـه محرف نسب عنّـاز مهما أجتهد ما فـاز *** كلامـه وهـم والناس مـا تقبـل أوهـامه يفوز الـذي يجهد ولـه بالصحيح أنجـاز *** ومن لا يعد الصدق ما ايحقـق احـلامـه نـدبـت الشيـوخ الـلـي ثـقيليـن بـالأرواز *** يشيلون حمل الـلي عـلى كاهـله ضامه قال عبدالله بن عبار رداً على فايز بن فرحان بن سويلم الغضوري : 32 يـا مـرحبـا حـيـيت يـا نـسـل الأجـواد *** يـا بـن سويـلم يا سلـيـل الحمـايـل نشـدتـني يالقـرم عـن بعـض الأفـراد *** الـلي يـدورون الـطـمع بالـتحـايـل يـبـون سـرق جـهودنـا ماروش عـاد *** النـاس تـدري بالعـلـوم الصمـايـل لا تـكـتـرث يالـقـرم بأعـمال الأوغـاد *** الـكـذب والـتـزويـر كـالـظـل زايـل وحـنـا لـهـم فـي كـل منفـذ ومرصـاد *** نكشف حقـايقهم خـبـاث الـدغـايـل والـلي لكـتـبي يـا فـتى الـجـود نـقـّاد *** قصـده حسـد لاشك مـا نـال طـايـل لـو بـه حـمـيـه عـن حـمى لابـتـه ذاد *** ما هو على ابـن العم يأتيه صايـل الخايب اللي يجـمع السحت وش فـاد *** غيـر اقشر السمعة وشين الفوايل * قال عبدالله بن دهيمش بن عبار العنزي هذه القصيدة رداً على فايز بن فرحان بن سويلم الغضوري : 33 ابدي باللي نزل على الرسل الآيات *** رب الخـلايـق مـا يـوصـف مثيـلـه الـلي بسـط سبعـه وسبعـه رفيعـات *** مـولاي خـلاق الـمـلأ هـو وكـيـلـه باسمه بديـت بـرد منظـوم الأبـيـات *** جـواب كـسـّاب الـثـنـا والـنـفـيـلـه فايز سليل أهل الفخر سامي الـذات *** ابـن سويلـم مـن معـامـق أصيـلـه الغـضـوري مـن لابـة بـالـحـرابـات *** عـاداتـهـم دحـر الـعـدا بـالـدبـيـلـه كان اعتلوا فوق المهـار الأصيلات *** صارت على العدوان كدرا سحيلـه لابة عيال العود بالعصر اللي فـات *** لـهـم بـمـيـدان الـمـعـارك فـعـيـلــه وكان انتخوا بالعود وقت الملاقـات *** عـدوهـم تـمـرج ركـابـه وخـيـلـــه مشكور يا راعي البيـوت العـذيـات *** هرجك صحيح وكلمتك ينصغي لـه وأن كان سجلت الفخـر بالسجـلات *** أمجـاد ربـعي خـاطـري مهـتـويلـه لي الشرف واعتز رغم اعتراضات *** بعض الرخوم اللي عملهم فشيلـه مـا هـمـهـم لـكـود جـمـع الـريـالات *** ما ايشجعـون الـلي اهـدافـه نبيلـه أقـولـهـا ولا هـمـنـي كـل شـمــــات *** الـحـاسـد الـحـاقـد يـمـوت بغـليلـه بعض العفون اللي تـثير الحـزازات *** سود الضماير والخبـاث الـرزيـلـه الـلاش يـبلش صاحبـه والـقـرابـات *** وأن جت من الأجناب مثل الحليله مـاني بحـال الـلي عـلـومـه رديـات *** مـا دام معي أهـل الهداف الجليلـه ما دام معي أهـل القـلوب النظيفـات *** مالي ومـال أهـل الدنس والدغيله مـار الـعـرب بـهـم مقاريد وأبخـات *** ومن طـاب حظه مـا يجي للهزيلـه بهـم الأشـم الـلـي اهـدافـه بعـيـدات *** عـنـد الـلـوازم مـا يـبـور بعـميـلـه وبهم الخسيس اللي اهدافـه دنيـات *** ذيـخ عـلى البلعـه يلـوقص بذيـلـه ثـم الصلاة على النبي كـل الأوقـات *** شـفـاعـتـه يـوم الـلـقـاء نحتـريلـه قال عبدالله بن دهيمش بن عبار العنزي هذه القصيدة رداً على الشاعر فهد بن عبدالعزيز السبيعي العنزي : 34 مبداي في منزل حقوق الجواهيش *** سحـب المزون الـلي تهـل بغـزاره ديـم تصب سوات صب الخراطيش *** وتسقي جراهيـد الـوطـا والفـقـاره مـولاي خـلاق المـلأ منبت الهيـش *** الـلي جميع الكـون يـعـلـم اسـراره جالي بصر يعقوب عقب التعاميش *** فـي قـدرت المولى تجلـت ابصـاره رب الـعـبـاد مـزيـل هـم المبـالـيش *** معـتـم دجـا لـيلـه ومـوضي نهـاره وبعد ذكر اللـه ننقش الخط تنقيش *** سار القـلم والجاش هاضت افكـاره حي الجواب الـلي لفـوبه مطاريش *** وحـي الـذي وجـه عـلـيـنـا مساره مهديه قـرم مـا سلك مسلك الغـيش *** فهـد سليـل اللـيـث نـمـر الـنـمـاره الـوايـلي مـا طبـش القـيـل تطبيش *** عـنـده عـلى بـدع المثايـل شطـاره مـن لابـة يـوم الشـوارب مكـالـيش *** الـلـي يـنـاطـحـهـم جـداه الـنـيـاره يـوم المـوازر صـوتها لـه لـواليش *** دلاق هـم عـوق الخـصيم ودمـاره واسنادهم جـمع البطيني هـواويش *** سقـم الحريـب وبالحرايـب سعاره اللابـه الـلي يـكـرمـون الهـواتـيش *** يـوم بـه الـمـسـعــر قـلـيـل دبــاره عـاداتهـم مـا يـذبحـون الكـرافـيش *** كـود السمين الـلي عريض فـقـاره ما يحضرون الكيل في قـلة الخيش *** يـوم الـردي كيسه يجّـود اصـراره ان كان تذكربالعـرب من بهم طيش *** اهـل المفاسـد والحسـد والـقمـاره الـلي يمطـط ملسنـه تـقـل بـربـيـش *** يجمع حكي ما بين مكـر وعـيـاره سـود القـلـوب مقبقبين الفـرافـيش *** بـيـن القـرايـب يقـدحـون الشراره لـو جمعـوا من زايـد الهيف حتيش *** مـا هـمني راعـي الحسد والنغـاره مـا احب كثـر الطهبلـه والقراويش *** والجاهل المجهول ماابغي شجاره مـن لاعب السنور صابه مخاميش *** يصبر على مضرب مخالب ضفاره خطو الرجل ما يفتهم كود تجحيش *** تـاه الـطـريـق ورام درب القشـاره هـذاك مـثـل الـلي مـنـاداه تـقـريش *** تـكـرم عـنـه يشبـه اتـان الحمـاره ما اينظف المدنوس يالقرم ترويش *** مـا ظـني الصابون يجـلي سمـاره وصلواعدد مارفرف الطير بالريش *** عـلى النبي عـد الـرمل والحجـاره |
قال عبدالله بن دهيمش بن عبار هذه القصيدة من شعر التصدي للحمله المغرضه : 35 قال من سجّل من اشعاره قطـوف *** يـبدع القيفان مـن فيض القريح قلت جزل القاف والهزل محذوف *** وأهـدي المنظوم للـوجـه الفليح من يريد الصّدق نعطيه الوصوف *** يفهم المظمون من عقله رجيح البصير الـواعي المبصـر يشوف *** يدرك المقصود والقول الصريح من وضع في جد عزوتنا صدوف *** ليت لـوهـو عن بحوثه يستريح أصـلـنـا ثـابـت موثـّق ومعـروف *** حتى عند الـلي عبد دين المسيح حنا عنزه يـوم كان الوقت خـوف *** نحـمي القطعـان بالـدو الفسيـح من قبيله مـا تهـاب مـن الحتـوف *** مـن يلاقي جمعهـم ياقع طـريح طبعنا ندعس عل روس الحظوف *** والضراغـم مـا يخـوفهـا النبيح فعـلـنـا مبـطي مسجّل بالحـروف *** مـا نـبي تلفيـق يكفـينـا الصحيح يوم حـرب الفرس كنا بالصفوف *** مع بـني بكـر حمينا الـلي تصيح مجـدنـا مـاهـو بتصفيق الكفـوف *** ولا فـخـرنـا يا جـماعـه بالدحيح ولا كسبنا المجد في هـز الكتوف *** والصـدور الـلي تـبـالـغ بالفحيح الـمـفـاخـر بـالـرمـاح وبالسيوف *** وهمّة الشجعان في دحر النطيح جـارنـا يـدلـه ونـفـرح بالضيوف *** يوم غلو الـزاد والمسعر شحيح كـم منـا ريف من يشكي الظروف *** مثـل من صوّت بزاده في شبيح الصخي عـز المحاويج الضعوف *** الكـريـم أبـو المحـرول والكسيح نفتخـر بالـلي عـلى ربعه عطوف *** الحليـم وصاحب القـلب النصيح ولا بـنـا عـن باقي الأجواد نـوف *** بالعـرب من طاب يظفر بالمديح لا تـطـيـعـون المطـبّـل بالـدفـوف *** الحـذر يشظّى القبـيلـه كـل تـيـح لا يـشق صفـوفكـم كـل مهـفـوف *** في عـلـوم الهيـف مكنونـه يبيح دوم عـن فعـل النقـا نفسه عيوف *** مـا نفع محـرج ولا سـوّى مليح بـس يسعّـى بـالـدياويـن ويـلـوف *** يرتعش وبكـل مجلس لـه نـفيح في كـلام الـزور بالعـزوه يطـوف *** ويلفظ المنطوق بالهـرج القبيح كـنّـه الـلي مسكنه وسط الكهوف *** أوكما اللي عادته نبش الضريح قال عبدالله بن دهيمش بن عبار العنزي هذه القصيدة من شعر التصدي للحمله المغرضه : 36 فـي ضميري هاض مكنون الـروابـع *** وابتـديت الشـور مـن تفكيـر راسـي اكـتـب الـتـاريـخ وانـشـر بالمـطـابـع *** وأشـرح الـواقـع وأذكّـر كـل نـاسـي وأخـبـر الـلي بـالجـهـل لا زال قـابـع *** لـو تـلـقّى العـلـم بالفـصـل الـدراسي القصـر لـه ساس والـمـاء لـه منابـع *** والنسب ثـابـت مـثـل شـم الـرواسي الـقـبـيـلـه مـا نـســبـهــا بـالـتــوابـع *** النسـب بـالـجـد مـاهـو بـالجـنـاسـي كـان حـنـا نحـد عـن ريـف المـرابـع *** مـا نفعـنـا الـمـدح بالشعـر الحماسي فـي زمـان الجـوع وحـفـاة الضنـابع *** نـجـد والحـرّه هـي المـلـك الأساسي الـمـنــاذر والـغـسـاسـن والـتـبــابـع *** جـربـّوا عـصـر الـمـعـزّه والـمـآسـي مـاضي التـاريـخ بالبـصمـات طـابـع *** مـا حـصـاه أنسان بالـوقـت القياسي والشراع الـلي مـن العاصوف قـابـع *** يلـزمـه مجـداف مـن أجـل التـواسي مـن تـوثـق مـا عـليـه مـن الـزوابـع *** لو تـلـوذ اعـداه بأصحـاب الكـراسي خـطـو جـاهـل مـا يـعــد لـجـد سـابـع *** يـدعـّي بـاغـلاط والمقـصـد سياسي يـا عـسـى الأنـذال بــعــداد الأصـابـع *** الـولـي يـقـطـع ذراري كـل خـاسـي الـذي وسـط الـمـجـالـس لـه بـعـابـع *** بالـنـمـايـم مـقصـده تحـطيـم بـاسـي كـل لـيـلـه مـن صـحـن مــولاه لابــع *** مـا سـرح بـالـبـل ولا كـد الـتكـاسـي دوم بـطـنـه مـن وفـيـر الـزاد شـابـع *** شـفّـه الكبسه عـلى بـيـض التباسي المـعـاضـل مـا تـجـد لـه مـن يـتـابـع *** والصحـن فـي كـل لـيـلـه لـه يماسي مـاحـق المـاضي لحبـل الـعـز جـابـع *** منسـدح والـعـم لـه طـاعـم وكـاسـي الغـضـنـفـر مـا يـخـومـر بالمـضابـع *** والوحش سرحان ما هـاب العواسي قال عبدالله بن دهيمش بن عبار هذه الأبيات توضح لمن تجهله الحقائق : 37 يـا الـلـه أنـي طـالبـك يـا رب غـوثـي *** تنصر الـلي يالـولي فـيـك استـغـاث مـا يضيـع الحـق لـو طـال المـكـوثي *** ولا يصوغ الساس بالـقـاع الـدمـاث ينعـثـر مـن كـان سلمـه سلـم حـوثي *** وينكشف ستـر المنـاحيـس الخـبـاث من فضل مولاي واثـق مـن بحـوثـي *** يـوم بـعـض النـاس بالأنساب عـاث مـن نـوي مـجـد القبـيلـه لـه يـدوثي *** مـا قــدر لـعــروق عــنـاز اجـتـثــاث كــل جــد مـن الـقـبـايـل لــه وروثـي *** والمصـادر وضـحّـت أصـل الـثـلاث الأشـاعـه بالمـجـالـس لــه بــثــوثـي *** ولالــه بـتـاريـخ عــزوتــه اكـتـراث فـي كـلام الـزور يـقـسـم بـالحـنـوثي *** مثـل خـطـو الـفـار يـفـتـك بـالأثــاث ينهش الغـايـب مـثـل عـقـر اللهّـوثي *** أو كمـا هـرفـال مـن صـابـه غــلاث يـخـفي الـزيـنـه ولـلـشيـنـه نـثـوثـي *** بـالـخـطـأ يـا عـل بـلـسـانــه لّـــواث مـن صدوق العـلم غاضب ومغـثوثي *** يـستـمـع هـرج الـمسـفـّه والـحـداث مـا نطـيـع الـلي سـوالـفـهـم نـكـوثي *** أنـكـروا مـاضـي فـخـرنـا والـتــراث ويـن الـلـي صـاروا عـلينـا كالليوثي *** يـوم عـيـلات الـعـدو صـاروا بـغـاث مـن يـمثـلهـم عـلى جـفـر الـرغـوثي *** عــن مــرّده دوبـحـوا مـثــل الأنـاث قال عبدالله بن عبار هذه الأبيات من شعر التصدي للحملة المغرضه : 38 أسـبـاب مـا بــيّـح كـنـيـنـي وهـاضه *** قـلـبي هـواجـيس الـروابـع تـكـضـه واللي اغضب الخاطر وزاد امتعاضه *** هرج الخطأ بمنطوق من باع حظّـه قـلبـه مريض ولا شفي من امراضه *** يهرف كما اللي هارف الغـلث عضّه يـطـوف كـنّـه فـي طــواف الأفـاضـه *** ويـاخـذ عـلى كـل الـدياويـن غـضّـه عنـده شغـل مـاهـو عـلى حـد راضـه *** مجـهـد يـبي حـبـل الـمـوده يـقـضّـه ومن يستمع حكي المباغيض غاضه *** وش عاد لـو قالـوا تجـاوز ومـضّـه الـكـذب لـو روّج سـريـع انـقــراضـه *** والهـرج صاحيـن الضمايـر تهـضّه ومـن لا يصّـفي بالمشارب حـيـاضـه *** يـشـرب غـثاريـب الحثـال ويـلـضّـه والـلي يسيـر بمسلـك الحـق عـاضـه *** عـن كـل مـن يشفق عـليـه ويحضه لازم عـلى الظـالـم نـقـود انـتـفـاضـه *** والحظـف راسـه بالمطارق نـرضّـه أن ساعف المولى نخوض المخاضه *** مايصفي الماء كود من عقب خضّه والـراس شامخ مـا نـطيـق انخفاضه *** نصمـد ولا نشكي تـضجـر وجـضّـه ومـن زوّر الـواقـع يجـوز اعـتراضه *** ومن خاض بالباطـل لسانـه نشضـه مـوروثـنـا ياجـب عـلـينـا احـتـفاضه *** وجـمـيـل عــزوتـنـا نسـدد اقــرضّـه مـبـطي لـنـا تـاريـخ نـاصع بـيـاضـه *** وأنـسـابـنـا مـعـدن جـواهـر وفـضّـه قال عبدالله بن دهيمش بن عبار هذه البيات رداً على زميله الشاعر حميد ابن خلف الملفي يقول : 39 جاني جـواب الـوايلي عـبـر نجـّاب *** بالهـاتـف الجـوال جـانـا بـعـجـالـه مهـديـه قـرم مـن عفيفين الأجيـاب *** من حميد الملفي عسى الخير فاله قصده نبيل ومنهجه يطرب اطـراب *** يـا عـل عـفـنـيـن السجـايـا فـدالـه مـن لابـةٍ تفـزع عـلى خيل وركـاب *** يـوم الحرايب فـي زمـان الجهالـه أبشر يابن ملفي تجاوزت الأصعاب *** ولا يـدرك المقصـود كـود ابسالـه بعض المراجل دونها قطع الأرقاب *** مـا تـنـفـع الجـلـوه ولا من دخـالـه والحـاسد الـلي صـار للنـار شبّـاب *** الـلي يـبـي عـنـاز يـقـطع اوصـالـه يلفـظ كـلام ولا يحسـب لـه حسـاب *** والحق يظهـر لـو يـبـون اغـتيـالـه عـنـاز مـا تـقـبـل نـمـانـيـم نـصّـاب *** الـلي يحـوك السالـفـه مـن خيـالـه وايـل ولا وايـل عصابات واحـزاب *** نسل عنـزة معـروف جـده وخـالـه اقـولـهـا ولا هـمـني هـرج الأذنـاب *** مـا يـجحد المعروف كـود الحثالـه |
قال عبدالله بن دهيمش بن عبار هذه القصيدة من شعر التصدي للحملة المغرضة قالها بالذين شهدوا زور وبهتان وعاضدوا أصحاب المكايد والظلم وتضامنوا معهم بالفزعة وهم يطعنون بالكتاب الذي يتضمن تاريخ وأنساب قبائل ربيعة عامه وقبيلة عنزة حاصة والذي جمع مادته بعد جهد وتعب في سنين طويله من البحث وبذل في طباعته أموال ولقصد تعريف أبناء القبيلة في الأسر والأفخاذ والبطون وهو يحتوي على تفرعاتها ومشاهيرها والقابها وعزاويها ووسومها وتراثها وكل ما يخص القبيلة وقد اكثروا من الطعن بشخصي واجتهدوا في تشويه سمعتي ولكنهم فشلوا وغلب الحق على الباطل فقلت أوضح لمن يجهله واقع الأمر 40 : تـفـازعـوا ضـدي هـل الـظـلـم والـجـور *** كـلــن يــدوّر بــي عــيـوب ومـثـالــيـم الـلي فـزع مع صاحـب الهيـف والـزور *** مـا خـاف خـلاّق الـمـلأ مـنـشي الغـيـم عسى مـا هـو مفـزاع مـن قـاد صابـور *** الليـث الـلي صمـم عـلى الـثـار تصميـم وعسى ما هو مفزاع غزو أبن مشهور *** الفـارس الـلي فـزعـتـه تـجـلي الضيـم ولا هو مفزاع الـلي تعنّى من أبا القـور *** الشيخ مدبـاس الـوغـى حضرة غـنيـم الـشـكـر لـلـه صـاحـب الـكـيـد مـدحـور *** وش عـاد لـو عـتّـم عـلى الحـق تعتيم انـصـفـنـي الـلـي يـزبـنـه كـل مـضرور *** وبـانـت مثـالبهـم مـع السيـن والجيـم الـحـق بــان وقـايـد الشـعـب مـشـكـور *** أبــو فـهـد سـلـمـان يـصـدر تـعـامـيـم سـلمـان مـن عـزوة صنـاديـد وانـمـور *** كـمـم افــواه الـلـي يـسـبّـون تـكـمـيـم طـبّـق نـظـام الـلي لـه الشـرع دسـتـور *** والشّـرع يـقـضـى بـه بـكـل الأقـالـيـم والـلي تغـطرس صايبـه كبـر واغـرور *** مصقـول أخـو نـوره يقـص الزراديـم كـل مـن تطـاول قيـل يـا صـاح مكبـور *** الـحـكـم لـلـي نـظّـم الـشـعـب تـنـظيـم من عال يعرض لـه من العوق عاثـور *** الحـق يـصـدر فـي تـقـاضي وتحـكيـم واليـوم مـن فضـل الـولي بـيّـن الـنـور *** رب الـخـلايـق حـرّم الـظـلـم تـحـريـم لـو صـار لـلي يجـمع الهيـف جـمهـور *** أقـفـوا هـل الباطـل غضاب ومكاضيم مـن حيـث حبـل الكذب لـو طال مبتـور *** ولا يستطيـع النفـخ بالبـرطـم شـريـم مـن يفتـكـر يفهـم اهـدافه عـلى الفـور *** يـدري بـه الـلي يـقـيّـم الهـرج تقييـم حـتّى الـذي بـيـتـه مـقـفـل ومـهـجـور *** ولا هـو مـن الـلي يـنصي بالمـلازيـم يجمخ وهـو وقت اللـزم مالـه حضـور *** مـا فـاد من ينصاه عـن واجبـه نـيـم مـتـعـافـي ومـنـعـم مـكـيّـف ومسـرور *** وخـيّـل لـه أنـه لـه فخـامـه وتعـظيـم غـّره رفـات الـلـي بـالأجـداث مـقـبـور *** الفـانـي الـلي صـار بـالبـرزخ مـقـيـم والـجـد مـا يـرفـع مـن النـاس مـثبـور *** لـو بـه مـن أوصافـه حلايـا ومراسيم مجهول مـالـه صيت هـمّش ومغـمـور *** وحـاول يحجّم مـن كسب عـلم تحجيم يـجـر بـشـتـه لـه لـغـاصـم وجـرجــور *** ويبحـث عـن الـلي يكرمون المعازيـم صـابـه كمـد مـن طيّـب العـلـم مقهـور *** يـا عـل يـفخـت ديـرتـه هـاطـل الـديـم وسـط المجـالـس مقـولـه تـقـل بـابـور *** قـصـدّه يـشـوّه سمـعـتي بـالهـذاريـم قـلـت العبـث بأنسـاب عـنـاز محضـور *** مـصـادر الـتـاريـخ فـيـهـا الـتعـالـيـم نـسـب ربـيـعـه داخـل الكتـب بسطـور *** مـن معـد من عـدنـان خلفـة إبراهيـم واسـم عـنـزة مبـطي مثـبّـت ومنشور *** من عـامـر الـلي حطّـم اعـداه تحطيم أنـجـب الـلي منـزالهـم شـامـخ الـقـور *** يـذكـر ويـقـدم مـن ربـيعـة صواريـم مكـتوب حـتى خـالـهـم نسـل منـصـور *** مـن قيس بن عـيلان مبـطي مقـاديـم واسـم أمهـم فـي كتب الأنساب مذكور *** سلـمّى وأخوها بالنسـب يذكـر سليـم اشبـال عـامـر مـا بهـم نقص وقصور *** ثـمـان قـبـايـل بـهـم جـلاّن وهـمـيـــم ومـنهـم بـنـي هـزّان لـبـلادهـم ســور *** وبـني الـدوّل مثـل الأسـود المضاريم وبـني جسر خلفة صوارم مـن صقور *** وبـنـي سـعـد تـاريخهـم ليس تـوهـيـم وبني محـارب عـلمهـم كـان مشهـور *** وبـني طـريـف الـلي عـداهـم مهـاظيـم مـع بكـر بادوا جيش كسرى وشابـور *** يوم العمر في أرخص السعر ما سيم فيـل العجـم مـا جـفّلـه صـوت حنجـور *** بسيـوفـهـم قـصّـوا طـوال الخـراطيـم النصـر مـا هـو فـي هجـيني ومجـرور *** مـا يكسب ألا بـدم حـصـن النـواهيـم ذي قـار سـجـل بالـمـصـادر لـه دهـور *** مـا هـو بعـصـر مـروجـيـن النمانيـم وعـزوة ضنـا عنـاز مـن عـدة عصور *** تـاريـخهـم مـاهــو لفـايـق وتـرهـيـم بـشـر وضـنـا مسـلـم لـتـاريـخهـم دور *** أفـعـالهـم تـشهـد لـهـم دون تـفـخـيـم بـاجـوا مـن الحـرة اليـا حـاوي الـزور *** وداجـوا بـدار الـكـرد بأقصى لأقـاليـم مـن حـد تـل أبـيض اليـا غـربي جفـور *** ومن غوطة الفيحاء اليا شرقي قديـم الـدار الـلـي فـيـهـا نـواويـر وزهـــور *** لا ربـعـت تشبـه عـلى روضـة خـريـم سـاروا ويـتـلـي كـل خـيـال مـظـهــور *** الـخـيـل تـلـكـد والـجـهـامـه دواهـيــم مـا راعهـم مـن جيش الأتـراك طابـور *** تـقـفي اعـداهـم مـن لـقـاهـم مهازيـم يـوم القبـايـل بـيـنهـم حـرب واشــرور *** باسباب وضح من الدبش والمجاهيم محـاسهـم يـشبـع بـه ضـبـاع ونـسـور *** يـوم الطراد بسرج من تشبـه الـريـم يـا مـا بـهـم مـن كـل صـنـديـد مـنعـور *** بـواســلٍ مـن نـسـل وايـل شـغـامـيـم أصـدح بقـول الحـق والصّـدق مديـور *** ولا خـيـر بالـلي يعـوّم الهـرج تعويـم يـشمـت علي الـلـي ممـاشيـه بـحـدور *** ولا يـفـهـم المقصـد وحـل المبـاهـيـم كـافـحـت لـو مـانـي مكـلّـف ومـامـور *** ولا مقصدي شهـرة ولا أريـد تكـريـم بـذلـت جـهـد وثـمـّنـه صـايـب الـشـور *** نـزيـه مـا طـعـم مـن الحـقـد تطـعيـم يشكـرنـي الـلي بـه حـمـيـه ومـمـرور *** ولا هـمني اصحاب الخشوم المواريم والـلي جحـد مـا هـو مسامح ومعـذور *** حـسيـبـه الـلـه والعـمـل بـالخـواتـيـم وقال عبدالله بن عبار هذه الأبيات من شعر التصدي للحملة المغرضه : 41 يا الله يالـلي لعـرض الأجواد ساتـر *** يامن لعـرش الظّـلـم والبغي دامـر تـكـف شـر الـلـي عـلـيـنـا يـهــاتـر *** يخـوض بالـبـاطـل وللحـق طـامـر زنـده عن الطـولات خـامـل وفـاتـر *** وفـي كـل مجـلس باللعالع يـزامـر يجـمخ وينفخ عـلى صامان كـاتـر *** صاحـب خـداع وللمـغـريـن قـامـر كـان الطـوال اليوم صاروا حبـاتـر *** الحـظ ما ينهض اليـا صـار خـامـر مـا نطاوع الـلي لنسب عنـاز باتـر *** حـنـا بـني وايـل ومن نسل عـامـر عـلـم النسـب بالمجتمع لـه دكـاتـر *** ولا يفرض المخطي علينا الأوامـر الـجـد يـورث مـنـسـبـه بـالـتـواتـر *** مـاهـو طـمع يسبق عـليـه المغامر مجـد عـنـزه وأنـسـابها بـالـدفـاتـر *** وعـلـومهم سولف بهـا كـل سامـر عـلى النـضّـا قـبـل وجـود المواتـر *** باجوا من الحـرّه اليـا ديـار حامـر شجعـان فـي يـوم الكريهه عـنـاتـر *** بالكـون يصلـون العـدا بالمجـامـر وعـنـد اللقـاء مـا يختفون بسواتـر *** والنعـم والـلـه بالـرجـال الغشامـر والضيـف يقـرونـه ضخيـم الفتـاتـر *** لا ضافهم جوفه من الجوع ضامر ويوم الجفـا والجوع للناس غـاتـر *** صـوت ونـادى بالـعـشا جـد ثـامـر قال عبدالله بن دهيمش العبار هذه القصيدة من شعر التصدي للحملة المغرضة والتوضيح لمن تجهله الحقايق : 42 أعـوذ بـولي الكـون من هـرج قـال وقـيـل ومـن شـر كـل أنسان نفسه ولاهـا إبليس أحـّذّر عن أهـل الهيف والزيف والتضليل وأحـّذّر عـن التزويـر والكـذب والتـدلـيس من يسأل أهل الزيف وش مقصد الترذيل جـد أودعـوه حصـان والجـد الآخـر سيس شخوص عـنـزه بالجـد مـا تـقبـل التبـديـل ولـو صنـفـّوا جـديـن بالـقـدح والتقـديـس أنا أشوف بعض القوم يرقص مع التطبيل يحسب النسب بالراي يمنح كما التجنيس أريد أنصح الـلي خاض لا يـوهـم الجهيّـل يجـنّـب عـن الهقـوات والظـن والتـوهيس صحيح النسب موروث من جيل يملأ لجيل يـدرّس مـن الأجـداد لأحـفـادهـم تـدريس مـصـادر نسـبنـا لـيـس بـمسلسـل التـمثيـل جذور الأصل تأصيل والساس له تأسيس ثبوت النسب بالحـمـض مـا يلـزمـه تحليـل عـنـزه لـهـا تـاريـخ مـن دور طـي وقيس مـسـلـم وبـشـر دوم مـا يـقـبـلـون الـمـيــل الـلي جالهـم صوال يـدبـر عـقـب ما ديس قـبايـل وهـب وجـلاس وعـبـيـد ثـم سهيـل أهـل نـخـوة وفـزعه وعـنـد اللقاء فـرّيس زمـان مـضى لعـناز تشهـد سـروج الخـيـل ويشهـد لهـم مـا شد فوق النضى والعيس أقـولـه وأنـا وضحـّـت بالشـرح والتفصيـل اكـافـح ومجهـودي يكـرّس لـهـم تكـريس أقـدر ثـنـاء المنصف على الجهد بالتبجيـل ولا يجحـد المجهـود كـود النـذل والهـيس قال عبدالله بن دهيمش بن عبار هذه القصيدة من شعر التصدي للحمله المغرضه والتوضيح لمن يجهله الواقع : 43 يـا مــدّاح عــيــال وايــل لا تــهـــوّل *** مـن قـديـم افعـالـهـم مـاهـي جـديـده كـل عـنـزي يـفـتـخــر بـالـجــد الأوّل *** عـامـر الـلي بـاد خصمـه بالحـديـده أشجع من الزيـر وأوفى من السمّول *** من أسـد الغـاب مـن هـاك الـولـيـده عـقّـب الـلي من سببه الجـمع صـوّل *** من غـدر بـه بالحـدب قصّوا وريـده ثـوّع الـدّم الـحـمـر والـضـول ضـوّل *** مـن خـزيـمـه يـوم صـرّح بالقصيده مـا رضـوا بالظيـم والقـارض يـغـوّل *** سجّـل الـتـاريـخ مـفـعـول الـبــديـده نـذكـر الـواقـع مـا هــو قــول يـقــوّل *** حيـث افـعـال جدودنا مبطي مجيـده مـا انـتسمّى بـالـجـدود ولا انـتسـوّل *** فـعـلـنـا المشهـود يـكـفيـنـا رصـيـده حـنـا عـنـزه عـن نسبنـا مـا انتحـوّل *** والـجـد الـلي بـالأعــاره مـا نـريــده مـا نـخـيـل اشـبـاح بـالـبـيــدا تــزوّل *** نـعـتـمـد مـا ورّث الـجـد لـحــفـيــده مـا نـسـيـنـا كـل مـسـتـشـرق تـجـوّل *** مـن عـناويـن الفخـر سجّـل بـقـيـده ومـن يحـرّف بالنسب مـاهـو مخـوّل *** مـار مـا ينقـص فـخـرنـا ولا يـزيـده والصحيـح الـلي لعنق الـراس طـوّل *** من فعـل اللي علومهم راحت بـعيـده ومـن ركـب كـور الشـداد وثـم حـوّل *** هـقوتـي سـمعـة جـدوده مـا تـفـيـده مـثـل مـحـثـول الحميل أن كـان ثـوّل *** ثـنـوتـه مـا يـنـتفـع بـه مـن يـعـيـده يصعـد الـلي أكـتـال بالـعـز وتـمــوّل *** ومـن يحـوش الطايله يظهـر حميـده وأحـمـد المولى تحـت ضـل الـمعـوّل *** حافضيـن الـديـن وأركـان الـعـقـيـده وقال عبدالله بن دهيمش بن عبار هذه القصيدة من شعر التصدي للحمله المغرضة والتوضيح لمن تجهله الحقايق : 44 وش يـبـون الـلي نسبنـا حـرفـوبـه *** كيـف وايـل مـن جـديـلـه جـايبـينـه أبن قاسط يا جـماعـه كيـف جـوبـه *** مـنـهـم الـلـي للـقـبـيـلـه نـاصبـينـه عـلمـوني جـدنـا وش هي عـيـوبـه *** واخـبـروني لـيش وايـل عـايـفينـه قـالـوا أنـه كـان نـكــره مـا دروبــه *** وأبن قاسط منـذ خلـقـوا عـارفـينـه جـد عـنـزه وش بـلاهـم حـقـروبــه *** وصفـوا وايـل بالأوصاف المشينـه من عـذرايب النقايص وش لقـوبـه *** كـيـف هـافيـن البـخـت مستنكرينـه مـاهو نـكـره فـالهـم خيبـه وكـوبـه *** وايـل الـلـي عـزوتـه مـتـوارثـيـنـه جـد عـنـزه كـل الأجـيال اعـتـزوبـه *** مـوطـنـه مبـطي بـحـرات المـدينـه جـدنـا الـلي ضنـا عـنـاز فـخـروبـه *** شبـل أسـد الـغـاب مـربـاه بعـرينـه خاب من يسمع كـلام الـلي حكوبـه *** جـد فـي كـل الـمـصـادر ذاكـريــنـه ما صدق من حـقّـر بـوايـل بـنـوبـه *** ومـن نـوى يـنـفـاه غـاياتـه لعـينـه والـحـقـيـقـة قـولـهـم كـلّـه اكـذوبـه *** مـا يـبـونـه قـصـدهـم متجـاهـلـينـه ما دروا من عاف جـده لـه عـقوبـه *** الـرسـول وكـل صـحـبـه لاعـنـيـنـه القبـيـلـة بـالأسـف صـارت العـوبـه *** مـع عـراقـتـهـا نسبـهـا مـزوريـنـه كـيـف تـقـل بـوايـل الجـد مهـزوبـه *** والسبـب بقـلوبهـم حـقـد وضغينـه وايـل الـهـزان مـهـمـا شـهـروبـــه *** جـد عنـزي عـاش مع وايـل سنينه صاحـب التـزويـر والـلي حضبوبـه *** كـل منهم مـا تشـوف الحـق عـينـه حـيـث تغييـر الحقايـق بـه صعـوبه *** وش يـبـون بـجـد مـاهـم من بنينـه مـا خـبـرت الجـد بالـعـالـم جـلـوبـه *** ولا ذكـر جـد الـقـبـايـل مـشتـريـنـه يـشهـد بـمـا قـلـت تاريخ العـروبـه *** كـل مـنـسـب بـالـكـتـاب مـدونـيـنــه |
45 قال عبدالله بن دهيمش بن عبار هذه القصيدة بعد أن اطلع على بعض نتائج ما يسمّى بالحمض النووي وعلم الجينات حيث يقال أنه أخرج بعض الحمايل من نسبها الصحيح وقلب موازين النسب والحق اقوام بأقوام وهو علم جديد لم يعتمد شرعاً ولم تقرّه أي حكومه في النسب ألا للحالات الخاصة والنسب توارثته العرب منذ اقدم العصور : قال الـذي من خـاطـره يـبـدع القـيـل *** يـنظـم عـذيـات البـيـوت الجـزيـلات اصدح بقـول الصّدق ما قلت تضليل *** واسجـلـه بـالـمـنـتـدى والـقـروبـات عـلـم التحـوّر ما اعرف له تفاصيل *** ولاني خبير علوم في حمض جينات اعرف الحمض اللي بحوران والهيل *** للنـوق مـفـلا مـن خـيـار الـنباتـات الحمض حمض مـربيـات المخاليـل *** هـدف الغـوارب من عشاير وخلفات بارض الصحاري غارسه رب جبريل *** الـمعـتـلي خـلآق سبـع السمـاوات يسقـيـه مـن غـر المـزون الهـماليل *** تحـيي الفياض القاحـلات المحيـلات الحـمـض بالـريعـان مثـل المشاتيـل *** قـوت الـبهـايـم بالـديـار الـوسيعـات الـروثـه والـخذراف في ديـرة ثميـل *** والـرغـل والمليّح بـالـقـت والـمـات الحمض ماهـو حمض دم الرجاجيل *** الـلي بـدأ بـتـفـريـق شـمل القـرابات قـالـوا أساس المخترع من اسرائيل *** نـعـوذ بالـلـه لـه مـقـاصـد وغـايـات قـصـده يـشـتـت شملـنـا بالتحـالـيـل *** وأقرب حرى يضهر بعضنا خواجات الحمض مـا نـزّل مـن الـرب تنزيـل *** هـذا اختراع الغـرب هـم والـولايـات يا معـتقـد بالحمض لا تـنـدفـع حيـل *** مـا يـعـتـمـد حـتى تـقـرّه حـكـومـات عـلـم النسب تـورثـه جـيل مـن جيل *** وأصل العـرب ثـابت ولا فيه شكّـات ما فيه اللي يرغب عن الساس تبديل *** حنـا عنـزة منـذ العصورالقديمات بـني وهـب وجلاس وعبيـد وسهيل *** من صلب وايل والحقايق لها أثـبات والحاضره مـنـا شخوص ومشاكيل *** مبطي لهم في نجد صولـه وجـولات منا أبن عسكر والتواجر وأبا الخيل *** والبـدر والمـدلج حـمايـل لـهـم ذات والحمـد وآل عبيـد ريـف الهواشيل *** والـراشد وقـروم المبارك عـمـارات قال عبدالله بن دهيمش بن عبار من شعر التصدي للحمله المغرضه : 46 يـا أولاد وايـل يـا عــيـال الـعـمـومـه *** يا أهـل الحـميـه يالـرجـال الغـيـوره وش قصد من يجمع اوراق مختومه *** يسعى حثيـث وكـل مجـلـس يـزوره عـم بخطاه الـلي انخـدع فـي علومـه *** وغـلطان من جامل يـداري شعـوره مـن يـعـتـدي كـل الـخـلايـق تـلـومـه *** يهـفي ضميره كـل مـن طـاع شـوره لـو لـه عـنايـه فـي صلاتـه وصومـه *** يخـاف ربـه لا يـقـع وســط جـــوره والـلي عـلى الباطـل يلفّـق خصومـه *** الـلـه يــكـافــيـنـا بـــلاوي شـــروره اليا عـاد مـا درب المراجـل يـهـومـه *** يصبح مهمّش مـن سبايـب قـصوره لاعاش اللي طبعه على الربع عومه *** لكـن عـن القاصين تقـصـر اشبـوره وأن كـان صـار بـماكـر الحـر بـومـه *** مـا فـادهـا مـجـنـا نـوادر صـقـــوره تـريـحـوا يا أهـل النفـوس الظـلـومه *** مـن عـال مـا نصبـر لكيـده وجـوره ما أنتم ولاة امري ولا أنتـم حكـومـه *** الـحــكـم لــلــه ثــم لأخــوان نـــوره نسل الـزعـيـم الـلي اتطـبّـق سلـومه *** بالشرع يقـضي والفـعـول مخـبـوره ضـد الـعـنـيـد الـعـي لا كــبـر زومــه *** كـم طـاغـيـه خـّلاه يــتـرّك غــروره ومـن عـال أبـن نايـف يـدلـه يمومـه *** الـحـاكـم الـصنـديـد نـمـر الـنـمـوره هذه القصيدة من شعر عبدالله بن دهيمش بن عبار قالها منذ عشر سنين وبها نفى الاشاعات من الذين يدعوّن بأن كتاب تاريخ وأنساب قبائل ربيعة عامة وعنزة خاصة ممنوع وهو الكتاب الذي يفخر به كل من يجري في عروقه الدّم الربعي الصريح وحيث نه لا يزال البعض يردد هذه الأشاعة فقد لزم أعادة نشر هذه القصيدة لأفهام من صدّق الاشاعة فأقول 47 يا الـلي تـقـول كـتـاب عـنّاز ممنوع *** الـمـنـع لـلـي حـرمـتـه الـشـريـعــه المنع يصدر لأقشر الجنس والنـوع *** المسكـر الـلي مـا ربـح مـن يبيـعـه ما فـيـه غـيـر الهلوسه أي مطموع *** ويرثع بـمـال الـلي وقـع بـه رثيعـه والمنع لـلي من شرب منـه قرطوع *** بــدا يـهــيـم ومـا بـصـدره يــذيـعـه ذاك الذي من خمر الأقذار مصنـوع *** يـاكـم سـوّى بـالبشـر مـن فـجـيعـه هـو الـذي يـمنـع ولا فـيـه مشفـوع *** يـا عـل الـلي يسـتعـملـه للقـطـيـعـه ولا الكتاب اللي بـه شعوب وانجوع *** نسب عـرب ما خص سنّه وشيعـه تـاجـد كثيـر الكتب مـرمي ومجدوع *** مـا أحـد درى لـه زي شنّـه بقـيعـه لكـن كتـابي يحـوي جـذوع وفـروع *** فـخـر وتـفـخـر بـه قـبـايـل ربـيـعـه يجمع نسب عزوه جماعات وربوع *** دوم لبعـضهـم كـالحصـون المنيعـه فيه الـذي يـوم الوغى تنطح جموع *** من هـازهـم ضاقـت عـليه الوسيعه وفيه الذي لا صار جـردات وفـزوع *** عـنّـاز يـأتـي جـمـعـهـم بالـطـليـعـه مفسوح من أربـع دوايـر ومطبـوع *** تأليـف صـادق مـا يعـرف الخـديعـه أبعـد عـلى الحسّاد من حبّـة الكـوع *** لـو حـرضـّوا ضـدي يـبون الوقيعـه افـخـر بما سويت والراس مرفـوع *** والـلي يـعـد الحـق نـشكـر صـنيـعـه مادام جهـدي شـاد بـه طايـل البـوع *** وبـه يفخرون أهل الهداف الرفيعـه ما اشكل عليـه كـل حاقـد ومصدوع *** أهـل الحسد وأهـل العـقـول الخليعه الحاسد الـلي بصدره الحقـد مزروع *** أهـل العـقـول الفـاهـمـه مـا تطيعـه حكي الخطأ ماهو مصدقّ ومسموع *** لـو روجوه أهـل العـلـوم الوضيعـه من فضل ربـي دابـر الكذب مقطوع *** الـكـذب بـاطـل والـظـلايـم شـنـيـعـه وحنا بحكم اللي يخلي الصعب طوع *** الـلي عـدل مـابـيـن شعـبـه جميعـه سلمـان بسيفـه يرتـدع كـل مسبـوع *** ضـربـات كـفّـه بـالـمعـانـد فضيعـه يالـربـع أشـوف اليـوم بـانـت بـوادر *** مظمـونهـا مفهـوم مـا تجـهـلـونـه الـمـشهـد الـلـي ضـد عـنـاز صــادر *** مـن شاهـده زادت غلايب اغـبونـه الـوضـع مـن حــادر بـحـادر لـحـادر *** زوّر نـسبـنـا ومجـدنـا يـجـحـدونـه صـرنـا كمـا المجـدور مـالـه مجـادر *** ولا أجـربٍ عـن ذودهـم يـطردونـه عـنـاصـر الأنـسـاب صـارت كــوادر *** ومـن زوّر الأنـسـاب مـا يمنعـونـه الـلي نـوى لمـجـد القبـيـلـه يـصـادر *** عـنـاز واجـب خـطّـتـه يـرفضـونـه من قبـل قيل الضرس لـو كان خـادر *** مـا أظـن يبـرى كـود هـم يقلعـونـه مـن يـظــلـم الأجــواد لـيـتـه يـغــادر *** لاخـيـر بالـلي عـزوتـه يكـرهـونـه مـهـمـا يـحـاول كــل ظـالــم وغــادر *** مقصودهـم هـيـهـات مـا يـدركونـه عـنّـاز مـا عـاشـت بـجـزر الـفــوادر *** كـل الـعـرب تـاريـخهـم يـذكـرونـه والـلي جهـل يـلقـا الخبـر بالمصادر *** بـلـدان نـجـد جــدودهـم يــنـزلـونـه مضـر وقضاعـة مع رجـال الجحادر *** تـشهـد لـهـم والحـق مـا ينكـرونـه يـامـا بضنـا وايـل شخوص ونـوادر *** عـنـد الـلـقـاء عـدوهـم يـوصلـونـه الـلـي عـلـى عـلـوم الـفضيله تـبـادر *** والطيـب مبطى والفخـر يـدركونـه الحيص ما عـزمـه عن الشيـل فـادر *** والحـر مـا يـرضى بـذل ومـهـونـه والـلي عـلى الأنصاف والعدل قـادر *** سلمـان هـو عـز المواطن وعـونـه الـحـاكـم الـلـي لـدم الأضـداد هـــادر *** أبـو فـهـد شعـب الجـزيرة يصونـه يـدعـس عـلى خشوم العـدا بالكنـادر *** وأولاد وايـل تـنصـره مـا تـخـونـه |
قال : عبدالله بن دهيمش بن عبار العنزي هذه القصيدة رداً على الذين يدعّون أن ابن عبار غيّر جد عنزة وائل : 49 تاريخ وايـل لـك الـلـه ما نفـرط بـه *** ما نحرف الواقع ولا نريد تـزويـره ما جـدنـا سلعـة لمـن راد يبسط بـه *** الـجـد ثـابـت ولا نـقـبـل بـتـغـيـيـره واللي وقع بالخطأ ما اظن يغبط بـه *** والعـاقـل يـسنعـه عـقـلـه وتفكيـره كانه غرق بالجهل لويسمع الخطبه *** القـول ما يفـتهـم قـصده وتفسيـره من خط حرف الغلط لابد من شطبه *** من حيث موروثـنا ما جاز تحويره موارث جدودنـا هـو كيف يغـلط به *** لاشـك مـن حـرفـه ملـزوم تحذيـره حنا عنزة مجدنا ما احد أيتخبط بـه *** وايل لنـا عـزوة وبالمجد لـه سيره من خيبر الحرة اليا شرقي الرطبـه *** لسلوك تشهد لنـا السكان والديـره كـم ديـرة ذودنـا داج وتـمـغـط بـــه *** من طور سينا نبوج لقبلي مغيـره يا اللي تلم الحطب بالليل لا تحطبـه *** صعب بظلام الدجى جمعه وتغميره العـلم مثـل البحـر من قـال حوطبـه *** غـلطان مـا يـدركه لـوعـد تقـريـره ما فادت الواسطة واللي توسط بـه *** وراع النكـد ما نجح كيـده وتدبيـره اللي حفر حفرة من السؤ يسقط به *** ما فاد اللي منهجه بالحسد والغيره وأشوف أنـا المنتدى كلن يلطلط به *** وأشـوف اللي سبنا شادوا بتقديره الـلي لحـوم البشـر دايـم يـعـرط بـه *** بظهور كـل العـرب نشب أضافيـره اللي يكن الحسب والسب ينشط بـه *** لـه عـام بلحـومنـا تـنشر منـاشيره شنع الكلام اكتمه عن لابتي واطبه *** الـزيـف بأنسابنا مـا نـريـد تبـريـره من قال هـرج الغلط قوله تـورط به *** ياليت عن منهجه لو يطلب الخيره الحمل لـو ينقلـه حاشي يحطحط به *** كل ما يطول السفـر بـادت فتاتيـره ومن يفقد الشم ما يستروح العطبه *** والضرس كان انخر ما فاد تخديره وقصرٍ عداه الذرى يا عل ينغط بـه *** البـوم عسى الـولي يعجـل بتدميـره والبيت ما ينسكن كان انشلق قطبه *** اليا وقع مقدمه يصبح كما الصيره مجلس حليف الردا حلفت ماقلط به *** لوبش بي ضحكته بالوجه تكشيره حزت يزوغ البصر والعقل يخلط به *** حنـا هـل الفـزعة الياعميت مطيره واللي سعى بالنكد وإبليس شبط بـه *** مانارهين أمره ولاعشت من ميره وقال عبدالله بن دهيمش بن عبار العنزي هذه الأبيات رداً على الذين يدعّون أن أبن عبار حذف اسم وائل عن عنزة وبطلان ما يدعّون به من كذب : 50 مـن قـال ابـن عـبـار فـرّط بـوايــل *** حـظه ضعيف وتايـه البصر غـادي لا تصدقونـه يا شخوص الحمـايـل *** مالـه سنـد يمشي عـلى غيـر قادي الـلـي كـتـبـتـه لـه اسـنـاد ودلايــل *** مـن واقـع التـاريخ عـنـدي مبـادي الصـدق يـبقـى دوم والكـذب زايـل *** ولا يـحـرف الـتـاريخ درد ودوادي مـانـي بحـال الـلي يـكـن الدغـايـل *** اهـل الـدسايـس والكـدر والنـكـادي دونـت جـزلات العـلـوم الصمـايـل *** والـلي تجاهـل مـا يشوف اجتهادي ما جبت من عندي علـوم هـزايـل *** وخلـط النسب مـا يعتبر شي عـادي وايل من عصور الجـدود الأوايـل *** الـعـزوة الـلـي دوم دونـه نـفــــادي هو جدنا اللي بذكره الراس طايـل *** معـروف عـنـد الحاضرة والبـوادي وايـل نسـل هـزان مـابـه جـهـايـل *** وصبـاح جـده مـا عـلـيـه انـتـقـادي وعتيـق مـن أسلم ويـذكـر سلايـل *** نسل عـنـزة هـذا الصحيح الوكادي حـنـا عـنـزة بـشهـود كـل القبـايـل *** لـنـا الـفـخـر مـنـزالـنـا بـالـشـدادي تاريخنـا أبيض في جميع الفـوايـل *** نـاصع بـيـاضه مـا غشاه السوادي وبـكـرٍ وتـغـلـب طـيـبـيـن الفعـايـل *** أولاد عـم ويـدحـرون الـمـعـــــادي والـلـي يـدوّر عـن اجـدوده بـدايـل *** مثـل الـذي يـتـبع سـراب الحـمادي وقال عبدالله بن دهيمش بن عبار العنزي هذه القصيدة يسند على خلف المحدى الغبيني وينوه عن بعض الجهلاء الذين يخوضون بالمجالس دون علم : 51 يا خلـف قـل لـلي تـنـاغـط تقـل بـط *** المحـرشيـن المورشين الملاهـيـط ما جيـت منهـم واحـدٍ قـلت لـه قـط *** وش يطلبوني جعـلهم هفـت مقيـط الـلي يـلـوم ومقصده حسد واغـبط *** لـو كـف شـره ما نبي لـه مصافيط خطو الرجل توحي صهيله الياعـط *** يـزوم بالمجلس تقـل جـده سويـط ولو تنصحه عـن الخطأ نـاظره نـط *** كنـه عقـاب الخيل أو كنـه الضيـط يـبلـغ صـراريـره لسـانـه الـيـا مـط *** ويشبحك بعيونـه سوات المزاقيـط ما يدري أن الظلف في غاربه غـط *** سوالفـه وسط المجالس خـرابـيـط والـلي عـليـنـا ملسنـه بالخـطـأ لـط *** مقـول لهـاتـه يـلـزمـه دوم تربـيط وش مقصد اللي ضدنا يرسم خطط *** عـنـده لتفـريق الجماعات تخطيـط بيـن الـرفاقـة يفتـح خلول واشعـط *** وبـيت القبيلـة يفتقـه عقب ما خيط ياقف بجنب اللي لحرف الغلـط خط *** ويفزع مع اللي يكتبون الشخاميط الـغـث يـجـدع بـالمـقـمـات وإيـقـط *** ولايفـرطّون الناس بالجـزل تفريط الـرس يبـقى رس مـا ينقـلـب شـط *** والخيش مايذري كما يذري الحيط وين الرجال الـلي سلاطين واسلـط *** شيخان ولـدهـم العجاجـه مساويط يـوم الـزمـن ما فيـه حكام واشـرط *** بسيوفهـم يـنحـون حـمـر البرانيط وين العـديم الـلي يسط العـدو سـط *** بالكون ما يخشى خبـيط المخابيط وين الكريم اللي لجزل القـرى حـط *** يمضي زمـانـه بـيـن فهـقٍ وتقليط وين الـذي بـه لاذ مـن طاح بأورط *** عن ضيم ولا من السنين المقاحيط زالوا وفاز الـلي على مذهب الـزط *** وصار الفخر تقليد موضه وتفحيط الـيـوم يـفـخـر كـل فـاسـد ومـنحـط *** وهـب السعد لمراقصين الشراميط وقال عبدالله بن دهيمش بن عبار العنزي يفند بعض المزاعم الباطلة : 52 نـويـت أوضح كـل خـافي ومكنـون *** واشـرح مناهيج الـدروب السنيعـه أسند لمن عقلـه من الربع مـوزون *** ما هـو بمـن خـم العـلـوم السريعـه وأبي أنشد الـلي طبعهم مـا يحابون *** الفـاهمين أهـل الصـدور الوسيعـه وش مقصد اللي بالدعـايات مفتـون *** يـحـط مـا بـيـن الـقـبـيـلـة وقـيـعـه وش الكلام اللي لـه اليـوم تـوحـون *** الـكـذب ضـدي قـام كـلـن يـشـيعـه وش مقصد اللي بالمجالس يخاقون *** الـلـي عـلـيـنـا يـدورون الـذريـعـه الربع اللي من دون خبره يقصـون *** والقـص للجـاهـل متـاهـة وضيعـه هـل ما سمعتم قولهم وش يقولـون *** دار عـنـزة صـارت بـلاقـع وقيـعـه هـو حـلم ولا من هـرابـيـد مجنـون *** متى عنـزه جاهـا الفنـاء والقطيعـه نبي الإجابة يا أهـل العرف وشلون *** كـيف عنـزة صارت شراذم نـزيعـه هـل سـن في تبديـل الأجـداد قانـون *** حـتى انـتخـيّـر بالجـدود الشجـيعـه حنـا عنـزة ما هـي تخامين وظنون *** مـن صلب وايـل من سلايل ربيعــه ما مجدنـا بفـلـم المهلهـل وشيبـون *** ولا صيتـنـا بتعليق خطـوا المذيعـه تـمثيـل فـلـم الـلي تمكيـج بصالـون *** فـي شاشـة التـلـفـاز يجـهـر لميعـه تاريخنـا مبطي لـه الـنـاس يـقـرون *** والـلي تـخبـط بالنسب مـا نطيـعـه القـرطـبي يشهـد لنـا وابـن خلـدون *** مـثـل الجـبـال الـراسـيـات المنيعـه مـرويـن من دم العـدى كـل مسنـون *** والـلي يـنـاطحنـا يـعـود بفـجـيـعـه أولاد وايـل بالـلـقـاء تـقـحـم الكـون *** وأن عـدوا الأبـطـال هـم بالطـليعـه الصيـد مـنهـم بالفـعـال أيـتـبـاهـون *** معهم من شخوص الحمايل وديعـه وديعـة مبطي لهـا عصـور وقـرون *** مـا يـقبلـون الـمخطيـة والهـزيـعـه وأنـا مـن الـلي للقبـيـلـة يـحـامـون *** وأفـخـر بالـلي لـه الحـميـه طبـيعـه أقـولهـا ومـن جنب الحق ممهـون *** لابـد مـن كشـف الـدجـل والخديعـه الحـر مـا يصبـر على الذل والهـون *** يشفـق عـلى رقـي الجبال الرفيعـه عـلى الكتاب أجـواد عـنـاز يـثـنـون *** ولاني بحال أهـل الهداف الوضيعة ولا العفون عفون من ماكر عفـون *** مـن يـبذل المجهـود تـنكـر صنيعـه من غير خلاق الملأ ما طلب العون *** ومـن لـه قضيـه يحتـكم للـشريـعـه |
53 قال عبدالله بن دهيمش بن عبار هذه القصيدة وهي رساله للمنصفين من رجال عنزة لتفنيد بعض المزاعم الباطلة وليكون الجميع على درايه بأن نسب هذه القبيلة قد زوّرمن قبل من يعبث بالنسب ويلفّق أقاويل لا أساس لها ولا سند لها من التاريخ : يـا نـديـبي جهـز الخـط المـزرّف *** وارسله يالقـرم لـرجال الشهامه وزعـه لـعـيـال وايـل لا تـطــّرف *** من عموم الربع أومقدم جهامـه بـلـغ الـشيّـاب والصـبي المتـرّف *** وقـل أبـن عـبـار يهديكم سلامـه مـن حبى يا لابتي كوعه تجـرّف *** ومن يدلبح ذل يوصف بالرخامه مـن تدّنت شوفتـه مجـده تـقـرّف *** ومن ترفع نـال قـدره واحترامه عـيلـم الهـداج نـبعـه مـا يـغـرّف *** والحسو والرس ما غزوا مقامه المجالس تهترش مثـل المهّـرف *** مـن يـرّوج للدعايه وش علامـه من تمسك بالخرافـة قـيـل خـّرف *** ومن جهل مجناه تغشاه الملامه كـل جاهـل قـام يكتب وايتصّـرف *** والتعـبّـث بالنـسب يـرث نـدامـه العلوم الزايفه توضع على الرّف *** والنسب مـايتقنه من به غشامه أورق أغصان المشجّر ثـم ورّف *** منبته ثـابت وجـذعـه لـه دعامه أفـخـر بتـأليـف كتـبي واتـشّـرف *** وأحمد الله منهجي عـز وكـرامه لـوبهـا تـزويـر أو قـول محـّرف *** والـلـه أنـي لا أحـذفهـا بالقمامـه جدنـا وايـل ما هـو نكره معـّرف *** مـا مكانـه لهـزمـه لاشـك هـامـه قال عبدالله بن دهيمش بن عبار هذه القصيدة من قصائد التصدي للحملة المغرضة : 54 قـال مـن يـفهـم مباهيـم الرمـوز *** يدرك المقصود والغايات ماهي مـا يعسره حـل صعبـات اللغـّوز *** والخـفا والسر يعـلـم بـه إلاهي ما نصرب يابس الضرع الغروز *** قـانع بمـد الولي والخيـر راهي من تفكـر شاهد الوضع مهـزوز *** منـوة الـلي دالـهٍ والقلـب لاهي كم شهم من العرب جنسه يعوز *** من زمانه ذاق لوعات الدواهي صـارت الهـزلـة وسيلة للبـروز *** وأزدهر دور المهرج والفكاهي شاطر الملسن على المنبر ينوز *** كنـه الصنديد خـواض الهيـاهي الشرف والعـز اغـلا من الكنـوز *** والرذيلـة للفضيلـة مـا تضاهي مـن حفـظ عـزه مكـرم ومعـزوز *** مستقيم ولا يهمـه هـرج واهي النبيل الـلي على الجـزله يحـوز *** والدروب العوج ما فيها تبـاهي من طمن ممشاه ما ظـني يفـوز *** يدرك الطولات من هام المناهي ماشقيت براعي الطرف الغموز *** ولا تتبعـت المسارح والمقـاهي لـو تعـّرض في بناطيـل الجنـوز *** بغـيـة الفاجـر تفطن كـل ساهي زولها غطروف كنـه عـود لـوز *** البطن ملهـوف والهنـدام زاهي هايف الخصرين مزبور البـزوز *** والنحروالخد تقل قلاص شاهي الدروب العايـزه عنهـا محجـوز *** ولا خبـر للحيف يممت اتجاهي قلـتها وأعـتـز فـي عـز العـنـوز *** عنـد ربعي عارف مقدار جاهي دام معي مـن الـرجال ثـقال روز *** ما يهم الكذب لو بالناس فـاهي الحـذر يالـربع مـن نـفخ القـزوز *** نافخ الظرمة لقدر الشر طاهي الهمـوز الـلي لخـلق الـلـه لمـوز *** وش علامه ما يطاوع كل ناهي المـنـاكـد والمـجـادل مـا يـجـوز *** المجادل عيب مالي بـه مشاهي أنـذر الـلي يودع اللابـه حـزوز *** ولا بعض القول ما ثار انتباهي قال عبدالله بن دهيمش بن عبار يسند على الشاعر خلف بن محدى : 55 بديت القـاف بسم الـلي عـليم بما كتـم سـدي عظيم الشأن مـولانـا لـدرب الحـق يـهـديـني طلبت الخالق الـرازق الـلي مـن مـدتـه مـدي سألـت الـوالي الـعـالي جـزيـل الـمـد يعطيني أعـز بـعـزة الـباري عزيز ولا أنصعـر خـدي بديع الكون من فضله عـن المخلوق يغـنيني أقـول لهـمـتي شـدي بـقـو الـعـزم واشـتـدي عسى الرحمن سبحانه عـلى الطاعة يقويني نهيت النفس أخاطبها وأقول عن الغوى صدي لأني لـو أطـاوعهـا عـلى المحـذور تـرمـيني عرفت الناس ما ترحم أحـاذر والتـزم حـدي عن الهزله عـن الرزله منعت ومانعي ديني عرفت الشن ما يصمد نضيحه بالثرى ينـدي عـرفت الرس ينبوعه نضب ما أظن يرويني عرفت الشعر بـه حكمه غرفت الجم من عدي عرفت الهوم بالوادي وساوس من شياطيني عرفت أصمد على الواقع عرفت احلل عقـدي عرفت المر والحالي عـرفـت الزين والشيني عـرفـت أعـتـز فـي شعـري لأنـه قيـل في بـدي جهرت بصوت منظومي لعـل النـاس توحيني عـرفت المنطق الأجوف يـمـر السمع ويعـدي مـقـال الـقـادح المـادح فهمتـه لـيس خـافيني عـرفـت المعـتجل لازم يسير بـهـون ويـهـدي عـرفـت الشامـت الـلائـم نصحـتـه لا يـوازيني عـرفـت الوقت متغيّر عـرفـت الوضع متـردي عرفت الـلي تنكـر لي بـهـرج الـسؤ يطـريني عـرفـت أذكـّر الجاحـد عـلى مجهودي وكـدي عـرفت أفطـّن الناسي عجب هو كيف ناسيني عرفت اللي جحد جهدي حسود ومقصده لدي الـلي عـن خـدمة اللابـة يـريد يكتـّف يـديـني عـرفـت مثـوّر الفتـنه يجيـب الهـرج ويـودي تـوخـه يـا ولـد عـمي لا يـفـرق بـينـه وبـيني عرفت مـفـرّق اللابـه حـقـود وقـلبـه مصـدي ثقيـل النفس مـا أحبـه خيـالـه تكـرهـه عـيني عرفت اللي يناصرني صديـق ودوني يفـدي عرفت النحس وأبغضته لو أنه من فداعيني عـرفـت الحملة الشعواء اللي يلزم لها تصـدي ذكرت الواقـع وعـقـلي عـن الـزلات نـاهيني عرفت القصد والغـاية جليت الشك فـي ردي كره من كان يكرهني وفرح من كـان يغـليني عـرفـت أوضح المنهج وأجادل كـل متحـدي عـرفـت الحـق والباطـل غيـور ولاني دويـني عرفت أعرض عن الجاهل لأنه ليس هو ندي وأقول لمن جحد جهدي شهـود الحق تكفيني عـرفـت أمشي وأنا واثـق لـدرب الحق متقـدي ذكـرت الـواقع المسنـد ولا طاوعـت مغـويني عرفت وليس مستغرب تصرّف من وقف ضدي دلـيـل أن العـمـل نـاجـح يـغـثـه مـن يهـنيـني عـرفـت الـلي يـقـدرني أعـزه وأمـنـحـه ودي أصادق من يصادقـني وأعـادي مـن يعـاديني عـرفـت أوثـق بـحـوثي بحثـت بليـلي وغـدي ذكرت أفعال اللي زالـوا عسى الذكرى تعزيني عرفت أسجل الماضي وأفاخـر في ضنـا جـدي أنـافح عـن حسب قـومي قديم المجد يغـريني عـرفـت أمجاد ماضيهم عليهم دوم مـا ابـدي أمـجـدهـم وأنـا مـنهـم فـخـر عـنـاز يـعـنيـني عـرفـت أكـافح الحـملـة وأنـا والـلـه مـا ودي ولكـن زوّر الـواقـع وهـرج الـزور يـؤذيـني عرفت أن النسب ثابت كتبت الصح في يدي دليل الصدق بالمصدر ذكـرتـه في براهيني عـرفـت أوضح الواقع قـديماتي مع أجـددي وأسندت لخلف المحدى نبيل وساسه غبيني قال عبدالله بن دهيمش بن عبار هذه القصيدة لتوضيح نسب ومجد قبيلة عنزة : 56 سـر يا قـلـم خـط الرسالـه وطرشّهـا *** للعـزوه الـلي في ضميري معزتهـا الـعـزوه الـلي لـلـمـراجـل تعـطـشّهـا *** يوم المغازي ترهب القوم نخوتهـا كـم من عقـيـداً عتات الهجن ليشهـا *** دايـم عـليهـا سـراة القـوم يـذعتهـا روس الأعـادي فـي حسامه يفقشها *** وشلفاه يروي حزت الكون حربتها عـنـاز تضهـد باللقاء من يهاوشهـا *** بالكون عـدوانهـا تخـشى عداوتهـا عـدوهـا الـلي حـداه الـزوم وابلشها *** عقب العـداوه صار يطلب صداقتها ستـر الهنوف الـلي تلامع غـوايشها *** برواحهم يفـدونهـا يـوم صرختهـا والقـوة الـلي فعـل الأبطال خارشهـا *** كانت تهاب جموعهم رغـم قـوتهـا الدولـه الـلي جيشها الناس طفشّهـا *** مـا يخضعـون أولاد وايـل لسلطتها تـدوج بالصحراء وتدعس هوايشها *** مـاهـمها حضف الأفـاعي وحـيتهـا وجـودهـم فـي ديـرة القـوم ينعـشهـا *** تنعم بأمن وهـاجس الخوف فاختها عـنـاز حـتى ديـار الأفـرنج تدهشهـا *** تكتـال من ميـرها وترجع لديـرتهـا بـالـحّـره السمرا مـرابـد عـرايـشهـا *** خـيـبـر مـقـر أولاد وايـل ومـنبتهـا نخيـل خـيبـر زمـان الجـوع عيشهـا *** كـل عنزة تجني من اثمار غرستها جـميع مـن ألـف بـوصفـه تـناوشهـا *** سجـل فخـر مجـدها وشاد بحميتها مـن غـش سـادات القبيلـه وخيشهـا *** قصده يبي يخلف نسبها وعـزوتها ما نطاوع اللي علوم الزيف حوّشها *** أصـل عـنـزة كـل المصادر تـثـبتها كيـف عـنـزة جحـد فخـرها وهمشّها *** عـبـث بتاريخهـا وحـطّـم كـرامتهـا فـرّق شعـبهـا بالـقبـايـل وطـششـهـا *** بـالـزعـم صنفهـا شـراذم وشتـتهـا كـل عنـزة من منصب المجـد فنّشها *** حـاول يقـلـل شانهـا عـقـب هيبتهـا من ضـاع ملـزوم المصادر يفتشهّـا *** نـقـولـهـا وأنـظـار الأجـواد نلفـتهـا من خاض بأنساب القبيلـه وناقشها *** الألسـن الـلي حكـت بالـزور سكّتها عـوج الهروج اللي سمعها يطنشها *** سود الضماير ما يجـب رفع قيمتها والمنصفه ما طاوعت مـن يحرّشها *** الحـق تصـدح بـه وتـبـدي مـودتها قـولـوا لمن هو لهيب النار يوحشها *** يردم عليها من الحطب لجل شبّتها الـلي الفتن ما بيـن الأقـراب ينبشّها *** حـيثـه يحرّض يـبي تفكيك وحدتها الـلي جـداه لحـوم الأمـوات ينهشها *** يسـب بـجـدود الحـمـايـل ويشمتهـا الـلي السوالف دون علـم ايتخمشها *** حكي الخطأ يسمج علومه ويبهتها |
وقال عبدالله بن دهيمش بن عبار العنزي هذه القصيدة توضيح لمن يجهله نسب قبيلة عنزة الصحيح : 57 افـتـهـم يالـلي تـكـهـن وتـحـزي *** ما بـقي جاهـل غشيم ولا غـبي لا تـعـجـرف لا تـهـكـم وتـهـزي *** لا تهـاون في جـهـودي وتعـبي أنـظـم اللابـة مثـل نـظم خـرزي *** في نسب به يفتخر كهل وصبي أنـا عنـزي وايـلي نسل عـنـزي *** أتـشــرف وأتــفـاخــر بـنـسـبـي افـتخـر بسهيل وبعبيـد اعـتـزي *** وأستعـز بكـل جـلاسي ووهـبي وأفخـر بهـزان ما ساسه خـزي *** وعـنـز وعميـرة وبكـر وتغـلبي وعن ذكر طاري ربيعه ماعزي *** قيسي وضبعي ونـمري وأكـلبي يوم كسرى على ذي قار يغـزي *** نصر قومي شاد بـه حتى النبي صـار بالـمـيـدان للخـيـل لـززي *** والهامرز اقبل على مثـل الظبي صاح يطلب من يبـارز مـا لـزي *** قال أبن مسعود أبشر وش تبي رمح حارث حط في جوفه مزي *** وأرتـمى من فوق صفراه يحبي بالوغى الباغي على فعله جـزي *** وفي ربيعـة يفتخـر كـل عـربي 58 وقال عبدالله بن دهيمش بن عبار العنزي هذه القصيدة لتبصير من يجهله واقع التاريخ الصحيح لقبيلة عنزة وهو قد بدأ منذ ألف وتسمع مائة سنة حتى أنه في هذا العصر قد زوّر وحوّر وتعرّض للطعن والتشكيك لقصد تمزيق أوصال هذه القبيلة والقصيدة تشرح لمن لم يقرأ تاريخ عنزة القديم وتسلسل نسبها إلى عنزة بن أسد بن ربيعة وتفند مزاعم من يريد الحاقها بقبيلة بكر بموجب جمع عقد قبل الإسلام ثم أندثر وقبيلة عنزة لن تكون حليفة ولا ضعيفة بل لديها من القوة والمنعة ما يبعد عنها هذه النظرة والتاريخ لم يصنع في هذا العصر : يـا جـمـاعـه مـا بـدا الـتـاريـخ تـوّه *** ولا أخبـر جـد القبيلـه صار سلعـه ساسنـا عـنـزة ويـا نـعـم الـسـمـّوه *** مثـل حـيـد طويق ما يهـتـز ضلعـه ذكر عنـزة مـن قبـل عصـر النبـّوه *** والعـروق الثـابـتـه مـا جـاز شلعـه عـزوتـي تـاريخـهـا مـا هـو مشـّوه *** نترك الحلف الضعيف بألف قـلعـه الـقـبـايـل بـيـن ضعـف وبـيـن قـّوه *** والـزمـن يأخذ بهـم نـزلـه وطلعـه بعـنـزه تـلـقى الشجـاعـة والمـرّوه *** بالـمـلاقى خصـمهـم يـزداد هـلـعـه مـن صعد راس الطويله مـا تـمـوّه *** يرقـب المـرقـاب مـا يخـمـر بتلعـه مـا أنـتسمى بالـجـدود ولا انـتـفـّوه *** وحنا ستر الـلي لبس بالجيد دلعـه وأن عـلا صوت المنـادي والمـدّوه *** باللقـاء والـريـق مـا ينطـاق بلـعـه كـان نـيـران الـمعـامـع شـب ضـوّه *** نـقـتـرب منهـا وتطـفي كـل ولـعـه نـرشـد الـلي تـاه عـن منهـاج نـّوه *** لا يـقـطـّع عـزوتـه تسعـيـن مـلعـه لـيـت من حـرف نسـبنـا كـف سـوّه *** ما نبي يظهر براس المجد صلعـه عـن لـغـا الشامـت نسـدد كـل هـوّه *** والمغطى نـتـركـه مـا نـريـد جلعـه والرجـل يعـرف صديقه مـن عدوّه *** مـا يصادق من جفـاه يـريـد خلعـه 59 وقال عبدالله بن دهيمش بن عبار العنزي هذه القصيدة مسنده على أبو عمر الحميدي بن نبات بن صنعا عندما زار منتديات العبار وأطلع على الحقائق التي تعري من حاول تزوير نسب قبيلة عنزة وتوضح أن النسب ثابت ولا يمكن أن يتغيّر والجد ليس له صلاحية كصلاحية المواد الغذائية وينتهي : يا أبـو عمر مـوقع العـبـار نـّور *** يوم وافيته يا أبن صنعا مسيّـر التقي لو هو من الجوع يتضّور *** مـا تـرجّى لا بشيـر ولا بـشيّـر من طمر خطيـر يكسر ويتعـوّر *** ومن وقع من طيحته خلي متيّر مـن جهّـل مجناه للتاريخ حـّور *** ولا يضم العـلم من عقله صغيّر ما نـقـر الزيـف والقول المزوّر *** حيث حبل الكذب يا عالم قصيّر من جهـل ملـزوم يقـرأ ويتـنوّر *** ومن تجاهل عزوته يمكن يعيّر مهمـا زاد العـلم والعالـم تـطـّور *** النسب ثـابـت ولا ظـن يـتغـيّـر مـن تكهّـن أو تخـيّـل أو تصـوّر *** لـو طـلـب دليـل يبلش ويتحيّـر أنصح اللي قل عـرفه لا يتهـوّر *** بالجـدود الفـانـيـه كيـف يتخيّـر يجحد اللي كان قبس الملح ثوّر *** من يشاهد جمعهم هاب وتذيّـر هـم عنـزة كـان قـدر الشر فـّور *** بالمعـامـع يحتـمون أم الحويّـر الفخـر بـه طايلـه مبـطي يـدوّر *** مثل فعـل الباز بالسرب المطيّـر استوت لأهل التملـّق والمجـوّر *** يقلط الخايـب ويفهـق كـل خيّـر 60 وقال عبدالله بن دهيمش بن عبار العنزي هذه القصيدة من قصائد التصدي للحملة المغرضة ولتبصير من غرر بهم في تحريف نسب عنزة ولكي يعلم الجميع أن عنزة هامه وليس لهزمه كما يدعي البعض وعنزة قبيلة عريقة ومستقله وليست حليفة لأحد وهذه الأبيات تحّذر من يغوي الجهلاء : العاقل من الناس يفرق عن الجلف *** ومن حـّرف التاريخ يحتاج خازم الـصدق يبقى والغـلط ينقلف قـلـف *** والحق يا أهل العرف للظلم هازم خل الذي ضحكه مثل دقـّت السلـف *** نـوبٍ لـك يـكـشّـر ونـوبٍ يـبــازم أبي أخبر اللي قلوبهم بالجهل غلف *** لابد من موقف عن الـزور حـازم الـلي على وايـل جديلـه بهـم ولـف *** حنـّوا كمـا حنّت قـلوص العـرازم ماهرجهم به صح واحد من الألـف *** والكل فـي تحريف الأنساب جازم الـلي يعود أربع عشر قـرن للخلف *** يبي عنـزه تدخل مع الحلـف لازم حنـا عنـزة مـا ننتحل جـد بالحلـف *** هـامات مـا حـنـا لـك الـلـه لهـازم حنا عنزة لا غـط بالغـارب الضلف *** حـنـا مدابـيس الـوغـى بالمـوازم حنـا سطام الضـد بالموقـف الكلـف *** لنـا الفخـر عنـد اكتـراب المحازم ولا سمك عج الرمك بالهوا الصلف *** والخيـل تـرهـم والعشايـر تـرازم اليـا تلاقوا عصم الأشناب بالشلـف *** قمنا على حدب السيوف انتعـازم 61 وقال عبدالله بن دهيمش بن عبار يوضح لمن حاولوا التنكر لوائل بن هزان العنزي ونعتوه بنعوت مشينه وكل عاقل يعلم أن التزوير لا يخدم أي قبيلة حسب ما يزعم ويدعي البعض ممن أشاع أن أبن عبار غيّر جد عنزة بينما الواقع بالعكس فقلت : هـو كيف نرضى يلفق جدنا الزايـف *** وشلون نقبل تصير العصبه أعصابه ما نطاوع الـلي لوايـل جـدنـا عـايف *** من عاف جده تحمّل لمز اللي عابـه اسمع سوالف تسولف هب له طايف *** خرط بمجالس ولكن ما أفهم أسبابه ماني من أقوالهـم زمـلان أو خـايـف *** واثـق ولا همني مـن يفتـل اشنـابـه اللي عـلى صاحبه حنشولي وحايـف *** وأن كان عال العدو ما أظن يشقابه نفاض جيبه يحـق الحـق ما أيسايف *** والحـق الأبـلج يـبي قـالات وطـلابـه يا مـن تميّـز مـن الصـّداق والهايـف *** عن قولي انشد غـزيـر العلم نسّابـه يشهد بجهدي جميع السامع الشايف *** أمجـاد دونـتــهـا تفخـر بـهـا الـلابـه ماني سوات الذي بيـن العـرب لايـف *** يسري ويجـري يدور الفـود لجيابه وأن خـم بـلعـه رجـع للبيـت متكايـف *** مبسوط وش لـه بابن عبـار وكتابه 62 قال عبدالله بن دهيمش بن عبار هذه القصيدة من شعر التصدي للحمله المغرضه : يالـلي تلـوم أن كنـت غـلطـان لمـني *** أن كـان قـولـك حـق مـاني بلايمـك وكـانـك بتحـريـف النسـب تـتهـمني *** لـومك عـلى الـلي بالهرابيد وهمّـك مـن يـفهـم أنسـاب القبيلـه فـهـمني *** وأن كنـت جاهـل بالحقايـق انعـلمك جـميع منصـف بالمشاعـر دعـمـني *** غيـر أنـت يا قطاع زندك ومعصمك يا حيف أنا بك خـاب ظـني وخـمـني *** أنـكـرت مجهودي عسى الله يسلمك الـلـي حـفـظ أمـنـك تـكــفّـل بـأمـنـي *** واللي حكمني قاضي العـدل حاكمك كانـك تريـدني أحتـرمـك احتـرمـني *** أعرض وشين الهرج لا يلفظه فمك الـلـه حسيب الـلي بـقـولـه ظـلمني *** الـلي جـداه الـزور والهيـف والنمّـك هـرج التجني والخطـأ مـا هضمني *** ولا اوافق اللي يدمكون النسب دمك عـن الـزلـل رب الخـلايـق عصمني *** الـلي سماه بـلا عمـد سامكـه سمـك |
قال عبدالله بن دهيمش بن عبار هذه الأبيات من شعر التصدي للحمله المغرضه : 63 عـن النـمـايـم خـوفـوا الـلـه يـا بـني *** آدم فـأن الـعـبـد مـنـسـوج اكـفـنــه فـكّرت فـي وضـع البشـر وأنتبابـني *** كـثـر العـجـب بالـلي يـريـد الهيمنـه فــكـّرت بـالـلـي عــادتـه يـغـتـابـنـي *** ياخـذ مـن ذنـوبـي ويعـطين احسنـه مـولاي خـصّـه بـالـذنـوب وثـابـنـي *** حـيثـه شبـيـه إبـلـيس كـلـن يـلـعـنـه مـن فـضـل خـلاّق المـلأ مـا عـابني *** الـلي كـمـا البـرذون مفصوخ رسنـه الكذب سهـمه لـو رمـى ما صابـني *** ومـن لا يـعـد الصّدق مـا ننشد عـنـه هـرج السفـيـه المبتـلي مـا جـابـني *** نفحات منطوق الحسود مـن اعـفنـه قـلتـه وأنـا مـا هبـت مـن لا هـابني *** لـو هـو حـفيـد فـلان مـن هانك هـنـه والمرتـهـب مـن ريـبتـه مـا رابـني *** هـرجـه مـع السفهـان مدفـوع ثـمنـه مجهـد ولا أحـدن بالتـكـّلـف نـابـني *** ومــن يــبــرز حــمـيّـاه هـذا ديـدنــه قال عبدالله بن دهيمش بن عبار هذه القصيدة يوضح الواقع : 64 الحمـد لـلي بـقـدرتـه يـبهـل الضّرع ***رب الـخـلايــق يـطـلـبـه كـل داعـي والشكـر لـلي قـوموا منهـج الشـرع *** فـي حكمهـم ما يظلم الشيخ راعي الظـلـم غـبّـه يهـلـك النسل والـزرع *** ولا يـربح الـلي بالقشر لـه مساعي من يعتدي مر الشرى يجرعه جرع *** يشرب مـن العـلـقـم وسـم الأفـاعـي واللي يزوم من الطغى كن به صرع *** عـقـب العـيا يرجع لـرشده ويـاعي الذيب الـلي يدرع بفـرق الغـنم درع *** عـن شـف مقصوده تحّـده سبـاعي وجذع الشجر هيهات ما ينقلب فرع ***ولا ينجحون أهـل الدجل والخداعي كم واحـدٍ حلقـه مـن الـزاد لـه تـرع ***ولاهـوا بحال أهل البطون الجياعي قال عبدالله بن دهيمش بن عبار هذه القصيدة من شعر التصدي للحملة المغرضه : 65 يـالـلـه يـا رحـمـن يـا خـالـق البشـر *** يا مـطـلع بـالغـيـب والسـر عـالـمـه يامجيب دعوة من شكالك من القهر *** يا منصف المظلـوم مـن ظـلم ظالمـه نعـوذ بك من صاحب البغي والقشر *** مـنـه النـكّـد والكيـد بـانـت معـالمـه الغادر الـلي دوم يبحث عن الضرر *** نفسه عـلى تشويه الاجـواد حـالمـه بحكي النـقيـلي ينشر العلم والخبـر *** يـنطـق بـزور ولا يـجـد مـن يكالمـه بـالثـرثره والهلس والدرد والهـذر *** يـدجـل عـلى نـاس وديـعـه مسالمـه الـلي يـكن الحقـد مـا اظـن ينتصر *** يشمـت سـواه وهـو كثيـره مـثـالـمـه من لاعدل ما يدرك الفوز والضفر *** مصـاعـد الـبـاطـل تـحـطّـم سـلالـمـه ماحصّل المعروف والمجد والفخر *** كـود الـنـبـيـل الـلي حـمـيّـاه والــمـه اقـولـهـا ولا هـمـني نـابح الجـعـر *** فـم الـعــقـور مـشـوّك الـنـاب بـالـمـه قال عبدالله بن دهيمش بن عبار هذه القصيدة من شعر التصدي للحمله المغرضه : 66 لا تـلـومـونـي ولــو فـكـري تـعــيّـف *** مـن سوالـف تنتـقـل عـبـر الشريحه أبـغـض الـثـرثـار والجلـف المهـيّـف *** بالمجالـس هـرجته مـاهـي صحيحه الــذي الـيـا حــل بـالـديـوان جــيـّـف *** مـن كثـر هـرج النمـايـم فـاح ريحـه مـن يـحـوك الكيـد بالهـرح المـزّيـف *** لـو نصحـتـه مـا تـسمّـع لـلنـصيحـه يـغـري المسكين والـدلـخ الضـعـيّـف *** مـع قـشـر فـعـلـه يشيدون بمـديحـه يـا عـسى كـبـد المحـرّض بالـتـلـيّـف *** ما تـدّرى مـن المـلامـه والفضيحـه عـنـد مـن وفـّر لـه الـبـلـعـه مـكـيّـف *** راق فـكـره والـجـوارح مستـريـحـه الـبـخـيـل الـلي يـضيـف ولا يـضيـَف *** مـا رفـد عـانـي ولا قــلـّط ذبــيـحــه مثـل بيـت الخيش مـا يضل المصّيف *** أو سـراب يـوهـم الظـامي ضحيحـه والـلـيـالـي مـا صـفـت لـلـي يـحـيّـف *** عـلى خرش البيض بالقاع الفسيحه قال عبدالله بن دهيمش بن عبار هذه القصيدة من شعر التصدي للحملة المغرضة : 67 يـا خـالـقي مـلـجـأ لـغـيـرك ولا الـوذ *** الخـلـق خلـقـك وأنـت مالـك ملـوكـه أعـوذ بـك من صاحب الظـلم واعـوذ *** مـن سـؤ شـر الـلي يـسجّـل أبـوكـه حـقي مـن لـلي حجـتـه ظـلـم ماخـوذ *** مهـمـا النكـد والكيـد ضـدي يحوكـه الـلي ظـلـم مـن قاضي العـدل منقـوذ *** لـو خـطّـّت الظـالـم عـليـه محبـوكـه يالـيـت عـرق البوق والغـدر مجـذوذ *** سـاس الخـيانـه مـا يـغـيّـر سلـوكـه عـن كـل مقصد تـايـة البصر محنـوذ *** لـو شـك مـا يشكـل عـلـيـه اشكوكـه مـاجـيـت مـستـرفـد لـمـده وشـاحـوذ *** لـو ثـروتـه تـمـلأ خــزايـن بـنـوكـه ولا هـمـني منطـوق سـافـل ومـنبـوذ *** الـلـي كـلامـه بـالـمجـالـس يـلـوكـه خـاب الـذي طبعـه سفاهات واشـذوذ *** مـثـل الغـليـث الـلي تـراقـل حـنوكـه قـبـايـل الـويـلان فـصّـلـتـهـا فـخــوذ *** وتشهدعلى الماضي وثايق صكوكه هـم الـخـلال بـلـوزة الحـلـق مـنـفـوذ *** وهـم الـذي بعـيـون الأضداد شوكـه واليوم صـار الحـيـل يا حـول مبـذوذ *** وقـصـر الفخـر مبطي تحطـم بلوكـه شفنا الجفـا والحيـف بالعيـن مقـذوذ *** حيـث الـزمـن حـوّط عـلينا شبـوكـه كبش المناطـح صـار عـزاه مـوقـوذ *** وحيص الجمال اليـوم طـوّل بـروكـه 68 قال عبدالله بن دهيمش بن عبار هذه القصيدة رداً على الذين يدعّون أن قبيلة عنزة انقرضت وحلت محلها بكر وتغلب : يالـلي تقـولون أن عـنـزة منقـرضه *** وتـبـون في زعـمكم قـومٍ تعـوضها نعيـذهـم بالـذي مـد وبـسـط أرضـه *** ما تـنقـرض لابـتي مولاي يحفضها من فرض رأي الخطأ مانقل بفرضه *** ما نسمع اللي علوم الزور يلفضها والـلي عبـث بالنسب لابـد نعتـرضه *** مـن زوّر أنسابنـا دعـواه نـرفضها اليعربي منسبه يحسب مثل عـرضه *** نعـتـز بجـدودنا والـروس ننهضها ما جالنا المجد بالتسليف والقـرضه *** وكان عنـزة نايمه ملـزوم نيقـضها أن كان دقت طبول الحرب بالعرضه *** وتلاقت جموعهم وإبليس حرضهّا فيما مضى المعتدي نفناه وانحرضه *** واليـوم ربـي دعـاة الشـر قوضها أهـل القلوب الـذي بالحقد منمـرضه *** سود الضمايررموز الظلم نبغضها 69 وقال عبدالله بن دهيمش بن عبار العنزي هذه الأبيات يوضح للذين يريدون أن عنزه تسمّى بوائل بن قاسط وهو جد قبائل تنحدر من جديله أخو عنزة وليس جد لعنزة وهذه القبيلة معروفة ولا يمكن أن تسمّى بوائل أبن قاسط بالحلف ولكنها تعتزي بوائل عنزي صليبة دون شك : سجـلـت منظـومي مـن الشعـر لـمـّى *** سمعـت نـاس بالسوالـف تـلاسط مـن حيـث هـرج الـزور للكبـد دمـّى *** من قـلـت الـلي بالعـدالـه مقـاسط واليـوم كلـن صـار مثـل أخـو شمّى *** يبي الفخـر ولـراحت الكـف باسط حـنـا بـغـيـر اجـدودنـا مـا انـتسّـمى *** حنـا عنـزة ما ننـتحل نسب قاسـط يالـلي مسامعـكم عـن الحـق صـّمى *** ما تعـرض جدود العرب بالمباسط الـزيـف يـبـطـل والحـقـايـق تـنـمّى *** والبيـت ما يبنـا عـلى غـيـر واسط والـلي عـن المعقول بصره مغـمـّى *** طـاع الـذي مقـول لهـاتـه يـمـاسط مثـل الـذي فـي مظـلـم اللـيـل ومـّى *** بالحنـدس الـداجي يدور المواسط قال عبدالله بن دهيمش بن عبار هذه القصيدة لتبصير من تأثر بالأشاعات الكاذبة التي ليس لها سند ولا دليل : 70 في كـل محفل نستمع هـرج ما يليق *** عـوج السوالـف بالوسايل يـذاعـن راجـت عـلـوم ملفّـق الهـرج تلفيـق *** أفـكـاره لـبـدع الخـرافـه انـصاعـن كيـف الخبـر ينشر مـزاري وتعليـق *** ويـروج ويصدّق بـشاعـات شاعـن بعـض العـلـوم تفـرّق الشمل تفريق *** مـظمـونـهـا خـلا القـرايـب تـلاعـن أنـسابـنـا مـاهـي تحـالـف وتلصيـق *** من وقـتنا الحاضر لعصر الفراعـن مـن زل سـديـنـا عـلـيـه المنـاطـيـق *** ولولا الكفاح أمجاد الأجواد ضاعن الصّـدق يـعـرف عـنـد كـل المخاليق *** حيـث الحقايـق بالنـواظـر يـراعـن فـخـرنا بالـلي زبنـّوا ناشف الـريـق *** حـمـوا بـنـاتـه يـوم بـالـدو سـاعـن هاني دخـيلـه زبـنـه سـاعـة الضيق *** وشيخ اللهازم قطع بطن الضواعن خوض المعامع بالـرماح المزاريـق *** وبحدود صفحات الهنادي مطـاعـن أفـعـال شجعـان الـقـروم الـهـداليـق *** يـوم الغـوالـي كـالجـلايـب يـبـاعـن النصّر ماهـو براحـة الكـف تصفيق *** بالشلف الـلي لقلوب الأبطال راعن مـا نفتخر في قول ما يخوف الهيـق *** ولا يجفـّل الـلي بالحضايـر يعاعـن |
قال عبدالله بن دهيمش بن عبار هذه القصيدة من شعر التصدي للحمله المغرضة : 71 وش مقصـد الـلي في نسـبنا يتلاعب *** للمـجـد والتـاريـخ بـايـق وسـارق بالهيف يزعـق عالي الصوت ناعـب *** ويـحـط مـابـيـن الـقـبـيـلـه فـوارق تاريخ ماضينـا عـلى الغـيـر صاعـب *** مثل القمر نوره على الكون شارق عـنّـاز سـتـر المحـصنات الكـواعـب *** يـوم الفشق لآجساد الأبطال حارق كان الخصيم لسابق الهجـن شاعـب *** وقـت المعـامع يكسرون البـيـارق الجمع الـلي لجموع الأضداد راعـب *** عـوق الضديد مطوعت كـل مـارق أولاد وايـل يـلـتـقـون الـمـصـاعـــب *** فرسان وأن لاحوا بسرج المعارق بالـكـون يـكـدون العـتـاه الجـراعـب *** فـوق الـذي تسبق شراع الـزوارق يوم الحمـر من مطعن الرمح زاعـب *** أركـوا عـليـهـم حـاميات المطـارق ويـوم القـرى يـوزن بصاع المثاعب *** والوقـت مقحط ما لمع فـيـه بـارق من ضافهـم يرتاح عـقـب المتـاعـب *** يفـرح بهـم يوم الجفاء كـل طـارق قال عبدالله بن دهيمش بن عبار هذه الأبيات من شعر التصدي للحملة المغرضه : 72 صليـت لـلـه خمس ركـعـات بالغـلـس *** وطلبـت ربـي والـخـلايـق بـغــفـوه عن كيد ظلم اللي صدع ذهنه الخلس *** أشكي على اللي تطلب الخلق عفوه أنـه يجـازي صاحب الكـذب والهـلس *** النذل الـلي يفـرح اليا شاف هـفـوه ياعـل وجهـه بالصدّى ينطلس طـلس *** حيثه وضع مابين الأصحاب جفـوه الـلي يبـيع الحـظ بـالـقـرش والفـلس *** وأصبح يخوض بعلم مـا هـو بكفوه ما عنده ألا الـزيف والـزور والبـلس *** تـوّه يـجـيـه العـلـم يـلـفـيـه لـفـــوه يغـري قليل العـرف بالمنطق السلس *** حسيـبـه الـلـه كـدّر الخـبـث صـفـوه عسى يشلّه نـاب مـن شوكة المـلس *** حـظـف الحنيش الـلي يعـرّط بقـفـوه وقال عبدالله بن دهيمش بن عبار هذه القصيدة من شعر التصدي للحمله المغرضه : 73 يــا عــزوة الــويـــلان لابـــد لابــــد *** لابــد نـيـقـض كــل مـن كــان راقـــد وش مقصـد الـلي زوروا لعـنـزه جـد *** صـار أيـتـعبّـث بـالنسـب كـل حـاقـد زيّـف وغـر رجـال مـا عـنـدهـم عــد *** الـلي عـلى التـوقيـع مـعـهـم تـعـاقـد الـكـل يـنـشـد عــن خــطـايـه ولا رد *** حـيـث النسـب مـا يتـقنـه كـود نـاقـد الكـذب قـوّع وانكشـف خـافي السّـد *** ومـن زوّر الـتـاريـخ لـلـعـقـل فـاقـــد مـكـايـد الــظــالــم قـديـمـات واجـدد *** ومـن الحـسـد نـيـران قـلـبـه تـواقــد والـلّي تجـنّى ولـفّـق الكـذب لـه ضد *** والـلي يـخـون الـعـهـد لـلـمـر زاقــد الـكـيـد والـتـنـكـيـد والـظـّلـم لـه حـد *** هـاقـد بـان وصحـصح الـحـق هـاقـد كـان الـقـضيـه بـالـوسـايـط لـهـا لــد *** يصعب عليه ومجلس الشرع عـاقـد قال عبدالله بن دهيمش بن عبار العنزي هذه القصيدة من شعر التصدي للحمله المغرضه : 74 قولوا لمن زوّر ترى الصّبر لـه حـد *** وحكي الخطأ مالـه مع الناس قبلـه من غـيّـر الـواقـع لقصر الفخـر هـد *** الجـاهـل الـلي وهّـمـه من كتـب لـه عـزوة ضـنـا عـنّـاز وايـل لـهـا جــد *** والجـد الـلي بالحلف ما تنتسب لـه عـنـاز يغضب عنـدها من لهـا امـّود *** ولا عـاف وايـل جدّهـا كـود الأبلـه والـلـي يـشـك بـجــدهـا كـلـمـتـه رد *** عـلـم النسب مـاهـو درابيـك طبـلـه حـيـث العـلـوم بـلا سنـد دربهـا سـد *** والكـذب يقـصـر دون مـدلاه حـبلـه الـوايـلي سـلـسـل جـدوده الـيـا عـد *** وعـقـولـهـم مـاهـي بـليـده وخـبـلـه هـي عـنـزه مبطي لها فروع وابـدد *** مـن عـصـر تاريخ المنـاذر وجـبلـه يـوم الحـرايـب باللـقـاء للعـدو ضـد *** قـلـب الخصيـم أولاد وايـل تـهـبـلـه يوم الدّبش يمنع عن الريف وايصد *** قـطعـانـهـم تـرعـى زمالـيـق ربـلـه لـهـم الفخـر بالأمس واليـوم والـغـد *** ياما بـهـم فارس مثـل شوق عـبلـه صغيـرهـم يـحمـي قـطـيعـه اليـا مـد *** والنمـر يـبـقى سـيّـد الـغـاب شبـلـه قال عبدالله بن دهيمش بن عبار هذه القصيدة من شعر التصدي للحمله المغرضه : 75 طاب نظـم القـاف في منطوق فـاخـر *** يبتهـج فـكـر اللّبـيـب وينتعـش بـه خـذ نصيـحـه لا تغـوص بكـل زاخـر *** وأجتنب نقرت حضوضا لا تهلشبه لـو يـزوم المـوج تغـرق بـه بـواخـر *** بالمحيط الـلي الخـلايق تختـرشبـه بـه رجـل ماهـو مـن المجهود ذاخـر *** بـالـلـّزم يـنصـاه مـن يـاقـع بنشبـه وبـه رجل كوبان متغطرس وساخـر *** نـافـٍع نـفسه وغـيـره مـا بـلش بـه اتـرك الـلي في سبـات النـوم شاخـر *** غـارق ولـو يسمع الناده كفش بـه وأعتـزي بـأهـل القهاوي والمباخـر *** والعـفـن لابـد يـنـدّم مـن لـبـش بـه أفخـر بـعـزوه لـهـا أمـجـاد ومفاخـر *** القـفـر بسيوفهـم يـرعـون عـشبـه من جبـل عطوى اليا حدود المناخر *** كـل خايـع ذودهـم زاع ودخـش بـه قـالـوا الـلـي مـالـه أول مـالـه آخـــر *** والـردا مـاهـو لفعـل الطيـب يشبـه كان في عرق الجذوع السوس ناخر *** تذبل اغصانه إذا سوسه نهش بـه قال عبدالله بن دهيمش بن عبار هذه القصيدة كفاح وتوضيح من شعر التصدي للحمله المغرضه : 76 مـن شك فـي جدنـا مـا نقبل اشكوكه *** الـجـد الـلي طـعـن عـدوه بمعـكازه طـعـن عـدوه وخـلا دمـاه مسفـوكـه *** خصمه وقع من طعنته بالثرى جنازه عـامـر فخرنـا وراية العـز مسموكه *** لـقـّب عـنـزة جـدنا والفـخـر حـازه والـلي زهـد بـه فكرته غير مبروكه *** كـل العـرب بجدودهـم مالـنـا عـازه أسـد دونـه مـالـنـا أنـساب مشروكه *** ويشهد عـلى تاريخنا نجد وحجازه جـميـع مـن سجّـل التاريخ في بوكه *** يـذكـر فـعـايـل ضـنا عنـاز ممتـازه حـنـا بـني وايل بحلـق العـدو شوكه *** مـن يعتدي نفضخ عيونـه بخـّرازه ما نطاوع اللي يلوك الهرج بحنوكه *** ولا خير باللي لأهل الزيف منحازه كـيـف المصـادر والأسانيـد متروكه *** والكل يكتب كـلام الـزيـف بجـهـازه اللي علومه بالعرب صارت اضحوكه *** كـلام زور ومنطق الزور من جازه الـلي بـتزويـر النّسب ينسج حبوكـه *** هرجه سرابٍ ضح في هضبة عنازه واشوف فم خطو الرجل تقل بازوكه *** يـنـفـث صديده بالدياوين وخـنـازه عـلـم النّسب مـاهـو زبايـر ولا لوكه *** نسب نسب ما ينعجن عجن خبـّازه واللي استعاض بفروة الراس باروكه *** مثل الـذي يلهث وراء كـل غـمّازه قال عبدالله بن دهيمش بن عبار هذه القصيدة من الكفاح والتوضيح من شعر التصدي للحمله المغرضه : 77 من خاض بأنساب القبايل وهوجاهل *** تـاه الدليل وصادق العلم ما حاطه دامـه من علوم المعارف ماهو ناهل *** ليته حفظ ما خط من علـم بشناطه والصادق اللي عن كلام الخطأ شاهل *** ما ياخذ المنطوق من ناس خرّاطه مفهوم من شال الأمانه على الكاهل *** ملزم يـزيل الخطأ وايعـدّل اغـلاطه لومي على من مع أهل الظلم متساهل *** الظالم الـلي يفتق الجرح ما خاطه أهـل المكـايـد حـمانـا منهـم العـاهل *** تلك المخطـط أمـر سلمـان بأحباطه وعـنّـاز للمـدح والتمجيـد تستاهـل *** لهم القبـايـل بطـيـب الفعـل غـبّـاطـه كان أعتلوا في صهوة المرهم الصاهل *** كم من منيٍع بالوغى شدّوا رباطه بالكون عقل العدو من طعنهم ذاهل *** أدبـر يصيح ويرهـج النـزل بعياطـه يـوم الجحافـل تحتـدي مابهـا ماهل *** عاصوف موج ودال بشراع فرقاطه وقـت المعامـع جمعهـم للعدو داهل *** صالوا بنمرا كنها حصون غـرناطـه الجمع الـلي باللقاء للمعتدي زاهـل *** لا ولـعـت نـار الـحـرايـب بشخـاطـه |
]
قال عبدالله بن دهيمش بن عبار هذه الأبيات نصيحة لمن يكتب تاريخ وأنساب : 78 يـالـبـاحـث بشـان الـقـبـيـلـه تـرفـّق *** تـرى مهمة بحـث الأنساب صعبـه مـن زوّر وزيّــف وحــرّف ولــفّــق *** لومي على اللي صدّقه وانخدع به الـلـي عـبـث بـأنـسابـنـا مـا تـوفّـق *** صنّـف وتـاريـخ القبـيـلـه رثـع بـه لأسم عنـزة يا حيف صرنا أنتشفّق *** مـع الأسـف تـاريخنـا صـار لـعـبـه الـيـوم يـا مـكـثـر هـيـاط المـطـفّـق *** ندخـل عـلى الـلي شاد بالبيت كعبه حتى الـذي في راحـة الكـف صفّـق *** قالوا هـزم جيش المعادي وشعـبـه الـدّم مـن طـعـن الـشلافـي تـدفّــق *** وجيش العدو حارث وهاني فدع به قال عبدالله بن دهيمش بن عبار هذه الأبيات في وصف الحسد وأهله من شعر التصدي للحمله المغرضه : 79 الحسـد يـعـلـق بالضـمـايـر حـريـقـه *** فـي مهـجـة الحاسـد يـولـّع لهبـهـا والـلي أبـتـلا بالحسد يشعـر بضيقـه *** مـن حـيـث نـفسه مـا تحقق طلبهـا يصعب عـليه مـن الكـدر بـلع ريـقـه *** فـكـره تـلـوّث والـذنـوب ارتـكـبهـا الحسـد مـا بـيـن الشقيـق وشقـيـقـه *** يـفـتـن وكـل المشكلـه هـو سبـبهـا والـتـايـه الـلـي مـا يـقــدّي طـريـقـه *** يمشي ورجـلـه خـيّـب الـلـه تعبهـا والـجـاحـد الـلـي مـا يـعـد الحـقـيقـه *** يكـمـا الشهـادة والحقايـق حجبـهـا والهـايـف الـلي مـا اقـوالـه وثـيـقـه *** خـم العـلـوم المـسمـلات ونـهـبـهـا والـرجـل تـعرف سيـرته مـن رفيقـه *** صقـر الصوارم مـا يـرافـق حقبهـا ومـن لا تـمسّـك بالسـلـوم العـتيـقـه *** طـمـن وبـأفـعـالـه جـدوده هـزبـهـا والـكـاتـب الـلي مـا اقـوالـه دقـيـقـه *** مـا تـعـتـمـد مـقـولـتـه لـو كـتـبـهــا هـرج المغالـط والخـطـأ مـا نـطيـقـه *** يا كـاتـب الـنـبّـذه مصـادرك جـبهـا مـن خاض في تاريخ عـزوه عريقه *** الـواجـب أنـه مـا يـحـرّف نـسـبـهـا وقال عبدالله بن دهيمش بن عبار هذه الأبيات استهجان بالذين يتخبطون بالأنساب دون معرفه : 80 بعـض الرجاجيـل للتاريـخ مـا يـقـرا *** لوتنشدونه مايعرف جـدّه الخامس يمشي كـما قيـل مع الخيـل يا شقـرا *** ما يفهم وقـلبـه بواد الجهل طامس ومن لا يقـدّم عـزيـز الجـاه والمقـرا *** لا يفتخـر بالـذي مـدفـون بالرامس هيهات ما يفرق الهـداجّ من صقـرا *** وغلطان من شبّه العيسوب للنامس وقال عبدالله بن دهيمش العبار هذه الأبيات من شعر التصدي للحملة المغرضة : 81 الـحـكـم لـلـه ولـي الـكون والسلطـه *** للحاكم الـلي وضع للمعتدي حـوطه راس المعانـد لـه الفاروع والبلطـه *** ومن عال أخو نوره يشوته بشلوطه يعـل مـن يـظـلـم الأجـواد بالجلطـه *** يربط لسانـه وتبقى اعـضاه مربوطه الـلي لهـاتـه مـن الهـذرام منزلـطه *** وسط المجالس يجيب علوم مغلوطه الفـاهـم يـميّـز الهـّلاس من هلطـه *** والجـاهـل يـصدقـّه وايطبّـق شروطـه من فضل رب الملا ماتنوجد غلطه *** أنـسـاب عـنـاز بالتاريـخ مضبوطـه أصل القبيلة صريح ولايجب خلطه *** مـع لابـه أخبارهـا بالكتـب مبسوطـه أولاد وايل هل الخطمات والقـلطـه *** مـن خيبـر الحرّة إلى ديـرة الغـوطـه وقال عبدالله بن عبار هذه الأبيات من شعر التصدي للحملة المغرضة : 82 اللي تسمى بغير جده كسب ذنب *** خـالـف تعـاليـم النبي والصحابـه ما جـدنـا قاسط ولا جـدنـا هـنـب *** حنـا بـني وايل والأسماء تشابـه يا مزوّر التاريخ خلك عـلى جنب *** الـزور عيـب ولا تجيـزه رقـابـه جـدودنـا بـدوان مـاعاشوا بـكنب *** عربان لهم أنساب ماهم عصابه بيت عنزة ما ينقشع به ولا طنب *** بـيـت عـتيـق وكـل فـاهـم درابـه وقال عبدالله بن دهيمش بن عبار أيضاً هذه الأبيات : 83 يـا كـثـر مـا يكتـب خـرابـيـط بالـنـت ***ويا كثـر يلفظ بالمجالس من الكذب ويا قشر منطوق السوالف اليا جـت ***بالقـدح والتجريح والسب والشذب والكـل مـع وادي ظـلام الجهـل كـت ***فهمـه قليـل وبالكـلام يـهـذب هـذب يامـن ظلمت الـلـه حسيبك اليـا مـت ***يوم الحشر تحرم من الكوثر العذب أحـذر عـذاب مكـوّن الكون في ست ***يوم البشر من برزخه ينجذب جذب وقال عبدالله بن دهيمش بن عبار هذه الأبيات : 84 اللي تشدّق بهرج الزور وش قصده *** وش جاه يقدح بعرض الغافل الغايب أعمال شين العمل عند الولي رصده *** وش فيه مـا يترك النمـه وهو شايب الهـرش كـان انحـرد لابـد من فصده *** حـتى ايتعـدل مسير الفرسن العـايـب من يزرع السو لابـد زرعه ايحصده *** ومن قال حكي الخطأمامنطقه صايب كـانـه يخبّص نسب عـناز وايعـصده *** الناس ما تصدّق المنحوس والخايب وقال عبدالله بن دهيمش بن عبار العنزي هذا المقطع من قصيدة يشكر زميله علي بن قيقان الدعيجي العنزي والرجال الذين تفضلوا بالتكريم : 85 يـا مـرحبـا بالـلي المكارم حـواهـا *** عـلي الدعيجي نظم القاف باصخار الـلي صدح بجهـودنـا مـا نـسـاهـا *** شاد أبو محسن في عملنا بالأشعار الكتب اللي عـلي الدعيجي قـراهـا *** عبـر الـزمـن تـبقى للأجيـال تذكـار تـاريـخ لابـه عـلـمـهـا مـا شنـاهـا *** لا بالبيوت ولا على ظهور الأمهـار الضيف واللي شاف ظيم ونصاهـا *** والجـار مقحم قـبلنـا وصـّف الجـار ذكرت مجـد شخوصها واعـقـداهـا *** وفرسانها وشيوخهـا وكـل الأمـار نجهد عسى نـوفي القبيلـه جـزاهـا *** الـلابـه الـلي صيتهـا عـم الأقـطـار وأطـلب ولي الكـون يصلح ضناهـا *** بالعصر اللي تغيـّر الوقـت وانـدار ولـك الشكر عـد الرمـال وحصاهـا *** وأنـا لجـميـع الـربـع يالقـرم شكـّار كـل الأسامـي صغـتها مـن غـلاهـا *** وادروعهم تبـقى لنـا تـاج وأشعـار قال عبدالله بن دهيمش بن عبار هذه القصيدة رداً على قصيدة الشيخ مفلح بن مرشد الشريفي : 86 يالشيخ مفـلح يـا عـريـب السلايـل *** معدنك صافي من حمايـل وأجاويـد منسوب جـدك مـن رفـاع الحمايـل *** ما هو من رخوم الرجال الرعاديـد شكـرت جـهـدي يا ذريـب الفعـايـل *** أشكرك حيثك تمدح الجهد واتشيـد يفـدى جنابـك مـن يـدور الـرزايـل *** يفدونك ضعـاف النفوس الحواسيد مـا هـمـهـم ذكـر الـفـعـول الأوايـل *** لـكـن بـلاهـم يـالسـنـافـي محـاقـيـد قال عبدالله بن دهيمش بن عبار رداً على الشيخ داغش بن مرشد الشريفي : 87 يـا الـلـه يـا منـشي ثـقيـل المخـايـل *** تعـلم بمكنون البشر وأنـت مـولاه بالخير تجـزأ الـلي يحـوش النفايـل *** داغش ابن مرشـد جـوابـه قرينـاه نسـل الشريفي يـوم عصـر الدبايـل *** كنعـان عـلمـه بالمجـالس سمعنـاه مـن روس لابـة علمهـم دوم طايـل *** كـواكبـة بـيـن القـبـايـل لـهـم جـاه يـوم السيوف ويـوم عـصر الفتايـل *** شاهدهـم التاريخ فـرسان وأرمـاه حـمـر الـنـواظـر ذلـلـوا كـل عـايــل *** من هامهم ما رد من عقب مغـزاه داغـش يشـجع بالـكـلام الصـمـايـل *** ماهو من أصحاب الريا والمحاباه أعـتـز بـالـلابــة ولا نـي مـسـايـــل *** وأفخـر بجـدك يالسنـافي وشـرواه أشفـق عـلى تسجيل مجـد العـوايـل *** لو كان جاني من خطو لاش ماذاه وصلوا على اللي نال كـل الفضايـل *** المصطفى دينـه عن الشرك عـذاه |
قال عبدالله بن دهيمش بن عبار هذه الأبيات من شعر التصدي للحمله المغرضة وكشف بعض الحقايق : 88 أبي افضح الـلي بـاع حـظـه بـرشـوه *** بالـمـال يـشــري ذمـتـه كـل راشـي الـلي وقـف ضـدي ويـشعـر بـنـشـوه *** حيثـه مـع أصحاب المكايـد يخـاشي كانت عـلى عيونه عن الحـق غـشوه *** وفي مسلك الباطل مجودل ومـاشي مـثـل المومي بالـدجى عـقـب عشوه *** صابـه صمم مـا أظـن يسمع نقاشي والضـرس ما فـاده عن القـلع حشوه *** ما دام سـوسه بالعـصب تـو نـاشي أحـرق ضميـر الـلي يعاديـك واشـوه *** لـوكـان جـدّه مـن شخوص البواشي وقد تفاعل الزميل الشاعر جميل بن محمد الحوسي أبو تركي بعد أن أطلع على هذه الأبيات ورد رغم صعوبة القافية يقول : 89 عـد الحـقـيـقـه لا تـجـي فـيـك خشوه *** وخزه من أوساط البشر خـز حاشي ثـم افـرده عـن كـل زمـلـه وحـشـّـوه *** ماهـو مثـل سـقـراط ولا الـنـجـاشي والـلي وثق مـن خطوته حين مشوه *** مـا يلـتـفـت لـلـي بـه الـحـقـد فـاشي قال عبدالله بن دهيمش العبار : 90 كـل ما سجـدت لوالي العـرش سجده *** أطلب عـسى رب المـلأ يـنـتـقـم لـي أدعي على الظالم عسى الـله يهجـده *** الحـاقـد الـلي مـن المكايـد رسـم لي الـلـي بـحـكـي الـزور يـزداد وجـــده *** فـكره عـلـيـه مـن الـدعايـات يـمـلي مـن بايعـيـن حضوضهم جـاه نـجـده *** وأنا أحـمـد الله كـل منصف حشم لي مـن طـاب مـا نجحد فعـولـه ومجـده *** ومن خـاب شملـه ما يوافـق لشملي وقال عبدالله بن عبار هذه الأبيات : 91 الشمس بالغـربال مـا تنحجب حجب *** وحيد الجبل صعب انقشاعه وعفسه والتبع فـرخ أحرار لكن ماهـو نجب *** صيـده ضعيـف من الهـزيلات طفسه والكبـر والغـرور والـزهـو والعـجب *** توجد مع الـلي ما عـرف قـدر نفسه والمنحرف كـان انعوج يلزمه شجب *** ويحتاج لـه بـيـن الحجاجين رفـسـه قال عبدالله بن دهيمش بن عبار هذه الأبيات لتوضيح نسب عنزة : 92 النسـب عـلـمـه كـمـا البحـر المحيـط *** يلتطـم مـوجـه ويغـرق من يخـوضه بــه تـعـبّـث كـل مـن عـرفـه بـسـيـط *** عـنـده التحـريـف والتزويـر مـوضه مـن يـجـيـد الهـلس ولسانـه سـلـيـط *** يرتقص فـي كـل مجلس فيه فـوضه يحـسب أنـه بالقصص مـالـه غـلـيـط *** مـا درى الأنساب بالكتـب محفوضه وقلت هذه الأبيات تدور حول موضوع تزوير نسب عنزة : 93 شيـابــنـا بـانـسـابـنـا عــندهـم رس *** عـن ماضي التاريخ يعـطـوننـا دروس قلـنـا لمن حرّف صريح النسب بس *** ساس عنزة من دورعامر وهم روس صـار التلاعب وأكثر القوم ما حس *** ما فكـروا باللي يحوس النسب حوس أهـل الـنـكـد والكيـد واللّمـز والدّس *** جـد عـنـزه حـطـوه هـافـي ومدنوس قال عبدالله بن دهيمش بن عبار هذه الأبيات يصف واقع الدّحه الصحيح : 94 الـدحّـه لـعـبـه بالمصانـيـع والعـرس *** ماقـيـل تلعـب فـي حـروب وكـوارث الـدّح والتـصـفـيـق مـا ذلـّل الـفـرس *** الـلي هـزمهـم سيف هـاني وحـارث حنضله بن سيار سيفه غرس غرس *** فـي صـفـحـة الهامـرز للكبـد فـارث ما صار في ذي قار مكتوب بالطرس *** والمجـد لـه من سابق العهـد وارث من شعر عبدالله بن عبار هذه الأبيات : 95 مـن وضـع جـد القبـيلـه بالتـلـهـزم *** ضـمهـا لـوايـل جـديلـه بالتـبـني ومـن تسمّى بغيـر جـده دوم يهـزم *** لـو تعزوى ما كسب غير الهبني مـا تحيـزم من يحـط النكـث محـزم *** ولا سقاك اللي صميله جرد شني قال عبدالله بن دهيمش بن عبار هذه الأبيات : 96 بعـض السوالـف باهـتـه مابها ملـح *** هـذر بمجالس من سمعها سمجها الكذب هـو والصدق مـا بينهم صلح *** والعـوج تـبي الـلي يعّـدل عـوجها الـلي يبي يشلح علـوم العـرب شلح *** ونص المراجع والمصادر سهجها الحـضر والشويان والـبـدو والفـلح *** عنصر قـبايـل لـو تخـالـف الهجهـا عرب وعـرق غصونهم مابها كلـح *** ولا نستـمع لـلي الحـقايـق طعـجهـا والتـايـه المنجـوم مـا يشبح الطـلح *** دربـه عـفـاش وكـل ظـلمه ولجـهـا وقال عبدالله بن عبار هذه الأبيات : 97 مـن يــبـث الـعــلـم مـلـزوم أيـتـوكــد *** الخـبـر فـي عـلـتـه مـا جـاز خـطفـه كـان تـبـي الـصّـدق يـالـعـاقـل تـركّـد *** لا يـغــرّك كـل مـن لـوّح بـشـطـفــه مـن سـلـك درب الحقيـقـه مـا تـنـكّـد *** ولا خسر من خصّه المـولى بلـطفـه وقال عبدالله بن دهيمش بن عبار هذه الأبيات حول أثبات الأصل : [color="dar كل عنزي ما يقبل الطعّن في ساسه *** ولامن قبيلـة تـبي تغيـير عـزوتهـا كـل عنزي في عزوتـه يرتفع راسه *** أولاد وايـل تـعـرف جـذور منبتـهـا والـلي ربيعـه أصلها غـيّـر اجناسـه *** عـشر القبايل يا حول الـلـه مـوتها غـرّه كلام الـلي جميع النسب حاسه *** كيـف عـنـزة ضمّت ربيعه برمتهـا خوض المواضيع بالأنساب حسّاسه *** وش مقصد اللي ضنا عناز شتتها مـا يميـز الجوهـر الدري من نحاسه *** مجـد القبيلة والفخـر هـو كرامتها قال عبدالله بن دهيمش بن عبار هذه الأبيات من شعر التصدي للحملة المغرضة وتبصير صدّقوا بكتابات وأقوال الذين حرّفوا وزوّروا نسب قبيلة عنزة : الـلـي يـطـبّـل لـلـمـزوّر ويـرقـص لـه *** العقـل فـارغ مـا يجـد لـب في جسمه الجاهـل الـلي كـل نـاعـق يشخص لـه *** غشيم ما يعرف الهـلامه من الدسمه ما نستمع لـلي مـن الهيـف بـه خصله *** ولا نـنخـدع بـه لـو شفـايـاه مبتسمـه لاشك الـلي حـرّف نسبنا من ارخصله *** يـبـي النسب بالطهبلـه يختفي رسمه كـل عنـزي من زيفهـم شك في اصلـه *** لـولا البطاقه كان ضاع ونسي اسمـه المنصف الـلي نسب عنـاز يخلص لـه *** رأيه جدال أهـل المعاند يـبـي حسمـه بكـر وبـني تغـلـب عن عـنـزة منفصله *** مـن أسـد البـاسـل الصنديـد منقسمه الـفـيـن عـام وعـزوة عـنـزة مـتـصـلـه *** مـا دخـل معها مـن جديلـه ولا نسمه وقال عبدالله بن عبار هذه الأبيات : 99 ومن كان لـه بالطيب هقـوه ورمعـه *** مهـمـا ثـقـل حـملـه يشيـلـه بمتـنـه والـلي يـبي بالمدح شهـره وسمعـه *** بالعـنصـره والعـنصـره قيـل نـتـنـه بعـض الرجال الشمّل يسعى لجمعـه *** وبعـض الرجال يثيـر بالناس فتنـه أبيات مسنده على الشاعر فالح بن فويز الشيباني بعد أن تصدّى لشخص تعرّض لي في كلام غيبة ونميمه بأحد المجالس : 100 الـشـكـر تـستـاهـلـه يـافـالـح فـويّــز *** مشكور يا مجـادل المغتاب بغيابـي صدحت بالحق لكن مـا أنـت متحيّـز *** قـلت الحقيقه ولا تجامل ولا تحابي لو تنشد الـلي يقول الصّدق وايميّـز *** انشد هـل الـذّمـه ولا تنشد الهـابـي خطو الرّجل يدفع بـه الحقـد وايديّـز *** أنشد وتلقى عـلومه وين هو رابي قال عبدالله بن دهيمش بن عبار هذه الأبيات : 101 هذا الكتاب اللي عرضته عـلى لجنه *** لـو بـه خطأ ما تـم فسحه وتوزيعه والمخطي كتابه بـدرج الكبت سجنه *** حيث أن تزييف الحقايق مواضيعه ما عـنـه منشود مهما طـوّل برجـنه *** ومن يزرع الفتنه خساره مشاريعه الكاتب اللي يحوس الهرج وايعجنه *** مـا فـاد مـدحـه بالوسايل وتشجيعه وسيطه اللي يبوس الخشم والوجنه *** فاشل ويدري حاكم العدل ما يطيعه وشعاد لو هوبل وهيجن على هجنه *** مـا نـال مقصوده وخابـت مراميعه |
وقال عبدالله بن عبار من قصيدة طويله : 102 أصل عـنـزة مـا هـو تلفّـق وترهيـم *** أصل أصل ماهـو هـقاوي وتوهيس مــن وايــل الأول وجـلان واهـمـيـم *** ضـد المعادي فـي زمـان المتاريس فـوارس الهـيـجـا بـوقـت الـمـلازيـم *** على سروج الخيل والكنّس العيس لـهـم مـفـاخـر يـوم بـوج المخـاريـم *** ولهـم فـعـايـل بـالسنيـن المراميس عـزوة ربـيعـة مـن سلايـل إبراهيـم *** نجد سكنوها من بعد طسم وجديس ومن يجحـد التـاريـخ نعـطيـة تعـليم *** أصل عنزة مـاهـو تحالف وتجنيس وقال عبدالله بن دهيمش بن عبار هذه الأبيات : 103 عـناز حازت عـلى التعظيم *** والمجد مبطي ماهـو تـوّه عـناز مـا مجـدهـا تـرهيـم *** بشهود الـلي يـدفع الخـوّه حمينا اللي يلتجي من ظيم *** وحمينا اللي سيق بالقـوّه والـلي بحقّـه صـدر تعميم *** زبـن عـلينـا وصفـى جـوّه مـع الحـفـاوه لـه التكـريـم *** مـا اقـولهـا دس واتـمـوّه مـا نسلّـم الملـتجي تسليـم *** يـوم المشّـوك قـدح ضـوّه من حمد منشي ثقيل الغيم *** نعـرض عن النّم والسّـوه والـلي يـبي لعنـزه تحجيـم *** قـصـده لتـاريخهـا يـشّـوه ما نقبل الضعف والتحطيم *** وعـلى نسبنـا بـنـا حـمّـوه وقال هذه الأبيات من الهجيني : 104 يالـلي تـدوّر عـلـي العـيـب *** خسيت يالأربـد الهايـف عنّاز مبطي تحوش الطيب *** يلجأ لها الجالي الخايف ما فـيـه شكّـه ولابـه ريـب *** ولا نقبل المنطق الزايف دخـيـلنـا يـاجـد التـرحـيـب *** ويـبـات آمـن ومتـكايـف وقال عبدالله بن دهيمش بن عبار هذه الأبيات : 105 كثـر اللغّى واللّغـط والهـرج واللّمض *** وصف الحروف اللي يعدونها بحوث علم النسب ثابـت قبـل يطلع الحمض *** كـل البشـر ساسه مسجّـل ومـوروث يـا معتـزي جـهّـز التوقيع ثم امض *** لسـن الفـصاحه واضحـه مابهـا لـوث ترى الشّكوك تسبب الغبن والغمض *** لا تـحـتـزم يـا طـيّـب السـاس بنكـوث من سار حافي تحرق اقدامه الرّمض *** وحيص الزمل يوذيه نامس وبرغوث وقال عبدالله بن دهيمش بن عبار هذه الأبيات : 106 الله حسيب لكـل شاني وشمّـات *** مهما نصحتـه ما يطيع النصيحه الـلي تجـود بالعلوم الخـرافـات *** ظالم حقود ولا هروجه صحيحه منطوق لفظه بالدياوين نـمّـات *** في كل مجلس بالخنز فاح ريحه اللاّش لو يجمع زباين وشلاّت *** مثل السراب اللّي يغـرّك نضيحه هذه الأبيات من شعر التصدي للحمله المغرضة وأفهام الذين صدّقوا من زوّر نسب قبيلة عنزة : 107 يـالـلـي حـرّفـت الـنـسـب خـلّـك نـزه *** واعترف ترى على قولك محاسـب وش نكـون أن كـان مـا حنـا عـنـزه *** غـيـر عـنـزه مالنـا اصـل ومناسـب مـن تـحـاقـر اصلـنـا إبـلـيس نـغـزه *** اشـهـد أنـه فـي مجـال العـلم راسب جــدنــا وايــل عـلام الــلـي انـقـزه *** وجـاب جـد يحسبـه فـود ومـكاسـب حـطـوا الـعــزوة تـقــل لـون خـرزه *** اخـتـفـت بالليـل بطعـوس السياسب خـاب الـلي عـقـله عن الحق حجزه *** وصـار ينقـل مـن نـمايـم كـل لاسب مـن يـعـيـل خـلال بـالـعـيـن بـغـــزه *** مـا رجـع لـلحـق بالـوقـت المناسب وهذه الأبيات من شعر عبدالله بن دهيمش بن عبار مسنده على الشيخ متعب بن عبدالهادي الفققي أبو عبدالله : 108 يا ابـو عبدالله عـط العـلم اليقيـن *** للـرجـال الـلي سـوات الـبـبـغــا قـل لهـم لا يسمعون المغـرضين *** وقـل أبـن عـبـار لـوايـل ما لغـا ليتـهـم لـو يـنشـدون الـمـدعـيـن *** كـل منهـم عـقـب هـديـره رغـا حـيـث كـانـوا حـاقـدين وظالمين *** والعـدل والحـق يردع من طغـا من ظلمني عـاد ندمان وحـزيـن *** وانخفض قدره عقب ماهو اغـا اكتـب الأنساب مـن عـدة سنيـن *** وكـل جاحـد ما حصل له ما بغـا وقال عبدالله بن عبار : 109 مهما عذلت مجنب الحـق مـا ايطيع *** كنـت انصحـه لاشك صـد وعصاني والحـمـد للمولى بطـل كـل مـا شيـع *** وشعـرت فـي راحـه ونومي هناني ومـن جانب الواقع وسجّل مواضيع *** غـلطـان كـانـه فـي كلامـه عـنـاني ينصفني العـاقـل بـعــيـد المـرامـيـع *** ولا يـنـكـر المجهـود كـود الهـدانـي والـلي يبـون لجامع الهيف تشجيع *** بـاطـت سـوالفـهـم بخـمسة ثـوانـي وقال عبدالله بن عبار : 110 حـنـا رجـعـنـا لـلـحـقـايـق وعــدنـــا *** وتـاريخـنـا ثـابـت مـن الـجـاهـلـيـه يـهـمـنـا تـجـديـد مـاضـي عــهـدنــا *** والـحـمـد لـلـه عـنـدنـا حـسـن نـيـه نـخـاف عـقّـال الـعـرب تـنـتـقــدنـــا *** والصّـدق والأخلاص مـا فـيـه زيـه أبـي أنشد أهـل الـرأي وش استفدنا *** أن مـا حرصنا عـلى مـجـد السمّيـه حيـث الصحيـب لصاحبـه دوم يـدنـا *** حـقـي عـليـه ولـه حـقـوقٍ عـلـيــه وش عـاد مهما عـن بعضنا ابتعدنـا *** لابـد مـا نـرجـع ونـمـشـي ســويــه نـسـعـى نـدور الـطـايـلـه مـا رقـدنـا *** ومـن عـاف جـدّه مـا حياتـه هـنيـه قال عبدالله بن عبار هذه الأبيات من قصيدة مسنده على أحد الشعراء : 111 ياالقـرم هرج اهل القلوب البغيضه *** لا تلتفـت لـه هـرجهـم دوم فـاضي اشرب من الصافي وخل الخويضه *** وأجعل بحلق اهل الضغاين شظاضي العـذب يحلـو بالمشـارب لضيضه *** لاشـك ما صفىّ الهمـاج اختضاضي حيص الزمل ما يوم تسمع جضيضه *** لو ثقل حمل الحيص بالحمل ناضي احـمل تكاليـف الظـروف البهيضه *** وأنجض شواتك عن نياها نجاضي واللي يبي شمل الرفاقه شضيضه *** يستـاهـل الهـلـبـاج خـدم الحيـاضي خله عسى ياطاه سكس العـويضه *** عشرين طـون حمولتـه بالمقـاضي عـندك يقين اللي يخض المخيضه *** يـدور زبـده مـن رويـب الحماضي ومن لا عرف سود الليالي وبيضه *** مـا ظـنـتي يـركـب شـداد العيـاضي المدح يزها أهـل الهـداف النهيضه *** باقدامهـم يـوطـون حـر الـرماضي والداب الأرقط تكره النـاس بيضـه *** يـا الـلـه عسى ذريـتـه بـانقـراضي الـكـوبـرا مـا اظـن يسلـم كضيضه *** يجهـز على من يقـربه بانقضاضي والغـلـث بالنيبـان يعـطب عضيضه *** ولا يـدرك الطولـه بخيـل عكـاضي ما يصبرون أهل الجلود الغضيضه *** ومن خاب تـنزل قيمته بانخفاضي والأرنب الـلي بالشجـر مستحيضه *** كما ترى لـو شافها النمر جاضي دام الطـروش اركـابهـم مستريضه *** ما جاز عن قول البغيض التغاضي الهيس مـا يشكـل عـلي اتحـريضه *** ايبس لحاضه قبـل ييـبس لحـاضي بعض العرب له سلم مذهب قريظه *** مذهب يهودي صدق ماهو افتراضي حتى الـذي مثـل النعجـه الـربـيضه *** دلا يـسـوي بالمـجـالس ضـواضي سبحـان خـّلاق الـمـلأ مـن بـويضه *** مصيرهـا لـو ما حفظها الجهاضي الـقـلـب يـعـد الـثـوانـي نـبـيـضـــه *** يـقـدح كما يـقـدح شرار الشواضي قدمـّت لـك مـن فـن بدعي عريضه *** مادام رشحتن على الوضع قاضي وقال عبدالله بن دهيمش بن عبار هذه الأبيات : 112 مامن بشـر عـن الخطـأ نال عصمه *** غير الرسل ما ينوجد شخص واحد قـلتـه والـلي مـالـه مـآثـر وبصـمـه *** يحسب مع المدفون في جرف لاحد وجميع ظـالـم والـي العـرش خصمه *** الـلـه حسيـب لكـل شـاني وجـاحـد خطو الرّجل فعـله من العيـب وصمه *** فـاجـر وصحبه كـل أبوهم مـلاحـد قال عبدالله بن دهيمش بن عبار هذه الأبيات من شعر التصدي للحمله : 113 يـا الـلـه يـا رب البشـر بـك نعـوذي *** مـن شـر الـلي لازال كيـده يحـوكـه مـا غـيـر خـلاّق الـمـلأ بــه نـلـوذي *** الـجـانـي المخـطـي يـبـلّـم حـنـوكـه يالـلـه تجـازي كـل مخبـث ومـوذي *** الـغـادر الـلـي ملسنـه تـقـل شـوكـه الـلي تقـل مـذهـب مجوسي وبوذي *** يجحد جهـود المجتهد مـن شكوكـه خـاب وخسـر مـالـه عـلـيـه نفـوذي *** الشعـب واثـق مـن عـدالـة ملـوكـه من شجّع السفهان وأهـل الشذوذي *** لابـد لــه لــب الـحـنـاضـل نــروكـه وش مقصد أهـل الغي ياقوم خوذي *** كلـن مـلأ مـن السّب صفحات بوكه |
114 [/size]هذه الأبيات أهداء إلى الزميل الشاعر دغيّم بن فهد الخمشي أبو حمد لأنه اطلع على كتابات بعض الذين يشمتون دون وجه حق فتصدّى وجادلهم وبيّن لهم الحقايق وهذا من انصافه ووفاءه ووقوفه مع الحق فقلت : مشكـور حيثـك تـعـد الحـق يا دغيّـم رديـت كـيـد أهـل النمـانـيـم والغـيبـه عـن الـرذيـلـه حضـرتـك دوم متيشّم اعتز وافخر باللي شرواك من طيبه يا أبـو حـمد يا مسنـدي جـّونـا مغيّـم مـابـه مطـر صافي لـذيـذه مشاريبـه لاشك عـجّـه بالفضاء فـوقـنـا مخـيّـم يـكـثـح عـلى صـاري تلابط دغاليبه يـامـن تـحـلـل مبـهـم الهـرج وتـقـيّـم تفهـم عـلـوم البشر والوضع تدريبـه مـا يشمـت الا غشيـم وعـقـلـه مجيّـم والـلي حكـابي بالخطأ ما نفض جيبه أمـا غـريـر صـغـيـر الـسّـن وغـلـّيــم يسمع كـلام مـن أهـل الشّك والريبـه ولا الـذي قـلـبـه مـن الـحسـد متظيّـم مالـه مراجل غير اللي غاب يسويبه مـافـاد مـن يجـمع مـن الكـذب وايليم لا مـر ذكـره بالعـرب قـيـل والخيبـه والهـرج الأقـشر يـغـث البال وايهيّـم ولا هـمـني حـكـي الحقـود وأساليبه 115 وقال عبدالله بن دهيمش بن عبار هذه القصيدة يثني على الرجال الذين شادوا بالجهد بعد أن سمعوا كلام واطلعوا على كتابات تحتوي على جحود وتنكرّ وتلفيق أقوال باطلة وقد وقفوا مع الحق وابطلوا الباطل حيث وصلت مقاطع من الشاعر دغيّم بن فهد الخمشي واشكر هؤلاء الرجال اشكرهم على انصافهم وتصديهم للذين تعرّضوا لي دون وجه حق : يا أبـو حمد جاني كلام أهل الأنصاف *** أهـل الفخـر وأهـل العلوم الطرايـف لـك الشكـر واشكـر بعيديـن الأهـداف *** اللي اعلنوا شكري بلفض الشفايف اثـني عـليهـم واجهـر المـدح بالقـاف *** نـوادر الـويـلان بـيـض الصحـايـف الـلي ضمايـرهـم عـفيفـات وانضـاف *** الـلي لهـم فـعـل الجمايـل وضـايـف ماهم من أصحاب البلابل والأرجـاف *** ولا خمّوا المضمون من كـل هايـف صـافـيـن مـا فـيـهـم مـخـادع وبـلاّف *** ولا يسمعون القول من هرج زايف حيث الرجال اشكال والوان واصناف *** أنواع يا دغيّـم مثـل ما انـت شايـف وكـل العـرب لـهـم تـقـاليـد واعـراف *** والطيب يوجـد فـي جميع الطوايـف فيهم شخوص وبه هذاليف واعـذاف *** وفيهـم أهـل عـفّـه وفـيهـم هـدايـف بهـم الـذي بـه تجتمع كـل الأوصـاف *** مثـل النقي غانـم مـن الـربّـع نايـف جـهـدي يثمـن عـند زاكين وأشراف *** وعند الصّدوق اللي من الرّب خايف ما يجحدون اللي قضا العمـر طـوّاف *** صابـر عـلى كـثـر التعـب والكلايـف وجمعت اللي مع غيرهم ماهم أحلاف *** مـن مـارثـة عنّـاز ماهـم لـفـايـــف لاشك الـلي صابه من المس خفخاف *** عـقـلـه يشـابـه لـلهـدب بالسـفـايـف يـا أبـو حـمـد خــلّــه يـولـي لـلأذلاف *** لا راح مـا نبـدي عـليـه الحسـايـف اليوم بعض الهرج من يسمعه عـاف *** منطوق يـدعـي للأسف والحسايـف وقال عبدالله بن دهيمش بن عبار هذه الأبيات عندما سمع شخص يقول أن بشر عنزة من بشر بنو النمر بن قاسط : 116 يـا جـمـاعـه شـفـت منشـور نـشـر *** بالمجالس والمـواقـع والـقـروب حـرّفـوا بـأنـساب مسلـم مـع بشـر *** والصقوا في وايـل أبوهم عيـوب جـدنـا حـطّـوه بـشـر الـلـي حـشـر *** صـاده الجحاف في ديـرة رحـوب هي نكت من شخص مزّاح وعشر *** أو سـوالـف كـنهـا ريـح الهبـوب يالـلي نشـرت الخـبـر أسنـد وأشـر *** لـلـمـصـادر لا يـقـال أنـك كـذوب الـجـد الـلـي كـلـنـا بـنسـلـه خـشـر *** أسد المشهور في شرق وجنوب قـلـتـهـا والـهـرج بــه لــب وقـشـر *** ومن ترك جـدّه معيّـر ومهـزوب قال عبدالله بن دهيمش بن عبار هذه القصيدة يوضح لرجل تطرّق لعوايل من حاضرة قبيلة عنزة : 117 حـمـايـل الـمـدلـج وآل أبـو ربّـاع *** مـن عنزة أصولهم يا ابن قاسـم توافقـت كـل المصادر بالإجـمـاع *** وقالت كلام الصّدق والعلم حاسم اصل الحمايل حافظينه ولا ضـاع *** عبر السنين وفي جميع المواسم والناس بالأنساب لجدودها اتبـاع *** ماهم سوات النوق تحتاج واسم الحمض وجدته له اشكال وانواع *** مافيه ألا حروف من رسم راسم كيف الذي مدفون في رملة القاع *** جذره نعرفه في خطوط وطلاسم عـلـم التحوّر عند كل العرب شاع *** والناس شتّى بـيـن كاظّـم وباسم حيث النسب ماقيل يهدى ولايباع *** ولا أظـن يصلح بالعوايـل تقاسم الكفـر حاكوا ضدنا مكـر واخـداع *** وهـم يدهنـون عقـولنـا بالبلاسم ما نطاوع الكفّـار شينين الأطبـاع *** خبيرهـم يحتـاج بالخشـم عاسـم المصطفى وضّح لنا كل الأوضاع *** وندرى العقوبه يوم كتم المناسم قال عبدالله بن دهيمش بن عبار هذه القصيدة يوضح لمن تجهله الحقائق عن قبيلة عنزة بن أسد بن ربيعة : 118 افـتخـر بسـم القـبـيـلـه واكـتـفـي *** اسم عـنـزة بالنسب ذكـره كـفـا والـذي سبـب عـنـادي واصلـفي *** مـا خبـرت اسمين باللّفظ اردفـا الحقـايـق هـي مـرادي واهـدفي *** والغـلطـان احاججه عـنـد عـرفا حنـا عـنـزة اسم ابونـا مـا خـفي *** اسـد المعـروف ما احـد لـه نـفا مـا نـخـم العـلـم مـن كـل اهـلـفي *** حـنـا خلـفـت جـد مـا حنـا حلفـا ما صنفّت القول بدع من اطرفي *** اصلنا صافي كـما العـذب بصفا عزوتي هم ساس عزي وشرفي *** بالفخـر يكفي حديث المصطفى جـارهـم عـن كـل مطلوب معـفي *** ولـو يعيـل الجـار ماقـالـوا أفـا وضيفهم بارباعهـم شبـع ودفـي *** عـنـد مـن يـكـرم قـبـالـه لا لـفـا والضعيف اليا تفـدوى مـا جـفي *** يوم كان الوقت به جوع وحـفـا وكـل من قلبـه مريض ولا شفي *** لـو وجـد خكلات عندي مـا رفـا لـكـن الـلي بـالـنّـدم زاد احسـفي *** منـكـر الجهـد الـذي عـم وضفـا صاحـب الأنصاف يـوقـف بكنفي *** ومن مشى قـدّام مـا يرجع قـفـا وأحمـد الله ما جحد جهدي وفـي *** كـود من ظـلم الـذي حظـه هـفـا كـنت أبات الليل ساهـر ما غـفي *** مجتهـد بالبحث وأنبش ما خـفـا ولا اكترث باللي يدورون اخلفي *** من فضل ربـي سراجي مـا طفـا قال عبدالله بن دهيمش بن عبار هذه الأبيات لتصحيح بعض الأشاعات الخاطئة من الواجب أن نذكر الصحيح وننفى الخطأ: 119 يـالـذي تـكـتـب عـن الـعـزوه تـرفّـق *** افـهـم بـتـاريـخـهـا وأنشـد خـبـيـر مـعـركـة ذي قـار مـا فـيـهـا تـلـفّــق *** فـي تاريـخ الطبـري وأبـن الأثـيـر هـانـي المسعـود بالـمـوقـف تـوفـّق *** أدخـل الـعـانـي وفـك الـمـستـجـيـر وجـمع بـكـر لنصـرتـه جـاه يتـدفّـق *** يـوم أبـن سـيّـار نـادى بـالـنـفـيــر بـنـي بـكـر صـدّوا الفـرس المطفّـق *** وجيش أبن قبّاذ جاه اقشر مصيـر واصبح جند الفرس للرّوح أيتشفّق *** عقب حـرب وضرب دوبح للمنيـر مـا هـزمـه الـلـي بـكـفيـنـه يـصفّـق *** هـزم من الشلف والسيف الشطير |
وقال : عبدالله بن دهيمش بن عبار العنزي هذه القصيدة يؤكد أن عنزة هامه وليست لهزمه وهي تنسب لوائل عنزي صليبه : 120 لـي قـبـيـلـة مـا يـقـرون المعـيـبـه *** من شخوص أهل المكارم والحميه ضنـا وايـل مـابهـم كـوبـه وخيـبـه *** مـن قـديـم أهدافهـم مـا هـي دنـيـه يدركـون الطـايـلـه لـوهـي صعـيـبه *** والفخـر والمجـد ما جـاهـم حـذيـه الـويـلان افعـالهـم مبـطي عـجيـبـه *** افـتخـر واعـتـز فـي مجـد السميـه وايـل الويـلان مـن عـنـزه صليـبـه *** وايـلي نسـل العنـزي مـن عـنزيـه لا دعـي ولا حـلـيـف ولا ربـيـبــــه *** وايـلـي مـشـهـور وأمـه وايـلـيـــه وايـلي حـلـف الضعافـه ما رضيبـه *** وايـلي منسوب من عصبـه قـويـه لـو تـلـهـزم يـوم بالـكـثـرة غـليـبـه *** عـاد مـجـده مـا يـريـد المحـقـريـه بـان عـلـمـه والفـخـر كلـن دريـبـه *** مـن بـلـد خـيـبـر إلـى نجـد العـذيـه جـدنـا الـلـي مـن قـديـم نـعـتـزيـبـه *** مـن ضنـا عـنـاز مـا سـاسه هفيـه وايـل الويلان لـه صـولـه وهـيـبـه *** جـد ثـابـت مـن زمـان الجـاهـليـبـه وايـل الـويلان مـن عـزوه عـريبـه *** مـن قـبـيـلـه مـا مـعـامـقـهـا رديـه مـا نـشـك بـجـدنـا ولا فـيـه ريـبــه *** والتلاعـب بالنـسب جـرم وخطـيـه ومـن يحـّرف بالجـدود أنـا طليـبـه *** نـحـتـكـم للشـرع فـي حـل القضيـه التـخـبـط بالنسـب أكـبـر مـصـيـبـه *** والجهـل ساس المعايـب والـزريـه مـن تخـبـط بالـنسـب ربـه حسيبـه *** وهـّم الـلي مـن العـرب مالـه دريـه أزلـه الـلـي شـوفـتـه دايـم قـريـبـه *** ومن شهد بالـزور ما يشكل عـليـه اكـتـب بـتـاريـخ وايــل واعـتـنيـبـه *** وأبـذل المجـهـود ما دوّر الجـزيـه قـلتـها وبـدع القصايـد وش نبـيـبـه *** كـان مـابه ذود عن مجـد السميـه يـوم بعض الناس هـمه بس جيـبـه *** يخـدع كـرام البشر لأجـل العـطيـه قال عبدالله بن دهيمش بن عبار عندما بلغه أن أحد الرجال تفلظ بكلمة ( كيشه ) يعني بها بعض قومه فقال : 121 أنـذرك يـا مـلـقّـب الأجـواد بالكـيشه *** العيـن تطـرف من السملول والجشه النجـس مـا فـاد تـغسيلـه وتـرويشه *** ما ينضّفه صافي النقروح لـو رشّـه والعود يفرق عـن الدخـان والشيشه *** ينبيك بالفـرق من شمّـه ومـن نشّـه مـن يطعـن بلابـتـه ملـزوم تجحيشه *** كـوبـان يستـاهـل الـتـهـبـاه والكشّـه كـم عـايـل بالنمش قصوا نخاشيشه *** عاداتهـم لطـم المعـانـد عـلى الخشّـه الـتـرك مـا راعـهـم قـواتـه وجـيشـه *** عند اللقا طعنهم يسطي على المشّه يـوم السبـايـا تـحـد بـقـاسي البـيشـه *** أنشد وتخبر قصر أيـوب مـن خـشّه مـن ديـرة الـروم للنهـريـن للهيـشـه *** داجوبـه وذودهم قـفـر الحمى دشّـه يمشون خلف الـلي بعيـده مطاريشه *** سمح المحيـا كثيـر الـرحـب والبشّه يخوض غب البحر حتى وصل قيشه *** ويقـول مش القدم صوب العلا مشّه الحر يرمي الشبب كانه نفض ريشه *** اليـا ضرب صيدته في مخلبـه طشّه والـيـوم دور الـذي يـنـفـخ فـرافيشه *** بالـون لستـك يهـون بنفخـه وفشـه ساد الـذي بالدجل يبحث عن العيشه *** كـم واحـدٍ غـره وكـم واحـدٍ غـشّــه الملسن اللي تـوذا الناس مـن طيشه *** من جاد له يمدحه ومن باربه حشّه مـن لاعـب الـقـط يـؤذيـه بمخاميشه *** ومن يقني الفـار عـاث بـزاده وقشّه والقصر مـا يرتفع سطحـه وكرنيشه *** كـان ابـتنت ميـدتـه بالتـربـة الهشه يصبح خرابـه ويسكن جالـه حـنيشه *** الـداب يصفـر والحـيـايـا لـهـا وشّـه من يحتمي عن هجير الحر بالخيشه *** مثـل الذي يسكن الخربوش والعشه الهلب هلـب ومربطه سيس وكديشه *** مـا يـنـفـعـه كـبـر القصاليم واللشـه الهـرج مـا نـرغب يالأجواد تنخيشه *** ولا همنـا الكلمه مـــن معقّد شوشـه قال عبدالله بن دهيمش بن عبار هذه الأبيات يوضح للذين يدعون أن بني هزّان من بقايا طسم وجديس من العرب البائدة : 122 عـزوة بـني هـزّان ما ساسهم طسم *** من نسل وايل مالهم عـرق بجديس هـزان مبـطي بالمصادر لـهـم رسـم *** مـن مارثـة عـنـاز مـاهـم هـلابيس حمايـل وفـي كـل مصـدر لـهـم أسـم *** ولاهـم بـحـال الـلي يضلـل بتدليس والـلي طعـن بانسابهم يلـزمـه عسم *** يقـدح ومنطـوقـه حـقـاره وتدنيس لـو يسحـب الـلي سـب هـزان للقسم *** ما يطعـن الأجواد خـلـف الكواليس الشـرع قـايـم والقـضيـه تـبي حسـم *** والـلي ظلـم لـيتـه تعـوّذ من إبليس يا ربعـنـا مـا نقـبـل الطّـعـن بالجسم *** الهرج الأقشر مثـل وخـز الدبابيس لاصار ما هرج الرجل مقصده دسم *** الـلي سـوالفهـم رخـيصـه مفـاليس من أنتحا عن عزوته واخلف الوسم *** خايب ولا عنده مشاعر وأحاسيس 123 وقال عبدالله بن دهيمش بن عبار هذه الأبيات يوضح جانب من مجد عنزة بن أسد بن ربيعة قال رسول الله صلّى الله عليه وسلّم ( نعم الحي عنزة مبغي عليهم منصورون ) وقال اللّهم أرزق عنزة كفافاً قوتاً لا أسرافاً : حـنا عـنـزة ذكـرنا بالحديث الرسول *** مهما يبغى علينا بظلم ربي نصرنا من تشرّف افعوله دوم باعـه يطـول *** والعلوم السوابق مثل ساطع قمرنا نـرتـقي للمعـالي مـا نـحـب الـنـزول *** شامخ الحيد فوقه نرتفع ما حدرنـا حـنـا أهـل المكـارم طيـبـيـن الفعـول *** وحنا هل المفاخر والرجال اتخبرنا لـو تزول الرواسي مجدنا مـا يزول *** والجدود القداما هم مصادر فخـرنـا فوق سرج الجوادوفوق كورالذلول *** الضديد المعادي دوم يخشا خطرنـا عـزوة أولاد وايل من شناها مهبول *** ومن يعـد الحقايق عـزنا ما حقـرنا ما تناسى حسبنا كود خطـو الجهول *** طبعنا ما نخون ولا لصاحب غدرنا من شمتنا وشنانـا ما لهـرجه قبـول *** ما نطيق الظلايم لو سكتنا وصبرنا كل مغرض وحاقد كـان قـال ويقـول *** ما نبي له شهاده فعلنا اللي شهرنا * قال عبدالله بن دهيمش بن عبار رداً على عطيه بن حماد العرجون : 124 حـي الـذي بالقـاف يبـدي أسـروره *** ويثـني عـلى مجهـودنـا بالـمثـايـل القرم ابن عرجون نشكـر اشعـوره *** عـطيـه الـحـمـاد وافـي الخصـايـل الصـدق يا أبـو زيـد مبـطي نـدوره *** والنـاس تـدري بالعـلـوم الصمايـل وكـل العلـوم المسملات امحضوره *** عـنـد الـعـرب لـهـا سجـل وفـوايـل يوم الزمان الـلي كفى الله اشروره *** كـل الحـمـايـل مـا بهـم قـول قـايـل مـار الـزمـان الـلـه يكـافيـك جـوره *** الـيـوم أشـوفـه بـالأجـاويـد مـايــل كيف الرجال الـلي سـوات النمـوره *** صـاروا مجـال لشـايليـن النـقـايـل ذل الشجـاع الـلي طـويلـه اشبـوره *** وعـز الذليل وساعـده صـار طايـل يـوم الرجـال أهـل الحميـا الغيـوره *** حيـيـن مـا حطـوا بعضهـم هـمايـل واليـوم بعض الهـرج ردد انشـوره *** الجـمع صـار يـوزعـونـه فصـايـل أقـولهـا ولا أحـب نخش الجحـوره *** ولا خير بأصحاب النكـد والدغايـل الفـضـل لـلـه والفـخـر لأخـو نـوره *** يردع عـن دروب الخطأ كل عايـل وقال عبدالله بن دهيمش بن عبار هذه القصيدة الشاعر رداً على متعب بن عيد : يا متعب عساك تسلم بالشريط أوحيتك عاش من قال البيوت وعاش من سجلها حيث ساقـتـك الحمية عـدنـي وصيتـك والمراجل يا أبن مرهق قدها وتفعلها أنت من أهـل الحميه والفخـر عـديتـك ما تجـامـل من كلامه مثـل خبط البلهـا وأنت لو ما فيك غيره كان ما هميتـك الحميـه بـك طبيعه يصعــب اتعـدلهـا أنـت سيـفي باللـوازم للعـدو سنيـتـك تنطح خباث النفوس المخبثه تزعلها حي من سموك متعب مار أنا سميتك طير شلوى كان هد المسمنه يجطلها وأنـا شرواك أفتخربه قـلتها وهنيتـك بالرجولة والبساله حيثك من أهلهـا حيث لي عندك معزه يالزميل اغليتـك يالصديق اللي خصومي دايم تجادلها دام لي عندك معزه حتى أنا عـزيـتـك لك أهدي جزل التحيه والردود اقبلها والرجال أهل البلابل لو سالت افتيتك أن جهـدي يالزميـل كبـودهـم دابـلهـا قلتها والشكر لله بالجهود أرضيتك والعلوم اللي تشرف لابتي نعـملهـا يالكريم اللي لضيفـك دوم تـذبح عيتـك والرجـال أهـل الكرامه ربعتك مدهلهـا دايـم لسوق المواشي تـتجـه وانـيتــك مـا تغاليـت الـدراهم بالصخى تـبـذلهـا |
126 قال عبدالله بن دهيمش بن عبار هذه القصيدة في ذكر جد قبيلة عنزة الأول ( عامر بن أسد بن ربيعة بن نزار جد قبيلة عنزة ) تقول المصادر أنه طعن رجلاً بالعنزة وهي العكّاز التي يتوكأ عليها كبار السّن وقتله ولقب ( عنزة ) وبقي هذا اللّقب على ذريته وهذا الجد عرف في مطلع القرن الثاني الميلادي قبل تسعة عشر قرن حسب ما تذكر المصادر وبقي أسمه على ذريته عبر العصور وقد أنجب ولدين وهما يذكر ويقدم وأمهما سلمى بنت منصور أخت سليم جد القبيلة المضرية المشهورة وصارت ذرية الرجلين ملايين الرجال ومن أحفادهم قبيلة ضنا بشر وقبيلة ضنا مسلم وهم المعنيين بالمثل القائل ( كل قوم ولا عنزة ) وبرز لهم جد اسمه وائل وهو يخص بشر ومسلم وهو من ذرية أحد القبائل المتفرعة من الرجلين حيث تفرّع منهما ثمانية قبائل وهم : 1- بنو جسر بن النمر بن يقدم بن عنزة بن أسد بن ربيعة بن نزار 2- بنو طريف بن النمر بن يقدم بن عنزة بن أسد بن ربيعة بن نزار 3- بنو سعد بن النمر بن يقدم بن عنزة بن أسد بن ربيعة بن نزار 4- بنو هميم بن عبد بن ربيعة بن تيم بن يقدم بن عنزة بن أسد بن ربيعة بن نزار 5- بنو جلان بن سعد بن محارب بن يذكر بن عنزة بن أسد بن ربيعة بن نزار6- بنو الدول بن صباح بن عتيك بن أسلم بن يذكر بن عنزة بن أسد بن ربيعة نزار7- بنو محارب بن صباح بن عتيك بن اسلم بن يذكر بن عنزة بن أسد بن ربيعه بن نزار 8- بنو وائل بن هزان بن صباح بن عتيك بن اسلم بن يذكر بن عنزة بن أسد بن ربيعة بن نزار وهذه القبيلة نعّم لها سيّد الخلق محمد بن عبدالله صلّى الله عليه وسلّم فقال ( نعم الحي عنزة مبغي عليهم منصورون ) وفي حديث آخر دعى لهم فقال : ( اللّهم ارزق عنزة كفافاً قوتاً لا أسرافاً ) ولهذه القبيلة تاريخ مشّرف وتعرف باسمها الصريح عبر العصور (عنزة) في جميع المصادر وفي الموروث ويطلق على ذرية بشر ومسلم ( أولاد وايل ) وقلت هذه القصيدة لأثبات اسم قبيلة عنزة وثبوت جدها عنزة بن أسد بن ربيعة وأنه لا يزال اسمه باقي ولم ينقطع ذكره طيلة التسعة عشر قرن : الشايب الـلي فـات من عمـره الفيـن *** ديـرة جـدوده عـاش فيهـا وسكنها أخـذ من قرون الزمن حول عشرين *** ولا كـن روحـه فارقـت عـن بدنهـا مـرّت عـلـيـه أيـام وشهـور وسنيـن *** ولا زال بـاقـي جـثـتـه فـي كـفـنهـا لـو اختلـط جسمه مع الرمل والطين *** طـريـاه حـيّـه بـالـثـرى مـا دفـنـهـا باقـي مع الـلي عـبـر الأجيال حيـيـن *** وتاريخ علمه تخبـر الكتـب عـنهـا مشهور من عصر الجدود القديمين *** من العزوه الـلي خصمها ما مهنها يحسب من حساب الرجال المسمين *** يـوم السلـف يسيـر خـلـفـه ظعـنهـا صنديد مـا حـالـوا عـليـه الـمعـاديـن *** حـاز اللّقب حيـث الأعادي طعنـهـا مذكور علمه مع جميع العـرب زيـن *** وكـل المـراجـل حـازهـا واحتظنهـا مجـنـاه مـن غـر الجـدود الميـاميـن *** وذريـتـه نــجـد الـعــذيـه وطــنـهــا هـو الـذي بـه نفتخـر وأنجـب اثنين *** سلمى غـذتهـم مـن مطايـب لـبـنهـا تناسلـوا وأصبـح ضـنـاهـم مـلاييـن *** والـجـوهـره مـرجـوعهـا لمعـدنهـا ولا منهـم الـلي سار بالمنهج الشين *** من فضل الـلي يأمـر عبـاده وينهـا ومن لا تبع هـدي النبي خالف الدين *** وأهـل الطّـغى رب الخـلايق لعـنهـا قال عبدالله بن دهيمش بن عبار هذه الأبيات توضيح للذين يحاولون انتحال جد لعنزة غير جدها وائل العنزي : 127 حـنـا عـنـزة أهــل الـعـزوم الـقـويـه *** نبعـد عـن الشبهـة وبالأمـر خـيـره حـنـا عـنـزه أهـل الصّخى والحـميـه *** والـجـد ثـابـت مـا يـبـدّل بــغــيــره هـو الـذي بـأسـمـه جـمـيـع السمّيـه *** فـخـر وبـه تـعــتـز كــل الـعـشـيـره الأسـم سـجّـل فـي سـجّـل الـهـويــه *** مـا يـنـكـره لـكـود خـايـن ضـمـيـره وأسـم عنـزة يعـرف مـن الجاهـليـه *** يـشهـد لـه التـاريـخ فـي كـل سيـره يـشهـد رسـول الـلـه مـحـمـد نـبـيـه *** نـعّــم لـنـا والعـلـم جـابـه بـشـيــره والـلي انتحـل مـن غيـر جـده حذيـه *** جـد العـواري فـيـه عـيـب ومعيـره قال عبدالله بن دهيمش بن عبار هذه الأبيات وبها أشارة لمعركة ذي قار: 128 كـل العـرب تفخـر بـوقعـة نـهـاونـد *** يوم الزمان اللي به احداث وحروب وبالقـادسيـه نـفـخـر بـقـايـد الجـنـد *** ذاك المثنى الليّث من بـكـر منسوب وهاني أبن مسعود سيفه حمى هند *** يوم أن أبوها لحاكم الفرس مطلوب لاذ بـنـمـر مـا لاذ في ثـعـل واخـلنـد *** والحيد به ملجأ عن البرد والشوب علم الفخـر ما يدركـه خـامـل الّـزنـد *** يـوم الحـرايـب نارها كـان مشبوب نعـمان أبن زرعـه ذلـولـه تقـل لـنـد *** أسرع يبي يقضي على بكر بالنوب هــدد أبـن سـيّـار ثـم أنـتـخـى عـنـد *** عـند القبيله مـا سمع نصح مندوب منـدوب كسرى عـلمّـه بـأول الـبنـد *** الصلح عيب وعندنا ليس مرغـوب ويوم أقبلت قوات كسرا تحنـد حـنـد *** صالـوا وعاد الكل جافـل ومرعوب بـذي قـار جرعـوا المعادين رهـونـد *** بكر وعنـزه وكـل ما صار مكتـوب غامـر وكنّـه غاص في مدرج السّند *** وطـفـه مـن التيـار بالموج سالوب ومن شعر عبدالله بن دهيمش بن عبار هذه الأبيات : 129 ما نـقـر الكذب ولا نبي المهايط *** والخبر ما ناخذه من عـلم كاذب ماضي التاريخ زي جـدار حايـط *** والنسب مافيه رأي ولا تجاذب مصدر الأنساب يرسم له خرايط *** حبـل وصله ما يبتّـه كـل شاذب والنحايـل مابـهـا فـود وغـبـايـط *** عزوتي ماهم كما الدلو بذباذب بـني وايـل ذودهم يفـلا الخطايط *** يوم كان الغـوج بالميدان هاذب قال عبدالله بن دهيمش بن عبار هذه القصيدة رداً على عبدالعزيز بن ناجي الجعفري : 130 حي الجواب الـلـي جلا كـل هاجـوس *** القـرم ابـن نـاجي بـيـوتـه نظمهــا عبدالعزيز بساسه الطيـب مغـروس *** منسوب مـن لابـه يـشـاد بكـرمـهـا يفداه من طبعه على الربع جاسوس *** نـفسه تـروم العايـزه مـن غشمهـا مجـد الفخـر ما حصله كـل منحـوس *** العفـن الـلي ربـعـه يعـلك بلحـمهـا مـا تـدرك الغـايـه هلابيج واخسوس *** عفـون الرجال الـلي خبيث نغـمهـا الـلي مكضم منـكتـم تـقـل مضـروس *** الغـايـة السـوداء بـصـدره كتـمهـا مريض قـلب بمهجته ينخـر السوس *** لاجيب علم شخوص قومه شتمها يخفي غـليـلـه بالمعـالـيـق مدسوس *** مغـتـاض كـن العـنـزروتـه لهـمهـا الـلاش عـزه بـالبـيـاتـيـن مـدعـوس *** الـلي الكـرامـه هـانهـا مـا حشمهـا حيث النذل يستاهل الدعس والدوس *** وأهـل الحسـد يا زين تبليـم فـمهـا قال عبدالله بن دهيمش بن عبار هذه القصيدة رداً على عبدالله الموسى الخرشاوي : 131 يا أبو فهد دام عـزك عشت يا راعي الحميـه كـل مـنـطـوقـك تـمـام وأنـت رجـّال محسوب كـل مخـلص للقبـيلـه فـزعـتـه يـالـقـرم لـيـه وأنت تدري كل باطـل صاحبـه دوم مغـلـوب من فضل مولاي مجهد وأكتب أمجاد السميه لـو تـشـدّق بـالـمـجـالـس كـل هــّذار وكـذوب يا أبـو فهـد مـا نلـوم الـلي مقـاصـدهـم رديـه ما يهم الهرج الأجوف من بعض عوج الدروب من تجمّع في ضميره طبع حسد وشين نـيـه ما يقول أدخل على الله ولا يعرف نفض الجيوب بـارعـيـن بـالـمهـايـط والـنـوايـا شـقـلـبـيــه كل منهم يحسب أنه عن بـني جنسه يـنـوب الردي لـو عد نفسه مثل الـلي حمى ضريـه الزعيم أخو المهلهل أو مثـل شيخ العتـوب يدركون الناس وصفه بالشبـه مثـل الحطيـه مشتقي بعيوب غـيـره والبـلا بـه والعـيـوب خـاب مذموم السجايا صاحـب النفس الـدنيـه من عمل معروف يمدح والردي دوم مهـزوب بالـرجال أنـذال وأيضاً فيهـم شخوص شفيـه وفيهـم هدوس وزلايب كنهم بالوصف عـوب وقال عبدالله بن عبار هذه الأبيات رداً على عايد نوار : 132 يا أبن نوار أخبـرك بالـلي جـرالـي *** حيثك من اللي للخطأ مـا يدانـون حيث الـذي شرواك يوقـف بجـالي *** ويجزع اليا شاف الزلايب يسبون قـالــوا ولـكـن قـولـهــم هـمـلالــي *** مهمـا بلمـات المجالس يخوضون كـل الـعــلـوم الـزايـفـه لـلـزوالــي *** والخايب اللي يلفظ الزيف ممهون |
قال عبدالله بن دهيمش بن عبار يثني على عبدالله بن حضيري العبيسي من شعر عبدالله بن دهيمش بن عبار العنزي هذه القصيدة في معانات الباحث وما يلاقي من صعوبات : 134عد أن تصدّي لرجل حاقد كان يسبني في أحد المجالس :133 فاض نبع القـاف يوم العـلم جاني *** منطق اللي سبني من بـد غيري سولف المغـتاب مفـلوت اللساني *** صاحب النمّات معدوم الضميري الهـذور الـلي بمنطـوقـه هجـاني *** لغـّنـه بالـدرس عـبـدالله حضيري عشت يا راعي الحميه يابو ثاني *** يا سمي شرواك دايم لي نصيري يالعبيسي عسى يـفـداك الهـداني *** اللي صارلهاجي العزوه عشيري يستمـع سـب الـقـرابـه بـالأذانـي *** ويلتفت حوله مثل خطو البعيري من دخـل مجلس قليلين الحساني *** كنه الـلي قـام عن جيفة حميري والرفيق الـلي عن الغيبه حماني *** بالحميه صـار لـربـوعه سفيـري لقّـن الـلي كـل مجلس بـه شنـاني *** بالـدعايـه ضدنـا هـلسه كـثيـري عن كـلام القـدح ما يصبر ثـواني *** مهـفي حظّه وسفنـه مـا تسيري الكذوب الـلي سبق جري العماني *** أربـد ومن زايد السرعه يطيري وش عـلامـه خايب السّـد ابتلاني *** مـا يخاف الله ولا طاع المشيري يقـمح الـلي بـاع حظّـه وأطبـاني *** بالـولي من كيـد شـرّه نستجيري عن وقوفي ضد من سبّه جـزاني *** يجمع أنصاره يبي يقررمصيري من تجنى عـن جهودي مـا ثـناني *** والقضايا حـلها عـنـد الـوزيـري مـدرك وكـل الحقايق مـا اتخفاني *** واستعين بكـل فهـمان وخـبيـري من عصر هشام هو والأصفهاني *** ثم أبن خلدون وضّح والجزيري يشهـد التاريخ بـمـا خطّه بـنـاني *** ليت من حـاك المكايد يستخيري النسّب أوضح من سهيل اليماني *** والضلاله تعمي عيون البصيري كـل طـاغـي للحـقـايـق مـا يـداني *** كنّه العـربيـد حلـقـه لـه صفيري من تغاضوا عن جزيلات المعاني *** قلت فيهم مثـل مـا قال السديري ماضي العـادات غيرهـا الـزمـاني *** وقام يفخر كل من باعه قصيري أرتـفـع شان الكـذوب الـبهـلـواني *** والمهيّف صـار لـه قـدر كبيـري الأسود أصبح بمـوقـعهـا حصاني *** والصوارم في مواكـرها قميـري ومن طمن ممشاه ينزل بالطماني *** من حسد يشب في جوفه سعيري عـادت المحتـال دايـم شـقـلبـانـي *** في كلامه ينخدع خطو الغـريري خط اليـراع وسطـر الطرس بالـزاج *** ونقش السجلة بالحروف أعجبتني وتقاطر المنظـوم مـن فيض الإنتاج *** عـذب المعاني صغتها ما اعسرتني غـرفـت نـبع القـاف مـن جـم هـداج *** اليا قـلت هـاتي يا القريحة عطتـني روابعـي مـن واهـج الصدر تـنـفـاج *** هـاضت اشجـوني والتفاكير جتـني ينفاج عن صدري تقـل فوح وهـّاج *** كـان الهجـوس الـعـابـره فـارقـتـني نظم القريض لخاطري طـب وعلاج *** الـيا ضـاق بـالـي وانـكتـم ونستـني أخـذت لي مع نظـم الأشعار مرواج *** وعـلى النقـاء فيـه الرجال أعرفتني وكـم قـاف سويتـه وشلته بالأدراج *** أدرى الملامـة والظـروف أشغـلتني مـا قـلت منطوقي غـرابيل واحراج *** اتـرك سـلـوم الحـيـف مـا لايـمـتـني الشعـر الـلي يقضي لـوازم لمحتاج *** عـنـه الشهـامـه والـكـرامـه نهـتـني كـان القصيـد لنـاظم الشعـر سمـّاج *** مـا اشفـق عـليها كان مـا نومستني وكان القصايد ما بها رفعت حجـاج *** مـا حـب الـلي في قول شاعر نعتني ابي اعتزل ما شفت بالشعر مخراج *** غـيـر البـلايش مـن وراه ابـلشتـني أدليت دلـوي والمحالـه بهـا أمـراج *** أقـرش رشـاهـا بالقـلـيـب وسنتـني تمـوج بشراعي زواعـيـج الأمـواج *** طمت مجـادف زورقـي وأغـرقـتني درب الوعر ما فيـه مسلك ومنهـاج *** هـمـت الفجـوج القاحلـه وأتعـبتـني من دون مقصودي عراقيل واسياج *** واشبوك عن وصل الهدف حيرتني نويت أواصل وأجعـل الشوك ديباج *** ما كن لـو رقط الحضوف اقرصتني والـلي يـمـدون الحـبـايـل بـالأنـواج *** لـو يـنصبون أشراكهم ما أخدعتني أجهـد لعـل ارتـاح مـن هـرج هـراج *** واهـل القلوب الحاقدة مـا اعذرتني ولاهـمني منطـوق فـاسـد وهـلـبـاج *** الـلـي الـيـا لاحـظ خـمالـي شـمتـني الـلي لهـم صجـه ولـجـة وصـرنـاج *** لجـت حساس أصواتـهـم دوخـتـني وش عـاد لـو تقـدح منافيخ الأوداج *** المـرجفيـن اقـوالهـم مـا ازعـلتـني لـو يجحـد الـلي مذهبـه سلم حـّواج *** يكـفي شغـاميـم الـرجـال انصفـتـني اعرض عن الداشرولا واخذ الـداج *** واهـل الحسـد غـايـاتهم مـا خـفتـني بعـض الـزلايـب للعـدو يدفـع البـاج *** لكـن عـلى الصاحب صريمه وفتني ولاني بحال الـلي عـن الحق ينعـاج *** خـدمـت حـمـايـل لابـتي شـرفـتـنـي لاشك انا شبهت حالي عـلى سـراج *** اضـوي لغـيـري والفتيـل أحـرقـتني جـربـت بالـدنيـا بـهـاديـل وازعــاج *** هـدت عـزايـم قــوتـي وأرهـقـتـنـي عن نقل حملي من تهقويت به ماج *** حـمـلي ثـقيـل وشايلـه فـوق مـتـني الـلـه كريـم وسامـك العـرش فـراج *** قـلـتـه وطـول الـتـجـربـه عـلمـتـني ذكـرت مجـد الـلي تعـلـوا بالأبـراج *** صـيـد الـقـروم عـلـومهـم ذكـرتـنـي اللي بهـم عـن ظيم الأضداد ملواج *** شفـت اختلاف احفادهـم وأغمضتني وكان الصقور بوكرهـا طيـر دراج *** مـا صـقـرت غـيـري ولا صـقـرتـنـي وقال عبدالله بن دهيمش بن عبار العنزي هذه القصيدة في الأعتزاز : 135 سميـت بـسم مكـون الـكـون مـولاي *** مـا حـل ضيق ألا عـليـه إنفـراجـه وسجلـت منظـوم القـوافـي بيـمنـاي *** والجاش يملي من روايـع انـتاجـه أهـديـه لـلي يـفـتهـم قـصـد معـنـاي *** ومن لا فهـم قصد المعاني خواجـه يـدرك مرامي صايب العـقل والراي *** وهـرجٍ بـلا مـعـنـا قـلـيـل رواجـــه كانـك فـطيـن لمقـصد القـاف قـراي *** الـكـذب مـا يـنـفـاه كـود المـواجــه أنشد هـل الـذمه وقـل كيف ممشاي *** ولا تنشد الحاسد ترى به عـواجـه عن الدروب العايزه تقصر أخطـاي *** ومدح الرجل للنفس قالوا سماجـه مـن صـرت مـا سيّرت للنـذل بداي *** لـو مسني مـن عايـز الوقـت حاجـه عن القراح العذب ما يقصر رشاي *** ومن جرب النقـروح عاف الهماجه عند الرجال الغـانمة طاب مسعـاي *** لا شـك مـالـي جـاه عـنـد الدجـاجـه عفـن اللغا ما شاف رائح ولا جاي *** طـول الـزمـن عنـد الحليلـة مداجـه وأن كان بياع البخت عاب شرواي *** عـلـم الفـضيله ثـار حقـده وهـاجـه يبحث عـن الغـرات والعـبـد خطـاي *** لا شك مـا قولـه حديـث ابن ماجـه كـم واحـدٍ قـلبـه من الحقـد بـه داي *** يفـوح مـن منـزف صديده خراجـه الـلي بـهـرج الـزور بـايـع وشـراي *** مـا عـنـده الا الطهـبلـه واللجـاجـه كــانـه تـشـدق كــل حــاقــد وزراي *** الـتـرك طـبـه والـتـجـاهـل عـلاجـه مـاني بحـال مـروج الـهـرج شنـاي *** خـلـه يـعـبـر عـن هــواه ومـزاجـه أنا عنزي وأعتـز بأصلي ومجنـاي *** ولا كـل مـن رام الـفخـر نـال تاجـه أخـبـرك يالـلي مـا تـثمـن أحـميـاي *** ربع الرجـل عنـد اللزم هـم سياجـه افخـر بهم عند الأصاحيب واعـداي *** فـرسان يـوم الجـو يكتـم عـجـاجـه زمل التخوت اليـا بـرك كـل رغـاي *** لا غـط بالغـارب ضلـوف الحداجــه مـلاذ مـن جاهـم مـن الظيـم شكـاي *** أرداهـم لضيـفـه تـبهـلـل حـجـاجـه وصلوا عـدد مـا سار بالليل سراي *** عـلـى الـذي بـالحـق نـور إسـراجـه وقال عبدالله بن دهيمش بن عبار العنزي هذه القصيدة في مواضيع شتى: 136 يا رب نرفـع لـك كفـوف الضراعـه *** يا مرسل الهـادي عـلى خيـر مـلـه فـرجك يأتـي بـيـن ساعـه وساعـه *** وأنـت الـذي عـقـد البـلايش تحـلـه نـطـلـبـك يـا رب العـبـاد الـقـنـاعـه *** مـن عـز نفسه كـل مقـصد وصـلـه الـحـر نـفسـه مـا تـطيـق الـدنـاعـه *** وشكوى الكريـم لغـيـر ربـه مـذلـه ما ياجب خضوع الرجل وانصياعه *** الا لــربــه مــالــك الـكــون كــلــه لـو كـل مـن يملـك على العـز باعـه *** كـان اندثـر سلم العـرب والجـبـلـه ما نجلب الشيمه سـوات البضاعـه *** وكلـن يـنـال الـلي الـولي قـاسملـه من افتكر في واقع الـوضـع راعـه *** شـاهـد تـقـالـيـب الـزمـان وفـطـلـه يشوف خلـق الـلـه تغـيـّر اطبـاعـه *** وبعـض العـرب مـاق وتنكـّر لخلـه كـلٍ بـدا يـسـعى يـدور الــطـمـاعـه *** يـدرق لـغـرت صـاحـبـه وايخـتـلـه من شذ عـن ربعه عقوق وقطاعـه *** لابـد شـنـعـات الـسـنـيـن اتـحـبـلـه ومـن بـه حميه دون ربعـه دفاعـه *** ربـعـه الـيـا شـان اللغى محـزمـلـه والـلي شمل ربعـه يريـد اجتماعـه *** يـجـمع شتـاتـه بالهـدف مـا يـفـلـه الـبـيـت مـا يـذري بـلـيـا شـراعــه *** ولا تـمسك الـروقـات كـود الأخـلـه والـلي لعـدوانـه يسـوق الـرتـاعـه *** وعـلى ابـن عمـه دوم سيفه يسلـه تقصر عن فعـول المراجل ابواعـه *** طمـن وهـان ومطـلـبـه مـا حصلـه المـجـد يـدرك بالـكـرم والشجـاعـه *** ومـن ينتبـه عـرق الحمايـل يـتـلـه لــي لابــةٍ مـنـزالـهــم بـالـرفـاعــه *** عـزوة فخر ما هـم عصابه وشلـه تشهد لهـم بالطيب مضر وقضاعـه *** وأحـفـاد يعـرب مجـدهـم شاهـدلـه يوم الزمان الـلي تهـارش اسباعـه *** والعـوص بالـمـيـدان مثـل الأهـلـه عـدوهـم يـصـيـب قـلـبــه رعـاعــه *** وصديقهـم مـا يشتكي مـن مـمـلـه أعتـز وافخـر وأعتـزي بالجمـاعـه *** والرجـل ربعـه هـم سياجه وضلـه سجلت ماضي مجدهم عـن ضياعه *** لـو الـفـخـر مـا ينحصي بالسجـلـه بـذلـت مجهـودي بـكـل استـطـاعـه *** لا يـفـرح الشامـت بـهـفـوه وزلــه ومن يجتهد باخلاص ياخـذ مناعـه *** عـن نفح هرج اهل القلوب المغلـه عـنـد الحـمايـل مـا تضيع الوداعـه *** والحيد يرسي مـا نزح عـن محلـه ولانـي بـحـال مـروجـيـن الأشاعـه *** اهـل الـهـروج الـضالـه والمـضلـه الـلـي يـخـادع مـا يـفـيـده خـداعــه *** والـثـعـلـبي مـا يـنـفـعـنـه احـيـلــه يالـلي بهـرج الـزور عنـدك بـراعه *** حاسب ضميرك عن غروره وقلـه هـرج الخطأ ما أحدٍ يريد استماعه *** وحكي الغلط يرث عـلى الكبد عـله والـكـذب مـا تـبعـد مسافات قـاعـه *** مكشـوف لـلي افـكـارهـم مستغـلـه مـن سـار بالباطل تكشّف اقـنـاعـه *** ومـن تـاه نـبـراس الحقايـق يـدلـه وقال عبدالله بن دهيمش بن عبار هذا المقطع من قصيدة تدور حول تأليف التراث وحفظه من الضياع وما يلاقي الباحث من مشاث : 137 سجلـت مـن فيض القريحـه قصيده *** مـن يفـهـم المقـصـود يـدرك أبعـاده أخـتــار جـزلات البـيـوت الـفــريـده *** وأعــاف فـضـلات الـكـلام الـزيـاده قـلتـه ومـنطـوق الخـطـأ مـا نـريـده *** غـلطـان مـن حـطه وسيلـه وعـاده هـرج المغـالـط مـا لـنـا بـه مـفـيـده *** والقـدح مـا يفـرض علينـا أعتمـاده مـا نـشمـت الفـاني ونجـرح حفـيـده *** نـحـط مـن دون الـذرايـع أســـداده نـبـي الـعـلـوم الـمسـنـده والـوكيـده *** والهـرج يوخـذ صاملـه مـن وكـاده مـادام لـتــراث الـحـمـايـل شـريــده *** نـجـمع شتـاتـه عـن دواعـي نـفـاده مـا ودنـا يـذهـب ضـيـاع وفــقـيــده *** حـيـثـه فـخـر تركت مشايخ وسـاده أهـل الـفعـول المسـمـلات الجـديـده *** مـن طـاب منهـم ينـتـبـونـه أجـداده مـثـل الـحـيـود الـراسيات المحـيـده *** عـنـهـم سجـل الـعـز ثـبّـت اسـنـاده بالعـصر اللي عسى الولي ما يعيـده *** لـهـم بـجــزلات الـفـعــايـل ريــــاده الـلـي لـهـم عـز ومـفـاخـر تـلـيـــده *** وضــحـتـهــا لـلـي يـبــون الأفـــاده جـمـعـتهـا مـا أريـد دخـلي تــزيــده *** ولا لـي طـمع مـقـدار حـبـة رشـاده قصدي فخـر بأهـل الفعـال المجيـده *** نـعـتـز بـالـطـيـّب ونـذكـر أمـجـــاده نـفخـر بـذكر أهـل الخصال الحميـده *** ونـشـيـد بـالـلـي يـستحـق الأشـاده وكـم واحـدٍ فــن الخـطــابـه يـجـيـده *** وربـه عـطـاه المـوهـبـه والجـواده لـكـن عــن الـلابــه أقـلامــه بـلـيـده *** مـا سـال فـي ذكـر القـبـيلـه أمـداده والـلي تـجـاهـل خـدمـتي لـلـبـديــده *** الجـهـد يشـكـر مـا تـفـيـد الجـحـاده يـبغـي يعـوق الـلي يـواصل فـديـده *** والمرجـلـه تـحـتـاج صبـر وجـلاده يـفـرح بغـلطـات الـرفـيـق الـزهيـده *** يشمـت عـليـه ولا يشوف أجتهـاده شبـحـه قـريـب ولا أهـدافـه بـعـيـده *** عينه على الصاحب سوات الجراده جـوده عـلى خطـو القرابـه عضيده *** وأن جـت مـن الأقصين يلزم حيـاده مـثــل الـذي يـرعـى بـدايـد لـبـيــده *** حتى سطى بعـظـم الغـوارب شـداده كـانـه غــيـور ودون حـقـه ولـيــده *** يـذود عـن حــد الـحـمى والـسـيـاده لا خـيـر بالـلي مـا يـنـاطح ضـديـده *** مـا يـطـول العـمـر القصير الشـراده |
وقال عبدالله بن دهيمش بن عبار العنزي هذه القصيدة رداً على الشاعر حسين بن علي الجبوري العنزي أبو عبدالعزيز ويثني على عوده بن حييان الجبوري العنزي : 138 أبـتـدي وأطلـب الـلي طـالـبـه مـا يخـيـب *** الـولـي مـن لـجـأ لـه كـل خـيـر وهـبــه الـولـي نـلـتـجي بـه عـن سعـيـر اللهيـب *** كـان صـفـت عـبـاده والصـراط انـصبـه مـنـزل الـغـيـث عـالـم بـالـدبـا والـدبـيـب *** يـعـلـم بـحـال ذره تـحـت جـذع غـربــــه أذكـر الـلـه وأصـلي عـلـى طـه الحـبيـب *** يـشـفـع لـمـن كـتـابـه باليـمـيـن اقـضبـه ومـن بـعـد ذكـر ربـي طاب لي شد جيـب *** نـوع فـكسـار تـوه مـن جـمـيـل انـجـبـه مـا وقـف عـنـد ورشه حول حي الخبيـب *** هـو شـفـات المسافـر بالمسيـر صـلـبـه لـو تـحـطـه بـوادي مـن نـفـود الـلسـيـّب *** مـا هـلـش بالـرمـال ولا بـونـش سحبـه كـل مـا نـاش بـنصـه يرتقـص لـه قـنيـب *** والـمـواتـر تـسـابـق تـقـل خـيـل وطـبـه شـال مـنـي قـوافـي مـثــل در الـحـلـيــب *** مـن مـقـاديـم مـبكـر بالـصـمـيـل حـلـبـه قـلـت وأرسل جـوابـي للأصـيـل العـريـب *** رد قــافٍ لـفـانـي لـي حـسـيـن كـتـبــــه منطـق حسيـن صـافي مالقـيـبـه سـريـب *** أبـن عـلـي بـدابـه يـوم صـار وجـبـــــه شاعـر هـاض قـافـه جـم مـا هـو نضيـب *** مـا هـو الـلي كـلامـه مـن قـراه شطـبـه يالجبـوري تعـيش وعـسى فـالـك يطـيـب *** كـل شغـمـوم مثـلـك عـرق أبـوه جذبـه عشت ياحسين حـيثـك فـي زميلك تهيـب *** يـتـرك الجـاهـل الـلي طـاح وسـط خلبـه مـن سكـت يالسنـافي راح حـقـه سلـيـب *** يـا أبـن وايـل خـطاهم كبـر ضلع رغـبـه نتـبـع الحـق والـلـه عـلى خلقـه رقـيـب *** مـا يـعـرقـل مسيـري مـن يـحـط عـقـبـه وأحـمـد الـلـه هــوّن كــل أمــر مـريـــب *** وأنكفـأ الحاسـد الـلي مـن يطيـب هـزبـه عسى يـفـدا جنـابـك مـن يسوع ويـلـيـب *** مقـصـده مـلـي جـيبـه تقـل وجـه لجـبـه بالـلـزوم اعتـزي بـك يالشجـاع المهيـب *** يـا شبـيـه الـقـطـامـي سـاطـي مـخـلـبــه مثـلـك اليـا نخيتـه بالعجـل جـاء حضيـب *** يـفـزع وبـه حـمـيـه مـن يـعـيـل رعـبـه أنـت رايـتـك تـرفـع فـوق راس الجـذيـب *** كـنـك الـلـيـث الأروع كـان زاد غـضبــه وأثـنـي الشـكـر لـلي دوم صـدره رحـيـب *** صاحـب الجود عـوده مـا كمينـا حسبـه شـاد قـصر الكـرامـة في شـمـال القـليـب *** كـل يـوم الـهـواشـل يـصعـدون عـتـبــه شوف عـيني صحونـه مـثـل تـل الكثيـب *** ريـف مـن شـان وقـتـه والـزمـان نـكبـه صار عوده لربعـه كما الروض الخصيب *** حـيـث عـلـم النـفـيـلـه حـصـلـه وكسبـه عـنـده الـبـن الأشـقـر بـالـدلال الـربـيــب *** حـيــن تـلـفـيـه تـلـقـا دلـتـه وأرطـبـــــه وعقـب شـرب المهيّل من دلالـه سكـيـب *** جـاب كـبـش سـميـن وللضيـوف قصبـه مـن صماصيم لابـه يـفـلـجـون الطـلـيـب *** يـا كـبـر حـظ مـن هـو للجـبـور عـصبـه عندهم بـه معيبـه خـدم حوض الشريـب *** خـص شـول القصيـر ولـو يبـيـن جـربـه في عصور الجهـالـة من يحنشل يجـيـب *** فـود يـوم الـمـرازق بـالـزمـان نـهـبــــه خـيلـهـم مسرجـات وذودهـم لـه جـنـيـب *** والضـعـون وسلـفـهـم يحتـمـيـه جـنـبـه كـل مـنـهـم شـجـاع ولا جـواده هـلـيـــب *** كـان صـاح الـمـنـادي لـلـخـصيـم هـذبـه منهم وشيوش اللي كمـا الحيص المنيب *** فـارس الخـيـل عـكـلي بالحسام ضـربـه يـوم كـن الفـوارس مـن شـبـاب وشـيـب *** شـال بالسيـف راسـه طـاح تـقـل هـدبـه هـو ستـر مـن تـزهـى باللبـاس القشيـب *** فـرحـت المـحـرج الـلـي باللـزوم انـدبـه وقال عبدالله بن دهيمش بن عبار هذا المقطع من قصيدة رد على محمد المحدى الغبيني : 139 قبـل أبـدي بنظـم البيـوت اللطـافي *** مبـداي بالـرب اللطيّـف الحكيمي الخـالـق الـبـاري مـزيـل الخـلافي *** رب الملأ جبّـار عـظـم الكصيمي مجـري الهبايب ذاريـات السوافي *** نوب هجير ونوب بـرده صريمي مـنـزل هـمـالـيـل المطـر بالفيـافي *** محـيي هواميد الجذوع الهشيمي ومن بعـد ذكر الله بديت الوصافي *** أبـيـات تـنبع مـن قـرايح صميمي جـواب لـمـحـمـد بـعـيـد الـهـدافـي *** الفاضل الشهم الشجاع الحليـمي عـوايـده يـذبـح سـمـان الـهـرافي *** مع عيـت حيـل مـربـيات النعيمي مـن لابـةٍ يـحـمـون حـم الشعـافي *** السـرج شاهدهـم وكـور الهميمي غبنان ستر البيض سود الغـدافي *** عـدوهـم نـاحـت عـليـه الحـريمي قبـل يجي عصر الـرخا والعـوافي *** يـوم الـعـرب هـذا لـهـذا جـريـمي واليـوم كـلـن نـام يـالـقـرم غـافـي *** أمـن وآمـان بظـل حكـم الزعيمي لاشك يا أبن خليف ما عنـك خافي *** مـن قـل مـالـه يـا محمـد كضيمي هـب الهبـوب لكـل هـايـف وهـافي *** واليوم سيف الهند مثـل القديمي وأن كان تذكـر ما حصلي انصافي *** ولا صح لي تشجيع مثل التميمي الـلي لجهدي يا أبن الأجـواد نـافي *** حاسد ورايه يابن محدى عقيمي ما جيته اطلب من حلالـه اسعـافي *** لي نفس يامحمد عزيزه وشيمي حملي يا أبو مشعل تشيله اكتـافي *** ورزقي على الله للخلايق رحيمي والله ما أغبط الراجحي والخرافي *** مستـور حـال ومسكني بالنظيمي أخبرك صار اليوم وجهت مطافي *** بين الرياض العاصمه والقصيمي وصلواعلى اللي متصف بالعفافي *** شفيعنـا عـن حـر صلـو الجحيمي قال عبدالله بن عبار هذه الأبيات من قصيدة يسند على أبو حاتم : 140 يا أبـو حاتـم بالبشـر مـثـل النعــام *** الــردي دفــّان راسـه بـالـكـثـيــب لـوهو نسل الـلي يخوضون الكتـام *** يـوم عـصر الخيل عجلات الهذيب حـاسـد وفـاسـد وبالعـقـل انـفـصام *** يـفخـر بـجـده وهـو فـعـلـه معـيب يـقـمـح الـظـالـم عـسـى داره هـدام *** نـاقـل النمّـه عسى شمسه تغـيـب جواب عبدالله بن دهيمش بن عبار رداً على محمد بن عبدالرحمن الحوشاني أبو حاتم : 141 اشكـرك يـا مـن دوم تـشهـر حـميـاك *** حـيثـك يا أبـو حاتـم كثيـره حسانيك عساك في حفظ الولي مجري الأفلاك *** ياللي عـلى عـلوم الفضيله مباديـك فزعت لي بالحق من غير مـا انخـاك *** من حيث هرج الكذب والظلم يوذيك الشيمـه الشمّـا مـن أصلـك ومـربـاك *** وأنـت الـذي يا مسندي دون عانيـك نطـحـت الـلي لمعـوّج الـهـرج عـلاّك *** الجاهل الـلي ماعـرف تيك من تيـك يـسـمـع كـلام مـروّج الـهـرج نـمّـاك *** اليـاهرج مـن يسمعـه يحسبـه بـيـك يـزمـر ولـكـن مـا سوى قـطف تنباك *** هـرجه بـلـمـات المجـالـس تـماتيـك كـوبـان بالمـجـلـس يسبـك ويـشنـاك *** لـو كـان يضحك لك ضميـره يعاديك عـليـك بـالطيـب الـيـا عـمست اريـاك *** وقـت الـلـوازم مـا يخيّـب هـقـاويـك الـلـي الـيـا جـيـتـه فـرح بـك وحيّـاك *** مالـه هـدف لاشـك من قـلـب يغـليك من طاب عـزه وأدعس النذل بحـذاك *** اللاش لـو صفيـت لـه مـا يـصافيـك والـلي تـقـول بشايـن الهـرج يلـغـاك *** هـذاك يـعـنـيـني كـلامـه ويـعـنـيـــك والحـمـد لـلـه سـمـعـتـي عـنـد حلياك *** تـشـد راسـك مـا تـطـمّـن عـلابـيــك قال عبدالله بن دهيمش بن عبار هذه الأبيات مجاراة أبيات فهد المسيكي : 142 فهـد نظـم قـافـه وهـو بـارع بصنعـه ونـويـت أبكتب ثـمـان أبـيـات الخصله ورد الشعر يقطفه يوم استوى ينعـه ياخذ من السنبل ويعرض عن القصله كما ذكرت الـزمن يا فهـد بـه كنعـه هذا ايحفن له وذاك شوي يقبص له روس تعـلا وبعـض الـروس منخنعه ترجي لعل الأمل نوره يبصبص له النجـم بـه مـرزم وبـه طـالـع الهنعـه والكل له واجب الرحمن خصصله يا فهد نفس الردي ما تطري القنعه حيثك وصايف ردي الساس تبخصله مـن كثـر مالـه كثر تفديعـه وفـنعـه يا مكثر اللي لأجل ماله يلوقص له من أنعوج يلزم على الخشم له رنعه والغوج ودك بالرسن دوم تقرصله وقال عبدالله بن عبار هذه الأبيات رداً على فهد المسيكي : 143 يـا فـهـد ما قـدروا يـقـولـون خـراّط *** الخـرط يـلقـا يا فـهـد عنـد غـيري عـن الـدروب الـعـايـزة دوم محتـاط *** والحـمـد لـلـه مـا شنـاني قصيري أنشد من الخفجي إلى شرقي رهـاط *** وأنشد من الحرة لغـرب الصفيري وأنشد من الوادي إلـى قبـلي الغـاط *** وأنشد كـذلـك مـن تـبـوك لعسيري عن سيرتي يخبرك بالعلم من حـاط *** مـن كـان عـني يالسنافي خـبـيـري ولا الحسود الـلي للأصحاب غـبّـاط *** هـذاك ظـالـم مـا يـحـبّـه ضـمـيـري الـلي لسانـه يـبـتـرم تـقـل مسـواط *** يقذف لهب من فوه مثل السعيـري لا تكترث بـه لو لـه صياح وعيـاط *** مـن فضل ربي ما يعـرقـل مسيري واللي يقول أنـه لقى بكتبنا اغـلاط *** أنـا أعـتبـر تصحيحها عمل خـيـري من شعر التصدي للحمله المغرضه هذه الأبيات قالها عبدالله بن دهيمش العبار : 144 يالفكر سجل صافي القاف وأملـه *** وأبـدع من الخاطـر ترانيم حنـده طلبت اللي موسى الكليم أنتقم له *** من ظالمه فرعون وأعوان جنده يالله عسى الظالم يـعـفّـر بـرملـه *** وعساه يلزق بين شاصي وتـنـده واللي على ظلمه بجاهه حشم له *** جعل الحدب يبتر من الكوع زنده ويا عل من داروا بالأجواد خمله *** ينهـد سقف قصورهـم والبـرنـده أهـل الظلايم جـورهم مـا نحـملـه *** والحق في عدل القضا نص بنده الظلم ظـلما ومنطق الكـذب يملـه *** واللي تغطرس ضاع بنده وسنده والـلي يبيعـون الضمايـر بعـملـه *** ما يسمعون الـلي يـنـادي ويـنـده من لا رضي بالـلي وليـه قسم لـه *** مـا يقتنع لـو مـال قارون عـنـده والـلي نـزل عناز يشظون شملـه *** بالنمنـمـه يسعـون مـع كـل فـنده عـوذه تراهـم قـربهم قـرب نملـه *** لـو هـم قـرايب كنهم من أوغـنده والـلي بـهـرج البلبله شن حـملـه *** عـن طاري الـويلان يجـوز بنـده تاريخهم مذكـور فـي كـل جـمـلـه *** من عصر أبن تبّع وحمير وكنده وين الذي يتعب من السير زملـه *** يـوم النخـاوي يحـتمي كـل ونـده المـرجلـه تحتاج جـزمـه وصمله *** ماهي ملاهي رقص غاده ورنـده وقال عبدالله بن دهيمش بن عبار العنزي هذه القصيدة رداً على الشاعر حوري بن مناور الحركان المضياني : 145 راكـب الـلـي مـا يـبـاريـه الـظـلـيـم *** صيعـري مـا يـلحـقــه ربـد الـنعـام مـن هجاهيج النضا جـريـه هـميـم *** جـده وضيحـان مـن جـيش اهـمـام يعـلـم الـلـه منظـره تـوصيـف ريـم *** مـسـتـهـيـف وقـافـلٍ مـالـه سـنــام أشـقـح وخـالـط شقـاحه لـون أديـم *** بـه بـياض وبـه حمار وبـه سحـام مـا رغى ولا يـوم تسمـع لـه رزيـم *** ولا تجـضـور لـو تـتـلـه بـالخـطـام مـد فـي حـفـظ الـولي قـبـل العـتيـم *** يـسـتحـب الـهـوذلـه وقـت الـظـلام يـا نــديــب الـنـوم خــلـه لـلـحـريـم *** أنـتـبــه لـلـدرب وأحــذر لا تــنــام أمـش بالـبـرديـن مـع هـب النسيـم *** وأن اشـتـد الـحــر نـّوخ يــا غــلام أتـجـه يـحـفـظـك مـولاي الـعـظـيـم *** الـف كيلـو دون قـصـدك بـالـتـمـام سافـر المنـدوب مـن حـي النظـيـم *** مشـمـلٍ والـدرب بـاحسـن مـا يـرام يـم عـرعـر دار مـكـديـن الـغــريـم *** لابـة الـويـلان زاكـيـن الـعــمــــــام ود خـطـي صاحـب الـراي الحكـيـم *** أبـو فـايـز لـه حـشـيـمـه واحـتـرام حـوري الـحـركـان نـقـّاض البـريـم *** ابـن مـنـاور مـن رجـاجـيـل فـهـام مـا يـغـظـلـم خـاطـره مـثـل الكظيـم *** يـلتـقي ضـيـفـه برحـب وباحتشـام دلـتـه تـجـلـي عـمـاس الـمستهـيـم *** تنعش الخـرمان مـن بعـد الـوخـام يـذبـح الجـزلات والكبـش الضخيـم *** وأن لـفـاه الضيـف يـبشـر باللغـام وصـلـه خـطي عسى خـيـره عميم *** وأعتـذر لـه حيـن مـا تلـفي اشمـام بلغـه شكـري مـن عـمـاق الصميم *** والـسـلام اعـداد مـا نـاح الـحـمــام قـل لفـاني قـافـكـم فـي حـرف ميـم *** قـيـلـكـم نـاقـيـه مـن عـذب الـكـلام يـا أبـو فايـز عـسى يـفـداك اللئيـم *** تـرى بـطـو الـرد مـن كثـر الـزحـام والـلـه الـلي بغايـة اسراري عليـم *** ممسـك الـلي فـي عـلـو الجـو حـام ودي أرضـي كـل صـديـق حـمـيــم *** مـجــتـهـد يـا مـسـنـدي دايــم دوام الفـكـر مشغـول يـا حـوري هـظيـم *** كـل وقـتـي صـار يـالـقـرم الـتــزام يـدلـه الـلي بـالعـرب مـثـل البهيـم *** مـا تـعــرفـه كـود أمــه والــمــــدام يـا راعـي الصبحـا ترانـا فـي نعيـم *** نصمـد اليـا صـار بالنـاس انـقسام لا يغـرك صاحـب الصـوت الـرخيـم *** الـكــلام أنـواع بــه دسـم وهــــلام والـقـضـايـا حـلـها عـنـد الـزعـيـم *** ومـن غـدالـه حـق للشـّرع احـتكـام والخـتـام اعـوذ مـن كـيـد الـرجـيـم *** الـتـجي للـرب واعتـصم اعـتصـام وقال عبدالله بن دهيمش بن عبار مجاوباً صاحب الأبيات : 146 حـنـا عـنـزة مـا تـونـا نـخـلــق الآن *** والصدق واجـبنـا نـعـده ضروري حـنـا عـنـزة تـاريـخـنـا ورث جـدان *** ما أصلنا يعـرف عـراقي وسوري أولاد وايـل بـالـفـخـر عـلـمهـم بـان *** نعـلـن مفاخـرهم بصوت جهـوري دونت هرج الصدق واعلنته اعلان *** واللي جهل نشرح له العـلم فـوري ولا أظـن يطعـن بالنسب كود كوبان *** الخايب الـلي منهجه سلـم نـوري الناس من خلقت لها أشكال والوان *** ولا ينحقر لـو كان هندي وكـوري لاشـك لا تـسـمـع هـرابـيـد كـذبــان *** بعض السوالف ريح ينفخ أبـوري خطو رجل من ضيم الأضداد ينهان *** وعلى أبن عمّه بالخطأ صار ثوري يالقـرم ما قـلت القصايد على شان *** أجمع دراهـم في خـزيـن التجوري القـاف نـمـدح بـه شغـاميـم ويـلان *** وأنشـد هل الصبحى سليّم وحوري ولانـي بحـال الـلي تـنكّـر بجحـدان *** بالقـاف وصفهـم حسين الجبـوري والـلي ظلمنـا بهـرج زور وبهتـان *** يـعـل يـدعس هـامتـه جـنـط لـوري |
قال عبدالله بن دهيمش بن عبار رداً على صالح بن ضويحي السلمي : 147 أبتدي بسم الكريم الواحد الـرب الجليل مطـلع فـي سر عبده لـو يكنه ما خـفيه الولي منشي السحايب تروي الروض المحيل وأن تخالـف ديدحانـه كـل عين تشتهيه من مراهيش الغـمامه بارقـه يشعـل شعيل ساقه الريح وتحدر يابس البيدا غشيه وبعد ذكر اللـه نشد الجيب فـي آخـر مديل جيب من سيد المواتر ما يناله كود بيـه من مصانع طوكيوا جابـوه للتاجـر جميل منظره يغدي العماس وهيكله لونه زهيه وبعد ذكر الله نـرد لشوق منسوع الجديل صالح ضويحي يعله ما يرى يوم كريه وقفته ماهي غـريبه هـو أبـن عـم وزميل من زمان الجد الأول من يغزينا يغـزيه كنه الحـر القطامي وأن عـثا بـأول رعيل المشبب من قنص به كل جزل يشتويه يالسنافي لا تهـون وعسى يفـداك الذليل الصديق اللي نوده مـا نبيعه نشتريـه الحمول أن كان ثقـلت شيلها يحتـاج حيل الجمل يشيل حمله لو ثقـل حمله قـويـه الحمـول تـريـد حيص مـا تحملها فـصيل بس ما حصـل بليهي للمحامل نعـتبيـه من يبي بالقيض يسفر يلزمه رحل وصميل الوعـر دربه غثيث ما رتاح اللي مشيه لو غلطت بحرف واحد قلت أزيله بالمزيل ليت من هو شاف غلطه قال للغلطان هيه مار بعض الناس طبعه دايـم مرح بجفيل الحسود الله حسيبه دوم جهدي يزدريه مجد وتراث القبيله صار أبين من سهيل هو فخرنا اللي نصونه بالغوالي نفتديه ياعجب كيف الصويتي بالسبق خلف العصيل حصل الكاس الهليب وقام ينفض منكبيه مدحك لي وسام عـز وعندنا قدرك جليل كنه شعار العساكر حط من فوق البـريـه جواب عبدالله بن دهيمش بن عبار رداً على حمود بن عنيزان بن ناجم العريفي : 149 يـا فـكّـر سـجـل بـديـع الـقـاف لا تـجـيّـم وافصح عن اللي بصدري كنت له كامت هيضـني الـلي يصـوغ الـقـاف مـتهـيّـم هــام وخـيـالاتـه بـجـو السمـاء هـامـت أن كـان هــمـك يـا أبـو طـلال مـتـلـيّـم دنياك ضامت سواك وأنـت لـك ضامت دنــيــاك مــا دامــت لــراكـان ودغـيّـم وعـقـاب ناطـح جموع القـوم لا زامـت ودنيـاك مـا ساعفت مشعـان وخـزيّـم يا حظ اللي نفسه عن الموبغه صامت يا حمود من يقـدم عـلى الظلّم وايكيّـم بطش بـه الـلي يحل محقرص العامت هـو يحسب أني ضعيف رجال وايـتيّـم ما يرعوي حتّى غـمت راسـه الغامـت مـا فـاد لــو يـدفـع التـأمـيـن وايــبـيّــم يتجـر بسلعـه ثمنهـا بخس مـا انسامت مـن كـان غـافي عن أخـذ الحق ونويّـم يأتيـه مـن يسلب حـقـوقـه وهـو سامت يـشهـد لجـهـدي سـمي الذيـب وكـريّـم ولا أشكل عليه رعـاع الناس لـو لامت قال عبدالله بن عبار رداً على الشاعر عبدالعزيز بن بخيّت الجراح : 150 حيـيـت يا مـرسـل عـذيـات الأبـيـات *** يالمخـلص الـلي نفـتخـر في مقالـه عـبـدالعـزيـز الـلي مـبـاديـه جـزلات *** عـسى فـداه أهـل الحسد والـنـذالـه يا أبـن بخيّـت أنـت مـن لابـه بخـات *** رجـالهـم يـمـدح الـيـا جـاء مجـالـه جـراح بـلسـم للجـروح الـعـطـيـبـات *** قصيرهـم مـا نـشـدوا عـن خمـالـه وأن كنـت بالمجهود تبـدي أشادات *** مـن فضـل رب الكـون جـلا جـلالـه عـنـدي من قـروم الحمايـل شهادات *** ولا الـردي كـوبـان مـانـي بـحـالـه وش عـاد لـو حطـو بـدربي مطبـات *** ما عـرقـلـوا مسيـرتـي بـالـحـيـالـه مـن حـمـد ربـي ينخـذل كـل شمّـات *** مـات بغـلـيـلـه والهـدف مـا هـيـالـه الـلي هـدفهـم مثـل رمـح الجميـلات *** مـن حسـدهـم شنـوا عـليـه صيالـه مـار انكشف تـزويـرهـم بالدعـايـات *** والـكـذب والـبـاطـل سـريـع زوالـه مـن فـّرق اللابـة جـنـوب وشمـالات *** حـظـه ردي ما حال الأجـواد حالـه وقال عبدالله بن دهيمش بن عبار هذه القصيدة مجاراه لقصيدة الأديب الشاعر عبدالله بن موسى الخرشاوي أبو فهد : 151 يا أبو فهـد دام عـزّك قـلـت ما قصـدك هـوى أنت في ذكر الحقايق تصدح وعضدك قوي لـك جـزيـل الشّـكـر مـني عـدد ما بارق ضوي وعـدد منبوت الصحاري وعـد مـا هـل ثـروي أنـت مبطي يا أبـن موسى بـك حميه وانخـوى عادتـك تقـري ضيوفك بـيـن حميس وشـوي وأنـت جرّبـت الرجال وسرت مع كـل القـوى كـل وقـتـك بالمدينـه بـيـن حـربـي وبلـوي فـي ديـاويـن المجـالس كـم مضّيـت نـهـوى بيـن عنـزة والطنايا وبين جهني وعطـوي من فـرق شمل القبيلـة تـقـل صابتـه دعـوى ولا شطح عـن الحقيقه كـل من عقـله سـوي والـلي اليـا جـاء لزومه لـف راسه وأنـزوى لوهو من أدنا الجماعه يحسب حساب انبوي ما يهـم الـلي شناني لـو حمل رتبـت لـوى ضمن اللي شادوا بجهدي من احفاد أبن جلوي جـملـة أصـول القبايـل بالكتـاب ومـا حـوى كلهم صفوة ربيعه مابهم شخص ربـوي وش يجـيـب الـذيـب الأمعـط للثعـل وأبـن أوى هـذا يسـري بالغداري وهـذا ممشاه ضحـوي البـوم يصوي بغاره من شديد الخوف صـوى والقـطـامي مـا تطـيمـن مـاكـره دوم عـلـوي وقال عبدالله بن دهيمش بن عبار هذه القصيدة جواب لقصيدة الشاعر عبدالله الموسى الخرشاوي أبو فهد : 152 أول مـطـلـع جوابي لأبـو فـهـد سلام *** مـع جزيـل التحيـة مبتـدي ومختـوم صار الأيفون يرسل كما زاجل حمـام *** كنه الريـح يصعـد بالـوطا والحـزوم عـلى لـمس الأنامـل نرسله في مهام *** ما يبوح السرايـر دوم طبعـه كـتـوم يا أبـو فهد عزيـز ولـك قدر وأحترام *** أنـت جـزل ونـبيـل وللمعـالي تشـوم وان حـدث بالليـالي معضلاتٍ عـظام *** أنت كالحيد تذري عن لهوب السموم والتواريخ تذكر من زمن عصرسام *** هذا جهدي ولاني عن العيب معصوم كـل شـيّـاب وايـل جـعـلهـم للـرحـام *** جبت الأقصاص منهم صادقين العلوم حافضين الصّلاه وحافضين الصّيام *** لكن اليوم صاروا تحت جرف مهدوم والـذي ناقضوهـم خالـفـوا كـل نـام *** وش يبي بالسوالف من بقوله يـلوم حيث بعض الذراري مثل عظم الهلام *** وكم صقرٍ صيود بمصقره صار بوم ينطقون السوالـف مثـل نبـل السّهام *** بيـن فـاسد وحاسد والضمير معـدوم العـلـوم الـرخيـصـه تنحـذف بالدرام *** والهذور الكذوب من الحسان محروم يا سمي ما شمتني كود خطو الخمام *** ومن حكوا بالظلايم حظّهم ما يـقـوم الـهـرابـيـد مـرّت مـثـل حـلـم المنـام *** والهـروج البـذيـة عـابـرة كـالحـلـوم ما عـلينـا مـن الـلي مثـل ربـد النعام *** صاحب الحسد قلبه ما تعداه الهموم صفوة اشبال مقرن من أنجال الإمام *** بأمرهـم كـل عايـل بالخـزام مخـزوم وقلت هذه الأبيات جواب لأحد الشعراء مقطع من قصيدة : 153 يا أبن عوده كـل مبنى يبتني يحتـاج مـيـده كان هو ما صب ساسه بالعجل يسهل هداده النهـر بالعذب يجري بس تسمع صوت ويده منظره بالشوف يفرق عن سراب بالحماده كل من يبذر بذار الغرس يجني من حصيده لكن الخسران الأول من زرع شوك الكداد والحجار الصم مهما تحتفظ بالماء صميـده ما نبت زرع زرعته بالصخر صلب الصلاده من نوى حوك المكايد بالنحر يرتد كيده ومن يريد يثير فتنه يدعي الله في هجاده حيث تاريخ القبيلة في سجلات الجريده كل واعي كل مدرك بالنسب سلسل اجداده افخر بفعل المكارم والرجل فعله رصيده والجمر مهما تلضى صيوره يصبح رماده |
وقال عبدالله بن عبّار رداً على النداوي : 154 هـلا هـلابـك يـالـنـداوي وحـيـيـت *** اعداد ما تنبت عـلى القاع الأزهار مشكـور يامـن للسرابـيـت سبيـت *** عسى يجيهم يا أبن الأجواد دمـار وأنا باللي شرواك دوم استعـزيت *** ولا الـردي كـوبـان مـالـه استعبار مـدحـتـنـي بـالـلي لعـنـاز سـويـت *** ربـعي وأنا منهم هل الفعل والكار المنطق الـلي يالنداوي له أوحيت *** أهـل الحسد بقـلـوبهم شبّت الـنـار هـذا يـقـول أني توهمت وأخطيت *** وهـذا بـدأ يـصنـع هـذاريـم مـكــّار وهذا عليه صار يالقرم عفـريـت *** دود وغـداله يا أبن الأجـواد منقـار ماهمني يالقـرم هـرج الشواميت *** جميع منصف صار شرواك شكّار واللي يولع شعلة النـار بالـزيـت *** هذاك منطوقه على همش الأخبــار جواب عبدالله بن عبار على قصيدة محمد بن صلال : 155 حي الجواب وحي من صاغ الألحان *** عـد الرمال الـلي الذواري تهيلـه بالـلي يشيـد بـجهـدنـا دون جحـدان *** حيثه من شخوص الرجال النبيله كـاني كتبـت أنسـاب وتـراث ويـلان *** كـل عـنـزة لـهـم فـعـايـل جـلـيـلـه يـامـا بوايـل من فـوارس وشجعـان *** حـمـايـة الخلـفـات يـوم الـدبـيـلـه وياما بـوايل مـن مـقـادم وشيخـان *** نـوهتت عـنهـم في مـلاحم طويلـه بـذلت جهـد لعـزوتـي قـدر الأمكـان *** ولاني بحال أهل العضود الهزيلـه أهـل النمـايـم خـلـوا الربـع عـدوان *** الـلـي يـبـثـون الـدعـايـة نـقـيـلــه الـبـوم يـنـغـط يـالـنـدواي بجـيـلان *** والحـر يصعد فوق راس الطويلـه مـا سبنـا لكـود شبـه أبـو حصنـان *** الثـعـلـب الـلـي وهـنـه طـول ذيـلـه الباشك اللي عاش في وكر عقبان *** الـثـرثـري لـو قـال مـا أحـدٍ دريـلـه الـلي يبـث الهـرج فـي كـل ديـوان *** يلعب على أصحاب القلوب الهبيلـه قال عبدالله بن عبّارهذه الأبيات مجاره لأبيات النويبعي : 156 مشكور ياللي بالقوافي تفننـــــــــــت *** أقبـل جـوابـي بالبيــوت القـلايـل يا نويبعي يا نسل الأجواد احسنــــت *** قلت الصراحة يا عريب السلايل الهيل يفرق يالسنافي عن الكنــــــت *** والناس يضهـر فـرقهـا بالنفـايـل من شان لك يانويبعي وأنت له زنت *** لك الجميـل وهـو عـليـه الرزايـل مـار الـردي عليـك يجسر اليـا لنـت *** أبعد عن أهـل اللسلسة والدغـايـل وأنا مع أهـل البلبلة مـا تهـاونـــــت *** ولا همني تلفيق بعض الدعـايـل قدامهم سور جداره من اسمنــــــت *** أصدح بقول الحق والراس طايـل أهل الحسد ما يـوم معهـم تعـاونــت *** الشـكـر لـلـي خصهـم بالفشايـــل من فضل رب العرش ما يوم هادنت *** لمـن زوّر التاريخ وأنساب وايـل قلته وأنا براس الطويله تبينــــــــت *** حتى المزوّر شاف نجم القـوايـل غنيت بلحون الفرح ثم هيجنـــــــت *** والحاسد أوقد في ضميره فتـايــل اللي يصون الود يالقرم لـه وصنت *** ومن عـال كافحتـه بشتى الوسايل أبيات مجاراة لأبيات النويبعي من شعر عبدالله بن عبار : 157 يا نوبعي من شذ ما أشكل علينا ----- حـنا عـلى منهج هـل الحـق ماشين ومن حاد عـن الحق بـه مـا شقينا ----- الـلاّش ما يسوى لك اللـه قـرشين الـخـايـب الـلـي بـالـغـثـا مبـتليـنا ----- يدجل على ضعاف العقول المساكين مـن يسـأل المنكـود وش يدعينـا ----- يبحث عن الغرات لـه عـّدت اسنيـن مـدري عـلامـه بالقشـر مطبـينـا ----- وده يـحـاول يـقـسم الشمـل قـسميـن عـن هـرج راعي البلبله ما درينا ----- مثل الجبل نبقى عـلى الدوم راسين نـفـخـر بـلابـتـنـا أسـود العـريـنـا ----- وتسعين خـيـبـه للهدوس الـرديـيـن وقال عبدالله بن عبار هذه الأبيات مجاره لأبيات عوض بن صالح النويبعي 158 يا نـويـبعي دنيا الشقـا كلهـا اهـموم *** من وين مـا ناظرت شفت الحرايق رمح الزمن يا نسل الأجواد مسموم *** ويـاكثـر الـلي يالـقـرم لـلـمـر ذايـق تــوازنــت يـا مسنـدي لأبـو زردوم *** ذرب اللسّـان الـلي عـن الحق مايق يدجل على اللي من العرب معهم ختوم *** ويـدور عـنـد أهـل الـدثـور اللقّايـق سـر الـخـيـانـه فـي محانيـه مكتـوم *** ويـلتـم حـولـه مـن أعـوانـه لفـايـق الـغـادر الـبـايـق مشجّـع ومـدعـوم *** يـوضـع بمنصب بالقـطـاعـات لايـق يـعـوث في علم الـنسب دايم الـدّوم *** ويـوقـف بجـنـب مـزوريـن الوثايـق وقال عبدالله بن دهيمش بن عبّار هذه الأبيات مجاراة لقصيدة الشاعـر سعد بن فرحان الجعفري : 159 حـي الـذي نـظـم القـوافـي يـجـيـده *** يـا سعـد لـك مـني سلام وتـحـيـات يـامـرحـبـابـك عـدد مـنبـوت ضيده *** وعـدد نبـات القـشع بالـبـرجسيات واعـداد مـا تـثمـر غـرايس بـريـده *** مـن ديرت الترمس إليـا حد أبانات وعـد الحـجـر بجـبـال ديـرة رفيـده *** وعدد ذرّات الملح بأرض القـريات وعـد الحروف الـلي بنشر الجريده *** وعـد الرمال الـلي بقـاع الصفّرات مـشكـور يـا قـرم العـيـال الـولـيـده *** ردعت عن شين اللغى كـل شـمّات الـلي حـنـاجـرهـم يـجلجـل رعـيـده *** بـثوا غـثيث الهـرج ضد القـرابات يا سعـد مـا تشكـل عـليـنـا المكيـده *** الـلي تحـاك مـن الحواسيد بالـذات الـلي تـمسّـك بـالخـصـال الحمـيـده *** ما هـمـه الـلي ينشرون الدعـايـات مـا دام مـعي أهـل العـقول الرشيده *** مـا همني مـن لـه مقاصد وغايات أهـل الـذمـم بـالـلي عملتـه شهيـده *** عندي من شخوص القبايل شهادات قـلتـه وتـزويـر النسب مـا نـريـده *** على المزوّر مايجب صمت وسكات وقال عبدالله بن عبار جواب أبيات الشاعر سامي : 160 مشكور يا سامي على نصح وأرشاد *** حيثك نصحت أهل العقول الخريشه يـالـوايـلي مـا سبـني كـود الأوغــــاد *** سود القـلـوب مـروجيـن الحشيشه مـا هـمـنـي أهـل الدسايـس والأنـكـاد *** ولا اشكـل عـليه هـذرمـة كـل خيشه مـا نـاجـح الا لـه مـع النـاس حسّـــاد *** بالواقع اللي يا أبن وايــل نعيشه مـا دام دربـي يـا فـتى الجـود مـسنـاد *** وقفلت عن لـوم العفون الدريشه أمدح بني وائل عـلى روس الأشهـاد *** يوم ادبحوا أهل الضلوع الهشيشه الـحـر الأشـقـر لـلـجـزيـلات صــيـّـاد *** وطـيـر الـرخـم تلقـاه عنـد الوليشه الناس مـا تـقـبــل بـتـغـيـيـر الأجــداد *** حصن الرمك ماهـم سلايل كديشه وقال عبدالله بن عبّار هذه الأبيات من شعر التصدي للحملة المغرضة : 161 نـحمـد الـلـه يـوم بـير الكـذب قـوّش *** غار مـاه وصـار قعـر البيـر نـاشف كـل جاهـل يوم شاف الصّدق شوّش *** مـن بـراسه عـقـل للتزييف كاشـف ومـن بـقـلـبـه ران حـتى لـو تروّش *** ما نضف لـو هـو تمسّح بالشراشف ومـن فخـر بأفعال غيـره لـو تبـوّش *** مثـل هـماج الصبخ مـا فـاد راشـف مـن تعبّـث بالنسب وش عاد حوّش *** والقـمـر مـا أحـدٍ يـغـطيـه بشرارش حنـا عنـزة كـان شعـر الراس كوّش *** مـن يـلاقي جـمعـنـا روّح أيخاشـف وقال عبدالله بن دهيمش بن عبار هذه الأبيات جواب للشاعر حمد للمرّة الثانية : 162 الصويـتي يـا حـمـد عـقّـب جهـوّش *** مـن تـمعّـن وأفـتكـر بالحـال ياسـف صار فلـو كروش يسمع قول هوّش *** والمصيّت صارت عـلومـه سفاسف مـا بـعـد خربش ولا يـقـدر يخـوّش *** ولا يـهـمّـه كـود كـبـسـات ومنـاسف للمـهـرج لـولـش الـخـايـب ولـوّش *** ويعتبر نفسه من شخوص الفلاسف وقال عبدالله بن عبار هذه الأبيات مجاراة لأبيات حمد الضوي : 163 خطو الهبيل اللي يبوبح تقـل رفـش *** مـرّه وخـلـّك يـا فـتـى الجـود فـايـت اللي يخفش الهرج بالسالفه خفـش *** بـوري لهاتـه تـقـل خـرطوش وايـت اللي يحسب المرجله مشطت الكفش *** عـلـى الـمهـونـة خايـب السـد بايت اللي اليا جاء لازمه صاربـه غـفـش *** يـشبـه حـزام النكـث حـبلـه بـتـايـت قال عبدالله بن عبار هذه الأبيات يسند على الشاعر حمد بن سالم الجعفري 164 يا حمد يا راعي الجدعا يا بن سالـم *** شرواك يالوايلي ما حاد عن سلمه الهرج الـلي تسمعه منشاه من حالم *** خلّـه على منهجه يغوص في حلمه كوبـان فـي غـايتـه رب المـلأ عالـم *** الواحد الـلي مـا يحيط البشر عـلمه العـدل والحـق بـالمـرصـاد للظـالـم *** ولاربح من ساعد الظالم على ظلمه والـلي عـلـي يـدعي لمقـابلـه والـم *** حتى يخرس ملسنه ما ينطق الكلمه |
أبيات من الهجيني شعر عبدالله بن دهيمش بن عبار مسنده على الشاعر محمد بن عايد بن دوهان : 165 يـا مـحـمـد الـهـرج مـالـي بـه *** لاشــك أبــي أذكّــر الـنــاسـي تـاريـخ عـنـاز مـا اخـطــيـبــه *** ولا اطيع الـلي للنسب حاسي تـاريـخـنـا الـنــاس تـدريـبـــه *** حـفـظ بـسـجّـلات قـرطـاسـي يشهـد لـنـا الـلي نفض جيـبـه *** والـنـاس مـن كـل الأجـناسي ومن فـاخـت الربع لـه خيـبـه *** ومن شذ عـن عـزوته خاسي والـجــد مــا جـاز تـنـصـيـبــه *** لـو هـو مـن قـريـش عـباسي الــجـــد وايــل نــمــاري بـــه *** هـو جـدنـا مـعـرّب السـاسـي لــو كـثـّروا مـن عــذاريــبــه *** مــابــه عــذاريــب وادنـاسـي مـا تـاجـد الـلـي ذكـر عـيـبـه *** حـيثـه سـوات الـجـبـل راسـي مـبـعـد عـن الـشـك والـريـبــه *** عـريـق ولـلـعـيـب مـا داسـي أنـجـب قـبـايـل لـهــا هــيــبـه *** لا دق لـلـحــرب الأجــراســي بشـر ومسلـم مـن مـجـاذيـبـه *** شجعـان يـوم الـزمـن قـاسـي وهـب سـكـن خـيـبـر وطـيـبـه *** وسـهـيـل وعـبـيـد وجـلاسـي وقال عبدالله بن عبار جواباً لأبيات الزميل محمد بن دوهان : 166 مـرحـبـا حـيـيت يا نسـل الأسـود *** عـدد قطـر الغيث من غـيـماً ردم فيك دين وفيـك فهـم وفيـك جـود *** وأنت الـلي للخصم يا محمد لـدم يالسنافـي أنـت زنـدي والعضـود *** كـانـه أشـتـد الـمجـادل وأحـتـدم لا يـهـمّـك مـن تـنـكـر لـلـجـهـود *** كـل ذربـيـن الشغـامـيـم اشـهـدم عـزوة الويلان مـا تطيع الـربـود *** ولا يسود اللي عـلى الدنسه قدم من كلامه حـق يرسي في صمود *** ولا نهاب اللي عـلى الباطل بـدم والمراجل من عصر عـاد وثـمود *** مـا تـولــوهــا هـلابـيـج وســدم وأشكـر الـلي قومـوا كـل الحـدود *** هـدوّا اصحاب الظلايم واهجـدم قال عبدالله بن دهيمش بن عبار هذه القصيدة يسند على محمد بن عايد بن دوهان وهي تدور حول ما حصل من تزوير نسب عنزة من قبل البعض : 167 يـا مـحـمـد قـلـت مـنـظـوم اسـمـعـوه *** والـمـعـانـي يـا مـحـمـد حـلـلـوهــــا مـثـلــك وشــرواك جــهــدي ثـمـنـّوه *** يا سليل الـلي عـلى العـدوان هوهـا قـيـل مـن ألـف استـهـدف واحسـدوه *** والـحـكـايـا الـكـذب ضـدّه لـفـقـوهـا يـعـتـرض لـه كـل حـاسـد ومـعــتــوه *** ولـو بغـوا غلطه وحيـده مـا لقوهـا مـن بـذل جـهـده تـجـنـوا واظـلــمـوه *** والـدعـايـه بـالـمجـالـس روجـوهــا بـالـنـكـد والـكـيـد والـجـور ابـلـشـوه *** والـعـلـوم الـلي ورثـناها اجحـدوهـا مـن نـشــر صـدق الـروايــه كـذبـّـوه *** ومن نشر كـذب الـروايـه صدقوهـا مـن شـظى شـمـل القبـيـلـه شجـعّـوه *** وكـل جـمـوع أولاد وايـل فـرّقــوهـا ومن جلب حظـه رخيص لمن رشوه *** صار ضمن الـلي ضمايرهم شروهـا نـسنـد الـتـاريـخ لـشخـوص اكـتـبـوه *** والحـقـايـق بـالـوثـايــق وثـقـّـوهـــا مـاضـي التـاريـخ بالكـتـب احـفـظـوه *** وكـل عــزوه بـالمصـادر سجـّلـوهـا مـا تغاضوا عـن عـناصرهـا ونسـوه *** مـبـطـي أنـسـاب الـقـبـايـل دونـوهـا مـار بـعـض الـقـوم مـاضينـا مـحـوه *** والـمـعـالـم والـسـوالـف غـيـروهـــا كـيـف قـصـر الـعــز بـاد وحـطــمـوه *** حـتّى سـاسـه والـقـواعـد هـدمـوهـا كـيـف عـاثـوا فـي نسـبنـا وحـرفّـّوه *** كيـف خـاضـوا بالأصـول وزوروهـا كـل قـاصـر عـلـم بـالـهـرج اقـنـعـوه *** بـالأسـف كـيـف القبـيـلـه وهـمـوهـا والـعـجـب فـي جـدنـا كـيـف انـقـلـوه *** وغـرّوا الـلاّبـه بأحـاديـث انشروهـا كـيـف وايــل جــدنـا الـثـابـت نــفــوه *** والمـصـادر والـحـقـايـق جـنـبـوهـا الـجــد الـلـي كـذّبـّـوا بــه وأنــكــروه *** وسمعتـه عبـر الـوسايل شـوهوهـا مـا يبـونـه حيث مالـوا صـوب اخـوه *** بالعلـوم الـلي عـلى الباطـل رووهـا جــد شـادوا فـي مـقـامـه وامــدحـوه *** وجـد أصولـه والـفـعـايـل عـيبـوهـا والـجـد الـلـي بـالـمـدايـح ضـخـّمــوه *** مـن كـثـر ترديـد طـريـاه اسمجوهـا لـيـت لـوهــم فـي ضـريـحـه تـرّكـوه *** لـيـت هـامـد جـثـتـه مـا حـركـوهــــا والـلـي مــاهــو جـدهـم لــو مـجّـدوه *** مـا تـفـيـد أمجـاد عـقبـه لو خـذوهـا يـفـخـرون بـجــد مـاهـم مـن بــنــوه *** لبـقّـوا لـه فـي مـبـاحـث صـنـفـوهـا جــدنــا الـلـي فـي ســمــيـه بــدلّـّـوه *** يـتـبـعـون أفـلام تـعـرض دبـلجـوهـا مـن هـضـم حـق القـبـيلـه مـا نـهـوه *** والـقبـيلـه مـا تسمّـى بـغـيـر أبـوهـا حـكـم الـلـي يـنـكـر جـدوده بـيـنـــوه *** واضـحـه حـيـث المشايخ وضّحوهـا والـرسـول المصـطـفى قـال الـعـنـوه *** كـيـف يعـصونـه وأحـاديثـه قـروهـا لـيـتـهـم لـوا خـافــوا الـلـه وأتــّقــوه *** وش يبون الـلي الشريعه خالفـوهـا قال عبدالله بن دهيمش بن عبار مجاراه لقصيدة محمد بن عايد بن دوهان : 168 حـيـيـت يـا قــرم سليـم من الأدنـاس *** نـاصع بـيـاضه ما تدنّـس سـجـلّـه ارسلـت لـه رد الـقـوافـي بـقـرطاس *** يـفـك مـظـروف الـكـتـاب ويــفــلّــه اعـتـز فـي شـرواه مـن بــدّة الـنـاس *** مـحـمـد الـلـي لـلـمـعـاديـن عــلّــه حـيـثـه سلـيـل الـلي للأخصام نسّاس *** دوهـان جـده مـا يـعـرف الـمـذلّـه الفارس اللي على خشوم العـدا داس *** فـادا بـعـمـره واحتمـى دون خـلّـه يسلـم حـفـيـده والبـشـر بـذر غـراس *** أثـني عـلى محـمـد ولا قـلـت زلـّه ومن ينتبه عرق الشغاميم مـا خـاس *** والطيب بشخوص الحمايـل جبـلّه والناس يا محمد بها ذهـب وانحـاس *** والـيـوم كـلـن لـه عـوايـن وشـلـه المنحـرف يجـمع هـلابيـج واخساس *** لـو تـرشـده درب السنع مـا يـدلـه والعـاقـل الـلي لـلـرجـاجـيـل سـوّاس *** عـقـد البلش بـيـن الـرفاقـه يـحلّـه والناس يا محـمد كـما قالـوا اجنـاس *** لكـن بعـضها بدون مـذهـب وملـه يفخـر ومجده دافنه تـحـت الأرمـاس *** يجمخ ولـو أنـه شايل الخزي كلـه جواب عبدالله بن دهيمش بن عبار رداً على محمد بن عايد الدوهان : 169 يـا نـسـل دوهـان لاجــاك الــكـــدر *** يالصديـق الـلي تكـافح مـن أجـلنـا لا يـهـم الـلـي يـشــذ مـن الـبـشــر *** دام حـنـا لـلـرديـه مـا فـعـلـنــــــــا حيث بعض الناس يا محمد غـجـر *** يا زمـيـل العـون عـنهـم مـا سألنـا حنـا وأنتم من قـبـل وقـعـت عـفـر *** مـن قـديـم تـزعـلـون اليـا زعـلـنـا والـلـه أني مـا اخـبـر لـوهـو نـفـر *** بـعـنـزه جـتـه المضّـره مـن عملنـا كـود الـلي مثـل البعـاريـن الصفـر *** قـلـدوا مـن كـان يبحـث عن خللنـا قال عبدالله بن عبار جواب لقصيدة محمد بن دوهان : 170 يا محـمـد الـدوهـان يا نـاطـح الـكـود *** نـفسـك مـلـم الـربـع غـايـة مـنـاهـا لاشـك دون القـصـد يا محـمـد حـفـود *** بعض العفون اللي قريب ن مـداهـا قـام أيـتـحـدّث بـالـنـسـب كـل نـمـرود *** خـبـاث الطبـايـع مـا تـبعنـا هـواهـا نـطـز عـيـن مـحـرف الأصـل بالـعـود *** ما دام ما تشوف الجبل من عماهـا عناز تعـرف من عصر عـامـر العـود *** من خـط تـاريخ العـرب مـا نسـاهـا وكل القبايل يا أبن عـايـد لـهـا جـدود *** وكـل الـقبـايـل بـالـفـعـايـل تـبـاهـــا قـلـتـه ولا أظـن الـعـواري بـهـا فــود *** والنـاس يـرفـع فـعـلـهـا مستـواهـا والـلي شنونـا تعـرف اعـمالهـم سـود *** مـا أريـد أبـيّـن بـالـرذايـل خـزاهــا حتى السفيه الـلي لـه شهـور مجـلـود *** ينشـر كـلام وشيـمتـه مـا حـمـاهـا والـلـه يـا لـولا حـشـيـمـة هـل الجـود *** لـكـود أوضـح خـزيـهـا واهــجـاهـا قال عبدالله بن دهيمش بن عبار هذه القصيدة جواب لقصيدة محمد بن عايد بن دوهان : 171 بـك يا أبـو عبد العزيـز الراس طـال *** كــلــمــتـك لـو رددت مــا امـلــهــا بالكـرم والطيـب نضرب بـك امـثـال *** والـحـمـيـه عـزوتـك طـبـعـن لـهــا يـا عـضيـدي بـالكـفـاح وبالـنـضـال *** ضـد الـقـوم الـلـي الـوهـم زوّلـهــا يالـمهـوهي كـل منـطـوقـك صـمـال *** ولـو تـكـف أهـل العلوم أزيـن لـهـا حـيـث أنـا مـجـهــد ولـلـه الـكـمــال *** قـلـتـهـا وأهـل الـتـجـاهـل قــلـّـهـــا مـجـتـهــد والـلـه عــلـيـه الأتـكـــال *** والنـحـوس أهـل السـفـاهـه خـلـهـا والـجـهـد مـا يـجـحـده ولـد الحـلال *** تجحـد أهـل الحسد مهما اعـمل لهـا لـلـمـراجـل والــمـفـاخــر مـا يــنـال *** كــود سـتـر الـلـي تـقـض اقـذلـهــا شـيـخ وايـل بـالـجـنـوب وبالشمـال *** أخـو بـتـلا الـلـي القـلـوب احـتـلهـا عــزوة الـهــذال مـا مـنـهــم انــذال *** كـل عـنـزي فـيـه خـيـر أيـجـلـهــــا وأبـو ثـامـر نـعـم بـه ذرب الـفـعـال *** مـثـل الـصـيـرم كـل جـزلـه شـلّـهـا يـوم خـطـو الشيخ هـمـه جمع مـال *** يـدرق أهـل الـمـال وايـخـتـلـهــــــا مجـلسه تـلـقـاه مـع رجـل الـعـمـال *** أو مـع الـلـي الـحـاشـيـه يـبـذلـهــا ولا أبــو ثــامــر نــزيــه ولا يــزال *** مــا وطــت رجــلــه بــنـاعـم زلـهـا يـسـعى لـلعـزوه اليـا جـالـه مـجـال *** ولـو تـجي بالهـوش روحـه صلهـا ما يعـرف الشيخ كـبـر ولا احـتيـال *** نــفـسـه الــخــيـلاء مــا خــيـّـلــهـا قال عبدالله بن عبار رداً على محمد بن دوهان : 172 يا محمد يا بن دوهان خذ مرد لقافك خـذ قافك لـو أنه صعيب يشبه للقراح العـذب من بغا القول الصمال ناظر للمعقول وقذ ياخذ بالعلم الوكاد مايجذبه الكاذب جذب الـلي يكتب بالتزوير حطوه البحّاث الفـذ كما تذكر بعض القوم زمّر وطبّـل بالكذب كانه خالف قول الحق كلام الباطل له لـذ يامحمد مثل ما قلت بالقبيله يشذب شذب تجاوز هرج الحسّاد عد الحق وبالله عـذ الجمل شال الثقيل والحاشي يبرك بالوذب قال عبدالله بن دهيمش بن عبار هذه القصيدة جواب لقصيدة محمد بن عايد الدوهان : 173 تـعـيـش يـا قــرمٍ فـريـد مـن الأفـراد *** يـالـنـادر الـلـي كـل طـرقـه سـنيـعـه اعـني محمـد دوم لـي عضد واسنـاد *** الـلي الحـمـيـا والـكـرم لـه طـبـيـعـه يشيد بجهودي عـلى روس الأشهـاد *** عسى فـداه أهـل الـعلـوم الـوضيعـه ما جامل أصحاب الضغاين والأحقـاد *** نـوّه بـزيـف أهـل الـدّجـل والخديعـه دايـم يـضـد الـلـي أيـتـحـدون بـعـنـاد *** والـلي أنعـوج فـي منهجه ما يطيعه حـيثـه شبيـه السيـف فـي كـف جـلاّد *** الـيـا لـمع تخشى العـدا مـن لميـعـه المنصف الـلي كـافـح الخصم بجهـاد *** أمـجـده وأغـلـيـه واشـكـر صـنيـعـه والـلي يـعـوث بـغـرتي قصد واعمـاد *** بأرخـص ثـمـن كوبـان حظّـه يبيعـه ولا أنـت تفخـر في مفـاعيـل الأجـداد *** والشايـب الـلي فـاز يـوم الـوقـيـعـه دوهـان سيفـه يـوم سلّـه من اغـمـاد *** رثـع بـشـقـران الـشـوارب رثـيـعــه ويـوم السبـايـا بالبـواسل لـهـا طـراد *** عـدوان ربـعـك يـحتـرون القـطيعـه لا جـوا هـل العـرفا على هجن وجياد *** من جـوه فـي صوله تصيبه خريعه أمـا الـكـرم عـاداتـهـم حـطّـت الــزاد *** يـوم السنيـن المقـحطـات الشـنيـعـه خـلـفـة معّـلا الـيـا زمـا الجـمع هـدّاد *** عـلى الخصيـم يضيقـون الـوسيـعـه قال عبدالله بن دهيمش بن عبار هذه الأبيات مجاوباً الشاعر محمد بن عايد بن دوهان أبو عبدالعزيز : 174 يا نسـل دوهـان تسلم عشت يالقـرم النبـيـل تـمـدح وتـثـني عـلـيـه الـولي يجـزاك خـيـر قـلت ولحضرتك مني وافـر الشكـر الجزيـل وأشكر الـلي بالقروب كل الأعضاء والمدير النسب مـابـه تلاعب لعنـزة عشرين جـيـل مـن أسـد الجـد الأول مـا بجدودهم الحـقيـر مـن نـفى جـد القبيلـة كـل منطوقـه هـزيـل مـالـنـا بـجـد القـرايـب جـدنـا وايـل شهيـر المصادر والمراجع وضّحـت عـنـا الدليـل مثل أبن خلدون وأبن الطبري وأبن الأثير جواب عبدالله بن دهيمش بن عبار على الشاعر محمد بن عايد الدوهان : 175 يـا هـلا ومرحبابـك عـشت يا نسل عـايـد يـوم قـلـت القـوافـي تسنـد الـقـول لـيـه ذكـرت كـل الحـقـايـق دون ناقص وزايـد أنـظـر وش بالمصادر وأنا مالي دعـيـه حـرب ذي قـار واضـح عـنـد كـل البـدايـد العـفـوا مـا وعـيـتـه صـار بالجـاهـلـيـه قـبـل هـجـرة محـمـد فـي صفاح الجـرايـد بـالـمـراجـع مسجـل يـا زبـون الـونـيـه نـصـرهـم بالـرمـاح ومـرهـفـات الحـدايـد ونصرهـم بالشجاعه والعـزوم القـويـه أبـن مـسـعـود هـانـي كـان سـيّـد وقــايـد وحـنظـلـه بالمـعـارك قـاد كـل الـسمـيّـه يــوم كــنــا لـهــازم لـلـقــرايـب سـنـايــد جـمعـنـا هـو فـزعهـم دوم فـي كـل هيّـه يـا أبـو عـبـدالعـزيـز اليـوم خـلّك محـايـد حـتّى لـو شفت كـذبه كبـر قـارت طميـه وأن سمعـت الأشاعـه خـلهـا رون سايـد وحـرب ذي قـار مـاهي يا محـمد خـفيـه |
قال عبدالله بن دهيمش بن عبار هذه القصيدة جواب للشاعر نهيّر بن رخيّص المضياني العنزي : 176 يا أبن رخيّص سرنـي مـنـك تـمجـيـد *** جـهـدن بـذلـت لعـزوني يعتبـر هـام تـاريـخ مبـطي لـه مـراجـع وأسانـيـد *** مـا هـو كـلام مـرّوج الـهــرج نـمّـام وبعض العلوم تسوّد الوجـه تسويـد *** مثـل الـذي حصل قـبـل عـدّة أعـوام الـلي يحسّـب نـقـل الأنـسـاب بـالأيـد *** يصـدر عـلى وايـل قـوانيـن واحكـام لـولاه مسجّـل نسـب عـنـّاز بـالـقـيـد *** يبـون نـقـل أنسابنا غـصب وأرغـام قلنـا لهـم يـا نـاس عـيـب ومـنـاقـيـد *** مجد عنزة معـروف بالشرق والشام مجد عـنـزه عـنـد الـعـرب والأكاريد *** والتـرك تـشهـد بالحقايـق والأعجـام أنـا افـتـخــر بـمـروبـيـن الـبـغـاديــد *** مثـل البطـل سعـران وجـديـع ودهـام وجدعان زبن الجاذيـة خـلفـة مهيـد *** والـبـيـك فـهــد والـدريـعـي وسـطّـام المدح يزها القحص والقرم أبن زيد *** وقـفـاتـهــم تـذكـر عـلـى مـر الأيـــام والـكـل يـذكـر مـوقـف مـهـلي عبيـد *** سـاس الحـمـيّـة سـار بـالـربـع قـدّام الطيـب يـا نـهـيّـر بـالأجـواد تعـويـد *** والطيّـب الـلي بالفخـر يشبه اعـصام عندك خبر وش قـال عـدوان لسعيد *** أنـا أشهد أنـه يافتى الجود ما أيـلام يالقـرم كـيـف المخـمريـن المـلابـيـد *** الـكــل ربـعــه يـنـدبــونــه ولا قــــام مـابــه مـعـّـزه لـلـرفـاقـه ولا يـفـيـد *** ويفـرح اليـا جـالـه مـن الربـع عـّزام الـيـوم قـامـوا يـالسنـافـي بـتجهـيـد *** عن الشكـر منطوقهـم سـب واشتـام الـكـل يـبـي يـقـال لـه سـم يـا سـيـد *** لاشـك راحـت كـنهـا اضغـاث الأحـلام قال عبدالله بن دهيمش بن عبار هذه القصيد الجوابية رد على الشاعر نهيّر بن رخيّص المضياني : 177 يا أبن رخـيّـص يا حفـيـد المنـاعيـر *** يالوايـلي جتـني تهـانيـك بالعـيـد مشكور يا نهير ولا مـنـك تـقـصيـر *** عسى يفـداك البايهيـن الـنمـاريـد يامـن تعـبّـر عـن مشاعـرك تعـبيـر *** هرجك صريح تفنّد القـول تـفنيـد كـلامك أحـلا مـن حـليـب المباكـيـر *** در البـكـار المسمنـات المصاعيـد تـعـيش يـا ريـف الـبـداه المساييـر *** أنـت الـذي تزهى الـثنـا والتحاميد عساك في حفظ الولي رازق الطير *** الواحد اللي يبدي الخـلـق وأيعـيـد نطلب عسى رب الخلايق لنا أيجير *** من شـر سـؤ الشامتين المحاقـيـد يـا نـهـيّـر أهـل البلبـلـة والمعايـيـر *** ربك عثرهم يوم حادوا عن السيد يا نهيّـر الـلي زوّر الهـرج تـزويـر *** ظـالـم ولالـه عـنـد ربـه مـجـاويــد عـصـر المكايـد وانفـلات المعاييـر *** يا كـثـر الـلي بالأجهـزة لـه تغاريـد والكـل بـالأنسـاب يـكتـب تـقـاريـر *** عـلـى هــواه يـحـدد الـجـد تـحـديـد خـلـّوا شمـل عنـاز شتى وشعاثير *** لومي على اللي شرّد الشمل تشريد من صاغ مشهد غير الأصل تغيير *** ننفاه ما نقبـل عـلى الساس تجديـد قولـوا لـلي وهّـم شيـوخ ومخاتير *** خـلـوه يـعـطـيـهـم دلايـل وأسـانـيـد الكـل يكـتـب بالـنسب دون تـبريـر *** وأصبح يخوض بمجدنا زيد وعبيد حنـا عنزة من نسل وايـل مغـاوير *** مبطي تعـودنـا عـلى الطيـب تعـويد جـد عنـزه عـقّب شعوب وجماهير *** قـبـايـلـه مـا تـنحـصـي بـالـتعـاديـد وقال عبدالله بن دهيمش بن عبار جواب نهيّر بن رخيّص المضياني : 178 يـابـن رخيّص من كلامـك تشكّـرت *** اشكـر جـنـابـك يالفهيـم البـصيـري حيـيـت يالـلي بالنظـر فـوق بحّرت *** تشبح عـلى العـليـا وقـدرك كبيـري قـدمـت تـبي الطـايـلـه مـا تـأخّـرت *** ترغب مثل مـا نـال زبن الحريـري عـادتـك تـفـرح بالمسّيـر وسـيـّرت *** صوب الرجال اللي تعـز القصيـري وعـن رفقت اللي ما يجمّل تعـذرت *** حيث الردي عن عشرته تستخيري عـسـاك دايـم مـبـتـهـج مـا تقشّرت *** وأنت الـذي مثلـك لـربـعـه سفيـري يامن سهرت الليل للقـاف ساهـرت *** تسهر وعفت النوم فوق السريـري مثلـك من هجـوس الروابع تكـدرت *** سمعـت حـولي للحيـايـا صـفـيـري يا نـهـيـّر أنـا فـي زمـاني تحـيـرت *** أسبـاب الـلي ودّه يعـرقـل مسيـري ماني من اللي لنسب عنّاز حورت *** تـبعـت أبـن خلدون هـو والجـزيري من الّلابـه الـلي مابهم يوم قصّرت *** مـا عاملوني مـثـل زيـد المـطيـري بنيـت وأسست القـواعـد وعـمّـرت *** القصـر الـلي قـبلي لـواه السديـري يا ليـت من قـول السديري تحّذّرت *** مـابـه ذرى عـن لافحات الهجيـري في مامضى يالقرم مجهد وغامرت *** وفـعـل المراجـل يالسنافي عسيري لاشــك لا تـلـومـنـي لــو تــذمّــرت *** لـقـيـت فـي وكـر الصيـارم قـمـيـري الـوضع لـه يا مسنـدي مـا تصوّرت *** شبـل الأسد ملبـد بـغـار الـغـريري نـدمـت يـا نـسـل الـكـرام وتحسّرت *** وطلبت الـلي مالـه بملكـه خشيري هو العليم بكل مـا أعلنت واسررت *** الـخـالـق الـرزّاق عـنـده مـصيـري والضاهر أني يا أبن الأجواد قررّت *** أرتـاح من طـرد الشقا واستخيري جواب عبدالله بن دهيمش بن عبار رداً على الشاعر نهيّر بن رخيًّص : 179 لـفـانـي الـخـط مـن عـرعـر *** ديـرة هـل السلّـم والـمـلّـه عسى يدهـجهـا مـزون غـر *** ويسيـل حـوران ومـضـلّـه تـلـقـا الكـمـا بالحـمـاد زبّـر *** يـزمـي مـثـل نـابـي الـتـلّـه تعـيـش يالـلي بجـهـدي قـر *** مـا دار بـالـصاحـب الخـلّـه قيفـان نهـيّـر حكـم واعـبـر *** جـاني جوابـه وأنـا ارسلّـه يا أبـن رخيّص كفيت الشّر *** شـرواك درب الـسـنـع دلّـه الـلـي ظـلم منطقه مـا ضـر *** وش عـاد لـو يجـمـع شّلـه غـل الحسد في ضميره ور *** والحـقـد سـبـبّ لـه الـعـلّـه واللي مع أهل الحسد ينجر *** مـلـزوم الأهـداف يـفـطـلّـه والـلي حـفـر للرفيق احفـر *** يـخـزيــه مـولاي وأيـذلــه قال عبدالله بم دهيمش بن عبار رداً على نهيّر بن رخيّص : 180 مـرحـبـا حـيـيـت يـانـسـل الـكــرام *** يامن عـبـر الـنـت منظـومـك لفـاني يالزميـل أسرعت فـي ردّي شمـام *** والثـنـاء والشكـر يلهـج بـه لسـاني يابن رخيّص كـل منطـوقـك تـمـام *** حيـث ساسك من عـريـبين المجـاني مـن هـل الصبحا الـيـا ثـار العسام *** فـزعـت المضهـود طـلقيـن اليمانـي عسى يفدى حضرتك خطو الخمام *** جـاحـد المـعـروف قـلـيـل الحسانـي مـا يـهـمـونـي خـفـافـيـش الظــلام *** مجتهـد والـلـه حسيب الـلي هجـاني الـبـحـوث الـجــاده تـبـي اهـتـمــام *** مـاهـي كبسات البشـاور بالصيـانـي بـالـحـمـايـل صـار تـغـيـيـر النـظـام *** كـم طـيّـب بـالـعـرب عـقّـب هـدانـي الـصـوارم فـي مــواكـرهـا حـمــام *** والأسـود اشـبـالهـا صـارت حصاني قـلـتـهـا واهـديـك مـنـي بـالـخـتـام *** تـهـنـيـه بـمنـاسبـة عـيـد رمضـاني |
وقال عبدالله بن عبار هذه الأبيات جواب لأبيات عبدالله بن حابس ذيب عنزة : 181 طـاب بـدع الـقـاف والمـنـظـوم جـاز *** مـرحـبـا حـيـيـت يـا ذيـب عـــنــزة لـي مـرام أنشـدك والمقـصـد الـغـاز *** كـيـف ضـعـنـا كـمـا تـضيـع خــرزه قـام يـلـعـب بـالنسب خـطـو الخـنـاز *** حـتى الـلي يرضع صخولـه ومعـزه مـن تـعـبـث بـالـنـسـب مـسـعـاه بـاز *** يـقــمـح الـلـي جـد عـنـاز هــمـــزه مـا خـبـرت الـجـد يـوصـف بالطـراز *** والـفـهـيـم الـعـلـم بـالـصـدر كـنـزه وش بـلا الـلي حـط فـوق الـنـار قـاز *** واعجـبـه مـن غـال حـلـقـه وتـرزه يجـحـد الـواقـع ويـشـطـح بـانحـيـاز *** غــّره الـشيـطـان وإبـلـيـس انـغـزه وأحـمـد الـرحمن نـمشي فـي عـزاز *** مـن سلك قـرشع عن الدرب حجـزه مـن هـلـش يالقـرم بـالـقـاع الـغـراز *** بـالـنــدامــه ضـب قـلــبــه وغــرزه كيـف يا أبـن الـوائلي جـبـر الـقـزاز *** يـوم خـطـو الـتـيـح بالـهـيـم مـحـزه جـاك قـافـي وأنـت تـفـهـم كـل عــاز *** يـالــمـدرّب يـا عــريــف الـمـفـرزه وضـعـنـا يـالـقـرم يـحـتـاج احـتـراز *** ضـد الـلـي عـجـن نـسـبـنـا وخـبـزه حــط عـنـزة مـثـل قـطـيـع الـهـــواز *** حــّرف الـتـاريـخ والـصـدّق انـقـزه عبدالله بن دهيمش بن عبار هذه القصيدة جواب لقصيدة الشاعر خليف بن سعيّد العطعوط الحسني : 182 يا خليـف مقصودك فهمنـاه كـلّـه *** معـنـاه هـو شفي وغايـة مـرادي هـرجك صحيح وفكرتـك مستغّـله *** وأنـت الذي وقت اللّوازم سنادي تعـيش يالـلي مـا بـدت منـك زلّـه *** دايـم عـلى علوم الفضيله تنـادي حيثك شبيـه الحـيـد يـلـجـأ لضلـه *** عـن الهجير وعن لفيح البـرادي شروى جنابك صاحبه مـا يـملّـه *** الـلـه يعـزّك يـا عـريـب الجـدادي يـا أبـن سعيّـد غـامـط الحق قـلّـه *** يصيـر عـن ظلـم الخلايق حيادي الـلي الـقـرابـه بالمـكـايـد حـبّـلـه *** ياليت لـو عـد الصحيح الوكـادي والـلي حكا بالـزور ما أحـدٍ فطله *** الـكـذب مـاهـو للحـقـايـق يـلادي ومن ينكـرالمجهود ياخليف خلّـه *** لـو حـثّـه النّاصح يزيـده عنـادي الـلي بقـلبـه يا أبن الأجواد غـلّـه *** يجحـد ثناي ولا يشوف اجتهادي يا كثـر الـلي هـرجه نحطّه بسلّـه *** حيثـه عـلى ماقيـل هـذر ودوادي ياما أجتمع ضدي من القوم شلّـه *** يـبـون تطلس سمعتي بالسوادي ومن عانه الرحمن قصده وصلّه *** أمشي عدل الـلـه عليه اعتمادي قال عبدالله بن دهيمش بن عبار هذه القصيدة جواب لقصيدة الشاعر منصور بن عبدالله العبار يقول : 183 قـال الـذي من خاطره يعرب اعـراب *** رد الجواب الـلي لفاني عـلى الويـب مـهـديـه قـرم يـفـتـهم كـل الأوجــاب *** منصور قافـه يطـرب البال تطـريـب مـني لأخـو مشعـل تحـيـه وتـرحـاب *** اعـداد مـا لاحـوا عـلى شمّـخ النيـب واعداد مافوق البسيطة من اعشاب *** واعـداد مـا تكتـب رقـوم الحـواسيب عساك في حفظ الـولي رب الأربـاب *** يحفـظـك خـلاّق المـلأ عـالـم الغـيـب يـسـعـدنـي أنـك للـجـزيـلات كـسّـاب *** وتنجح اليـا مـرّت عـليـك التجاريـب باغيـك تستـر غـيبتي عـنـد الأجناب *** وتـرفع مقـامي بـيـن كـل الأصاحيب والحمد لـلـه صايب الرأي ما أيعـاب *** لـو عـذربـوه مـروجـيـن الأكـاذيـــب مـا يـبـلـغ المقـصد مخـادع ونـصّاب *** لابـد مـا تـكشـف جـمـيـع الألاعـيـب حـنـا ضـنـا عـنّــاز والـعــرق جــّذاب *** ولا يغـيّـر الـواقـع ختـوم المناصيب الختم يصنع من مقاصيص الأخشاب *** كانه صبغ حبره عـلى الظلم ماهيب الختـم ختـم الـلي نـفـع كـل الأصحاب *** الشيخ أخو بقشه مهدي الأصاعيب والأمعط اللي لعـزوته سور وحجـاب *** وقـف لهم يـوم السنين الشـلاهـيـب وقـيران وقـت الملـزمه جـر الأسباب *** ختمه نفع عنـاز من غـيـر تـثـريـب وعلم الفخر والمرجله حازها شهاب *** الـلي حمى زلـوم وصويـر وهـديـب ونال الفخر برجس ومشعان وعقاب *** وأبـن مهيـد مشبـب الغـوش تشبيب الـلي يـنـادي بالعـشا وقـت الأجـداب *** تـنـصـاه حـولات الـبـداه المـراكـيـب صيـد الـرجـال الـلي يفكون الأنشاب *** أهـل الحجى بالمعضلات المصاعيب يوم الفخر والمجد في شلف وحراب *** فـوق السـبـايـا يـاخـذون الأعـاريـب والـيـوم لـلـي لـسـنـهـم تـقـل نـشّـاب *** تـوازنـت لـمـدوريـن الـمـشـاعـيــب سود القلوب مفرقـّت شمـل الأحبـاب *** والـكـل منـهـم جـنّـب الحـق تجنيـب مـا يـربـح الـلـي لـلمـغـريـن يـغـتاب *** ينشر عـلـوم الهيـف شرق وتغاريب يـرسـل نـديـبـه بـالـهـرابـيـد نـجّــاب *** دايــم يـدوّج بـالـديـاويـن وايـلـيـــب اليوم حتى الـلي تحسّى من الأكـواب *** يشمت وهـو عـيـبه لـحـد التـلابيـب قـلتـه ولانـي مـن هـل البغي مـرتـاب *** الظلم يوجد من عصر نوح وشعيب الظالم الـلي ما عـرف نفض الأجـياب *** حسيبه الـلـه لـه من الـرب تعـذيـب لـي يشهدون أهـل الضماير والألبـاب *** لهـم عـلى من يلفض الزور تعقيب لاشك من يثبت عـلى الحق مـا هـاب *** دامـه عـفيـف ولا ذكـر بـه شواذيب رد عبدالله بن دهيمش العبار على نجله النقيب منصور بن عبدالله العبار : 184 تسلـم عـلى نظـم البيـوت الجـزيـلـه *** وتعـيش يا منصور يحفظك مـولاك الـلـي حـسـد مـالـه عـلـيـه وسـيـلـه *** ولاله مطالب يا عسى الرب يرعاك مـا قـلـت قـول ألا مـوضـّح دلـيـلـــه *** ولاهـمني مـن كـان جـاحـد وشكّاك شيـن الضميـر الـلي علومه هـزيلـه *** وش عـاد لـو مـالـه دعـيـه تبلواك أعـتـز بـأصحـاب الـخـلاق الـنبـيـلـه *** الـلي أن كان اطريتهم قيل شرواك ومن دار عيبي ما حصل له حصيلـه *** حسيبه الله خالقي مجـري الأفـلاك قال عبدالله بن دهيمش بن عبار العنزي هذه القصيدة جواب لقصيدة الشيخ مهجع بن هويدي الحسني العنزي : 185 أزكـى تـحيّـة من ضميري وترحـاب *** في شعـر أبـو سلطان نزه العباره يا مرحبابـه عـدد منبـوت الأعشـاب *** بأرض الفياض المريفه والفقـاره يامهجع بن خضير ياوافي الأوجاب *** يامن عـلـوم الطيب سلمه وكـاره ما كل رامـي لا رمى للهـدف صـاب *** ولا كـل متحـدث يخـوض بجـداره ومن قـال أبن قاسط لـنـا جـد كـذّاب *** حـنـا عـنـزه مـا جـدنـا بـالأعـاره حـنـا نـعتـز بجـدنـا عـبـر الأحـقـاب *** وايـل عـنـزه مـا رضـينـا بغيـاره الـجـد مـاهـو سـلـعـة عـنـد جــلاّب *** ولا تاجـد الـلي يصنّفـه بأختيـاره الجـد ثـابـت مـن مـواريـث شـيّـاب *** والـزرع يجنا من غـرايس بـذاره قـلـتـه وأنـا يـالـقـرم لـلحـق طّـلاّب *** والحق واضح مثل ضوح المناره عن الزمل عدي على راس مرقاب *** ولا خـيـر بالـلي مـا بعينه نـمـاره واللي كلامه صدق ما أظـن يرتـاب *** ما أشكل عليه اللي يجمّع أنصاره وعندك خبر مـا يبلغ القصد نصّاب *** الـلـي عـنـزه يـحـطـهـا بالحـقـاره من حرّف التاريخ يا مسندي خـاب *** تـاه الـدلـيـل وضـيـعـه مستشـاره جميع حاسد تحترق منه الأعصاب *** مـالـه طـلـب لاشك حسد ونـغـاره الشرع يقضي بين عوجان الأعراب *** ولا ينجحون أهل النكد والقماره قال عبدالله بن دهيمش بن عبار يسند على مهجع بن هويدي الحسني : 186 يا مهجع المسك ينعش كل من شمّـه *** والكيـر ريـح الشـذى لـوّث نفـانيفـه بعـض المجالس يا مهجـع لهـا رمّـه *** من قام منها كما من قـام عن جيفـه تسمع بها الغيبه وتسمع بهـا النـمّـه *** والثرثري يملي مهـاجي خـواريـفـه بعض السوالف تغيض الخاطر مطمّه *** ولا كل من سولف تصدّق سواليفه ما توخـذ السالفه مـن هـافـي الـذّمـه *** الـلي يـنمّـق بـالـدعايـه عـجـاريـفـه لو قيل له فمك عن هرج الخطآ صمّه *** من بان ظلمه جـاز ردعـه وتأنيفـه درب المتاهـه ضاع مـن يتجـه يـمّـه *** والكـذب مـا تـقـبـل العـقّـال تصنيفـه ومـن لا يمحّص ثبـات العـلم لا خمّـه *** يـنـدم عـلى نشره وتكـثـر تحاسيفـه حسيـبي لـلـه جـالـي الـهـم والـغـمّـه *** عـلى الـذي ينشـر دعـاياتـه وزيـفـه عـزوة ربـيـعـه قـبـايـل تـعـتـبـر أمّـه *** مـن الـذي فـصّـل ربـيـعـه بـتـأليـفـه الـلي عـمـل واجتهد حتى العمل تمّـه *** مهما بلغ كيـد الحواسيد مـا ايخيفـه الواثّق الـلي صدح بالحـق مـا هـمّـه *** حكي الهذور الـلي يبلبل عـلى كيـفه الـكـيـد مـا يـوصـل المثـبـور للـقـمّـه *** ولا ظـن ينفع ضليل العـقـل تثقيـفـه وش ينبغى بالـلي يـبـور ابـني عـمـه *** ذاك الـذي يبخـل بختمـه وتـعـريفـه من يحمل الحقد شمـل الربع مـا لمّـه *** لـزومـه بـربعـه القطّـات والضيـفـه ومـن بـه حميـه يجـود لـربعـه بدمـه *** هم درعه الواقي وهم رمحه وسيفه واللي من الكبر بـه زومـه وبـه زمّه *** يطمـن وتكثـر في زمـانـه صواديفه والـيـا تكاسل خـامـل العـزم والهـمـه *** ما فـاد فـي صعـب المهمـات تكليفه من يقصر رشاه ما يارد على الجمّـه *** والـرس ما يروي الظامي مغاريفـه الحظف يقذف عـلى من يأمنـه سمّـه *** لا تأمن الحظف منه الريب والحيفه قال عبدالله بن دهيمش بن عبار هذه القصيدة رد على قصيدة الشاعر فارس بن زعل الضميني الولدعي يقول : 187 مبـداي بـالـلي عـالـم بكل مـا أخفيـت *** رب الـمـلأ محـيـي هـمـيـد الشتـايـل الـخـالـق الـلـي مـا لـغـيـره تـرجـيـت *** نـعـوذ بـه مـن حـر صـلـوا المـلايـل بـديـت بـاسـمـه ثــم لـلـقـاف رديـــت *** عـلى الـزميل الـلي بعـث لي رسايل فارس سليـل ظمين علمـه كمـا اللّيت *** مـن سـاس لابـه يقحمـون الدبـايـل يـوم النـخـاوي والحـدا والمصاويـت *** بالعـصر الـلي بالناس صايل وجايل عـزوتك الـلي يالقـرم فيهم تعـزويت *** نـاقـتـهـم الـمـلـحـا تـرود الـخـمـايـل ولادعـه كـانـك لـلأجـواد عــديـــــت *** فـازوا بـعـلـم الـمـرجـلـه والـنـفـايـل ولادعـه يـوم الـمـزاهـب حـتــاحـيـت *** تـلـقـا حــمـيـل الـبـن مـثـل النـثـايـل واشكـرك حـيثـك للحقـايـق تمـاليـت *** وجـهـرت في صدق العلـوم الصمايل لـك الشـكـر يـالـولـدعـي مـا تـرديـت *** وعـسـى فـداك مـفتـقـيـن الـخـلايــل منصف ومن بعض العـلوم اشمئزيت *** والمنصـفيـن اليـوم صـاروا قـلايـل بعـض الهدايـف مـن لغـاهـم تـوذيـت *** ولا أجـاري اصحاب القلوب الهبايل مهما حصل لي من نكـد ما تشكويـت *** اصبـر الـيـا ضاقـت وساع المحايـل قـلـتـه وأنـا عـن واجـبي مـا تـونيـت *** ذكــرت بـكـتـابـي جــميـع الـعـوايـل وعـن الـلي عابوا عـزوتي ما تغبيت *** كافحـت كـل أهـل الـدّجـل والتحـايـل يـامـا عـلـى الـدار الـبـعـيـده تـعـنيـت *** اجـمـع مـن تـراث القبيـلـه حصايـل العـزوه الـلي فـي فـخـرهم تـبـاهـيـت *** اكـتـب مـفـاخـرهـم ولانـي مـسـايـل الـعـزوة الـلـي فـي حـمـاهـم تـربـيـت *** زمّــلٍ يــدنّـى لـلـحـمــول الـثـقـايـل من خيـبـر الحـرّه إلـى حـدود تكريـت *** داجـوا بـها الـويـلان فـوق الرحايل من ديـرة الشنبـل اليـا منطـقـة هـيـت *** يرعـون من حطيّن لأرض السلايل يرعـون في حـد السيـوف المصاليـت *** حـدب الظهـور المرهفات الصقايل مشوا بطريـق العـز فـي كـل تـوقـيـت *** سـتـر الـعـذارى نـاقضات الجـدايـل والخاتامه عـلى اشـرف الخلق صلّيت *** شـفـيـعـنـا المخـتـار يـوم الهـوايـل |
جواب عبدالله بن عبار على أبيات علي الطويلعي : 188 عشت يالـلي عندنـا عـالي مكـانـه *** صح لسانك يا سليل القـرم ثاني يا عـلي يفـداك مـن يطـلـق لسانـه *** مثـل خطات العـزوم بـلا عـناني الـردي كـوبـان لـو ينشر اعـلانـه *** مـا يبوق بصاحبه كـود الهـداني حـرضه حـاقـد وبـه كـيـد ولعـانـه *** زوّر التـاريـخ وأفـتـن بالعـوانـي وصدقـه من كـان في عقله سكانه *** وكـل مـا سووا لك الله ما خفاني الصقـر صـار الرقيعي في مكـانـه *** والأسود اشبالها صارت حصاني جواب عبدالله بن عبار على زميله علي بن ثاني الطويلعي : 189 تعـيـش يا نسل الـرجـال المـنـاعـيـر *** يا عـلـي بـن ثـانـي عـزيـز النزايل أطلب عسى رب الخلايق لك ايجير *** ويـكـفـيـك ربـك شـر سـؤ الهـوايـل جـانـي كلامـك فيه صـدق التعابيـر *** عـسى فـداك مـدوريـن الـفـشـايـــل أهـل العـلوم الـلي تجيـب المعاييـر *** للـحــاقـد الفـاسـد مـطـايـا وزمـايـل الشلّـه الـلـي يـنشـرون المنـاشيـر *** أهـل الـقـلـوب الـلي تكـن الـدغـايـل دايم هدفهم مع اللـي يدهـن السيـر *** ولاهـم مـن الـلي يكسبـون الجمايـل قلـته وأنا استثـني طـوال الأشابيـر *** الـلي عـلـومـه بالمجـالس صمايـل جواب عبدالله بن دهيمش بن عبار على حميد بن غضيان بن حمرون : 190 جـتني رسالـه مـن حصان المطاليـب *** أبـن حـمرون الـلي أخـلاقـه نبـيـلـه الجعفري يعرب عـن المـدح تعـريـب *** شـرفـنـي الـمنـعـور بـحـروف قـيـلـه مـن ساس لابـه يفهمـون المواجيـب *** جـعـافـره أهـل الـيـديـن الـطـويـلــــه خزمت من جـنّب عـن الحـق تجنيـب *** ولا طعت قـول أهـل العقول الضليلـه الـلي عـلـومـه بالمجـالس طبـاطيـب *** بـث الـدعـايـه مـا تــبّـرد غـلـيـلـــــه خطو السفيه الـلي جيوبه بها العيـب *** نـدعـان مثـل الـلي يلـوقص بـذيـلـه تشهد لمجهـودي جـميـع الأصاحيـب *** مجهد لـك الـلـه مـا ذخـرت الوسيله عـنـد القـبـيـلـة عـزوتـي والأجـانيب *** مـن حـمـد ربـي مـا جنيـت الفشيلـه قال عبدالله بن دهيمش بن عبار هذه القصيدة جواب لقصيدة الشاعر محمد بن معتق اليمني العنزي : 191 جـانـي مـن محمـد عـبارات واشعـار *** كوّش شعرراسي من القاف تكويش منطوق لفضـه لـه مع الناس تعـبـار *** شاعر فحل مـا طبّش القـول تطبيش قلته وأنا لك يا أبيض الـوجـه شكّـار *** حيثك من الفزعـه اليا صار تهويش تـعـيش يالـمـنـعـور يـا نـبـه الأفـكـار *** يـفدونـك أهـل البلبلـه والخـتـاريش لـك الـشـكـر بـعـداد مـن لـلـحـرم زار *** وأعداد ما ينبت من القشع والهيش واعـداد ما فوق البسيطه من احجـار *** واعداد مـزبـور الـرمـال المهـاليش يامن نصيّت القاف صوب أبن عبـار *** لـك الشكر عـلى مـديح أبن جحليش الشيـخ أبـو معـتـق مـن المـال خسّار *** يحـط مـا حـاشت يـميـنـه تحـاويش مثـل الجبل يذري اليـاهـب الأعصـار *** لا قرشع العاصوف عرزالة الخيش يـاجـب عـليـه شكـر الأجـواد تـكـرار *** أهـل الكرم وأهل الوجيه المباشيش يا محـمـد المعـتـق أفـيـدك بالأسـرار *** عن مقصد اللي يدورون الشوابيش وأخبـرك بالـلي لجهـدنا يبـدي أنـكـار *** الـلي عـلى شـظي القبيلـه مبـاليش خـاب وخسـر مـن كـان خاين وغـّدار *** حيثه ينخّش بـالي الـرمس تنخيش هــذاك دربــه سـد مـافـيــه مـعــبــار *** لـو كان خيّش قـدوة الـقـوم تخييش مـن حـّرف التاريخ نـقـولهـا اجـهـار *** ما يرعوي يا مسندي كـود تجحيش أنظـر تـراث الـربع بقطـوف الأزهار *** وأنساب وايل من عصردولة قريش نكتب نسـب عـنـّاز فـي كـل الأقـطـار *** الـلي عـداهـم مـن لقـاهـم مخـاريش ولـفـتـهـا وأبـرز مـفـاخـر هـل الـكـار *** ولاني بحال أهل القلوب المغاشيش وثّــقـت مــا دوّنـت مـن قــدم الأدوار *** ولاهمني مـن حرّش القوم تحريش والهرج كانه راج مـن بعض الأنفـار *** هـذا نفيح صدورهم عـقـب تحشيش أن كـان قامـوا ضدنـا عـوج الأشوار *** الـلي يبيعـون الـبـخـت بالبخـاشيش بـأهـل الـفـخـر نـفخـر ونـذم الأشرار *** الـلي لهـم بـلحـوم الأجـواد تنهـيش وعسى الذي لعراض الأجواد عـقّـار *** يسطي به العبرود أو شوكت حنيش وقال عبدالله بن دهيمش بن عبار هذه الأبيات جواب للأخ الشاعر عطا بن بندر السلمي العنزي : 192 يـا عـطـا حـييـت وأهـديـك السّلام *** مـرحبـا يا صاحب العقل الرصين يـا أبـو نـادر لـك معـزه واحـتـرام *** عـشت يـا نسل الـرجـال الطيبيـن يالـزميـل أن سبني خـطـو الخمـام *** العـفـن الـلي طـاع لبليس اللعيـن لـي قـدر عـنـد الشـغـامـيـم الكـرام *** كـلـهـم بـالـلي عـمـلـتـه معجبين مـن كـلامـه غـث يـوضـع بالـدرام *** والـرجـال تـثـمّـن القـول الثميـن ولا ثـنـونـي مـن يـدورون الـمـلام *** دام مـاهـم لـلـحـقـايـق فـاهـميـن صـاحـب التـزويـر يـردع بالنـظـام *** ومـن يحـوك الكيـد يرجع لليقين قال عبدالله بن دهيمش بن عبار العنزي هذه القصيده جواب لقصيدة الشيخ الشاعر نايف بن رحيّل الشبيعان العواجي : 193 يـا حـي مـن صاغ البـيـوت العـذيـات *** نـايـف أبـن رحيّـل حـفيـد الشبيعـان عـسـاك تـرفـل بـالـهـنـا والـمـلـــذات *** يالـفـاهـم الـلي تنظـم القـاف باتقـان لـك بالحميـه يا أبيض الـوجه عادات *** ما دك بـك يالجعـفري عـرق جابـان لـي عـنـدكـم يالـقـرم قـدر وكـرامـات *** لمستهـا مـن أبـوك وأخـوك سلمـان افـعـالـكـم بالطـيـب مـاهـن غـريـبات *** وقـفـاتكـم مـا تـنسي عـبـر الأزمـان مـثـل الـدروع الـلي تـصـد الأصابات *** كـانـه بـدأ طـعـن الشـلافـي بمـيـدان لا صـار مـابين الخصوم أصطدامات *** مـا طعتـم الـلي لجهدنا قـال جحـدان الـلي عـلى البـاطـل يـبـث الأشاعات *** ويجهر بهرج الـزور في كـل ديـوان من جامـل الـلي لباذل الجهـد شمّـات *** ينـفى الصحيح ويعتمد قـول بهتـان لـو المـراجـل يابـن وايـل رخـيصـات *** كـلـن كسبهـا من حـواضـر وبـدوان لاشـك فـيـهـا يالـسنـافـي صـعـوبـات *** ولا تاجد الـلي حصّل الطيـب مجّـان والـنـعـم بالـلي يـبـذل المـال بسكـات *** نـال الأجـر وأفـرح عجايـز وشيبـان نفخـر بالـلي تجمعـوا وقـت الأزمـات *** نـقـوة نشاما مـن مشاهيـر الأعيـان تجمعـوا مـاهـو عـلى شـرب كـاسات *** ولا هو على الفتنه ودعم الذي خان ولاهو على شري الضماير بشرهات *** ولا هو عـلى تجميع توقيع شيخـان ولاهـو عـلى تشجيـع زيـف الكتابات *** من أجل تزويـر النسب فود عوجان ولا هـو عـلى تنميق صوغ العبارات *** منطوق اللي قلبه من الحقد مرضان هـذا أجتمـاع العـز مـاهـو اجتماعات *** الـلي يـثيـرون الحـزازه والأضـغـان تجمعـوا فـي قـصـد جـمع الجماعـات *** جـملـة بـني وايـل قـرايـب وصدقان مـاهـو أجـتمـاع من الهلابيج شـلاّت *** اللي مثل بالوصف طـيـر أبن برمان بـيـن الفضيـلـه والـرذيـلـه مسـافـات *** أبعـد من المغرب عن حدود الأفغان أي الـسفـيـه الـلي عـلـومـه تفاهـات *** وده يـفـوز وهـو حـواشيـه سفهـان وأي اللبيـب الـلي عـلومـه جزيـلات *** عـلمه يشرّف بالفخـر ويـن مـا كـان قـلـتـه وأنـا لـثنيـن عـنـدي شهـادات *** سعـود أبـن معـتـاد والقـرم فـرحـان سـعـود يـامـا لـعــزوتــه جــاد مـرّات *** ينـفـق عـلى جـملـة أرامـل ويتمـان عـوايـده يـنفـق الـيـا شـاف عــازات *** ويدعم فـقارى عـزوتـه كـل الأحيان وفـرحـان طيبـه لـه بـراهين وأثبـات *** عـنـدي شهـاده كـم محتاج لـه عـان يـا مــا عـطـأ أويـاكـم سـاهـم بـديّـات *** وياكم زوّج صاحب الجـود عـزبـان مـا يـاجـد الـلي دار بـالـقـرم خـمـلات *** يبي الفخر ماهو عن الطيب كسلان بالحاضر الماجود والعصر اللي فـات *** تلقا الرجال اجناس واشكال والوان قال عبدالله بن عبار مجاوباً دعسان بن غنام : 194 لـك الشكر يا مصخّـر القـاف تصخيـر *** قـلت الـوكـاد وكـل لفظـك صحـايـح لـك الـشـكـر بــعــداد رش الـنـوافـيـر *** واعـداد مـا نـبـت الـسبـل بالفـلايـح مشكـور يا دعـسان ربـي لـك ايجيـر *** عـسى الـولي يكفـيك شـر الجـوايـح مجـنـاك مـن ريـف الـبـداه المساييـر *** الضيـف يـقـرونـه بـعــيـت الذبـايـح تـسلـم يـا أبن غـنـام نسـل المغـاويـر *** سـلايـل الـلـي تـودع الخصم طـايـح كـمـا تـشـوف اليـوم بالـوقـت تغـييـر *** اصبـح يــمـجـدّ كـل مسـرف ودايـح عـيـنـت نسـل الـلي يـقـود الطـوابـير *** ماسمعوا اللي بعالي الصوت صايح كـلـن بـدأ يـسعـى لـحـوش الـدنانـيـر *** مقـصودهـم يالقـرم كسب الـربـايـح والـلي يـزوّر نـسـب عــنـاز تــزويـر *** وضّـحـت لـه كـانـه يـشـم الـروايـح ولا أريد يعـمل لي مثـل شاعـر مطير *** أبـغـي كـفـايـة شـر بـعـض الوكايح قال عبدالله بن دهيمش بن عبار هذه الأبيات جواب لقصيدة الشاعر دعسان بن غنام البجيدي : 195 سر يا قـلـم بالطرس وأكتـب قـوافي *** رد الجـواب الـلي لـي الـقـرم كــزّه دعسان الـلي شرواه عنـده انصافي *** يـشيـد بجهودي عـسى الـلـه يعـزّه أشوف بعـض الناس صدوا مقـافـي *** تـفـاخـتـوا ونـفـوسـهـم مـشـمـئـزّه مـا يـذكـرون الحـق يالـلـه اتـكـافـي *** ويـاكـثـر الـلـي يفـتـن ونـاره يـوزه والسـفـن مـا تـرسي بـلـيـا مـرافـي *** وصرح الجبل ما كـل عاصف يهّـزه نـعـتــز بـالـطـيّـب بـعـيـد الـهــدافـي *** ولا الـمـخـمـه مـن صـفـالـه ابـتـزه والحاسد الـلي في ضميـره ارضافي *** خـلّـه بـجـوفـه تـلـتـهـب نـار قــزّه والـلي عن الماجـوب نـايـم وغـافي *** عـاف المـراجـل لـو عـلـيـهـا تـلـزه والخـل الـلي لـو تـلـتـزم لـك يجـافي *** هـذاك عــدّه مـن وراء ديـار غــزّه والـلي ضميـره يا أبن غـنّـام هـافـي *** مـالـه قـدر لـو كـان كـشـخـه ورزه قال عبدالله بن دهيمش بن عبار هذه القصيده جواب لقصيدة رجاء بن سليمان الكره : 196 يا رجـاء بـن سليمان يـا بـادع القيـل *** يالقـرم مـن قـافـك تهيّض احساسي الـهـرج واضـح مـا يـبـي لـه دواليـل *** مـن لـفـظ منطوقـك تـزاود حـماسي مـا قـلـت فـي قـولـك تدلس وتضليـل *** عـبّـرت عـن مقصـد مـهـم وأساسي وأن كان شفت الوقت يالكره بـه ميل *** الوقـت بـظـروف اللـيـالـي ايقـاسي اليـوم عـصـر الـدردشـه والكشاكـيـل *** وتـوازنـت لـدقـيقـيـن الـحـسـاســي نـاس تـجـر غـنـاه يـا عـيـن يـا لـيـل *** والكـل يـرقـص بالمـلاعـيب هـاسـي ونـاس تجض مـن العـنـا والبهـاديـل *** يـعـوزهـم حـتـى أجـار الـتـكـاســــي صاروا طمع لأهـل القـلـوب المغاليـل *** وفـات لـضـنـاهـم كـل عـام دراسـي أن كـان مـا ربـك جـعـلـهـا تـساهـيـل *** قـام يـتـحـكّـم بـأمـرهـم كـل خـاسـي عـنهم وقـف قطـر المزون المضاليل *** شح السماء والغـيث جـاه احتباسي هم بالمحل والـريف عنهم قـدر ميـل *** والكـل قـال مـن الـوهـق زاد يـاسـي يرجون فـزعـة رب مـوسى وجبريل *** هـو الـذي للـخـلـق طـاعـم وكـاسـي تـعـزز لـحـال الضعـوف الـمـهـازيـل *** ضاعوا مع الطوشه وفرق الجناسي الحيـص يـوجـد فـي مـراحـه مخاليل *** والنمـر عـقّب في عـريـنـه ابساسي والـذيـب قـدوتـه الـثعـل طـايل الذيـل *** آلـبـد وخـاف مـن الشيـاه العـواسي والقصر الـلي فـيـه الـذرى والمقاييل *** لا هـبّـت الـنكـبـا وهـزّت اضـراسي مـع الأسف صـارت ركـونـه مساميل *** سوره درس واصبح نهاره دماسي دنياك مالـت في شخوص الرجاجيـل *** أهـل الكرم والجـود حـمـر المواسي ويـن الـذي يـكـرم الـيـا نـوشح الكيل *** يـوم الشفايا من الـوهـق بـه يباسي لـه طـبـع تقـليـط الخـراف المهاجيـل *** فـوق الرغايـف بالصحون التبـاسي بـيـتـه لـدسميـن الشـوارب مـداهـيـل *** وفي مجلسه فنجال يجـلي عـماسي مـا داج حـولـه لابـسـيـن الـبـنـاطـيـل *** ولا هـو عشيـر لمخلـفيـن الكراسي والعـز الأقـعس مـن نصيب الـزناقيـل *** ولا يحشم الـلي قـال نعـلن افـلاسي |
قال عبدالله بن دهيمش بن عبار هذه القصيده رداً على قصيدة الشاعر عبدالله بن جريبيع بن منيع الجعفري : 197 قـال الـذي بـفـنـون الأشـعـار رجـّـاز *** من منبـع مـجـراه مـا نـش غـايـض جـتـني قـوافـي كـنـهـا الـورد بـفراز *** ولا مـثـل نـبـت النـفـل فـي مبـايـض مـهـديـه قـرم مـن ثـقـيلـيـن الأرواز *** وافـي ومن أهل البخوت الحضايض عبدالـلـه جـريـبـيع مـن ربـع أعـزاز *** الجعـفـري صـوب العـلا دوم نـايض سـلايــل الــلـي بـالـمـسـايـيـر فــّزاز *** وقت الهجير اللي بـه الشوب قايض مـن عـزوة رجـالـهـم بـالـلـقـاء فـاز *** لاطار عـن روس الرجال القضايض زبـن الـدخـيـل ومـلـتجـأ كـل معـتـاز *** مدحي لهـم مابـه حسوف وغمايض والـلـي عـمـلـتـه يـالسنـافـي لـعـنـاز *** من وضعـه قـلوب الأعـادي نجايض والعصبه الـلي صابهم غش وانحـاز *** مـا هـمـنـي تـقـديـمـهـم لـلـعـرايـض الـمـعـتـدل شـرواك لـه منهجي جـاز *** المنعـوج مـن طـيّـب الفعـل جـايـض فـي كـل مجـلس حـط نسخـه أبرواز *** مـن شجـرة الـويلان نعـم النضايض قال عبدالله بن دهيمش بن عبار هذه الأبيات رد على الشاعر راضي : 198 سلمت يا راضي عسى الـلـه يعـافيك *** يالجعـفـري مـا هـي غـريبـه حميّاك مـا يجحـد المعـروف كـود الصعاليك *** واللي يعـرف الجهـد مثلك وشرواك الـلاش يـا أبـن جـفيـن لابـد يـوذيـك *** لا تـأمنـه لـوهـو مـن أدنـى دنـايــاك الـلي وضعوا في جـد عـنـاز تشكيك *** طـاعـوا كـلام مـروّج الـكـذب نـمـّـاك الخايب اللي دوم يسعى على الشيك *** دنـي نـفـس ومـقـصـده مـلي الأبواك والـلي جحـد جـعلـه بعبـرود بلجيـك *** ودك تـلـطـه بـيـن عـيـنـيـه بـحـــذاك وهذ جواب عبدالله بن دهيمش العبار على سلطان بن رجاء الكره : 199 تعـيش يا سلطـان يا وافـي الإوجـاب *** يامن عـلـوم الطيب تفهـم وجبهـا حيثك كما الصيرم على راس مرقاب *** مجنـاه من وكـر الصوارم جذبهـا الحـر من هـدّه عـلى الصيد ما خـاب *** ما تسلم الـلي بالمخالـب ضربـهـا أبـوك الـلي ربّـاك بـك خاطـره طـاب *** وأمـك بـعـد مـا خـيّب لـلـه تعـبهـا صوب العـلا تلكـد هجينك بالأعـقاب *** وعـلى الفخر دوم الجواد اتهذبهـا حيثـك سليـل الـلي يحـلـون الأنشاب *** الـذود في دار الخـطـر هـم جنبهـا لـولا الشجـاعـه مـا تكـنّـوا بالألقـاب *** عـلـى الـمـراجـل نستـدل بلـقـبهـا مـا لقـبوا مـانـع عـلى الكـره معيـاب *** كـره الخصوم لجدكم هـو سببـهـا الكـره فارس تكرهه عصم الأشنـاب *** لا حـل بـالسـربـه يـفّـرق شعـبـهـا أشكرك أنا بسم الـرفاقه والأصحاب *** من ديـرة الجـوبـه اليـا ديـرة أبهـا قافـك يخص الـلي من الناس سبّاب *** أهل الغوى والطيش يحرق عصبها يفـداك من حامى على هـرج كـذّاب *** الـلي القبـيـلـه فـي مـقـالـه نـكـبهـا يدجل على العـزوه مخـادع ونصّاب *** وأولاد وايـل مـن فـخـرهـا سلبهـا يـطعـن بوايلنـا تـقـل مـالـه اعـقـاب *** وكـل القبيـلـه فـي مقـالـه هـزبـهـا عن ما يجول بخاطره يعرب اعراب *** والـذمـه برخص المساعـر جلبهـا يخـوض بانسـاب القبـيلـه ولا جـاب *** مصدر لـلي منـه المصادر طلبهـا وعـلـم النسـب مـا يتقـنـه كـل لعـّاب *** لازم يـعـود الـلي اخـطاه ارتكبهـا قال عبدالله بن دهيمش العبار هذه القصيدة من شعر التصدي للحمله المغرضه يسند على 200 الشاعر عبدالله بن رجا السهلي الجعفري والرجل الفاضل جارالله بن عايش الخمشي : غـلفت منظـوم القـريض بمضاريفـه *** يهـدى لمـن يكـرم ضيـوفـه وزواره إبـن رجـا عـز القـرابـه وهـو ريـفـه *** عـبـدالـلـه الـلي عنـدنـا زاد مـقـداره وجارالله العايش حماوي وبه صيفـه *** غيـور ما نفسه على العوج صبّـاره ما جور من جور الزمان وصواديفه *** الـلي بفعـل الطـايلـه طـالـت اشبـاره غـاضـه كـلام الـلي يلـفّـق عجاريفـه *** حيث الحميه هـي مبـاديـه واشعـاره مـن لابـة رجـالـهـم يـطـعـن بسيـفـه *** يا سعـد منهـم باللـوازم هـم انصـاره يذرون عن لفح السموم وعواصيفه *** ويثنون دون الدبش لاصارت الغاره قـولـوا لمـن يشمت علينا بسواليـفـه *** عـن النمايـم ملسنه يـربـط اهجـاره الـلي تـمـادا ضـدنـا وأسرف بـهيـفـه *** مقـول لهـاتـه يحش العـقب منشاره تـزويـر هـرجـه بالمجالس وتزييفـه *** يبغي بمنطوق الخطأ يفرض افكـاره المجلس الـلي كما من قام عن جيفه *** مجلس خزأ بـه تجتمع نـاس هـذاره من يلفـظ القـول الرخيص بتخاريفـه *** لومي على من طاع لرياه واشواره مـن دوّر العـيـب لـيتـه بـرّق بحيفـه *** لا يعيّـب الناس فـي عـيبـه ومعيـاره مـا نجهـل نعـوتـه ونفهـم تـواصيفه *** لاشك نغضي ما نـبي نكشف اسراره العـيب عـيـب الـلي يذمـونـه بضيفه *** والعيب عيب الـلي يداور مرت جاره ومن خط حرف الغلط تكثر تحاسيفه *** وبعض الاسامي تراها اليوم غـراره فخـر عنـزه يصعب جحوده وتوقيفه *** لـو شـوشرت بـالبلبلـه نـاس غـّداره عـنـاز تـفـخـر فـي كـتـابي وتـألـيفـه *** تاريخ ماضي عزوتي ننشر أخبـاره المـرجـع الـلي يكـود الغـيـر تصنيفه *** لأجـل القبيلـه بـذلـت جهـود جـبّـاره مـجـهـد ولا تـشكـل عـلـيـه تكـاليـفـه *** خدمت فخر لابـتي واصلت مشواره وش عاد لـو تنكـر جهودي هـذاليفه *** صيـد الحمايـل لجهـدي دوم شكّـاره والـلي نسبنـا يـبي نـقلـه وتحـريـفـه *** هيهات مـا ينقـل فصيله ولا عـمـاره ما نطيع من حرّف نسبنا عـلى كيفه *** الساس ثابت من زمن هاجر وساره مـن يجـهـل بجـدنـا نعـطيـه تعـريفـه *** من نسل عامر شهير بسلمه وكـاره اسم عـنـزه لـو قيل عـنـاز تصحيفـه *** قـبـايـل مـن نـقـوة الغـوش مخـتـاره قال عبدالله بن دهيمش بن عبار هذه القصيدة يسند على الشاعر عبدالله بن رجاء السهلي الجعفري بعد وصول أبياته الموضحه أعلاه : 201 هاض القريح وفاض نقروح جـمّـه *** وغرفت من صافي قرايض علومـه بـيـن السكون وبـيـن فتحـه وظـمّـه *** أنظـم جـزيـل القـاف حـزّت لـزومـه يا أبن رجاء الموضوع كيفه وكمّـه *** وصلك شـرحـه وأنـت ميّـز يمومـه الـلي نـشـر ضـدي دعـايـه مـطـمّـه *** مـلـزوم أكـافـح يالسنافي هـجـومـه قـلـتـه ولا داعـي لـتـوصـيـف الأمـه *** ولالي هـدف عنـد الخلايق عمومه لكـن سمعـت الـلي هـروجـه مخمّـه *** يـقـذف حمايل عـن لـغـاه محشومه مثـل الحنيش إلى أمتلأ عـرق سمّـه *** مـن يقربـه ما أظـن يأمـن هجومـه الـلي تكـاسـل عـن قـضـايـا مـهـمّـه *** جـوده عـلى الصاحب يـدوّر ثلومـه يبحـث عـن عيـوب الرفيـق ويـذمّـه *** وكـل الردى والعيب داخـل هدومـه يفـرح اليـا حصّل خمـال أبـن عـمـه *** ومن يمدحـه يشمت عليـه ويلومـه فـمـه عـن هـروج الخطـأ ما يصمّـه *** ومن طاري الطيّـب تـزايـد همومـه حـيـث الـذي يسعـى بـغـيـبـه ونـمّـه *** قصـده يسبب بـيـن ربـعـه خصومه شـمـل القـبـيـلـه يـفـرقـه مـا يـلـمـّه *** وفي منهجه شتـت جماعات قـومـه الـلي نـوى لـه شـف جهـدي يـدمّـه *** مـا نـال فـود الـلـه يـعـز الحـكـومـه ينصفني الـلي مـن الرجاجيـل قـمّـه *** ولانـي بـحـال الـلـي دنـيـه سلـومـه قال عبدالله بن دهيمش العبار هذه الأبيات مجاره لأبيات الشاعر محمد بن سوعان الربيّع : 202 أسباب مـا هيّض شعـوري وهيجني *** المـقصـد الـلي يا محـمـد تـنـاوشتـه الـلّاش مـا ودي لـك الـلـه يهـرجني *** والبس لا تـأمنه كـان أنـت هارشتـه ومـن كـان قصده يا محـمد يبرهجني *** كم واحـد حاول خداعـي وخـيشتـه والخايـب الـلي بالسوالف تـولجـني *** ما يـوم شتـمتـه بـعـرضه ولا نشتـه واللي مرامه بحكي الـزور يسمجني *** العـيـب يـوجـد بجـيـبـه كـان فتشته والحمـد لـلـه خبيث الطبع يسهجني *** والفـار ما يطهـر ولـو كـان روشتـه من باع حظّه قليل الفود وش يجني *** دنياك هـذي كـما المقناص والكشته مـن يتبـع العـدل ما قـادوه للسجني *** والطـيّب يسامـح ولـو كان هـاوشته من خـلقت الدنيا بهـا جاني ومجني *** والخبل يطعـن صاحبه كان حـرشـته مبطي تلاشى زمان الخيل والهجني *** اليوم عصرالذي يسحب طرف بشته قال عبدالله بن دهيمش بن عبار هذه القصيدة جواب لقصيدة المستشار القانوني سعود بن فهد الحريري : 203 حيـيت يـالمـنـعـور يـا نسـل الأبـرار *** يا سعـود أبـن فـهـد زبـون الـونيـه أنـت الحريري من صواريم الأحرار *** مـجـنـا القـطـامي مـاكـره صيرميـه لــقـبـتـنـي يـالـقــرم إمــيــر شـعّـار *** والمـعـذره هـذا الـلـقـب لـيـس لـيـه راع اللقـب معروف في كل الأقـطار *** أحـمـد بـن شـوقـي عـلـيـه الكـنـيـه حتى لـو أني قمت في بعض الأدوار *** فـي واجـبـي يالقـرم نـحـو السميـه شـعّـارنـا صفـوة شغـاميـم واخـيـار *** ماهـم من أصحاب العـلـوم الـرديـه وأهـل الشعـر من ربعـنا منهم أمـار *** والـكـل تـعـرف صيـفـتـه والمـزيـه من خاب جاب لعـزوتـه قول معيـار *** ولا خـيـر بأصحاب النفوس الـدنيـه خطو المسمّى بار غادي البخت بار *** مع الأسـف يا سعـود جـوده عـلـيـه أغــراه شـرّاي الـضمـايـر بـديـنـار *** وصادق عـلى مظمـون ظلم وجـنيـه شـاهـد مـعانـات القـبيـلـه ولا غـار *** يـسـوع مـع ربـعـه يـدور الـعـطـيــه حـيثـه تسمّى فـي طويليـن الأشبار *** وطـمـر مـفـاخـرهـم بـقـاع الـهـبـيـه طـاع الذي لـظهور الأجـواد عـقـار *** الـلـي لـعـب بـأهـل العـقـول الغـبـيـه يالمستشارأبـغـيـك تـعـطيني اشوار *** وش مقصد الـلي قـام ضـدي دعيـه جواب عبدالله بن دهيمش العبار رداً على محمد الطرقي القهيدان : 204 جاني قوافي مثل ورد الخطيطه *** من قرح شاعر جل عنده وجبـنا كفيت يا محمد شرور الـوريطه *** شرواك وقـت الملزمه لـه نجبنـا الحوش يا محمد جداره وحيطه *** لاصار ماله ساس وش لون يبنا مسائل الأنسـاب ماهـي بسيطـه *** لاشـك فـيـهـا يالسنـافـي كـتـبـنـا ومن زيّف الواقع لثامه نميطـه *** قلنا الصحيح بقـولنـا مـا كـذبـنـا |
جواب عبدالله بن دهيمش بن عبار على الشاعر محمد الطرقي العنزي : 205 حـي الجـواب الـلي لـه الـفـكـر تـايـق *** الـذ مـن ذوب العسـل فـي رحـيـقـه مـهـديـه قــرم مـنـطــقـه دوم فــايــق *** محمـد أبـن الطـرقي معـانيـه ليـقـه يـقـول مـن بـعـض البشـر لا تضايـق *** قـولـه نـصيحـه مـن رفيـق لـرفيقـه نــعــوذ بـالـرحـمـن مـن كــل بــايــق *** يـظـلم ولا ينفـض عـن الظـلم زيـقه نشكيـه لـلي لعـاصف الـريـح سـايـق *** الـواحـد الـمـعــبـود رب الـخـلـيـقـه تـفـوت لـحـظـات الـزمـن والـدقـايـق *** ولابـد ساعـه يـقتـرب نشـف ريـقـه مـا مسكنـه قـصـره وسيـع الحـدايـق *** آخـر مـصيـره فـي بـرازخ سحيـقـه هـو كـيـف حــط أولاد وايـل لــفـايـق *** حـيثـه جحـد مجـد الجـدود العـتيقـه والـبـيـت مـا يـذري بـلــيـا شـقـايــق *** وأن طـاح كسره مسكنه مـا نطـيقـه رد عبدالله بن عبار على الشاعر مفضي بن علي العنزي : 206 حـي اللبـيـب الـلي اليـا جـيـب سيـره *** بالمـرجلـه يمـدح ولا قيـل مسبـوب أبـن عـلـي عـنـده حـمـيـه وغــيـــره *** رب الـمـلأ يحميـه من كـل عـذروب مـن عـزوتـن لـهـم دخــالـه وجـيـره *** شجعان جانبهم على الدوم مرهـوب ربــعــه ضـنــا عـنـاز فـي كـل ديـره *** عبـيـد وعـمارات وجـلاس ووهـوب مـار الـزمـان الـيـوم غــيّـر مسـيـره *** كمـا ترى يا مفضي الوضع مقـلـوب الــكــل يـكــتـب والـوسـايـل كـثـيـره *** وكثـر الخطـأ مابين ناسب ومنسوب يـا أبـن عـلي يـاعـل بـالأمـر خـيـره *** والحمـد لـلـه بـيـرق الـعـز منصـوب الحـسـد ولّـع بـالـضمـايـر سـعـيـره *** يـشب فـي جـوف الحـواسيـد لاهـوب عـنـدك خبـر يالقـرم خطـو العثيـره *** يـدور بـالـصاحـب خـمـالات وعـيـوب ماله مـواقـف كـان عـميت مـطيـره *** واليـوم ضـدي صـار لـلربـع مـنـدوب يضحك على أصحاب العقول الغريره *** حـتّى بـنسبنا صـار يالقـرم ملعـوب رد عبدالله بن عبار على أبيات الأخ مفضي بن علي : جـانـي قـرايـض كـنــهـا نـقـد نـيــره *** مثل الذهب من معـدنه تـو مسكوب يصوغها مفضي عسى الـله يجـيـره *** الـفـاهـم الـلي يـفـتهـم كـل مـاجـوب يـفـداك الـلي حـاول يـقـود الجـريـره *** ضدي ولكن ما مسيره عـلى صـوب خـطـو السفيه الـلي علومـه حقيـره *** يهرف هريف اللي من الغلث مكلوب مـانـي بـحـال الـلـي يـغــرّه شويـره *** فـنجـال مـن يلعب بالأنساب مشروب وأن أحتـمى لـفـح السموم وهـجيـره *** حكـامنـا يـذرون عـن لاهـب الشوب قال عبدالله بن دهيمش بن عبار هذه القصيدة مجاراه لقصيدة الشاعر فايز بن عواد بن ساكر الهبداني : 207 مـبـداي باسمـك يالولي مالـك الملـك *** يامن حفظت بقدرتك نوح وأدريس وبـعـد ذكـر رب الملأ مجـري الفلـك *** موحي دبيـب الـذّر فـوق الطعاميس يالفـكـر عـبّـر مـن قـرايـض مثايلـك *** وأكتب جـوابي واحفظه بالكراريس يا شعـر أبـن عـواد يـا حي مـرسلك *** فـايـز سليل المجـد من نسل فـريّس الـوافـي الـلي سـمـعـتـه مـا تـفشلك *** عـسى فـداه المخـبـثيـن المنـاحـيس مـن لفـظ منطوقـك عـرفـنا خصايلك *** صادق ولا عـنـدك تـمـلّـق وتـدليس ورثـت مـن جـدّك وخـالـك مـراجلـك *** يجذبك مجذب عـزوتك مابهم سيس يا فـايـز العـواد يالـقـرم أبـي أسألك *** وش مقصد الـلي يولعوّن المقابيس كيف أصبح لحوم الخلايق تقـل علك *** بـه نـاس تغـرز بالضهور الدبابيس كـان افتكـرت بـواقـع النـاس تشغلك *** وتـزيـد هـمّـك والغـثـا والهـواجيس عـلـيـك بالـلي بالصـراحـه يـعـامـلك *** ولا أهـل الضحكـه تـراهـم حمالـيس عـلـيـك بـالـلي بالمشـاعـر يـبـادلـك *** الـلي لرضاك يكـرّس الجهـد تكريس الـلي ولـو تخـطي عـلـيـه ايـتحملك *** ولـو تاصفه بالحلم يشبه لأبن قـيس قال عبدالله بن دهيمش بن عبار هذه القصيدة جواب لقصيدة الشاعر فايز بن عواد الهبداني : 208 جـتـنـي يـا أبـن عـواد رسالـتـك تـلـك *** يالصيرم الـلي من فروخ القرانيس لـي الشرف أرسل مـردّك ولا اهملـك *** وأشكر جنابك يا نسل مرذي العيس جـادلـت يا طـيـر السعـد من يجادلـك *** حـتّى خرسّت الـلي يسبّون تخـريس الـلي مـهـاجـيـهـم تـغـثـّك وتـزعـلـك *** مقصودهم لعـروض الأجواد تدنيس مـا ودي أن هـروج الأنـذال تـبحـلـك *** أبـشـر تـراهـم يـالسنـافي مـفـالـيس يالجعـفـري مـفـعـول ربـعـك يـأهـلـك *** تـفـخـر بـهـم يـوم النواظـر معابيس أفـعـالهـم فـوق السماكـيـن تـشهـلـك *** عـن طيبهم أنشـد رجـال السناعيس يالـلي خفاك الجعفري ول مـا أجهلك *** حـميتـه مـاهـي هـقـاوي وتـوهـيس أن جـيـت بـيـتـه بـالـونـاسـه يعـلـلـك *** وتـلقى الـذبايـح بالصياني مفـانيس بالقـيـض عـن حـر القـوايـل يضللـك *** شجـاع وبـفعـل الكـرم يـشبـه منيس عسى الولي بالعطف واللّطف يشملك *** قافك عن الخاطـر يـزيـل التعاميس قال عبدالله بن دهيمش بن عبار هذه القصيدة مجاراه لقصيدة حمد العوده : 209 حي الجـواب الـلي ضميري عجّبـه *** مـن حـمـد العـوده تلقيـت قـيـفـان في مدح الـلي بالطيب باسمه ننبّـه *** القـرم أبـو ثـاني سلايـل بهـيـمان من سبني فـي جـوفـه النـار شـبّـه *** الـلي يـسب بكـل مجلس وديـوان حاسد وجـرحه مـا يطيبن اعـطّبـه *** حاول تصير الربع للربع عـدوان الحـقـد الأسود في ضميره يضبّـه *** والله حسيب لكل مخطي وغلطان كـم خـايـب بـالـخيـريـن أيـتـشـبّـه *** لاشك ما يخفى على الناس كوبان كـانـه حـمـل كـل المخازي بـعـبـه *** راسه طـمن ما ينفعه كـل ما كـان ومـن تـاه دربـه مع سماهيد لـبّـه *** منجوم ضاع بجرهد البيد حيران والـتـايـه الـلي مـا يـميّـز مـطـبّـه *** يحتـاج مـرشد بالمناهيج فهـمان والشن مـا تصمـد سمايـل اقـربّـه *** والـلي صميله شن لابد عـطشان قال عبدالله بن دهيمش بن عبار هذه القصيدة جواب لقصيدة الزميل الشاعر سليمان بن خلف الغضوري : 210 مشكـور يا نسـل الـرجـال المنـاعـيـر *** العـزوه الـلي يـنـطحـون الجـرودي غـضاوره ريـف الـبـداه الـمـسـايـيـر *** الـلاّبـه الـلي مـن كـرمـهـا تـجـودي أنـت أبـن عـم ومـن طـوال الأشابيـر *** ومبطي سلايـل جـد عودك وعـودي فـريض وعـايـد مـن بـدايـد مغـاويـر *** ربـع وضناهم مـا ذكـر بـه شـرودي يـا أبـن خـلـف عسى فـداك المعاثيـر *** قـريـت منـظـومـك وجـاك الـردودي يا راعي الجـدعـا أبشـرك أنـا بخـيـر *** مـادام الـلـي شـرواك عـنـي يـذودي عـلى الـثـنـاء عـبّـرت بالقاف تعبيـر *** وأنت الذي يالغضوري من شهودي عن واقع الموضوع نعـطيك تـفسيـر *** مـا لامـني غـيـر الكـذوب الـربـودي الـلي جـداه اللـوم مـن غـيـر تـبـريـر *** مـالـه طـلـب لاشـك قـلـبـه حـقـودي الـلي رضـي بالمهـزلـه والمصاخـيـر *** صد وعـن الـواقع عـيونـه تـنـودي جـميع الـلي سـجّـلـت مافـيـه تـزويـر *** وبالكـتـب فـصلّـت القبـيـلـه بـدودي حنـا عنـزة والساس مـا فـيـه تغيـيـر *** بأرض الحجاز ونجد نملك عـدودي كل عنزي من عصر الأجداد له حيـر *** فـي خـيـبـر الـحـرّه بـلاد الـيـهـودي صـالـوا مـن الحـره اليـا ديـرة الـديـر *** ومن الحماد إلـى شـمـال النـفـودي قال عبدالله بن دهيمش بن عبار هذه القصيدة جواب لقصيدة الشاعر عبدالرحمن خلف الغضوري : 211 سلامي وتقديري لراعي الكـرم والجـود سلايل خلف يسلم عسى تهبهب سعوده عبدالرحمن الـقـرم يعـيش نـسـل العـود أجـلّـه عسى الشغموم في حفـظ معبـوده لأنـه يشيـد بجـهـد مـن يـبـذل المجـهـود أفـاخـر بالـلي شـرواه واعـتـز بـجـدوده حفيد الرجال الصيـد يـوم النضا والقـود تغشلوا هـل الجـدعا عـلى كـور مشدوده بـوقـت اللقّـاء شجعان نطيحهـم مقـرود يصولون يـوم الكـون في شلـف مزنوده أقـولـه والـلي دونـت يا مسندي مسنـود ولاخـيـر بالـلي هـرجـتـه غـيـر ماكـوده نحـوس الـرجال الـدرب قدامهـم مسدود تلاشوا وراعي الحق ما يخلف وعـوده ترى طيّـب الويلان يوقـف معي بصمـود الأجـواد تـنصف والحـواسيـد منـكـوده تـعـرضـت للحسّاد وأهـل القـلوب السود وحمان الولي من زمرة إبليس وجنـوده والـلي ساعـد الظّلام بـاع البخـت بنقـود قليل القدى الـلي يهفي الحظ وش فـوده والـلي يـدوّر الغـرات عن مقصده مبنود يخـزم وعـن ظلم البـري تقصر عضوده صعاب القضايا تحل والحاكم ابـن سعود حـكـمـوا بـعـدل ورايــة الـعـز مـشـيـوده منيع الذرى ماهـو سواتر رمـل واحفـود شموخ الجبل يذري عن الشوب بحيوده |
قال عبدالله بن دهيمش بن عبار هذه القصيدة جواب لقصيدة الشاعر جمعه بن مناور بن سبيله المسيكي : 212 جمعـه بن منـاور فـرحـت بـمـروره *** عبـر القروب القرم وجه لي اشعار أبـن سـبـيـلـه مـن رجـال المـشـوره *** شاعـر فحـل ويعـد من ربعه خيـار الـقـاف أخــذ لــبّـه وتـرّك اقـشـوره *** يقـطـف معـاني مـن زماليـق نـّوار يشبـه لـريـح العـود يـنـفـح بخـوره *** لا فـاح تنعش ريحـته عـنـد عـطار عـسـى فـداه الـلـي تـبـيّـن قـصـوره *** الـلي سمع سـب القـرابـه ولا غـار يمشي مع الـلي عمني في اشروره *** وسط المجالس ملسنه تـقـل منشار ويفزع مع الـلي قـام ضـدي بثـوره *** واللي أعتدى يجرع علاقيم الأمرار عـرفـت مقـصـوده وسبـرت غـوره *** ومن يدعي في حـق ما صد بادبـار والـحـق قـادتـنـا سـبـايـب ضهـوره *** حرز الوطن ولشعبهم مثل الأسوار الـعـي يـردع عـن طـغـاه وفـجــوره *** لافـرق بين شيوخ وصغـار وكـبـار الـلي اجتهـد قـصده خـمالي يـدوره *** حكي الغـلط مالـه مع الناس تعـبار أقـولهـا وبعـض الهـروج مخصوره *** وعنـد الحمايل لي حشيمه ومقدار يـامـا وقـفـت بمـوقـف بـه خـطـوره *** موقـف شرف مادرت درهم ودينار ضـد الـذي عـرض الحمايـل يعـوره *** بـديـت أدافع دونهم سـر واجـهـار وبالغـت فـي مدح السباع الجسوره *** جـميـع شيخ وكـل صنـديـد مغـوار وكتابـي مـن أجـل القبيـلـه صـدوره *** جمعت كـل تراث الأجـداد باصخار ولا طعـت قـول الـلي نسبنا يحـوره *** من عاف جدّه حصّل العيب والعار عـنـزة أبـن أسـد بـمـاضي عصوره *** منـذ القـدم منهـم سـلاطيـن وأمـار سـاس الـقبـيـلـه مـا تـشلّـع جذوره *** عبر الزمن راسي مثل ضلع سنجار لاشـك كـان البيـت طاحـت اكسـوره *** هيهات مـا يذري عن الاّهب الحار والـنـجـل يـوم الـنـور لاح بسفـوره *** عبدالرحمن أرسل يبشر هـل الكار يـا جـمـعـه الحسّـاد تـقـل مخمـوره *** وأصبح يعـوث بغـرتي كـل ثـرثـار ومن كـان بلحـوم الخلايق فـطـوره *** ودك مـع الصـابـر تـلـطـه بـمقـوار قال عبدالله بن دهيمش بن عبار هذه القصيدة يصف صفات الشيخ الناجح وهي مهداه إلى منتدى السّبعه أهل العرفا 213 نـظـم القريض افهـم معانيه وأوزانـه *** ومشاعـر الخاطـر تبوح بهواجسها يهـدى لموقـع مـن تشّرفـت بأعيانـه *** نـعـم الـرجـال الـلي كـلامي يـونسها موقع هـل العـرفا صريح اللغّى زانـه *** شجـعـان لا شبـت وقـايـد مقـابـسها الـكـل مـنـهـم نـطـق بالحـق وجـدانـه *** مـا يجحدون الـلي جهـوده يكرسها الـلي يـراعـه يـخـط المـجـد والسانـه *** يثـني عـلى شيخ القبيلـه وفارسهـا هـذاك مـا ياجـب أنـكـاره وجـحـدانـه *** لاعاش من ينكـر حقـوقـه ويبخسها نفسه عـلى تـدويـن الأنساب ولهانـه *** هـوايتـه مـنـذ الطـفـولـه يـمارسهـا عـلـم الفخـر نظهـر دليـلـه وبـرهانـه *** ما نطيع من لوحة التاريخ يطمسها مجـد القبـيلـه مـا نبـي ينخفـظ شانـه *** ولا نـقبـل ثـيـاب العـرايـا ونـلبسهـا ومن عان اللي يظلم دوانيه واعوانه *** قـضى عـلى سمعـة جدوده ودنسها مـن أجتهـد صاروا الحسّاد عـدوانـه *** وش عاد لـوهـو بالأصابع يخامسها أهل القلوب اللي من الحقد مرضانـه *** نفوسها بخـمس المـذاهـب تجنسهـا لاشك الـلي يربي عـلى غـدر وخيانه *** لـو افـتخـر اسـم القـبـيلـه ينجـسهـا الشـكـر لـلـه ولـي الـكـون سـبـحانـه *** ربـي ملاسن دعـاة الظلم يخـرسهـا والفـاني الـلي باللحـد بـادت اكـفـانـه *** تبـقى عـظامـه باليـه فـي روامسهـا حصل عـلى عـلم الفخـر يـوم عبّانـه *** وأن كـان شّـذت خـلفتـة من يقدسها أن كـان رمـزه ما بقي كـود عنـوانـه *** يمكـن أثـاره هـبـوب الـريح تكنسها وقواعـد القصر كـان أنـهـد سيسانـه *** مـا فـاد الـلي جـدران حيطـه يليسها الشيخ شيـخ وقـمّـة المجـد مسكـانـه *** شاد الفخـر وأمجاد الأجـداد أسسها الشيخ اللي تشكر مساعيه واحسانه *** عـن المكـايـد زمـرة الشـر حـابسهـا الشيخ يصعـد صعـود ويـبـرز كـيانـه *** من عزتـه عصم الشوارب تروسها الشيخ الـلي تفخـر بماضيه عـربانـه *** عليه واجـب عن الماجوب مـا يسها الشيـخ مـا تـسـمـع نـمايـم بـديـوانـه *** نسل الـرجال الـلي تعـذي مجالسهـا الشيخ مـا يـذخـر المقـدور بامـكـانـه *** يـبـذل جـهـوده والقبـيـلـه ينومسهـا الشيخ الـلي مـا تملـل مـنـه جـيـرانـه *** وأهـل القـضايـا عـادتـه مـا يفلسها الشيـخ بـه عـز لأقـرابـه وصـدقـانـه *** وخشوم الأضـداد بالحذيان يدعسها الشيخ كفو اليا حـفـظ مجـده وصانـه *** ماهـو مـن الـلي رايـة العـز نكسّهـا الشيخ يجعـل عـزوتـه كنهـا اخـوانه *** حـيث الفضيله بطبعـه دوم غارسهـا الشيخ مع ربـعـه مصيفـه ومقـطانـه *** ويحـل عـقـد البـلايش مـا يلـولسهـا الشيـخ يسعـى بمشاكل ناس بلشانه *** هـو قـايـد أفـراد القبـيلـه وحـارسهـا الشيـخ يـمشي عـلى منهـاج جـدّانـه *** وكـل القضايا رجيح العقـل يـدرسها الشيخ الـلي به تجتمع عقـل وديانه *** من ساس عزوه طيّب العرق ينعسها قال عبدالله بن دهيمش بن عبار هذه القصيدة جواب للأخوين جمعه بن مناور بن سبيله المسيكي ومحمد بن الطرقي بن قهيدان المسيكي : 214 سـلام مـع ورد الخمـايـل وريحـانـه *** وأزكى تحية بعطر المسك غامسها لأبـن سبيلـه وصلني طـيّـب الحانـه *** يشرح عن اللي فخر عنّاز حامسها ومحمد الطرقي بعد هاضت اشجانه *** قافـه يزيـل مـن الخـواطر تعمسّهـا أفـكـارهـم فـي بـدع الأمثـال فـنـّانـه *** مابهم اللي عاج القوافي ومرطسها صاغوا معاني جليل القاف واسمانه *** تخيـروا جـزلها وعافـوا طفايسهـا مـن عـزوةٍ مـا تـعـطي الحـق ديـانه *** على النقى وحلوق الأضداد تيبسها أشوف لـي ناس بالأنساب حيـرانـه *** جـدود تـفخـر بـهـا وجدود تلغسهـا وأشوف نـاس هروجهم مالها خانه *** أهـل البلايس مـا نـفـعهـا بـلايسهـا النـاس الـلي تجمع خرافات غلطانه *** لوتحضر البشعه عن الكذب تلحسها بعض الرجال اللي لها اليوم دندانـه *** مجدت فـي جدها العاشر وخامسها شقيت وأفكاري من البحـث تعبـانه *** أفـخـر بهـم والنـار تـرجع لمقبسهـا قـالـولي الحضف حذاريـك نـيـبانـه *** لا تأمنه شوكته بالجـوف يـغـرسهـا جنب عن القشعه اليا شفت ثعبانـه *** بالـك تـغـرّك لـو تـلايـن مـلامـسـهـا قلـت اعتزي باللي يدوسه بحذيانه *** أبـو فـهـد رقـط الأفـاعـي تـودسـهــا من يلتجي له زال هـمه مع احزانه *** وأهـل الظلايم بـقـعـر البيـر يركسها وقال عبدالله بن دهيمش بن عبار هذه القصيدة مجاراه للقصايد السابقه : 215 ياجمعـه الـلي أنـتم أصحابه وخلانـه *** ينسى روابع كـان بالصدر يـوجسها وسـلايـل قـهـيـدان تـعـتـز عـشرانـه *** لاشك عدوانه عـلى الخشم عادسهـا وأنـتـم أحفـاد الـلي للأضداد طعّـانـه *** خيـل المسيكي عـلى العدوان هيسها أن كانهم ركبوا على الجيش هجـّنـه *** وقـب السبايـا بالوغى هم فـوارسها الفـارس الـلي العوبلي يرخي عنانه *** في متن خصمه حربة الرمح يدحسّها رجـالهـم مـا تـاخـذ الـقـوم قـطعـانـه *** روس الأعادي بـحـد السيف يردسها والـلي غزاهم عاف زوده ونقصانه *** وأنكـف يخـاف القوم تطلق عرايسها ودخيلهـم لا سمعوا صياح نسوانـه *** الكـل روحـه لحـوض الموت يرمسها رجـالهـم تحشم عـن الظيم جيـرانـه *** عن القصير عيون الأضداد كومسها رجـالـهـم يـفـرح بـهـتّـاش ضيفانـه *** وصينيتـه فـي وافـر الـزاد يطـعسهـا عـوايـده يـذبـح مـهـاجـيـل خرفانـه *** وكـم حايـلٍ في لفـوة الضيف هابسها والعـذر منكـم صـار منظومي ذنانه *** ولاعـاد ضـل ألا الـقـواقـع أفـقـسـهـا الـقـاف شـاب وكـان الأفكار هيمانـه *** نظمـه يسـر البـال والروس عطّسها القـاف مثـل الماء اليا نشف خزّانـه *** ما أظـن مـنـه النـاس تملأ ترامسها وأنـتم هـداج يـروي أذواد عطشانه *** يــمـلأ دلـيه دون لـقّـاي يـمـقـسـهـا سيـل القصايد نـبي توقيف سيلانـه *** سبـايـب الـلي كـل الأذهـان خالسهـا |
قال عبدالله بن دهيمش بن عبار هذه الأبيات مجاراة لأبيات الزميل الشاعر بشير بن سماح الجعفري 216 وقد أرسلت عن طريق الدكتور نايف بن عماش بن سويلم الغضوري : أبـن سماح مـن الـربـوع العـزيزيـن *** بشير الـلي فـعـل المراجـل شعـاره جـاني جـوابـه مـن سليـل المسميـن *** أبـن سـويـلـم عـز ضـيـفـه وجـاره نـايـف ولـد عـمـاش ريـف المقـليـن *** دكتـور عـلـم وفيـه فـهـم وشطـاره بهم الكرم والصّدق والعطف والدين *** مبـطي لـهـم شيـخـه وفيهـم أمـاره وأثني على اللي قال بالمنطق الزين *** بـشـيـر ذرب ولا بـهـرجـه قـمــاره لاحـل بالمجـلس لـه الكـل مصـغـيـن *** لفـظـه الـذ مـن العـسـل بالغـضـاره شاعـر ويعـرف عـنـد كـل العنزتيـن *** وفـيـه الحـميـا والـكـرم والجسـاره ما يصغي لرأي الضعوف المساكين *** لاشـك شـوره يـاخـذه مـن افـكــاره جواب عبدالله بن عبار رداً على الشاعر رايد بن فرحان الخمشي : 217 جتني رساله من سلايل هـل الكـار *** أفـخـر بـهـا وافـرح بها واعتمدها من رايد الفرحان وجـه لي أشعـار *** قـرم العـيـال الـلي جهودي حمدها يشكـر وأنـا لـه دايـم الـدوم شكّـار *** حـيـثـه تطـرّق في معـاني قـصدها صديق صادق من كلام الخطأ غار *** غـاضه جحود اللي الأمانه فـقـدها يـذم مـن يجحـد جهـود أبن عـبـار *** رايـد عـمّى عين الحسود ورمـدها ما جـامـل المنعـور شـذاذ الأفـكـار *** أعمال جهدي في حروفه سـردهـا عندك خبر من كنت فيه أفتخر بار *** كم جلسه يا حـيف ضـدي عـقدهـا يعـطي لمـن غـرّه تعـاليـم واشـوار *** لـكـن دعـات الظـلـم ربـي قـردهـا خاب الذي يبحث عن العيب والعار *** وقـع بـحـفـره لـلـبـرايـا حـفـدهـا قال عبدالله بن دهيمش بن عبار هذه القصيدة يسند على عطيه بن حماد العرجون رحمه الله : 218 يـا هـاتـفـي ود الـرسـالـه لأبـو زيـد *** حـال العـجـل بـلّـغ سـلامي عـطـيـه القرم الـلي يثني على الجهد وأيشيد *** مـا أصدّق أنـه صـار يشمت عـليـه شرواه مـا يـوقـف بصف الحواسيد *** أيـضـاً ولا بـيـنـي وبـيـنـه قـضـيــه يوقـف معي بالحـق ضـد المحـاقـيـد *** سـود القـلوب أهـل الفعـال الـرديـه مـا كـان لـه بالهمـز واللّمـز تعـويـد *** ولا هـو مـن الـلي نـيـتـه شقـلـبـيـه ولا هو من الـلي يفـرّد النزل تفريـد *** هـادي ومتـواضع ونـفـسه رضـيـه يا أبن الكرام أن كان ما القول تأكيد *** بالـغـلـطـه الـلي تـعـتـبـرهـا خـطيـه أنـا اشكر الـلي لا وجد غلطه أيـفيـد *** الشاهـد الـلـه عنـدي اثـمـن هـديـه لاشـك مـا نـرغـب مـلامـه وتـنـكـيـد *** والنـاس عـن كـل المشاكـل غـنـيـه كـنت اعتـقـد مـابـه عـلـيـه مـنـاقيـد *** حـيـث أنـي اذكـر عـيـد جـد السميه يا مسندي ما نفرق صعيب من عيد *** جـمـيـعـهـم يالـقـرم عـصـبـه دنـيـه من نسلهم صيـد الـرجـال الصناديد *** محـزم ضهـرك بـكـل وقـعـه وهـيـه لأفعالهـم تشهـد قبـايـل ضنـا عـبيـد *** مـصـاربـه لاحـل قـصـف الـمــنـيــه وعـندي خـبـر أن اللـّقـب للمسيعيد *** لكـن اشهـره الشيـخ راعي الحميـه ماني بمن يبخس حـقـوق الأجاويـد *** أضهر ثـناء المنعـور زبـن الـونـيـه واسـنـد لأبـو تـوفيـق قـرم الأوالـيـد *** لـمحـمـد الـوافـي جـزيـل الـتـحـيّـه وقال عبدالله بن دهيمش بن عبار مجاوباً محمد بن نزال بن محيور : 219 يا مـحـمـد الـنـزال مـالـي مـقـاصيـد *** ولا درت عـنـد الغـانـميـن الـعـنـيـه عن الطمان اصعـد على نايف الحيد *** مـانـي مـن الـلـي يـنـحـدر بالهبـيـه يالقـرم مـا جاملت مـع زيـد وعبيـد *** مـن دون مـا تـمـلي عـلي الـوصيـه يا كثر الـلي حطـوا بـدربي لـواديـد *** ويـامـا ظـلمـت بـدون ذنـب وجـنيـه جـاروا عـلـي محـرقـيـن الـبـغـاديـد *** خمسه وخـمسه قـدمـّوا بي شـكـيـه لولا الزعيم اللي لشعب الوطن سيد *** الـلـي عـدل مـابـيـن كـل الـرعـيـــه المـقـرنـي هّـجـد هـل الظـلم تهجيـد *** ولا يظـلـم الـلي حكـومتـه مقـرنـيـه قلته وأنا يا محـمد أجـهـدت تجهيـد *** وحـاولـت اسجّـل صـح مـيـه بـميـه الـح وأبـحـث عـن دلايـل وأسـانـيـد *** لـكـن تـفـاخـت قـولـهـم مـهـمـهـيـه يا محـمـد الـنـزال صـارت سـراميـد *** يـالـقـرم مـالـي بالـتـنـاقـض دعـيـه والجـمع مـا يشضاه كـود المقـاريـد *** جميعـهـم عـزوه وعـاشـوا سـويـه جواب عبدالله بن عبار رد على عبدالرحمن المرتعد : 220 المـرتـعـد نسل الرجـال المنـاعـيـر *** من ساس عزوه ما بعرقه رخامه يفداك من هـرجـه للأجواد تحـقيـر *** يـرجـع عـلى نفسه ملافظ شتامـه لا تـكـتـرث بالـلي يـدور المعـاييـر *** ما ينكـر المعـروف كـود الخمامـه جهـدي يعـرفـونه طـوال الأشابيـر *** ولا همني منطوق خـطو الفـدامـه عـناز من خيبـر اليا شرقي الـديـر *** لـي قـدر عـنـد الـلي رفيع مقـامـه دونـت تـاريـخ الـرجـال المشاهيـر *** أهـل الفخـر والمرجـلـه والشهامه قال عبدالله بن دهيمش بن عبار هذه القصيدة رداً على الشاعر نايف بن منصور الرويلي شاعر العليا : 221 قـال الـذي مـن خـاطـره ينظـم اشعـار *** مـن جـم عيلـم وافـر الـنـبـع صـافي جـتـني قصيده مـن سلايـل هـل الكـار *** منصـور بـن نـايـف بعـيـد الهـدافـي الـقـرم لـي عـنـده حـشيـمـه ومـقـدار *** حـيثه شريف ومـن حمايـل اشـرافي من ساس عزوة مجدهم فوق الأكوار *** مـجـدن تـليـد ولا حصـاه الصحـافي يـا مـرحـبـا مـلـيـون مـــرّه وتــكـرار *** يـا خـلـفـة المنعـور ريـف الضعافـي يـسلـم جـنـاب الـلي لـمجهـودنـا شار *** يشكر جهـودي حيث قـصده انصافي يـا شـاعـر العـليـا نـفـيـدك بـالأسـرار *** حـيثـك فـهـيـم وتـفـتـهـم كـل خـافـي أحـيـد عـن حـكي الشواميت والعـار *** وامشي على وضح النقاء مع كشافي ولانـي بحـال أهـل المفاسد والأشرار *** الـلـي هــدفـهـم لـلـحـقـايـق يـنـافــي الـلي عـلى الـفـتـنـه يـبثـون الأخبـار *** يـوم الـفـهيـم لـخـمـلـة الـربـع رافـي بـيـت المـدر يحتـاج حيطـان واجـدار *** وبـيـت الشعـر يـلـزم رواقـه رفـافـي والقصر الـلي ما يمسكه ساس ينهار *** لابــد مـا تــذرى عـلــيـه الـسوافــي مـا يـحـتـكـم بـالـطـايــره كـود طـيّـار *** والـسفـن مـا تـرسـي بـلـيـا مــرافـي ومن يجـحـد المعـروف خـاين وغدّار *** خاب وفـنر حـظّـه مـن النـور طـافي وقال عبدالله بن دهيمش بن عبار مجاراه لقصيدة راضي بن سعد : 222 يا هلا ومرحبـا براضي كـلامـه يشبـه المـرجان يشابـه للذهـب مسبوك لحزاّت اللّـزم مرصـود يا أبـن سعـد حفظك الله هـلآ يا خـلفة الفـرسان حشيم وجدك صليبي شجاع بيوم عـصر القـود وقـفتك ماهي غـريـبه وربعـك عـزوة سليمـان لـهـم جـمـعٍ يـعـتـزابـه بـيـوم بالمـيـدان حـشـود وأنت شرفني حضورك بحـفـل خـلـفـة عـليـان حفل منصور واخوانه من أصحاب الكرم والجود ونعـم في خلفة إبراهيم مشاهيرٍ من القصمان أبـن مـبـارك لـه مفعـول بزمان الجـفـاء والكـود عزيز وشهم ومعروف عند الحضر والبـدوان أهـل القصيم تشهـد لـه كـريـم ولـه فعـل مشهود من أهـل البـر والأحسان يسير بمنهج الـقرآن حـلـيـم وسيـرتـه عـطـره ويـذخـر بالليال السـود سليـل الجـود عـاداتـه يجـود ويـكرم الضيفان بشـوش ولا قـفـل بـابـه ديـوانـه بالـنـبـا مشيـود عفيف وشهم ومـديّـن ولا يشكـونـه الجيـران وسـلـم الـطـيـب مـن والـد يـعـقّـب ورث للمولود ونعم بخلفة عـليان كرام وعـرضهم منصـان السنـاعـيس مـن عـبـده طـنـايـا وعون للمضهود وأنا مدان لـلّي حـط كرامه حشو مع خرفـان غـزيـر الـزاد بصحونه ويعـلـوه الشّحـم مـنـضـود هاك الصالات تشهدله ويشهد مطبخ السلمان أبـد مـا عـد مصـروفـه ولا فـكّـر بـصـرف نـقـود تكـلـّف في مصاريـفـه ولـكـن الكـريـم مـعـان حـلـف بالخـالـق الـبـاري لـزوم يـنـفّـذ المقـصـود عـزم ربعه وصدقانه لحفله وأحضر الأخوان اخـوانـه بالكـرم مـثـلـه كرمهـم ليس هـو محـدود جواب عبدالله بن دهيمش بن عبار رداَعلى زميله الشاعر راضي بن سعد بن صليبي الضوي : 223 جاني قرايض خطها القـرم بحروف *** راضي أبن سعـد علـومـه طـرايـف عسى الولي يحميه من كل صادوف *** رب العـبـاد الـلي بـالأحـوال رايـف اشكرك ثم اشكرك يا صافي الجـوف *** بالشكـر مـا يـوفيـك لفـظ الشفايـف يا أبن صليبي لـك جمالـه ومعـروف *** وشكر الثنا لشرواك ماهو حسايف كافحت في هرج الخطأ كـل هذلـوف *** الـهـايـف الـلـي منطقـه دوم زايـف لأجل القبيله كنت ألوف الوطن لوف *** واليوم صرت من المشاويرعايـف صبرت يا راضي ولو عندي ظروف *** ولا ينجح الـلي نـام فـوق القطايف خمسين عـام أقـلّـب الكتب بـرفـوف *** وتشهـد لمجهودي جميع الطوايـف وأنكرني الـلي يلتغـف تقـل ملهـوف *** حـاك المكايد مـار صارت خـفايـف حـيثـه يحسب أنـي مقـيّد ومكـتـوف *** وده يـفـوز بـعـثـرتـي وايـتـكـايــف وقف معه من كان بالظـلم موصوف *** لاشـك زال الـظّـلـم تـعـمـيـم نـايـف |
قال عبدالله بن دهيمش بن عبار هذه الأبيات جواب لأبيات الشاعر حمد بن سالم بن صنعا الجعفري : 224 تسلم يابن سالم وأنا اشكرك بالذات *** حـيثـك مـن الـلي يكسبـون النفـيلـه يا حـمـد نـصـدر بالحقايـق بـيـانات *** ونحـيـد عن لفـظ العـلـوم الهـزيـلـه عـنـد الـذي شـرواك لــيـه كـرامـات *** صيد الـرجـال أهـل الهداف النبيلـه والجاحـد الـلي صار بالهـرج شمّات *** حـكـي النـمـايـم مـا يـبـرّد غـلـيـلـه يـثـني عـلي الـلي شبـوحـه بعـيـدات *** ولانـي بحـال أهـل العقول الضليله من فضل رب الكون ما فيـه غلطات *** ومن يـدعـي بالكذب مالـه وسـيلـه مـا جـيـت مـتـرفـد ولا درت قـطـات *** الـلـه حسيب الـلي يـدور الفـشيـلـه قال عبدالله بن دهيمش بن عبار هذه القصيدة رداً على قصيدة الشاعر بشير بن غنام بن ضويهر : 225 مـبـداي بسم الـلي لـه العـبـد صامي *** منبت اثمار الغيـد بغصون وعذوق خــلاّق آدم مــن أديــم الــعــدامـــي *** من طين تربه للعباد أصل واعموق منزل على موسى صنوف الطعامي *** من يطلبه من فضل الأنعام مرزوق منجـي سفينة نـوح من موج طـامي *** زام وزما يصفق على كل صعفوق غـطّى الصحاري والجبـال الـزوامي *** يجـري كـما التيار في ليل وشروق مـولاي خــلاّ الـنـار بـرد وسـلامــي *** منهـا خـليـل الـّرب نـاجي ومعتوق ومن بعد ذكـر الـلـه بدعت النظـامي *** من صافي النقروح ماقيل مطروق جــواب قــرٍم مـا بـقـافـه أوهــامـي *** من خاطره ماهـو مزيّـف ومسروق بـشـيـر قـافـه مـثـل مـزن الغـمامي *** عذب القراح اللي من الغيث مدفوق حـيثـه معـرّب من خـوال وعـمامي *** من عـزوه تحشم عن الغدر والبوق منجـوب من شايب عـطاه الرحامي *** يوم العصور الماضيه يحمي النوق دايـم بـمشـمـوخ الـعـلا لـه مـرامـي *** كنّـه جبـل عـرنان أو ضلع ساحوق الـوايـلـي عـن واجـبـه مـا يـنـامــي *** دايم يعشق الطيب والطيب معشوق لا بـار بالـصاحـب خـطـات الغـلامـي *** ريـف المقل اليا بـدأ بالزمن ضوق وأن جوه اللي فوق الركاب الهمامي *** قـدّم لهـم عيتا عـلى مـيـر مسلوق يـصـب مـن فـوق العصيب اليـدامـي *** مريوك مـع حـب اللّقيمي ومرقوق تـسلـم يـا أبـن غـنّـام جـعلـك دوامي *** حفظك رب الكـون من كـل مطفوق الحـر يـفـرق عـن طيـور الحـمامـي *** نـادر صـوارم مـا يـشبّـه لـغـرنـوق مـا يشبـب القـنـاص فـرخ النعـامـي *** مـا هـد لـو يحـط لـه وكـر واسبوق يا أبن ضويهـر مـن يصيبـه تعـامي *** مـقـول لهـاتـه بالنـمانـيم مـطـلـوق الـلي أعـلنـوا يا أبن الكرام اتهـامي *** من لا شهـد شهادة الحـق مطقـوق ومـن قـال للظـالـم يجـوز انظـمامي *** ودّه يقيـدني ويـفـرض عـلي طـوق مفـتـون في شيـن اللّـغى والشتامي *** لـكـن جـداه يـكـرر النفـخ فـي بـوق فـي مـا مـضى يالقـرم كـني محـامي *** والراس من كثر المصادم به فلوق والـلي لجهـدي يا أبن الأجواد كـامي *** قلبه ملي بالحقد مع ظلم واعقوق لـو كـنـت عـنـد مطـيـريـن العسامـي *** بـرقـا عـتيبه مع بـني عمهـم روق قـدري مـثـل مـسـتـور ولا الـزلامـي *** مـا نـم بـي مـن عزوتي كـل نقنوق لكـن يـا أبـن غـنّـام مـدري عـلامـي *** مع أجتهادي صرت بالغدر مدروق وش السبب يرمون صوبي سهامي *** مـاعـاد للأنصاف أشفـق ولا أتـوق قـام أيـتـزرى بـي خطات الخـمامي *** وقـام أيتجـلّـق كـل منحوس بشدوق شمس الضهيره ما حجبها الكتامي *** والنـاس شتّى وبالنـّقى بينها فروق شـبـحـي بـعـيـد ولا تـبـدد احـلامــي *** دامي بعـز ولا نـدى الوجه مهروق خـطـو العظامي مـا يحـب العصامي *** وده يـربّـط سـايـر الـنـاس بـربـوق حـرف الغـلط يجدع بـقـعـر الـدرامي *** ولا يربح الـلي للخطأ حـدّه الشوق وين الـرجـال الـلي هـدفـهـم أمـامي *** عـون الرفيـق وللمعـاديـن خـازوق راحـوا مقـديـن السلـف والجهـامي *** من دونهـم حـالـت صلافيح طابـوق الـلي رقـى جـده شـعـفـت السنـامـي *** اليوم ينظـر صوب الأقـدام بـدنـوق أنظر ترى العاصوف شال الخيامي *** وبـيـت القبيـلـه يالسنافي بـه فتـوق وقصر المعـزّه كـان صابـه هـدامي *** مابه ذرى وضلال والسور مشقوق العشب مهـما أخضّر يصبح رمامي *** ولا دامـت الدنيـا لجدعان وصفـوق مـعــمّــر أردنّـــه عــبــاريــد رامـي *** وصدّام عند الفرس بالحبل مشنوق قال عبدالله بن دهيمش بن عبار هذه القصيدة جواب لقصيدة عيد بن محمد العيد الدهمشي أبو فواز : 226 يا مـرحبـا يـا عـيـد مـلـيـون تـكـرار *** هـلا يـا أبـو فـواز يـا عالـي الشان جـاني جـوابك فـيـه عـبـره وتعـبـار *** منطوق قـرم مـن الرجاجيل فهمان أبـي احتفظ بـه طـول الأيـام تـذكـار *** واشكرك يا عز الخوي سر واعلان أنـت الـذي تـفهـم مبـاهيـم الأسـرار *** فكرك سليم ولا أنت بالشعـر بحلان مجـدتني يا ريـف من جـوك خـطّـار *** وأفخر باللي شرواك ياطير حوران تعـيش يا أبن عـيـد يا حـر الأحـرار *** حيث أنت نـادر من صواريم عقبان تشيد في جهدي وتجهر بـه اجـهـار *** يـفـدى جنـابـك كـل جـاحـد وخـوّان الخايب الـلي لصاحبه يـبي الأضرار *** خطو الذي من طيّب الفعـل نـغـران يسيـر مـع مقـصد خـبيثين الأشـوار *** لاشـك رفـقـتهـم مهـونـه وحـقـران قام ايتبجّح مـن بـه الخـزي والـعـار *** هـو يحسب أنه تايه البصر سلطان الحـسـد ولّـع فـي مـعـالـيـقـه الـنـار *** يشمت وهـرجه خايـب السد بهتـان ينشر مع أصحابـه شنيعات الأخبـار *** كذوب وأصحابه يا أبن عيـد كذبان والشاهد الـلـه باذل الجهـد باصخار *** ونلت من اللي مثلك تشكر وعرفان ومـن يزرع المعروف بالنّـذل خسّار *** أنا اشهد أنـه يا أبـو فـواّز خسران الـلـه يـجـازي كـل خـايـن وغـــــدّار *** لا تـأمـنـه يـلـدغ كـمـا لـدغ ثـعبـان لـك الـشكـر يالدهمشي عـد مـن زار *** طـاف بحـرم مـكّـة ودوّج بالأركان ولاهي غـريبه منـك يا مكـرم الجـار *** حيثك من الـلي فعلهم بالفخـر بـان عـزوة محددت الجـمـل يـوم الأكـدار *** يوم العرب كانت حناشل وغـزوان دهـامشه لهـم الفـخـر رمـز واشعـار *** مـقـدامهـم جـزاع والشيخ سعـران مشعان أخو جحله صميدع ومغـوار *** ياما نحى عـن مرتع الـذود فرسان الـغـافـلـه مـا جـفّـلـه كـل مـن غــار *** من دونها نمرٍ على الصيد ضرمان والشيخ أبـن قـنفـذ وجلعـود وذعار *** عـلـم الفـخـر يشمل سلايـل ضبيان والنعم في ربعك أن كـان الدخـن ثـار *** مقدامهـم عمعوم برجس ومشعان ربعك اليا ركبوا على قحص الأمهار *** عـوق العديم اليا تناخـوا بعـوجـان قـلتـه وأنـا مـن ساس بوّاجـت الـدار *** حمرالنواظر من ضنا عبيد فدعان داجوا عـلى الزرفات في كل الأقطـار *** يامـا ويـامـا سلّفـوا قـدم الأضعـان قال عبدالله بن دهيمش بن عبار العنزي هذه القصيدة جواب لقصيدة الشاعر عبدالله بن عقاب الشّن الخمعلي : 227 مـبـداي بمغـيـث الغـصون الـرطيبـه *** الـرازق الـوهاب مطلع نـما الحيـر ومن بعـد ذكر الـلـه نشـد الـنجـيـبـه *** بنـز الشبح بالقار أسرع من الطير صنـع الـذي عـلّـق بصـدره صلـيبـه *** من جرج الأول ماسرح بالخواوير نـبـت عـلى حـكـر الصناعات شيبـه *** معـتـاد يشـرب من نـبـيـذ القواريـر يتعب عـلى الـلي ريعهـا من نصيبه *** مـن سعـرها يكسب ألـوف الملاييـر هيهـات ما يفضى من المـال جـيبه *** كافح وحصّل منصب اللورد والسير حيثه صنع صنعه لـك الـلـه عجيبـه *** لا حـركـت تطـوي بعـيـد المشاويـر الـفـجـر تـمشي والمسـافـه قـريـبـه *** للـديـره الـلي عـمّهـا شهـرة الـبـيـر تيماء بها أصحاب الفعـول العـطيبه *** خماعلـه تذري عن الخصم واتجير تلفي عـلى أبن عـقاب مكرم صحيبه *** عبدالله الشغموم ريـف الخطـاطيـر قـافـه سريـعـات الـوسـايـل تـجيـبـه *** منظومه اعـذب مـن دريـر المباكير القـرم الـلي مـن سبـني هـو طليبـه *** الشاهد الـلـه ما حصل منـه تقصيـر يفـداه الـلي هـرجـه نميمه وغـيـبـه *** مـا عـنـده ألا الـبـلـبـلـه والمعـايـيـر ولا أنت تصعد فـوق عـالي الجذيـبه *** شبحـك بـعـيـد ولا تـحـب المحاديـر مـن لابــةٍ يــوم الـقـبـايـل حــريـبـه *** عـاداتهـم يـثـنـون دون المضاهـيـر ستـر الهنوف الـلي تقض الـذويبـه *** لا زغـردن هـنـف الـبـنـات الغناديـر ولا أخـو بقـشـه شيـخ مـا ينهـويبه *** الـولـدعـي نسل الشيوخ المخـاتـيـر أسـنـد لمثـلـه والـردي وش نبـيبـه *** حيـث أن لـي عـنـده حشيمه وتقدير جـدّه وأبـوه أهـل الصدور الرحيبـه *** أهل الصّخى والجود ريـف المفاقير مـرذيـن سـرج الـلي يـشوّل سبيبـه *** سـقـم المعـادي يـوم شـل المنـاسير من ساس لابـه بالمراجـل غضيـبـه *** عـلى المعـادي بالسيـوف البـواتيـر وأن صاح ينـدب للجموع الـرقـيبـه *** تـأتـيـك دكـلات الـسبـايـا صـوابـيـر فـازوبـهـا يـوم الـمـراجـل تـعـيـبــه *** وقـت المعامع يكسـرون الطـوابـيـر قال عبدالله بن دهيمش بن عبار هذه القصيدة جواب لقصيدة الشاعر عبدالله بن عقاب الشّن الخمعلي : 228 أخـبـرك بالـلي جـاب ذكـر التريـشه *** طـريـا الحميـة فيـك يا نسل الأبـرار حـيـث التريشه جـاه خصمه بجيشه *** وعـيـا ولا سـلّــم ضـريـبـه ولا نـار الـذود الـلي بـردام جـمّـع طـفـيشـه *** وأخـذ مـن القطعان قـعـدان وابـكـار مـا هـاب سطـوة عنفـوانـه وطيشه *** بـغـنـيـم فــك الـذود فـي حــد بــتّـار سـل الحـسام ولاح فـوق الكـريـشـه *** بالموقف اللي حـل بـه بيع الأعمار عـاف الديـار وعـاف قشعه وهيشه *** وسافـر شـمـال وبـدّل الـدار بـديـار نـال اللّقـب يـوم المـراجـل غـبـيشه *** هـم القبيلـة ينقـلـه صـلـب الأشـوار يالـشّـن تـلـقـا بالـرجاجـيـل خـيشـه *** وبهـم الـذي شرواك يا طيّـب الكـار الـلي بـديـوانـه قـريـفـن وشـيـشــه *** والـلي بـديـوانـه تـجـد بـن وابـهـار أنـظـر تـشـوف المشلحـيـه وحيشه *** تسند على أبن جذيل بحدود سنجار وقـتي يا أبـو فيصل لدغتني حنيشه *** واليوم أنا من جايـر الوقـت محتـار الـداب الأرقـط دوم نـسمع وشيشـه *** حيث الأفاعي ملـبـده بأوسط الـغـار مـا هـمني يا نسـل الأجـواد عـيشـه *** عبـر الزمن ذقـت الحلاوة والأمرار فيمـا مضي نسكن صنـادق عشيشه *** واليـوم بقصور مـثـل شامخ الطـار الـزاد عـاش جـدودنـا فـي هـبـيشـه *** وحـنـا مـن أنـواع المـواكيل نختـار حـنـا المكـيّـف حـيـن تشغيـل فـيشه *** شغـله عـلى رغـبـاتـنـا بـارد وحـار لـكـن بـلانـا أهـل القـلـوب الغشيشه *** يجـمـخ ويـنفـخ كـل هـايـف وهـذّار خـطـو الـرجـل ودّك تـحـدّه أبـيـشـه *** مقول لهاتـه يلـزمـه قـيـد واهـجـار في عصرنـا أجسام الخلايق لشيشه *** لاشك شفت عقولها صارت صغـار قال عبدالله بن دهيمش العبار جواب لقصيدة عبدالله بن عقاب الشّن : 229 مـبـداي بـالـلي تـرجـي الخـلـق مـدّه *** هـو الـكـريـم ولا يـديـنـه بـخـايـــل الـعـبـد يـعــلـم مـا يـخـفـيّـه ســـــدّه *** رب الـمـلأ مـغيـث العـواد الهـزايـل عـقـد الـبـلايـش مـا يـحـلـل اعـقــدّه *** ألا الـذي يـنـشـي ثـقـيـل المـخـايـل الـقــاف بـاسـمـه مـنـتـهــاه ومـشـدّه *** جـواب لـلـي كـز يـمـي رسـايـــــل جـانـي قـوافـي مـن زمـيــلٍ نـــــوّده *** قـريـتـهـا وسـجـلـت رد الـمـثـايــل عـبـدالـلـه أبـن عـقـاب نفخـر بـجـدّه *** الـشّـن يـذكـر مـن خـيـار الحمايـل لا عـدو شـخـوص النـشـامـى نـعّـده *** يحسب من أصحاب العلوم الجلايل الـقـرم نسـل الـلي خـصيمـه يـضّـده *** يـوم القـبـايـل بـيـن صايـل وجـايـل لا جاه الـلي يشكي مـن الوقـت شـدّه *** فـرحـه ضميـره بالسنين السحايـل قـلـتـه ولـيـه يـا فـتـى الـجـود مـــدّه *** اكـتـب فـخـر تـاريـخ عـنـاز وايـــل سجـلـت ماضي مجـدهـم مـع اجـدده *** العـزوه الـلي مـن ربـيـعـه سـلايـل جـبـت النسّب بالصّدق عـن كـل بـدّه *** ويـلان حـازوا بالفـخـر كـل طـايـل الـلـي تـعــيـوج يـلـطـمـونـه بـخــدّه *** اليـا تـنـاخـوا يـعـتـدل كـل مـايـــــل ويـلان يـامـا حـطـمـوا مـن مـعــــدّه *** من الفرس في ذي قار يوم الدبايل هـامرزهـم حـارث مـع الحـلـق قّــده *** وأخـذ سـواره وأحـمـر الـدّم سايـل حـلّـوبـهـم مـع سـهـلـة مـجــرهـــده *** بادوا سرايا من المجوس وفصايل والخـيـل هـجّـت عـن لقـاهـم مصّـده *** كـلّـه لعـيـن الـلـي تـقـض الجـدايـل عـزوة ربـيـعـه مـن غـزاهـا تــــردّه *** يرجع عـلى اعـقابـه ويجني فشايل يـالـواتـسـب الــقــاف لــلــقــرم ودّه *** وأهـده سـلام اعـداد نبـت الخمايـل لـو شـاف خـملـه في رفـيـقـه يسـدّه *** مـاهـو مـن الـلي يفتقـون الخـلايـل يـفـداه الـلـي قـصـر الـرفـاقـه يـهـدّه *** يفتح عـلى علـوم الـرذيلـه فـوايـل مجـهـد وجهـدي مـن يـحـاول يـلـدّه *** راعي الحسد تصّه مع الحلق غايل خـاب الـذي حـقـده عـلى الظّلم حـدّه *** وشـلّـت يميـن الـلي يـمـد الحبـايـل مـن كـاد لـك بـالـكـيـد عـشّـه وغـدّه *** ولا عن الـلي مثله عـريـب مسايـل |
قال عبدالله بن دهيمش بن عبار هذه القصيدة جواب لقصيدة الشاعر غثيث بن حسين الصقري : 230 يا الـلـه يا منزل من الوحي الأعجـاز *** أنـت الكريـم الـلي نبـيّـك نصـرتـه يـامن جعـلت القـاحـلـه كـنّـهـا افـراز *** من عشب في بـيـد الفيافي بذرتـه وبعـد ذكـر الله هاضت افراد واجواز *** القاف من فيض المشاعـر جهـرته نـويـت أسجـل صافي الشّعـر بجهـاز *** نفحات فكـري من ضميري اخترته يـوصل غـثيـث ولـو مـقـره بشيـراز *** رد الـرفـيـق اجـهـزه مـا خصـرتـه يـهـدى لـقـرمٍ مـن ثـقـيـلـيـن الأرواز *** غـثيـث قـدره نـرفـعـه مـا حـدرتـه عـوايـد أبــو حـمـود لـلـنــار شــزاز *** وفنجـال تـنعش شفّـتـه مـا نـثـرتـه يـفـدا جـنـابــك بـهـلـوانـي وجـنـبـاز *** الـلي عـيوبـه تنكشف لـو ستـرتـه حـيـثـك تكافـح كـل مسـوي وهـمّـاز *** واللي عرض لي بالمهاجي دحرته من ساس عزوة لا بدأ طراد والـزاز *** كـم فـارسٍ خـلـوه يـفـتح ابـخـرتـه أرداهـم الـلي لعـيـن مـن عـال بـغّـاز *** والحيـد ينـزل في عوالي اظهـرتـه واليـا حـصـل يـوم مـثـل يـوم خـزّاز *** عـدوهــم مـا تــاجــده كــان درتــه ودنـيـاك مـا دامـت لـصـدّام ونــيــاز *** والشـاه شـلآّت الخمـيني أغـدرتـه عيت تساعف فارس الخيـل طهمـاز *** ومن جـورهـا يالقرم ليلك سهـرتـه واليـوم بـنفـوس الخـلايـق اشمئزاز *** ينكرك حـتّى الـلي بفضلك غـمرتـه قال عبدالله بن دهيمش بن عبار جواب للشاعر رابح بن عوده الجعفري : 231 حـي الجواب وحي من صاغ الأمثـال *** من رابح العوده عسى الرّب ياقاه رابـح ربـح عـلـم الفضيلـه والأنفـال *** شبحه بعيـد وشامخ الحـيـد يـرقـاه ما هـو من اللي مقصده يجمع المال *** نفسه عزيزه يا عسى النذل يـفـداه يفداه الـلي يـزمـر تـقـل صـوت دلاّل *** يسعى يبي يملأ من السّحت مخبـاه مـجـنـاه مـن لابـه صناديـد وأبـطـال *** جـعـافـره نسـل الشخوص المسمّاه مدحتـني واشكـرك يـا طـيّـب الـفـال *** حيث الـذي شرواك نفخـر بطـريـاه مار الرجّل يالقرم كان انجز اعمـال *** هـذا يـمـجّـد بـه وهـذاك يـشـنــــــاه يـفـخـر بـه الطيّـب وتشنـاه الأنـذال *** لـكـن يـحـط أقـوالهـم بـاسفـل حـذاه أجـهـدت يا رابـح وجـربـت غـربـال *** مـن نـاس لـهـم بـالمجالـس مـلالاه نـاسٍ منـاحـيسٍ ونـاسٍ بـهـا هـبـال *** وبـه ناس يسهل قودها كنّها الشاه عاصرت يا رابح من العـزوه رجـال *** من صفوة الويلان لي عندهم جـاه رجـالـهـم يـقـدى كـلامـه الـيـا قـــال *** ما وقع بختمه على الكذب وامضاه والشّرع يمنع شر بالحـق مـن عـال *** والـلي يـبـي مـضـرتي مـا اتـرجّـاه اليوم من فضل الولي بأحسن الحال *** مـا يقـنط الـلي يرتجي فضل مـولاه قال عبدالله بن دهيمش بن عبار هذه القصيدة مجاراه لقصيدة الشاعر طارق بن عطالله بن لعيبان الرويلي : 232 سجـلـت منظـوم القـوافي بالأصبـاع *** جاني شعـر طـارق وجاريـت قـيلـه مشكـور يا خـلـفـة صناديد واسبـاع *** تـعـيـش يـا نـسـل الـرجـال النبـيلـه عـزوة هـل العـليـا طـويلين الأبـواع *** يـوم المطـاعـن بالـرمـاح الطويلـه يا أبن عـطالله بالفخـر علمكـم شـاع *** عـاداتـكـم يالـقـرم كـسـب النفـيـلـه شرواك لـه بالطيـب هـقـوه ومرماع **8 حـيثـك مـن الـلي يدركون الفضيله يـفـداك الـلي طبعـه مـراوغ وخـدّاع *** مـثـل الثعـل فـاق الغضنفـر بحـيلـه فـوده مـن الصيـده قصابين واكـراع *** حـيـثـه سمين الصيـد مـا يستويلـه من كان شبحه دوم ينظر على القاع *** ولاله عـلى صعود المعالي وسيلـه خـلّـه يـروح وينقلـع هـش الأضلاع *** خـاب وهـدف مقـاصـده مستحـيلـه والطيّب الـلي لشمل الأقـراب جمّـاع *** هـذاك مـا نـقـبـل لـك الـلـه بـديـلــه مثـل الحسام لـروس الأضداد قطّـاع *** يفـزع اليا لاحظ من الخصم عـيلـه قال عبدالله بن دهيمش بن عبار هذه الأبيات جواب لأبيات الشاعر معيض بن راكح المرعضي أبو جابر : 233 حي الزميل الـلي وصل لي رسولـه *** عـبـر الجهاز القاف بالحـال جـابـه الـوافـي الـلي عنـده الصّدق سولـه *** يتعب عـلى الجـزله من أول شبابه يا معيـض مـا تشكل عـلي الثعـولـه *** مـادام بـي شرواك يـبـدي اعجابـه يفـداك مـن ضـم الـردى في حثولـه *** الـلاش عـنـوان الـدنس والخيـابـه يعيش أبـو جابـر من أهـل البطولـه *** المرعضي من ساس عزوه ولابه رجـالهـم خصمـه الـيـا شاف زولـه *** تنهـار من ساعـة لقـاهـم اعصابـه عـدوهـم يـبـلـش الـيـا جـوه صولـه *** يـوم الشجاع الشّلف يدمي حرابـه يـوم الـغــزاه الـكـل يـلـكــد ذلــولــه *** يسري ويجـري ما تـونـت ركـابـه والـيـا زقـح مـر الـكبـود الـزعـولـه *** نـطـيـحـهـم لابــد يـنـزف صـوابـه قال عبدالله بن دهيمش بن عبار هذه القصيدة جواب لقصيدة الزميل معيض بن راكح المرعضي الروايلي أبو جابر : 234 يا معيض أبن راكح بمنظومك اقديت *** شـرواك دايـم مـعـتـدل مـا يعـيـلي لـك الشكر يا معيض يا طيّـب الصيت *** الـلـه يعـطـيـك العـافيـه يا زميـلي يا معيض لأصحاب الخطأ ما توحيّـت *** ولا غـرك الـلي كان عقله ضليلي قـلـت الصحيـح لـواقـع الحـق تـثبيـت *** حيثـك صدوق ولا تبـوق العميلي يـاعـل يـفـدونـك هـل البـغي والهـيـت *** منـطـوقـهـم يالـقـرم مـالـه دليـلي سـود القلوب أهـل العلـوم الهتاهيـت *** مـا عـنـدهـم ألا النـمنـه والنـقـيلي كـمـا تـرى يالـقـرم مـا تـقـل سـويـت *** عـلم من أجـل مجد القبيله فضيلي مجـهـد ولأنساب القبـيلـة تحـاصيـت *** والحاسد من الحـقـد صابـه غليلي جمعت نسب عـزوتـي عـقـب تشتيت *** مجـهـد لخـدمتهـم نهـاري ولـيـلي قال عبدالله بن دهيمش بن عبار هذه القصيدة مجاراه لقصيدة الشاعر عايد العمير العوادي : 235 يا عـايـد بـقـافـك تشـرفـت تشـريـف *** وشكرك لهـج بـه يالسنافي لساني عـبـر الـذي مـا غـلفـوه بمـظـاريـف *** بالـوات سـاب اليـوم يالقـرم جـاني مجدتـني يسلم جنـابـك يا أبن سيـف *** حـيـثـك نـزيـه وللخـطـأ مـا تـدانـي يا أبـو عبدالله كـان تسمـع أراجـيـف *** هـرج المسفّـه مـا يهـزهـز كـيـاني لـو يشمتـون السافـلـيـن الهـذالـيـف *** عـنـد الـذي شرواك يعـرف مـكاني ازلـه كـلام مـروجـيـن الـخـواريــف *** واحـدهم اسبق من قـعـود العـماني حـكـيـت بالـواقـع ولا قـلـت تـزيـيف *** تـاريـخ عـنـزة من قـديـم الـزمـاني راعي الحسد يكوى بحر المراضيف *** ولا أحـد يطيع اللاّش كانه هجـاني والـلي يشجّع ناشـر الكـذب والهيف *** مـلـزوم يلـجـم بالـرّسن والـعـنانـي يا مكثر اللي يصفف الهرج تصفيف *** مـالـه طـلـب لـكـن بـشـرّه بــلانــي مابي ندم عـلى التعّـب والمصاريـف *** مـادام يـعـني عـزوتـي والـعـوانـي مجهـد ولا تـطـري عـلي التحاسيف *** ولا فاد مضعوف البخت لـو شناني قال عبدالله بن عبار هذه القصيدة جواب للشاعر عايد بن عمير : 236 لاهنت يالحر الصيود اليا هوى يرمي الشبب يا عـايـد الـرّب يحـمـاك صرّحـت بالقول الصريح في عصرنا كما تشوف سوالـف منهـا العجـب ما سنها نبي الهدى ولا سنها عيسى المسيح ما اشكل علي أهـل الجحود اللي يكنون الحسب يا عايد النمر الفروس ما جفله كثر النبيح من سار بالدرب العوج خاب وخسر ثم أنّكب الظالم المولى خذله ماله مجيب ولو يصيح دوجت وسجلت البحوث من عطوى لأم السّرب ويشهد لخدمة عزوتي حتّى الذي وسط الضريح دجت بجنوب المملكة دار الصياعر والكرب وفي كل ديره زرتها حضيت بالوجه الفليح ما درت من شعري طمع ولاهو مخصص للّطرب بالعـز وعـلـوم الفخـر سجّـلـت منـظـوم القـريـح ومن لا تعزوى بعزوته وش عاد لو ربّى الشّنب هـذاك يـبـقى مـنـزلـه مـثـل المـعـوّق والكـسيـح من فضل خلاّق البشر راعي المكيده ما غـلـب يسعى يـبي يـذلـنـا مسرع وصـدره لـه فحيـح الحاقدين أهل الحسد حطّوا على النار الحطب مـن لا يـودك لـو سكـت يبـين بغـضه بالنفيح ودليل نكبات الزمان ما صار في حمص وحلب عقب الثراء رجالهم أصبح مثل راعي وضيح وحـنـا بضـل ملوكنـا الـلي يهـدّون الصعـب بأسبـاب حـكّـام العـدل تـنـام بالـدو الفسيح جواب عبدالله بن دهيمش بن عبار رداً على الشاعر موسى بن عيسى الجذيان الجذع الشميلاني : 237 حـي الـبـيـوت الـلـي تـزيـل التـعـامـيـس *** من موسى بن عيسى مناديب وعسوس اشـكـر جـنـابـك يـا نسـل مـرذي العـيـس *** حيثـك نبيـل مـن اهـل الطيـب منـعـوس وأن كـان تـنـشـد وش كـتـب بالكراريس *** حـصـدت شـوك وصار بالضفـر داحـوس كـلام مـحـدى يـوم يـسنـد عـلى حـلـيـس *** معـناه شفـتـه وانكشـف كـل مـدسـوس شـتـلـت بالصبـخـى شـتـيـل المغـاريـس *** وذبـل سـعــفـهـا وانـحـنـا كـنّـه الـقـوس والغـرسـه الـلي بالصبـخ صابهـا خـيس *** يـبس ورقـهـا وعـاث بغصونها السوس رشيـد يشهـد لـي وأبـو نـايــف هـديـس *** والحـق مـاهـو عـنـد الأجـواد مطـمـوس قال عبدالله بن دهيمش بن عبار هذه القصيدة جواب لقصيدة الشاعر عبدالعزيز بن إبراهيم المسيحل : 238 بـسـم رب الـكـون خـلاّق الأنــام *** مـن روابع خاطري نظّمت قيـل رد أبن إبـراهيـم سجّـلتـه شمـام *** جـاه عجل الرد والشكر الجزيل مرحبـا بـعـداد مـن لبس الحرام *** وعـد ما شدوا على البيدا رحيل ومرحبـا بـعـدد من صلّى وصام *** وطاف باللي شادها نجل الخليل يـا عـبـدالـعـزيـز عـداك الـمـلام *** الثنـاء والمـدح فـي حـقّـك قليـل عـزوتـك بالكون يحمود الجهـام *** بالقنا والرّمح والسيف الصقيل لـو تكون ارواحهم تذهـب عـدام *** بالـوغى يهـدونها دون الدخيـل ماشقيت بوصف مردوع الوشام *** زاهي الهندام والخصر النحيـل التـوّلـع يا أبـن مسيحل والغـرام *** في مفاخـر لابتي ريـف الهزيل أكـتـب ولا هـمني خطـو الخمـام *** السفيه وصاحب العـقـل الضليل من يكـن الحسد لـه قصد ومرام *** في ضميره ران مع غـل وغليل حشمتي يا مسندي عند الحشام *** والـردي كوبـان ماني لـه عميل التعـبّـث بالنسـب عـيـب وحـرام *** ولا رضي بالهون لكـود الذليـل لـو حطـونا بالنسب خلفة هشام *** في نسب عـنـاز مـا نقبـل بـديـل قال عبدالله بن دهيمش بن عبار هذه القصيدة جواب لقصيدة الشيخ متعب بن عبدالهادي الفققي : 239 الشيخ الـلي من صافي الشعر يختـار *** الطيب سلمـه والوفـاء لـه طبيعـه متعـب يـعـلّـه مـن طـويليـن الأعـمـار *** مجنـاه مـن نسل الرجال الشجيعه متـعـب سلايـل مـدّب الجـمـع لا سـار *** قـدّام ربـعـه مـوقـعـه بـالـطـليعــه حـفـيـد مـفـلـح طـيّـب السّلـم والـكـار *** لـه مـنـزلـه عـنـد الحمايـل رفيعـه يا أبـو عبـدالله مـن بـدأ عـنـده انكـار *** واستعمل اسلوب الدجّل والخديعه وش عاد لو هو غـر عميان الأبصار *** سود القلوب أهل العلوم الوضيعه نـسـب ضنـا عـنّـاز مـن قـدم الأدوار *** بـاقـي ولا مـرّت عـلـيـه القـطيـعـه والـجــد وايــل مـا يـبــدّل ولا أيـعـار *** مـاهـو بسوق المشترى والمبيعـه |
قال عبدالله بن دهيمش بن عبار هذه القصيدة يسند على الشيخ متعب بن عبدالهادي الفققي حيث له مواقف مع الحق وأفهام الذين يبثون الدعايات المضلله : 240 يا الـلـه أنـي طالبك نصري وعـوني *** بـك نعـوذ مـن الدواهـي والبـلاوي أكـفـنـي يـا رب شـر الـلي ابلشـوني *** بالـدعايـات الـرخيصـه والشكـاوي خـاب سـعي الـلي يـبـون يعـيـبـوني *** أحمـد الـلـه ما لقوا عيب ومساوي العـفـوا يا أهـل الفخـر لا تواخذوني *** أبـي أفيـد الـلي عن الواقع عماوي قـصدي أصحاب الجهالـه يفهموني *** بالـوكـاد ولا نـبـي جـلـع الغـطـاوي مـالـهـم مطـلـب ولـكـن هـم يبـونـي *** اكتـب بحـوثي خـواريـف وحجاوي عـن ذكـر صـدق الحقايق ما ثنونـي *** ولا يجيـز الشّـرع تغيـيـر العـزاوي أرفـض التـزويـر مـهـمـا يشمتـوني *** قـلـتـهـا ولا هـمنـي كـثـر الشنـاوي أسنـد الـقـول الصحـيح وصـدّقـوني *** بالمصادر ماهـي ظنـون وهـقـاوي وش يبون الظالمين الـلي اظـلموني *** يـشهـد الـلـه مـا تلقـيـت الـرشاوي الـرجـال أهـل الضمايـر يـبخـنـونـي *** شيمتي مـا بـعـتـهـا ولاني حـراوي وكان بادت عن نقـل حـملي متـونـي *** أعـتـزي بأهـل الحميـه والنخـاوي عـادت أصحاب الذّمم يثـنـون دوني *** ومن يـعـد الحـق يـردع كـل غـاوي شروى متعب فـيه مـا خابت ظنوني *** أبـو عبدالله مـثـل وصـف الـنـداوي رد قـول الـلـي لجـهـدي يجحـدونـي *** حيثه من أهل القهاوي والصهاوي الشخـوص أهـل الحـميـه يمدحـوني *** وأهـل النمّـه عساهم بألـف هـاوي كـل هـدانـي مـن هـلابـيـج العـفـوني *** عـد نفسه مـثـل شليويح العـطاوي قال عبدالله بن دهيمش بن عبار هذه القصيدة رد على قصائد الأخوين حسين بن عوده القراري ومحمد بن عايد الدوهان : 241 اسمحـولـي يالـرفـاقـه وامـهـلـونـي *** أبـي أرد أن كـنـت أنـا لـلـرد قـاوي أكـتـب المنظـوم من صـافي فـنـوني *** تـحـيـات معـطّـره فـي ريـح جـاوي لأبـن عـوده وأبن عايـد مـا يهـوني *** خلفة الشجعان في عصر الحـداوي واشكـر الـلي فـي بحـوثي شجعوني *** وعلى عدواني كما النجم السماوي يـرجـمـون الـلي هدفهـم يرجـمـوني *** ولا يقـر الجـور من طبعـه حماوي يـوم بـعـض الحـاقـديـن يحـاربـونـي *** بالسوالف بـان كيد أهـل الـزراوي نـاس تطعـن بـي ونـاسٍ يشتـكـوني *** ومن مرض قلبه وجدنا له مـداوي طـبّـه الـلي بالشـريـعـه يحـكـمـونـي *** حكـمهـم بالحـق تـملـيـه الـفـتـاوي الـزعـيـم الليّـث لشعـوبـه يصـونـي *** يـردع الـظـالـم ولـلـمـظـلـوم يــاوي أخـو الأنور ضـد من صابه جنـوني *** يـربـط الـلي بـان غـلثـه مـا يـلاوي الغـضـنـفـر كـان كـشّـر بـالـسنـوني *** مـا قـدر يقـرب عـرينـه كـل عـاوي دام صافـيـن الضـمـايـر ينصفـونـي *** مـا يـهـم الـلي لأخـو مـرّه مـخـاوي الـرجـال أهـل الحـمـيـه سـاعـدونـي *** مـن فضـل رب الملأ ماني خـلاوي هـل العرفا وعزوتي حـمـر العيـوني *** باللّـزوم رواحـهـم تـهـدى هـداوي وعـزوة سلـيمـان حّـزت يعـتـزونـي *** تصـرخ العـدوان بصيـاح ونعـاوي وربعي الـويـلان ضـد الـلي يخـوني *** كـل عنـزة عـزوتي مـاهـي حكاوي عـن بعـضهـم دايـمـاً مـا يخـتـفـوني *** يوم جلد الشلف كـنّه صوت مـاوي هـم كـبـار الجـاه وكـبـار الصحـوني *** وستر اللي لباسهن عذي المزاوي لأنتخـوا بالكـون في شقـر القـروني *** بالـمـعـاره خـصمهـم تـلـقـاه ثـاوي قال عبدالله بن دهيمش بن عبار هذه القصيدة جواب لقصيدة الشاعر خضير بن هليّل المدعج المضياني أبو بدر ونظراً لأن هذه القافية سبق وأن قيل على طاروقها عدة قصائد فقد غيرت القافيه وأسندت له هذه القصيدة شاكراً ومقدراً حسن الثناء وقلت : 242 نـويـت أوجّـه وافـر الشكّـر لخضيـر *** القـرم أبـن مـدعـج سـلايـل هـلـيّـل أزكـى سـلامي مـع تـحـيـه وتـقـديـر *** اعـداد مـا يـنبـت عـلى القـاع ثـيّـل واعـداد منبـوت الـزهـر والنـواويـر *** وعـد الحصا واعـداد رمـل السليّـل القـرم الـلي عـبّـر من الشعـر تعبيـر *** ولفضـه مثـل منطق حمـود السبيّل لـك الشّكـر يا مسطّـر القاف تسطير *** قافك شبيه اللي على الروض سيّل تثني عـلى جهدي عسى فالك الخيـر *** وشكري بحقّك يا أبن مدعج قـليّـل يشهـد عـلي الـلـه مـا جبـت تـزويـر *** أكتـب وأوضح مصدري مـا اتخيّـل وضحّـت لـلي مسلكه خـالـف السيـر *** خطو الـذي عن منهج الـحـق ميّـل ومـن زوّر التـاريـخ ضيّـع جماهيـر *** لاشـك هـو مكشـوف مهـمـا تحـيّـل لـو كان مخطي ما يطاوع من يشير *** والـيـا نصحتـه زاد غـيض وتشيّـل عـزالـلـه أنـك ما حصل منك تقصير *** يـوم الـردي كـوبـان وجـهـه مـنيّـل البـحـث والـتـألـيـف يـبغي مشاويـر *** مـا طـالـه الـلـي فـي مـقـرّه مـثـيّـل ولا يـدرك ألا بـالتـعـب والمخاسيـر *** يصعب عـلى الـلي منزوي بالضلّيل ويوم أبذل المجهود وأواصل السير *** الـجـاحـد الـلـي يـنـتـقـد كـان عـيّـل وأشـكـر جنـابـك يا سليـل المناعيـر *** لـكـم الفـخـر قـبـل مـغـازي عـقـيّـل ربعـك هـل الصّبحـا قـرومٍ المشاهير *** الطيّـب مبطـي فـي حـمـاهـم مقيّـل يـوم الملاقـا بـمـرهـفـات الـبـواتـيـر *** يخلـون سرج الـلي سوات الغـزيّـل عـدوهـم عـنـد اقـتـحـام الـطـوابـيـر *** كـان أعـتـدى خـلـّوا حـريمه تـويّـل بالوقـت الـلي يـلـوذ بـه وافـر الميـر *** والـزاد شـح ومـن سفـر مـا تكيّـل أولاد سـوي يـكـرمـون الخـطـاطـيـر *** وبـرباعهـم تـلقـا الـدسـم والمهيّـل قال عبدالله بن دهيمش بن عبار هذه الأبيات من الهجيني جواب للأخ الشاعر مشوّح الجعفري : 243 يـا مشـوّح يـا نـادر الأحـرار *** جـزلات الأبـيـات وصـلتـنـا اشـكـرك يـا مسنـدي تـكـرار *** حـيـثـك تـفّـهـمـت غـايـتـنـا يالجعـفـري يا عـزيـز الجـار *** مـا فـاد الـلي راد يـبـهـتـنـا ياراعي الجدعا عساك مجار *** لا تــعــتـذر يــا قـــرابـتـنــا كــانـي تـصـديـّت لـلـشّـعــار *** هـاك السنـه يـوم فـزعـتـنـا حـنـا قـرايـب مـافيـهـا أنـكار *** عـزوة ضنا عبيـد عـزوتنـا يـالـقـرم مـن مـاضي الأدوار *** من يعتدي عـنـه وش نـتنـا قال عبدالله بن دهيمش بن عبار مجاوباً الزميل الشاعر مشوّح : 244 جـاني قرايض كمـا المرجان *** أو فـل من روض مقطوفي القـرم مشّـوح نـظـم قـيـفـان *** وعـن ردّه ما تمنع ظروفي يا مشّوح يا خلفـة الشجعـان *** عساك ما تشوف صادوفي مشكـور يا مقـلّـط الخـرفـان *** تـكـرم اليـا جـولك ضيـوفي يـفـداك الـلي منطـقـه بهتـان *** عـايـل وللحـق مـا يشـوفي نـقّـال هـرج وبــذي لـســان *** وصاحـب مكـايـد وملقـوفي يامشوّح شفت العباد ألوان *** لـهـا تـشـاكـيـل وصـنـوفـي بالناس من تشبه الغـربـان *** صدره من الحسد ملهـوفي خطـو الـذي بالبشـر بلشان *** تـقـول بـالخـلـق مـكـلـوفي أن جيت رحّـب تقـل شفقان *** وأن رحـت شلفاه بكتوفـي قال عبدالله بن دهيمش بن عبار هذه الأبيات من الهجيني جواب لأبيات مشوّح بن سعيّد أبو نواف الجعفري : 245 جـتـنـي قــوافـي كـمـا الـمـحــار *** مـن القـرم الـلي عـنـدنـا غـالي الـمـنـصـف الـلـي لـنـا شــكّـــار *** لـي عــنــده الـمـنـزل الـعــالــي الـقـرم مـشـوّح بـنـا فــخّـــــــار *** الـجـعــفــري يــذكــر اعــمـالـي أخــذت مـسـهـم مـع الـشّـعـــار *** وألـــفـــت لــلــعــزوة لــحــالـي الـربـع الـلـي ترخـص الأعمـار *** عــنــاز ذربــيــن الأفــعــالــــــي جهدي عند أهل الفخـر مـا بـار *** ولا تـجـحـده كــود الأنــذالــــــي قال عبدالله بن دهيمش بن عبار هذه الأبيات يجاري أبيات أحمد بن عايد الدهيم : 246 اشكـر جنابـك يالزميـل أبـن عـايـد *** تـعبـيـر لفظـك يالسنـافي فهمنـاه يـا أبـن دهـيم أخبـرت كـل البـدايـد *** بالـلي عـن أمجاد القبيله قـرينـاه حـيـث عـنـزه تاريخهـا لـه شهايـد *** تاريخها من دور عـامـر ذكـرنـاه والـلـي يـبـي عـن الحقيقـه يحـايـد *** جـبنـالـه العـلم الـوكـاد ونصحناه يا نسـل مـروي مرهفـات الحـدايـد *** وشيوش الـلي بالفعايـل مـدحنـاه عطف عـلى العطفه بـيـوم الشدايد *** في حـرب خيبر قـد عكلي بشلفاه |
قال عبدالله بن دهيمش بن عبار هذه القصيدة جواب لقصيدة الشاعر جزاع بن عبيدالله النومسي : 247 جـزاع قـافـه سـجـلـه فـي حسـاسـه *** تسجيل عبـر الواتس ماهو بكرّاس القـاف صفّى جـوهـره عـن نـحاسـه *** شعره يشوق البال موزون بقياس دريـر مـبـكـر حـالـبـيـنـه بـطـاســــه *** أو شهد اللي غذاه في حير غرّاس سـمـعـتـه ومـوقـي تـبــدد نـعــاســه *** قوافي المنعور مـن فكـر واحسّاس سـلام مـثـل الـورد مـا حـي عـاســه *** ينفح عـبيـره بالـروابي والأطعاس لـلـي قـصـيـدة بالـمـجـالـس ونـاسـه *** رب المـلأ يحميه من كيـد الأتعاس عـسى فـداه أهـل الـنـكّـد والنحـاسـه *** الـلي يعـضون الأباهـم بالأضراس الـلي لـمجهـودي يـبـون انـتـكـاسـه *** الحاقديـن أهـل الـرذايـل والأدنـاس الـحـاقـد الـمـنـكـود يــزداد يـاســــه *** من يزرع الفتنه بذر غرسته خاس مـا سـرت بعـلـوم الـردى والدناسـه *** ولا جبت علم لعزوتي يكسر الباس نمشي عـلى مـنهـاج فـهـم وسياسه *** ومن خالف القانون بالرجل ينداس مهمـا أشاعـوا من عـلـوم الطفاسـه *** واثق ولا عندي من الكيد هوجاس نشدتكم يا أهـل الـذكـاء والـفـراسـه *** أي الـذي يا عـزوتي للنسب حـاس يقـص مـن نشـرات قـوقـل خـلاسـه *** ويلزق ومن يغـريه يبشر بالأفلاس وأي الــذي درس عـلـومـه دراسـه *** يبحـث ويـقـرأ في سجّلات قـرطاس يجمع نسب بشـر ضحـاه ودمـاسـه *** مع مسلم اللي خلفته وهب وجلاس عـزوة فخـر يـوم الضعـن بأحتبـاسه *** ضـد الخصيم أن ثـار للّشـر مقباس ال عبدالله بن دهيمش بن عبار هذه القصيدة جواب لقصيدة الشاعر سعود بن عبيد الجبوري الشملاني : 248 حـي قــرمٍ لـه وقــار وبــه عــفـافـي *** الـجبـوري كـز لـي منـظـوم قـيـلـه الـنبـيـل سـعـود عـبّـر عـن اهـدافـي *** وأشكـر الـلي بالثنـاء شاد بـزميلـه يـذكـر اعـمـالي لـربـعي بـاعـترافي *** ومن عمل معروف ما يجحد جميله قـالها ابن عبيـد في جـهـر وكشافي *** منصف وقـول الحقيقـه يستوي لـه كـل منصف ما جحـد عـنـده انصافي *** ولا تـنـكّـر كـود مـن بـاق بعـمـيلـه يوم بعض الناس يا أبن عبيد غـافي *** مـجتـهـد فـي كـل يـوم وكـل لـيـلـه بـني وايـل ساسهـم مـا قـيـل هـافـي *** مـن نـسـل عـنـاز من عزوه أصيله مـن سـلايـل جـدهـم مـاهـم حـلافـي *** وايـل مـاهـو مستعـار ولا هـميـلـه أبـو بـشـر وأبـو مسلـم لـيس خـافي *** ومن يحـرّف بالنسب مالـه وسيلـه النسـب مكـتـوب بسـجـل الصحـافي *** وكـل جـيـل يـورثـه لأحـفـاد جـيـلـه قال عبدالله بن دهيمش بن عبار هذه الأبيات جواب لأبيات الرجل الفاضل الشاعر صفوق بن شامان المعجل : 249 يا صفوق ربـك والي العرش يجعـل *** يـمـدّك بـقـــوة ونـصـر ومـعــونـه يا خلفـة الـلي يخـلي الـذيـب يـمعـل *** هـبـر الثنادي من مضارب طعونه يا صفوق لا تشره على شبه الأثعل *** تـجـاهـل الخـايـب ولالـك مهـونـه الـلـي بـمـنـطـوقـه لـلأجـواد يـزعـل *** ذاك الجحـود الـلي رفيقـه يخـونـه اليـوم مـن نسـمع قـحيحـه ويسعـل *** قـالـوا بــه الـكـوفـيـد لا تـقربـونـه قال عبدالله بن دهيمش بن عبار هذه الأبيات جواب لأبيات الأخ حمدان بن مجول الطفحي : 250 في ما مضى المكتوب يأتـي مغّـلـف *** واليـوم صفحـات الـوسايـل تـوديـه قريت شعر اللي عـلى الطيب سلّـف *** حمدان بن مجول عسى الـله يقويه يـامـا ويـامـا عـنـده الضيـف خـلّـف *** عـوايـده يـفـرح بـضيـفـه وعـانيـه اقـسمـت بالمـولى ولانـي مـحـّلــف *** أن الــذي مـثـلــه نـعــّزه ونـغـلـيــه عسى يفداه الـلي تعوّد عـلى الـلّـف *** يوقـف بصـف الـلي يعـادي بنيخيـه مـن حالـف العـدوان عقـلـه تـتـلّـف *** ما يدرك المظمون وإبليس مغـويـه ولا خـيـر بـالـلي لأبن عـمّـه تبلّـف *** يبحـث عن المثلـوم والـزيـن يخفيـه جـميـع منصـف بالحـقيـقـه تـكـلّـف *** قـال الصحيح ومن شطح ما يحابيه قال عبدالله بن دهيمش بن عبار هذه القصيدة جواب لقصيدة الشاعر عبدالمجيد بن ثاني الويط الغضوري : 251 يالواتساب أقدم عـلى القـرم مسيار *** حـال العـجـل لازم جـوابـي تـشيـلـه عبدالمجيد الغضوري نسل الأبـرار *** مـا يجـامـل العـايـل اليـاشاف عـيلـه حـيثـه مـن الـلي ما يهابون الأقـدار *** يـوم اللقـاء فـوق الجـواد الأصيلـه مـن عـزوةٍ بـربـاعـهـم بـن وابـهـار *** والنجـر يضبح بـس توحي صليلـه سـلام للمـنعـور مـن خـاطـري حـار *** أهـديـه لـلـشـغـمـوم مـكـرم نـزيـلـه عـبـدالمجيـد ارسل عـذيات الأشعـار *** قافه مثل قطف الـزهـر من خميلـه كـنـه يغـرف الـقـاف مـن نـبـع فـوّار *** مـن ريهجـان القـيـل مـاهـو ثميلـه الغضوري من صافي الشعر يخـتـار *** منصـف وينـطـق بالعـلـوم النبـيلـه يـثـني عـلى مجهـودنـا حـر الأحـرار *** عسى فـداه أهـل الهروج الهـزيلـه يـفـدى جـنـابـه كـل هـايـف ومـكّــار *** سـود الـفوايـل والـفـعـايـل رزيـلـه ويفداه اللي يقدم على العيب والعـار *** عـفـن الرجال الـلي يجيب الخجيله يا مسندي هـاك الخبـر بالـذي صـار *** عـن الـذيـن استعـملـوا كـل حـيـلـه الـلي يـدورون الهضيمة والأضـرار *** ما حصلوا من فضل ربـي حصيلـه ماني يا أبن ثاني عـلى الغبـن صبّار *** أصـمـد وراعـي الكيـد مات بغليلـه الـحـل بـيـديـن الـمـشـايـخ والأمّــار *** مـا هـو بكيـف مـروجـيـن النقـيـلـه الـلّـيـث أخـو نـوره كـعـم كـل غــدّار *** المقـرنـي مـن بـان ظـلمـه يـزيـلـه الحـكـم يـردع كـل ظـالـم الـيـا جــار *** وأهـل الفسـاد أهـدافـهـم مستحيلـه قلتـه وأنـا مـاني مـن الجـهـد ذخّـار *** جمعـت مجـد العـزوه الـلي أنتميلـه أربع عقود اكتب عن العزوة أسطار *** أسـعى حـثـيـث وكـل راوي أجـيلـه كـم لـيـلـةٍ مـا نـام بـالـلّـيـل سـهّـــار *** أبـحـث عـن الـلي فيـه ذكـر القبيلة طـول المـدى مجـهـد وللمـال خسّار *** غيـر الفخـر مالي لك الـلـه وسيلـه ولاهـمـني من قـابـل الجـهـد بأنكـار *** ولا يـنـكـر المجهـود كـود الهبـيلـه ما يثمنون الجهـد عـميـان الأبصـار *** مهـما عـملـت من العـمـال الجليلـه مادام الـلي شرواك منصف وشكّـار *** ما اشكل عـلي الـلي يدور الخـذيلـه مـادام صافيـن الضمايـر لي أنصـار *** مانـي بحـال أهـل العـقـول الضليلـه مجهـودنـا يشهـد لـه صغـار وكـبـار *** ولا يجـحـد الا الـلي يـبـوق بعميلـه البـوم ينغـط مـوقـعـه بأسفـل الـغـار *** والحـر وكـره فـوق راس التـليـلـه جواب عبدالله بن دهيمش بن عبار على أبيات أحد الجيران : 252 مشكور يالـلي تـفتهـم كـل الأوجـاب *** جـاني جـوابـك بالبـيـوت الجـميـلـه حيثك من اللي طبعهم عز الأصحاب *** ريف القصير أهـل العمـال الجليلـه الـلـه يفكـك مـن شنيـعـات الأسبـاب *** ويكفيـك شـر أهـل العـقـول الهبيلـه قلت الصحيح الواقعي ما أنت كذاّب *** والـلي جحـد خـلّـه يمـوت بغـلـيـلـه خـلّـه يعلّـه تحتـرق مـنـه الأعصاب *** حـاسـد وفاسـد مـا يحـوش النفيلـه جـميـع مـا سويـت خـدمـة للأقـراب *** ولانـي بـحـال الـلي يـبـوق بعـميلـه قال عبدالله بن دهيمش بن عبار هذه القصيدة جواب لقصيدة الشاعر محمد بن غضيان بن حمرون الجعفري : 253 حـييـت يـا محـمـد سـلايـل غـضيـان *** وحي الجواب اللي ضميري عجبّـه تسلم يا أبن حمرون يا طيـر حوران *** يا نسل الـلي يلبس بالأكوان جـبّـه حيثك سليل فـريح من نسـل فـرسان *** فـارس شجاع ومـن تعـاوج يـدبّـه وجهت ليـه يا أبيض الـوجـه قيفـان *** مـثـل القـراح الـلي غـزيـٍر مـصبّـه مجـدتـني وأشكـرك يـا عـالي الشان *** وتقول لـي كـان ألسن الـدّاب هـبّـه يـالـقـرم قـام الـداب يصفـر لـديـبـان *** وتـجـمّعـوا مـن كـل خـايـع وخـبّــه لكـن جـميـع حنيش وأرقـط وثعبـان *** مـا تـأمـنــه لـكــود راسـه تـجـبّـــه والـلـه حسيـب لـكـل غـادر وخـوّان *** الـلي يسـب النـاس مـن دون سـبّـه تذكّـر أن الحسد من ضعـف الأيمان *** قـلـب الحسـود المـوقـده تلتهب بـه هيهات لـو حاول عـلى السر كتمان *** لابـد يـبـيـن الـلـي بـصـدره يـضـبّـه والحمـد لـلـّه حاكـم الشعـب سلمـان *** كـبـح جمـاح الـلـي نـسـبـنـا لـعـبّـه قال عبدالله بن دهيمش بن عبار هذه القصيدة جواب لقصيدة الشاعر عبدالجبار بن إبراهيم المشيطي : 254 جـتـني رسالـه مـن ربـيع المسايـيـر *** عبدالجبار الـلي أرسـل القاف ليـه قـافـه مـثـل ورد الفيـاض المـزاهيـر *** روض وخمـايـل بالـربيـع محـميـه يا مـرحبـابـه عـدد لـفـح المعـاصيـر *** وأهـلا عـدد منـبـوت نـجـد العـذيـه يا أبن إبراهيم اكفيت شـر العـواثيـر *** وعـسـاك تـرفـل بـالـحـيـاه الهـنيـه ويا عـل ربـي يالمشيطي لـك ايجيـر *** الـشـكـر والـدعـوات حـقّـك عـلـيـه تـذكـر جهودي والتعـب والمخاسيـر *** منصف ولـك مـني جـزيـل التحـيـه أربـع عـقود آخـذ لـك الـلـه مشاوير *** أجـمع تـراث أهـل الربـاع الفضيـه واجـاوب الكـتّـاب هـم والـشـواعـيـر *** والـحـمـد لـلـه مـا عـلـومـي رديـه والـلي يـريـد الجـهـد يلـقيـه بـالبـيـر *** حـاسـد ونـفسـه يالمشيطـي دنـيـه ومـن سبنـا يا مسنـدي جـاه تحـذيـر *** عـن لـفـظ شنعـات العـلـوم البـذيـه الصّـح والـواقـع صـدر بـه تـقـاريـر *** والكـذب يجـدع فـي قـعـور الهبـيـه لـو تـجـحـد أهـل البلبلـه والشباشير *** مـا تجحد شخوص الـرجـال التقيّـه قال عبدالله بن دهيمش بن عبار هذه القصيدة جواب لقصيدة الشاعر عبدالله ابن لافي أبو لافي السويلمي : 255 عـبـدالـلـه اللاّفـي لـفـت مـنـه الأشعار *** مـثـل النـفـّل تـنعـشت خـنّـات ريـحـه في روضة فيحا بها أعشاب وأشجـار *** منـبـوت قيصومـه ومـنبـوت شيـحـه الـقـرم أبـو لافـي سلايـل حـمى الجـار *** سجـل مـن خـيـار القـوافـي صفيحـه مـن عـزوةٍ يـا عـز مـنـهـم لـه انصـار *** رجـالـهـم بالـكـون يسعـف طـريـحـه يامن وقـف مع واضح الحـق باصرار *** والـلي شمـتـنـي عـن نـويـه يـمـيـحـه يـا أبـن الكـرام أريـد افيـدك بالأخـبـار *** أهـل الحسـد صـاروا عـليـه شبـيحـه قـالـوا كـلام وصنّفـوا هـرج ما صـار *** وصارت لهم سوله وموضه وصيحـه هـذي دعـايـة عنـدهـم صـارت شعـار *** ولا صدّقوها أهـل العـقـول الرجيحـه حـرص عليها الـلي ضميره كما القـار *** يـفـوح مـن صـدره صـديـده وقـيحـه وقـام يـتـشـدّق كــل هــايـف وهــــذّار *** تـسمـع بـلـمـات المجـالـس ضبـيحـه الـجـد مـاهـو مـن نـسـيـج أبـن عـبـار *** والـلي ذكـرتـه كـلـهـم مـن شـريـحـه الـلـه يجـازي من نشر يـبي الأضـرار *** الحـقـد مـن صـدره يـبـوح بـنفـيـحـه يـنـقـل اشـاعـة بـثهـا بـعـض الأنـفـار *** خطو الـذي يمشي عـلى غيـر ضيحه مفـروض يجهـر بالـذي يعـني اجهـار *** والـلـي نـسـبـتـه لـلـقـبـيـلـه يـزيـحـه لازم يـوضـح مقـصـده مـابـهـا اسـرار *** ويشـرح عـن المـتـرديـه والنطيحـه يشهـد لجـهـدي طـيـّب السّلـم والـكـار *** جبت الفخـر ما جبت عـلـم الفضيحه عـنـد النشـامـا لـي حـشـيـمـه ومـقـدر *** أهـل القـلـوب الطـاهـره والنصيـحـه والـلي بـهـرج الـزور والـهيـف ثـرثـار *** ظـالـم عـسى رب المـلآ مـا يـبـيحـه مـن طـعـن بأنساب البشر فـالـه الّـنـار *** لابــد يـنــدم يــوم يـدخــل ضـريـحـه والناس من خلقت بهـا طـوال واقصار *** والسعـن يكشف ما بوسطه نضيحـه |
قال عبدالله بن دهيمش بن عبار هذه الأبيات جواب لأبيات الشاع محمد بن نايف بن شتيوي السلمي : 256 يا محـمـد النـايـف فـداك الـدعـابـيـل *** لـك الشكـر يالـلي عـلـومـك نـزيهـه هـذا الـزمـن غـيّـر سلـوم الرجاجيل *** وهـب السّعد لأهـل الوجيـه الكريهه واستفحـل المـذمـوم بالـقـال والقيـل *** ولـو تـنصحـه يـزداد غـيـه وتـيـهـه صـرنـا هـدف للصـايـعيـن المهـابيـل *** وهـم عـمـلا السجان لابس بـريهـه وقال عبدالله بن دهيمش بن عبار هذه الأبيات جواب للشاعر منذر بن علي الراشد الطالب : 257 أبي ارسل المندوب والخـط مـمهـود *** للجـوف سـافـر مـن بـلاد القصيمي منصاه منـذر صاحـب البـذل والجـود *** العـاقـل الشـهـم اللّبـيـب الفهـيـمي عطه الجواب اللي على القاف مردود *** عسـاه مـن كـل الجوايـح سليـمي وقلّه يا أبن عـلي تـرى الحقد موجود *** طبـع الحسـد من دور آدم قـديمـي والـلي يحـط الحسد غـايـه ومقصـود *** من طاب فعله صار عـنده جريمي مخـلـص ولا ذخـرت يالقـرم مجهـود *** ولا ينكر من الناس كود الغشيمي قال عبدالله بن دهيمش بن عبار هذه القصيدة جواب لقصيدة الشاعر منذر بن علي الراشد الطالب : 258 يـا مـنــذر الـطـالـب بـيـوتـك لـفــنــا *** حـيـيـت يـا عـز الخـوي ثـم حـيـيـت عـسـاك تـسـعـد بـالـحـيـاه وتـهـنـــا *** ويدوم عزّك كل ماأصبحت وامسيت كنـت أنتـظـر يالقـرم فـرصـه تـسّـنا *** قـريـت مـنـظـومـك وبالـحـال رديـت مــنــك الـبـيـوت الـوارده شــرّفـنـا *** من خاطري عذب القوافي لك اهديت وأنـت الـذي شـرواك يـفـهـم لـحـنّـا *** صـادق ولـلـي يشـمتـونـي تـحـدّيـت يـا ريـف مـن زارك وصوبـك تـعـنّـا *** عـزالـلـه أنـك يا أبـن الأجواد كفيّـت وأخبرك هرج أهـل الحسد ما شطّنا *** يـامـا سمعت مـن الهرابيد وأوحيـت يـشـكـرنـي الـلـي بـالـحـمـيـه تـكـنّـا *** وعـلم الفخر ما يجحده طيّب الصيت مـن فـضـل خـلاّق البشـر مـا طمنـا *** عـن الـعـلـوم الـلي تـفـشّـل تـعـلّـيـت جـاراتـنـا طـول الـمـدى مـا شـكـنّـا *** ولا يـوم فـي حـق الـقـرابـه تـرديــت والـحـمـد لـلّـرحـمـن مـن يـوم كـنـا *** مـن طلعـتي مـا يـوم عـلـت وتعديـت وش مقصد الـلي في كلامه طعـنّـا *** جـحـد جـمـيـع الـلي لـعـنّـاز سـويـت مـن شـامـنـا لـحـدود ديــرة يــمــنّـا *** عـلـى ربـيـعـه فـي كـتـابـي تقـصيت ولا زلـت أواصـل والبحـوث اتـعبنـا *** صابـر ومن ظرف الزمن ما تشكيت مــرفــوع راس ولـلـخـزا مـا اتـدنّـا *** شـربـت مـن نـهـر العـلـوم وترويـت والـحـمـد لـلـه مـرغـديـن بـوطـنـــا *** بجهـود مـن لـم العـرب عقب تشتيت وقال عبدالله بن دهيمش بن عبار هذه الأبيات جواب لأبيات محمد بن عايد الهرمه : 259 يا محمد الهـرمه عسى الـرّب ياقـاك *** وصلـت لـي بيـوتـك وجتـك الأجابـه عـلى الكـلام الـلي كـتـبتـه شكـرنـاك *** ومـن عـزني يـاحـي حضرت جنابـه مـجـدتـنـي يـاعـل يـسـعـدك مــولاك *** وعسى فـداك أهـل الـردى والخيـابـه وقال عبدالله بن دهيمش بن عبار هذه القصيدة جواب لقصيدة الزميل الشاعر ذيب بن بقان الصقري : 260 هـلا بسمـي الـلي بـغـلس الـدجـا غـار *** وأختار جـزلات الضواين مـن الشّبك وجـدّك سمـي الـلي عـلـى كـف صقّـار *** وأن هـد فـي جـول الحبـاري يشببـك مـن نسـل جـبـل من صماصيـم عـمّـار *** عـرق النـّدى يا مـاكـر الجـود ينتبـك يـا أبـو عبدالله سـرني نسـخ الأسطـار *** وأنت الأديب اللي تحبك الشعر حبـك أحـسنـت ثـم احـسنـت يا طـيّـب الـكـار *** بالصّـدق والأنصـاف أديـت واجـبـك حـيـثـك مـن الـلي باللـوازم لـي أنصار *** توقـف معـي يالقـرم واوقـف بجابـك الكـلمـه الـلي لـعـزوتـك قـلتهـا جـهّـار *** ما خفـت من شبـل الضراغـم يعاقبك وضحـتـهـا للفـيـصـلي مـابـهـا اسـرار *** غـثيـت عـدوانـك وفـرّحـت صاحبـك واليـوم فـهّـمـت الـذي عـنـده أنـكـــار *** رب الملأ من العرف والفهم موهبـك والـلـه يـا أبـن بـقّـان لازلـت مـحـتـار *** من نفح هرج الـلي يعبك اللّغى عبـك الـلـي يــدوّر بــي مـعـايـب ومـعـيـــار *** القـصـد مبهـم والقـضـيـه بـهـا لـبـك الـحـاقـديـن الــلـي يـبـثـون الأخــبــار *** الصّدق عنهـم بعـد سلوى عـن النبّك لا جاء سفيه أو ناقص العـقـل ثـرثـار *** وقـال أنت مخطي قلت ذا قول شايبك قال عبدالله بن دهيمش بن عبار رد على ماجد بن سنابل : 261 حـي البيـوت وحـي مـن كـزهـا لـيـه *** من شعر ماجد لـي الجوال وصلّها رحـبـت تـرحيـب البـوادي بوسميـه *** هـلّـت من المنشأ سحايب مخايلهـا أبـن سنـابـل مـن حـمـايـل حـماويـه *** من ساس عـزوة نافله في فعايلها جـعـافـرة يـثـنـون لا صـارت الهيـه *** ونزولهم ما أحدن عن الدار رحلّها بسيـوفـهـم يفـلون فـي كـل قـفـريـه *** وأرض المهابه يرتعـون بخمايلهـا قطعـانهـم مـا جـفـلـوهـا الحـرامـيـه *** من حين شافوا لميع سيوف بأولها يا أبـن سنـابـل تشـوف أيامـنـا ذيـه *** الـنـاس مـلـزوم يا ماجـد تجـاملهـا بعـض الرجاجيل لـه غايات ملـويـه *** مـا نـزّل شخوص الرجال بمنازلها مـع الأسـف عـنـده مشـاور دوينيـه *** وبتصـرفـه هـان القبيلـه وفشّلـهـا وش فـاد الـلي أخلص لعدوانه النيّه *** وحالف اللي نيران الأحقاد يشعلها اليـوم بعـض النـاس بالسـب مبـليـه *** وأهـل الجهل ما تفتهم لـو تجادلها وقال عبدالله بن دهيمش العبار هذه الأبيات من شعر التصدي للحملة المغرضة : 262 الـحـكـم لـلـه ولـي الـكون والسلطـه *** للحاكم الـلي وضع للمعتدي حـوطه راس المعانـد لـه الفاروع والبلطـه *** ومن عال أخو نوره يشوته بشلوطه يعـل مـن يـظـلـم الأجـواد بالجلطـه *** يربط لسانـه وتبقى اعـضاه مربوطه الـلي لهـاتـه مـن الهـذرام منزلـطه *** وسط المجالس يجيب علوم مغلوطه الفـاهـم يـميّـز الهـّلاس من هـلطـه *** والجـاهـل يـصدقـّه وايطبّـق شروطـه من فضل رب الملا ماتنوجد غلطه *** أنـسـاب عـنـاز بالتاريـخ مضبوطـه أصل القبيلة صريح ولايجب خلطه *** مـع لابـه أخبارهـا بالكتـب مبسوطـه أولاد وايل هل الخطمات والقـلطـه *** مـن خيبـر الحرّة إلى ديـرة الغـوطـه عبدالله بن دهيمش العبار هذه الأبيات جواب لأبيات الأخ عبدالمحسن المحيسن : 263 يا أبن محيسن لك جـزيـل التحيـات *** مـع السلام أهديك شكـر أبـن عـبـار كـزيـت جـزلات الـبـيـوت العـذيـات *** حيثـك قطامي من صواريـم الأحـرار قـرايـض تـشبـه لـنـقـد الجـنيـهـات *** نظمتهـا يـا طـيّـب السـاس باصخـار وأنـا اعتبـر قولك وسام وشهـادات *** يفداك من هـو يجحـد الجهـد بأنكـار بفضل الولي رفّـاع سبع السماوات *** تــبــّت يــد الــلـي لـلـمـثـالـيــم دوّار هذه الأبيات شكر وثناء للأخ عطالله بن ثاني الجعفري على أشادته بجهدي وأنصافه والشكر موصول للأخ فرحان المطرفي على استظافته : 264 الشكـر مـني لأبـو تـركي عطالله *** أبن ثاني شاد بي وأظهر ثنايـه جعفري عد الصحيح وراقب الله *** غير قول الحق ماله كـل غـايـه منصف بشهـادتـه مـا قـال زلّـه *** من حسن ذاته أعبّرعن رضايه سـنّـع الـلي تـاه دربـه مـا يـدلّـه *** من تجاهل مقصده يبحث خفايه عسى من سـب القرابـه فدوتلـه *** بالهروج السامجه ينشر فوايـه أشهد أن الحسد بالمخلوق عـلّه *** من حقد يشنا ولايوضح خطايه مـن بـذل مجهود كلـن شاهـدلـه *** والخبـر معـلوم مـا تفيد الكمايه يشهـد الرحمن وقـتي راح كلّـه *** بالبحـوث وبـالكتـابـه والقـرايـه أكـتـب أمجـاد القبيلـة بالسجّلـه *** وبصمت أعمالي أخلدها لضنايه يا أبو تركي من جداه اللّوم قلّـه *** يرجع لأصل المصادر والروايـه لا يشيل العلم من هـرج المظلّـه *** ولا نـبي ينقـل أشاعـة كـل بـايـه قـلته وعـقـد البلش ربـك يحـلـه *** ماعتزي بأهل البلايس والوشايه والشكر فرحان من عندي وصلّه *** عسى أبن ضبعان ما تأتيه سايه اشهـد أنه مقتدي ما عال لـل لـه *** حيث بروز أفعال ربعه له هوايه الـرفـيـق الـلـي قـبـالـه مـا تملّـه *** واجـب إنـا نـرفـع لشرواه رايـه قال عبدالله بن دهيمش بن عبار هذه الأبيات جواب لأبيات الشاعر معيض بن راكح أبو جابر المرعضي الرويلي : 265 حي البيوت الـلي طريفات واجـدد *** من شاعـرٍ فيـه الوفاء والحميـه أعني معيض معرّب الخال والجـد *** الـلـه يـجيـره مـن سهوم المنيـه وضح لي أنـه مكتفي مـا يـبي رد *** لاشـك مـردود الـهـديـه هــديـــه حيث أبوجابرعنده أنصاف ومـوّد *** يـفـداه الـلي نـيـاتـهـم شـقـلبـيـه المعتـدي يا مسنـدي يلـزمـه صـد *** والأثـم والعـدوان جـرم وخـطيـه بالناس من لولس شرابيك واعقد *** وبالناس من يسعى لحل القضيه والـلي يـدور الشّر عن دربه ايلد *** الـلـه حسيب الـلي هروجـه بذيـه |
قال عبدالله بن دهيمش بن عبار هذه القصيدى جواب لقصيدة الشاعر عبدالعزيز بن إبراهيم المسيحل للمّره الثانيه : 266 راكـب الـلـي يشبه لربـد الـنعـام *** صابها من طلقت الرامي جفيـل أو كما الصيرم ليا شاف الحمام *** مـن شفقته حادها عـقب المقيل لـه ثـلاث أيـام مـا ذاق الـطـعــام *** زاد كونه وأرتكى بالجهد حـيـل حين ما سمعت رفيفه يـوم حـام *** صوتها من خوفها نوح وهديـل جيـب يكفي كـان كلّـف بالمهـام *** من مصانع طوكيوا آخـر مـديـل جهـز الفكسار وأركب يـا غـلام *** جيب توه جيب من شركة جميل يمشي من العاصمه قبل الظـلام *** سـار للطـايـف ولا يـبغـي دلـيـل يوصل الـلي بالمكارم لـه نـظـام *** أبن مسيحل ستر نقاّض الجديل أبن مسيحل دلته تجـلي الوخـام *** في دلاله نصف بن ونصف هيل والمفـطّح حيـن تـلـفي لـك يـدام *** يـذبـح الجـزلات مـا كـفّـه بخيـل مـن قبيلـه مـا تحـورف بنهـزام *** تـرسـي اليـا ثـار مقباس الفتيـل بني وايل لا غشى البيدا العسام *** بالمعامع والمطـارد فـوق خـيـل بالـوغى لاصار بالجـمع التحـام *** مـن يـلاقي جمعهم يجـدع قتيـل بالذي يشظف صماصيم العظام *** الحـدب يقطع جـلامـد من يعـيـل جواب عبدالله بن دهيمش بن عبار مجاراه لقصيدة الشاعر عبدالله شتوي الأكلبي : 267 من أقصى جنـوب المملكه نسمع التغريـد مـن الـقـرم الـلي بـيشـه مـرابـيه وبـلاده شاعـر ومن أكلب عن الموجبه مـا يحيـد عـبـدالـلـه الشتـوي جـزيـل الشعـر جـاده عـنـزة وبـني أكـلـب لـهـم بالنسب تـأكيـد قـرايـب كـمـا وضّـح الـتـاريـخ بـاسـنــاده سـلايـل ربـيـعـه نـسـل نـزاز بـالـتـحـديـد قـبـايـل عـريـقـه والـمـكـارم لـهـم عـــاده بـني عـمـنـا أكـلـب الـيـا دوبـح الـرعـديـد بعـصـر المعـامع والـوغـى يـقـدح زنـاده زمـانٍ مضى يرسون أكلـب سوات الحيـد زبـون الـطـريـح الـلـي تعثّر به جـواده أبااشكرك ياللي تشيد في موقف ابن مهيد حـفيـد الـكريـم الـلي يصـوّت عـلـى زاده قـديـم الفخـر سلطـان عـاد الفخـر تجـديـد أمــجــاد الـجــدود يــورثـــه جــد لأولاده الشيخ أجهـد لـربعـه لـعـل يحصل تعـميـد مـن الـلي يهمـه فرحـت الشّعـب واسعاده لقـاء الشيخ بمحـمـد يشابـه نـهـار العـيـد محـمـد أمـلـنـا يحـفـظـه محـصي عـبـاده قال عبدالله بن دهيمش بن عبار هذه القصيدة مجاراة لقصيدة الشاعر كريم الذايدي : 268 يالـذايـدي يـالـلي مـن العـزوه خيـار *** ياكريّم الـلي مـن الـرجاجيل منعور الـلـه يـحـرّم والـديـنـك عـلـى الـنـار *** مجدتني يا طـيّـب السـاس مشكـور شـهـادتـك يـالـذايـدي تـاج واشعـار *** أفـخـر بـها واعتز يا صايب الشـور حـيث أنت من لابة هل السّلم والكار *** دهـامشة تـدلـه بـهـم شمّخ الـخـور ربـعـك محـددت الـجمل نسل عمّار *** نالوا مفاخرهم على السّرج والكـور ولا اقدر أعـد افعالهـم حيثها كثـار *** تاريخهـم فـي صفحة المجد مسطور والوضع اللي يالقرم تلفت له أنظار *** الشعر تذكر صار بـه نقص وقصور أنـا بـعـد مثـلـك من الوضع محتـار *** لاشـك مـالي يا فـتى الجـود مـقـدور طبـع الـزمن يـا نسل الأجواد دوّار *** يا مكثـر الـلي صـار بـارز ومشهور كمـا تـرى يالذايـدي بعـض الأنفـار *** يسعى حثيث وبالمحافـل لـه حضور لو كان شعره وسط يطلع له انصار *** وينال شهره عـقـب ما كان مغـمور جـزل الشعر عند أهل العرف ما بار *** وش عاد لـو هزله مدوّن ومنشور وقال عبدالله بن دهيمش بن عبار يثني على محمد بن ودي الحجر جواب لقصيدته مع تغيير القافيه : 269 يا محـمـد الحـجـر تـكـلمـت باسهـاب *** بالواقع اللي في مجال الفخر شيـف يا أبن ودي يالقـرم نشكرك بـأعجاب *** يالـلي بـفعـل الطايـلـه لـك مـواقيـف حيثـك سـليـل أجـواد والعـرق جـذّاب *** الـلـه يـفكك مـن جـميع الصواديـف يالنـادر الـلي مـن شغـاميـم الأقـراب *** يـاعــل تـفـداك الـعـفـون الهـذالـيـف أنـت الذي تشبح عـلى شم الأهضاب *** مرباك فـي روس الجبال المشاريف مشكور يـا عـز الرفاقـه والأصحـاب *** وصفّت جهد المجتهد خيـر توصيف وأفيدكـم عـن غايـتي يا أهـل الألباب *** يا ليت لي تصغـون مـن دون تكليف أقسمـت بالرحمـن مـا أحـب الألغـاب *** مانـي علـم لا رمـز لا درع لا سيـف عـنـد الجمـاعـه والسميه والأجنـاب *** يكفيـني الأسـم الـرباعـي بـتـعـريـف وأن لقبـونـي شاعـر عـنـزة باسباب *** الـذود عـن مـجـد الـقبـيـلـه وتأليـف لي الشرف بسمي وبه خاطري طاب *** ولابي عـن الشعـار ميـزه وتصنيف شـعـّار عـنـزه مـالهـم عـد واحسـاب *** هـم ربـعي وفيهـم تشّرفـت تشريـف كـل زمـلايـه مـن عـفـيفيـن الأجيـاب *** شـعـّار وايـل مابهـم كلـمـة الحـيـف شـعـار فـي كـل المحـافـل والأوجـاب *** وحفـّاظ لتراث القصص والسواليف نـفـخـر بـشـايـبـهـم ونـعـتـز بالشـاب *** ولا نـلتـفـت لمـروجيـن الأراجـيــف حنا لبعضناأنصار في وقت الأصعاب *** حنا لعضنا ضلال عن لاهب الصيف جمعـت مـاضي مجـد الأجـداد بكتاب *** مع صعبها في جمعها طاب لي كيف دونـت تـاريـخ الـقبـيـلـه والأنـسـاب *** من مصدره موثوق مافيـه تحـريـف يـامـا تـحـمـلـت الخسايـر والأتـعـاب *** ولا هـمني كـثـر التعـب والمصاريف بـذلـت جهـد وعـانـني رب الأربـاب *** العـلـم يـبـرز والحقايق لهـا ارشيف تاريخ عـنـزة مـا يحـرّف ولا أيعـاب *** والجـد ثـابـت مـا نـبـي جـد تـزيـيـف من نسل وايل ماهم أحلاف واحزاب *** عــنـاز خـلـفـة جــد مـاهـم لفـالـيـف مـهـمـا تـلاعـب بـالـنّسب كـل لـعّـاب *** كالحيد شامخ مـا تـهــزه عـواصيف مـا يغـيّـر الواقـع خواريـف واكـذاب *** ولا صح قول مرّوج الـزور والهيف تـم الـجـواب وفي ختـامـه يالأحبـاب *** مـني سـلام اعـداد مـا ينبـت الريـف جواب عبدالله بن دهيمش بن عبار العنزي رداً على الشاعر عبدالله بن سعود الحوشاني الصقري العنزي : 270 مـنـي لـعـبـدالـلـه تـحـيّـه وتـرحـاب *** اعـداد مـا ذعـذع هـبـوب النفانيـف واعـداد مـا هلهل من المزن سكّـاب *** أقـبـل من المنشأ لـبـرقـه رفـاريـف جاني جزيل القاف عن حضرتك ناب *** لك الشكر يا ملطف القاف تلطيـف منظوم قافك يا سمي يطرب اطـراب *** عذب الشعر طب القلوب الملاهيف من عـد قول الحق في منطقه صاب *** وهرج التجني ما يهيّب ولا يخيـف نـعـوذ بـالـرحـمـن مـن كـل سـبّــاب *** الـلي جـداه يصحّف القول تصحيف الـظـالـم الـلـي لـلـمـخـالـيـق هـزّاب *** صدى ضميـره ما نفع فـيـه تنظيف الـحـايـمـه تـلـقـابـهـا حــر وغــراب *** حـيـث الأوادم مـثـلـهـا بالتواصيف بهـم الـذي مسعاه بين العـرب خـاب *** حيثه بنا جدران بيته عـلى جريـف ومن ينخدع في قول هايف ونصّـاب *** يـرسخ بـذهنـه بايهات الخـواريف تعيش يابن سعود شرواك اللي جاب *** أقـوال بالأنصف مـن دون تطفيـف من ساس عزوه لازما الجمع حرّاب *** عـدوانـهـم بالكـون عـادوا مناكيف أهـل البويضا يـوم تنهـار الأعصاب *** يوم الشطير يقطّف الروس تقطيف ما منهم اللي من ملاقا العـدوا هـاب *** يثنون دون النوق عوج السراعيف يامـا دفـنـوا مـن دوّر الفـود بـتراب *** في داخـل البرزخ عظامـه مشانيف قال عبدالله بن دهيمش بن عبار هذه القصيدة جواب لقصيدة الشاعر غصّاب بن مطر التواجره المضياني : 271 مـبـداي بـالـلـي مـطـلّـع بـالـخـوافــي *** الـلي سمـاواتـه وارضـه فـطـرهـا محـيي هشيـم القـاع عـقـب النشـافي *** من غـيـث هملوٍل تهاشل مطـرهـا الـبـرق يلـمـع والـرعـد لـه ارجـافـي *** تسـقي الثـرى رب العباد وأمـرهـا من عـقـب ما تسفي عليها السوافـي *** تخضر وينبت بالصحاري زهـرهـا وبـعـد ذكـر الـلـه حـان رد السنافـي *** غصّاب الـلي جـزل القوافي حكرها أبن مـطـر ساس الـوفـاء والعـفـافي *** ارسل قصيـدة بالـوسايـل نـشـرهـا ساسه عريب ومن حمايـل اشـرافـي *** تـواجـره يعـجـبـك طـيـب معشرهـا حـيثـه بـقـول الحـق عـنـده انصافي *** مـا بـاق غـرّات اصـدقـاه وغـدرهـا ماهـو الـذي عن واجبه بـات غـافي *** قـرم عـلـوم المـرجلـه مـا هجـرهـا نسـل الـرجـال أهـل البيوت الملافي *** يـفـرح بشوف بيوتهـم من سبـرهـا ربـعـه هـل الصبحـا بعـصر الجفافي *** رجـالـهـم عـيـت الذبـايـح جـزرهـا رجـالـهـم يـذبـح سـمـيـن الـخـرافـي *** ويجـود بغـالي خـزنتـه مـا ذخرهـا الحـيـل تنقـط مـن دسمهـا الـرفـافي *** ولا هـمتـه حـيـل الغـنم لـو خسرها رجـالهـم لخـمـلات الأصحاب رافـي *** مـا يواخـذ حشاك الصدور بقشرهـا مضيـان فـوق مقـولمـات الخـفـافـي *** عـلى العـداء رب الخلايـق نصرهـا حـمـايـة الـخـلـفـات حــم الـشـعـافـي *** مـن دونـهـم كـلـن حـيـاتـه نـذرهـا عــدوهـم حـظّــه الـيـا عـال هــافــي *** من غب طعـن الـلي يمينه قصرهـا تاريخهم ماهو عـلى الناس خـافـي *** فـعـل المـراجـل بالقـبـايـل شهـرهـا قـلـتـه وأنـا مـن بـايجـيـن الفـيـافـي *** حمـر النواظـر نفتخـر فـي فخـرهـا يـوم الضعـايـن مـقـبـلات ومـقـافـي *** حـتى بـلاد الـروم خـاضوا نـهـرهـا أركـوا عـلى كـبـد المعـادي رضـافي *** بالجمع الـلي سربة اعداهم دحرها وأن حـل ضـرب مصقـلات الرهافي *** طابورهـم خاض الجموع وكسرهـا سـتـر الـعـذارى لابـسـات الـغـدافـي *** لا نقـضّت بـنـت الحـمايـل شـعـرهـا كـم من عقيـدٍ طـاع عـقـب العسافي *** وعن طاري الفزعه جواده زجرهـا قال عبدالله بن دهيمش بن عبار جواب لقصيدة الشاعر عبدالله بن جريبيع الربيلي : 272 بـديـت بالـتسجيـل مـن دون كـرّاس *** ما عـاد يـوجد مـن يخط بـيـراعـه القـاف مـا يكتب بصفحات قـرطـاس *** في شاشـه الـلاتّـب بالعيـن راعـه وأن دك بالخـاطـر روابع وهوجاس *** نظم القريض الراس يبعد صداعه الشعـر فـن وتقـرضـه كـل الأجناس *** من عصر ربيعه ومضر وقضاعه الشعـر يلقـا بكـل محـفـل ومجـلاس *** مطلوب حفظه عن سبايب ضياعه قـاف لـفـانـي كـنّـه الشهـد بالـكـاس *** الـلي كتبـه تسلـم أنـامـل اصباعـه قريت جـزل القاف من طيّب الساس *** عبدالله جـريبيع عـرفـه اطـمـاعـه الـنـادر الـلـي مـا تـدنّــا لـلأدنـــاس *** عـنده عن عـلوم الـرذايـل منـاعـه وابـوه قـبلـه كـان بـه شـدّة البـاس *** مـن عانـد الصنديد بالكـف صاعـه وزمـيـلـي عـليـان للخصـم طساس *** قـرم العـيـال الـلي طـويله ابـواعـه الـلي تحدّى بالوعد وقـت الأدمـاس *** دعـس عـليـه وكـل مـاذاق تـاعــه مـن عـزوة لهـم مفـاخـر ونـوماس *** منـزل هـل الملحا براس الـرفـاعـه يوم الجياد بلجمها تضرس ضراس *** بـهـم قـسـاوه للخـصيـم وقـطـاعـه ولادعه كان اعتلوا سرج الأفـراس *** لـهـم فعـايـل صـدق ماهـي أشاعـه وبيوتهم تزمي مثـل حمر الأطعاس *** يفـرح بها الجيعان وقـت المجاعـه قال عبدالله بن دهيمش بن عبار مجاراة لأبيات حسين بن عوده : 273 لـك الشكر يا حسيـن يا نسل الشبـل *** حـيثـك كريـم ومـن رجاجيل يوفون مـا ضـرني يا مسنـدي حـذف النبـل *** الـلـه حسيـب الـلي عـلي ايتجنـون أسمـع سـوالـف كـنهـا رقـع الطـبـل *** ولاهـمـنـي يالـقـرم لـوهـم يسبـّون قال عبدالله بن دهيمش بن عبار هذه الأبيات جواب لأبيات الأخ حسين بن عوده القراري : 274 يـا مـرحبـا حيـيـت يـا طـيـّب الـفــال *** هـلا هلابـك يا أبن الأجواد يا حسيـن لا هـنـت يالمنعـور يـا نسـل الأبطـال *** أهـل الفعـايـل يـوم عـصر الأكـاويـن عساك يا ساس الفخر بأحسن الحال *** حـيثـك مـعـرّب من حـمـايـل مسمّين بـربـاعـهـم يـوجـد مـعـامـيـل وادلال *** وينصاهـم المحتاج يوم الزمن شين يا حسين مـا يخفـاك بالنـاس جـهّـال *** وفيهم يا أبـو عوده نشاما عزيزين وفيهـم كمـا تـذكـر خسيسين وارذال *** بالكذب يغـرون الضعوف المساكين لاشـك يـبـطــل كــل هــايـف ودجــال *** ويـزول كـيـد الضـاليـن المضـلـيـن |
قال عبدالله بن دهيمش بن عبار هذه القصيدة نصيحة للذين يبالغون في مدح القبيلة دون داعي والتفاخر على الغير وتفضيل قبائلهم على القبائل : 275 باح الضمير بقـاف بالفكـر مـخـزون *** يفيـض من نـبـع القـريحـه مثـايـل مـا نلفـظ المعنـا عـلى غـيـر قـانـون *** ولا نسمع الغـيبـه وهـرج النقـايـل والناس ما تجهـل لها قلوب وعيون *** تشوم عـن عـلـم الـردى والرزايـل ومن لا حفـظ كرامته صـار ممهـون *** مـا وفّـر الـشيـمـه ولا نـال طـايــل ولا تاجد الـلي سيرته مابـهـا طعـون *** ألا الـنبي كـمّـل جـمـيـع الفـضايـل يـا رجـال يالـلـي للمـعـانـي تـحلـّون *** تـسمّـعــوا لـي يـا عـراب السـلايـل عـندي لكـم تذكير من خوف تنسون *** جمع الشمل به عز صدقً وصمايل كـل الـشعـوب بمملكـتنـا يـتـصافـون *** ما بـينهم عن داعي الـوصل حايـل شعب الوطـن كـلّـه مكيّـف وممنـون *** بـالشرع ردع أهـل الدجل والتحايل عن العـوايـز سايـر الشعب مصيون *** وعـن طـاري الترحال ناخ الرحايل عـم الـرّخى والحق بالعـدل مظـمون *** بجهـود مـن وحّـد جـميع الفصايـل واجـب عليكم لأهـل الفضـل تـدعون *** حـكامـنـا الـلي هـجـّدوا كـل عـايـل حـكـامـنـا عـلـيـهـم الشعـب يـثـنـون *** صفـوة هـل العوجاء كـرام السبايل حكامـنـا عـن لاهـب الشوب يـذرون *** بـهـم الحجا عن حر شمس القوايل حـكـامـنـا الـلي بالمـكـارم يـفـوزون *** حـكّـام عــدل وعـدلـّـوا كــل مـايــل حـكـامـنـا عـون الـذي يطلب العـون *** زبـن الـدخيل أهـل العطايا الجـزايل حـكـامـنـا يخشى غضبهم ويرجـون *** مـن زارهـم يـفـرح ولـلخـيـر نـايـل حـكـامـنـا بـوقـت الملازيـم ينصـون *** لهـم عـلى شعوب الجزيره جـمايـل وعـنـدي نصيحه كـان ليـه تطيعـون *** تـجنـبـوا بـعـض العـلـوم الهـزايـل نـصــيـحـتـي لـحـدودكـم لا تـعــدون *** مـن عـال لابـد مـا يـقـع بالـحبـايـل مـافـيـه داعـي للخـلايـق لا تـسبـون *** همـز البشر واللّمـز ساس الغـلايل لاشك حذراكم عـلى الغـيـر تخطـون *** خـلـّوا سوالـف كـل صايـل وجـايـل لا تذكـرون السّلب والنهـب تكـفـون *** عـصر الغـزو والحنشله راح زايـل أشوف نـاس بالسوالـف يخوضـون *** والـكـل عــبّــر عـن مـبـاديـه قـايـل كـثـر تغـاريـد البشر عـبـر الايـفـون *** وكـثـر المهايط في حديـث الوسايل واليـوم كلـن صـار مغـرم ومـفـتـون *** بـذكـر الفعـول الـلي بعصر الدبايـل عـبـر الـوسايـل بالمحافـل يـقولـون *** وكـلـن يـقـول اشبـاه قـومـه قـلايـل يـالـلـي بتـمـجـيـد القـبـايـل تـغـنّـون *** والـكـل عـن ربـعـه يـعـد الـهـوايـل أمـا الجـدود الـلي لهـم دوم تطـرون *** تسلسلت منهـم شخـوص العـوايـل والنـاس كـل النـاس لـلـجـد يـعـزون *** يـرفـع نـسبـهـم لـلـجـدود الأوايــل وش عـاد لـوهـم بالجـدود يتباهـون *** الـمجـد والـعـزّة بـحـوش النـفـايـل فعـل الفخـر لآحـفادهـم كـان تـدرون *** هـم يشهـرون جـدودهـم بالفعـايـل جـد القبيلـه لـو كسب مـجـد هـارون *** مـا يـرفـع الأنـذال سـود الـفــوايـل عـلـى مهـلـكـم يـالأجـاويـد بـلـهـون *** الطـيـب يـوجـد فـي جـميع القبـايـل كـل العـرب فـتّـاك يـوم الـزمن كـون *** فرسـان بسـروج المهـار الأصايـل والطيب صعب ولا يتفـوّه به عـفون *** وش عاد لوهـم من عـيال الحمايل لكـن تـرى التعظيم مـا فـاد فـرعـون *** بـالمـوقـده يصلى لهـيـب الشعـايـل والمدح بالواقـع مـاهـو نـفـخ بالون *** والساس مـا يرسي بطعس يهـايـل واللي عـلى سطح الهبايب يطيـرون *** مـلـزوم يـوضـع للـمـجـنّـح ثـقـايـل قـلـتـه وصافيـن الضمايـر يخـبـرون *** يـا كـثــر مـا مـجـدت بـأولاد وايـل أشـيـد بالعـزوه وغـيـري يـشيـدون *** لهـم مفاخـر مـا اتحصاهـا السجايل صيـد الـرجـال بمـدحهـم يستـعـزون *** وأنـا اعتبـرهـا بحـق ربـعي قـلايـل نظـم الملاحـم بالفخـر لهـا يعـرفـون *** يرجع لها من هـو عن المجد سايل تـاريخـنـا مـاهـو تخـاميـن وظـنـون *** وأمجـادنـا مـا نـنـتـحـلـهــاهـمـايـل تاريخ مـا ضينـا لـه النـاس يقـرون *** والـجـد غــيــرة مـا نـدور الـبـدايـل القلقشنـدي وضـحـه وابـن خـلدون *** عـن مـاضي التاريـخ جـابـوا دلايـل قال عبدالله بن دهيمش بن عبار هذه القصيدة رد على صالح بن عياد النومسي : 276 قبل أبتدي في نظم جـزلات الأشعـار *** بسـم الكريـم مكـوّن الكـون مـبـداه ومن بعـد ذكـر الـرب عـلاّم الأسرار *** نويت أجاري قاف لي صالح أهداه يـا مـرحـبـابـه الــف مـرّه وتـكــرار *** واعـداد رمـلٍ عاصف الريح يـذراه النومسي من ساس عزوه لهاأذكار *** قـرمٍ نبـيـل وكـل من عـرفـه اغـلاه من نسل عايـد مـن طويلين الأشبار *** ندخـل عـلى الـله حقّهم ما هضمناه الضيـف يـقـرونـه ولا غـثّـوا الجـار *** ورجالهـم طبـع الكـرم مـن مـزايـاه وبالمـرجلـه عـاداتهـم كعـم الأشرار *** والـلي عـليهم عـال ياطون عـلـبـاه مـنـهـم حـمايـل بالمكـارم لـهـم كـار *** فيهـم حميّـه مـثـل صالـح وشـرواه والخاتمه عـبـرّت مـن لـب الأفـكـار *** وصلّوا على اللي في مسيره تبعناه قال عبدالله بن دهيمش بن عبار هذه الأبيات المتواضعه يسند على فهيد أبن إبراهيم بن النّدي بن شطي بن لهيلم الكشري الشميلاني : 277 بـديـت وأسندت القوافي عـلى فهيـد *** الـوافـي الصادق سلايـل إبـراهـيـم أبـو عـبـدالـرحـمن نـسـل الأجـاويـد *** ساسه مـن قـروم الرجال الشغاميم مجـنـاك من نسل الجـدود الأمـاجيـد *** وأخـذت منهم منهـج الطيـب تعليـم مـن نـدي وشطي شخوص صناديـد *** ولهـيـلـم وراشـد صـقـوٍر صواريـم من طويق أبن خميس ماهم رعاديد *** خـيـالـت الـبـلـهـا بـوقـت المـلازيـم كـان انـتخـوا بكشور صيـد الأواليـد *** وثـار الكـتـام وعـتّـم الـجـو تـعـتيـم وأن صال طابور الجذع كنّـه الحيـد *** ثـم أنـتخـوا بشميل عـنـد المجاهيـم عـدوانهـم تقـفي مثـل شّـرد الصيـد *** شاف الـرّماه وهج مع ساقة الـريـم واسنادهم وقت اللّقاء روس ومهيد *** وضنا فريض جموعهم كنهـا الغيـم ونعـم بضنا مـاجـد الياصـار تهـديـد *** بـواسـلٍ مـثـل السبـاع الـمـضـاريـم فـدعـان دوم ضعونهم تطوي البـيـد *** حمـر النواظـر جارهم ما شكا ظيـم ودخيلهم تمضي سنينه كـمـا العـيـد *** ساس الفخـر زبـن الجنـاه المغاريم يا فـهـيـد تستـاهـل مـدايـح وتمجيـد *** ثـنـاك أنـا أعتبره كـرامـه وتكـريـم يا فهـيـد لـو زادت مكايد هـل الكـيـد *** مـن فضـل ربـي مالقـوبـي مـثـاليـم والـلي يخـوض بلا دلايـل واسـانيـد *** رسول الأمـه حـرّم الـزيـف تحـريـم قال عبدالله بن دهيمش بن عبار هذه القصيدة رداً على قصيدة الشاعر مزيد بن سالم المزيد الجعفري : 278 مـزيـد نقى من جـزل الأشعار مازان *** مثـل الغـزير الـلي الهبايب تسوقـه يا مـرحبـابـه عـد شتـلات الأغصان *** واعـداد مـن شاف الأماكن بمـوقـه الجعـفـري مجـنـاه مـن وكـر عقبان *** حـلـيـاه صـيـرم مطـلـقـاتٍ سبـوقـه مدحت أبن زيدان هـو وأبن عـيـدان *** والشّعر لـه في مدح الأجواد لوقـه ورد الثـنـاء بسـم الـذي علمهم بـان *** نسل الرجال الـلي عـريبـه عموقـه يـوم الجـيـاد الـلي تـطـارد بـمـيـدان *** والـكـل غـوجـه ملجـمـاتٍ شـدوقـه جعـافـره بالسيف والـرمـح والـزان *** عـدوهـم عـن شـف بـالــه تـعـوقــه مـن دور عـلي مـع شقيقـه عـلـيـان *** بالكـون يعـطـون المعـادي لـعـوقـه يا ويل من جاهم على الفود شرهان *** يرجع من الخـرعـه يجدّع علـوقـه وأن ثارت الجدعا ودور القضا حان *** في ساعةٍ ريـح الفـرنجي نـشـوقـه جـعـافـرة فـيهـم حـمـيـه وشـجـعـان *** يـوم الـوغى الأرواح تجلب بسوقه ما منهم الـلي في بنـود العهـد خـان *** رجـالـهـم مـن صـادقـه مـا يـبـوقـه وأخبرك يالمنعور عـن كـل مـا كـان *** بـيـت القبـيـلـه مـا نـوسـع فـتـوقـه مـن قـال أبن عـبّـار بالقص غلطـان *** حسيبه الـلـه والـي العـرش فـوقـه مـصـادر التـاريـخ وأقـوال شـيـبـان *** مـا صنّـفـه حسب مـزاجـه وذوقـه عزوه لها عشرين قرن من الأزمان *** مـاهـي قـبـل خمسين عـام مخلوقه قال عبدالله بن دهيمش بن عبار هذه الأبيات مجاراة لأبيات الشاعر فواز ابن مفلح عويدات المقشعر الجعفري : 279 مشكـور يـا فـواز يـا أبـن المسمين *** مـن نسـل فضـل بالمـراجـل زحولـه اشـكـر جنـابـك يـا سليـل العـريبيـن *** سادات مـن عـقب المقشعر شبولـه من ساس عزوه يوم عصرالأكاوين *** ضـد العـدا لاصـار لـلـخـيـل جـولـه أرسلـت لـك مردود الأبـيات هلحين *** حـيثـك من أهـل المرجلة والرجوله قال عبدالله بن دهيمش بن عبار هذه القصيدة توضّح بعض المعاني : 280 يـا مستمع أفـهـم كـلامـي ومشكـور *** أخـبـرك والمكنون نكشف اسراره الـلي برز علمه ولـه صيت مشهور *** مـا شهرتـه منصب ولاهي تجـاره شعـر وأدب وتـراث بالكتب منشور *** هـذي سبـايـب سمعتـه واشتـهـاره روابـعـه فاضـت أحاسيس وشعـور *** ولفظ العلوم الصادقه هي اشعـاره يعجب بنظمه صايب الراي والشور *** حـكـر المعـاني صنعتـه وابـتـكـاره وأن كان علمه فـاه مع كـل جمهور *** الـنـاس تـدرك قـيـمتـه واعـتـبـاره مجهد ومع جمع القبيله لـه حضور *** وحافظ عـلى علمه وسلمه وكـاره ومن يفعـل الأحسان والخير ماجور *** ومن حصّل الطوله يجوز افتخاره لاشك الـلي ماله عـلى الفعل مقدور *** كـان أعتـذر ياجـب قبول اعتـذاره ومن لا تمكن يلـزم الصمت مجبـور *** محـرج وتفويـت الجـماله خسـاره عـن لازمـه مابـه تهاون ولا قصور *** يـدري بـه الـلي يـفتهـم بالأشـاره الحـر الـلي معطب جناحه ومكسور *** يفـتـر نشاطـه مـا يجـيـد الصقـاره أطلب عساني عند الأجـواد مستور *** والمـرجلـه تحتـاج صبـر وجساره والحـمـد لـلـه تـابـع الحـق منصور *** ومن سـار بالباطـل تعـرقـل مساره من خـاف ربّـه جنّب الكيد والجـور *** ولا ينجح الـلي فيـه خبـث وقشاره من يشمت المخلوق خايب ومثبور *** والـلي يحقر الناس جـاز احتقـاره مـا دام جهدي شاد بـه كـل منعـور *** الـلي انكـره ما اشكل عليـه انكـاره أهـل القلـوب الطـاهـرة تطلع النـور *** ومن لـه فضايل تحتفظ فـي وقاره نعوذ بالـلـه من هـل الظلـم والـزور *** أهـل الضغـايـن والحسـد والنغـاره والعـبـد مـهـمـا عـاش لابـد مقبـور *** وخسران من شـال الكتاب بيساره |
قال عبدالله بن دهيمش بن عبار هذه القصيدة في اغراض الشعر : 281 الشـعـر سجـلـتـه بـصـفحـات جـّوال *** ولا درت من نظـم القـوافي وسيلـه الشعر في عصر التواصل له أرسال *** مـن يـرغـبـه عـبـر الوسايل يجيله الشعـر ديـوان العـرب مثـل مـا قـال *** كـم مـن أديـب ارقـاه راس الطويله الشعـر لـه مفعـول في كـل الأحـوال *** يصـدح بـه الشاعـر نـهـاره وليـلـه الشعـر ينسب للعـرب عـبـر الأجيال *** حـيثـه من تـراث الجـدود الأصـيلـه الشـعـر ورث الجـد والـعـم والـخـال *** مــيــراث جــد ولا نــدوّر بــديــلــه الشعـر من عصـر الصحابه ولا زال *** كـم شاعـر بشعـره يساجـل زميـلـه الشعـر نعتبـره عـلى روسنـا عـقـال *** والشاعـر الموهوب نفـخـر بـقيـلـه الشعـر مـبـطي لـه مـكـانـه ومنـزال *** يثـني عـلى أصحاب المزايا النبيلـه الشعـر يـمـدح بـه شغـاميـم الأبطـال *** صـيـد الحمـايـل طيـبـيـن الفـعيـلـه الشعر بـه وصف المفاخـر والأفعال *** وهـو مصـدر لتـاريخ مجـد القبيلـه الشعر بـه حكمه وبـه ونست رجـال *** ومن ضاق غنّى بـه هجيني وشيله الشعـر يغني بكور اللي تهذل اهـذال *** وحـدابـه الـحـادي بسـرج الكحيلـه الشعـر بـه تفضاه عن ضيقت البـال *** ما حـرّمـوا نظمه أصحاب الفضيله الشعـر فـي معـنـاه واعـض وعـذّال *** عـن العـلـوم النـاقـصـة والـرذيـلـه الشعـر يرشـد للهـدى كـل مـن عـال *** وينصح بـه الـلي ضاع مالـه دليلـه الشعـر عاب الـلي مـن الكبـر يختال *** وبـاح بخمال أهـل العقـول الضليله الشعر وصي به على حسن الأعمال *** وبـه موعظه لأهـل القلوب الهيبله الـشـعـر يـشـكـر كـل مـنـفـق وبـذّال *** وبـه ذم لأصحـاب اليـديـن البخيلـه الشـعـر يـهـجـابـه هـلابـيـج الأنـذال *** الـلـي فعـايـلهـم تـجـيـب الـفـشيـلـه الشـعـر يفـضح كـل هـايـف ودجـال *** الـلـي يـبـي يـبـرز كـيـانـه بـحـيـلـه الشعر يسمج من يقولـه على المال *** ويضـع مـقـام أهـل النفوس الذليلـه قال عبدالله بن دهيمش بن عبار هذه القصيدة جواب للشاعر صقر بن غازي الجعفري شاعر الحماس : 282 حـي البيـوت الـلي عـذيـات واجـزال *** نظـم الزميـل الـلي عـلومه جزيلـه صقر بن غازي عادته كسب الأنفال *** لـه الفـخـر مـوروث مـاهـو هميلـه سـمّي عـلى الـلي يـودع الـدم شـلال *** صقر الصقور الخرب راسه يزيلـه من ساس عزوة باللقاء تحمي الذال *** جمع العـدو ردوّا عن النوق خيلـه وأن صالت جموع العـدا كنهـا جبـال *** يـبـون مـن شقـح العشايـر نحـيلـه بنحـورهـم ضـد المحـارب اليـاصـال *** جـعـافـره زبـن الـعـواد الـهـزيـلــه أن جوا ضنا سليمان شمطان وعيال *** نطيحـهـم بـالـكـون يـا ويـل ويـلـه يوم الزمان الـلي بـه حروب واقتال *** شجعـان يـروون السيوف الصقيلـه اهـل مـضـايـف لـلمسـايـيـر مـدهـال *** أدنـاهـم يـقـلّـط مـفـاطـيـح حـيـلـــه رجـالـهـم لا جــاه بـالـلـيـل هـشّـــال *** الضيـف يـفـرح بـه ويكـرم نـزيـلـه وأربـاعـهـم فـيـهـا مـعـامـيـل ودلال *** والـبـن يـشـبـه لـلـنـثـايـل حـمـيـلـه من ضافهم يـلـقـا ونـاسـه وفـنجـال *** والتـمـر الأشعل من غرايس نخيلـه وأن صار بين القـوم قالات واجـدال *** مـا بهـم الـلي يقبـل هـزيعـه وميلـه قـلتـه وأسجـل رد محمـود الأخصال *** صقـر يـفـداه الـلي يجـيـب النقيـلـه جاني جـواب القـرم في مطلع هـلال *** ربـيـع ثـانـي مـع رشـاش المخيلـه يا شاعـر الحمـاس يا شبـل الأشبـال *** تحـقـيـق غـايـات الـعـدا مستحيلـه أبشر تـراني فـي حلوق العـدا خـلال *** أفـوز والـحـاسـد يـمـوت بـغـلـيـلـه أمـا الشعـر طـرقـه عـلى كـل منـوال *** مـادام يـبـدع بـالـهـداف الـجـليـلـه الشعـر يرثـا الـلي عـن الـدار رحّـال *** خـلا الـولـد والـوالـده والـحـلـيـلــه البـاسـل الـلـي يـفـقـدونـه الـيـاشـال *** صنديد تهضم عـزوتـه من رحيـلـه ويمدح بـه الـلي ما ذخـر ربع مثقال *** الـلي مثـل حـاتـم عـلـومـه مهـيلـه بـه نفخـر بشيخ الشيوخ ابـن هـذال *** وبـه نفـخـر بشيـخـان كـل القبـيلـه والشعر يصلح بيـن عـاقـل وجـهّـال *** كـان أخـو مـرّه بـيـنهـم شـد حـيلـه والشعر به وصف الأماكن والأطلال *** وذكـر الفيـاض المعشبه والخميلـه والشعـر ياصف كـل سابق ومشوال *** الحيص يوصف به وياصف شعيله والشعر يتقن وصف ربات الأحجـال *** مـن نـوع تشبيـب الغـزل بالجميلـه والشعرعصره من قبل هزم الأغيال *** قبل ابرهه يرسل عـلى البيت فـيلـه وبعض الشعر نظمه للأجواد غربال *** منطوق الـلي ضم الردى في شليله قال عبدالله بن دهيمش بن عبار هذه القصيدة يسند على الراوي المعروف عواد أبن غضيان الجاز الجعفري : 283 عــواد أبـن غـضـيـان لا جـتـه سـيـه *** الـلـه يـجيـره مـن عـواثيـر وصدوف أهـديـت لـه عــذب الـقـوافـي هـديـه *** مثل الزهر ورده من الروض مقطوف الـجــاز نـرسـل لــه ســلام وتـحـيـه *** مني عـدد ما خطوا الصحف بحـروف حـيـثـه فـهـيـم ويـتّـصـف بالـحـميـه *** راوي علم وبحسن الأخلاق موصوف مـا هـو مـن اصحاب العـلوم الـرديـه *** ولاهـو عشيـر لكـل هايـف وهذلـوف الــوافــي الـلـي مـا يـبــور بـخـويــه *** من ساس عـزوه بالمراجل بهـم نوف الـعــزوه الــلـي مـا تـهـاب الـمـنيــه *** بالكون ما يطـري عـلى قلوبهم خـوف كـان اعـتـزوا بالـعـزوة الجـعـفـريـه *** يا ويل من صالوا عـلى جمعه صفوف وأن ثــار قـبـس المـلـح بالبـنـدقـيـه *** عبرودهم يسطي عـلى مشّـت الجـوف رجـالـهــم عــاقـل وبــه حـسـن نـيـه *** لكـن اليـا شاف العوج صـار ملقـوف أفـعـالـهـم بـالـطـيـب مـاهـي خـفـيـه *** وتاريخهم في ماضي العصر مكشوف مـن ذربـت سلـيـمـان نـعـم الـسميـه *** الـنـاس تسمع صادق الفعـل وتشـوف ربــعـي وأنــا لـهــم جـمـايــل عـلـيـه *** ولا نجحد الـلي لـه جمايـل ومعـروف كـم قـلـطـونـي بـالـربـاع الـفـضـيــه *** يا كـبـر فـرحتهم الـيـا جـوهـم ضيوف وكـم قـدمــوا مـن قـرّح الحـيـل لـيـه *** يروج باطراف الصّحن سمنها طـوف مـا نـسـمـع ألا قــول يـا الـلـه حــيّـه *** والكـل منـهـم صـار بـالـدور مكـلـوف يـامـا ربـطـوا بـطنـابـهـم مـن ثـنـيـه *** وياكـم كـبشٍ جـيـب للضيـف مكـتوف مـع الـرطـب والـعــود والـشـاذلـيــه *** مـن أجـل خـدمـة ضيفهم دايم أوقوف هـم فـزعـتـي كـانـي شـكـيـت الأذيـه *** لـو هي بطعن حراب ورماح وسيوف دخـلـت مـعـهـم فـي هـذيـك الـقـضيـه *** واجـب ولا نبـدي نـدامـات وحسـوف ولا جـيـتـهـم قـصـدي أدور الـعـطيـه *** رزقـي مكفيني ولا احتجـت مصروف قال عبدالله بن دهيمش بن عبار هذه القصيدة جواب لقصيدة الشاعر خليف بن سعود التمامي الجعفري : 284 يا خليف يا أبن سعود يا طيب الكار *** تـعـيـش يـا كسـّاب عـلـم النـفـيـلـه مـادام تـشكـرني فـأنـا مـنـك شـكّـار *** والشكـر واجـب مـن زميـل لزميلـه لك قـدر لـك تعظيم يا خليف وأكبـار *** وأشكـر جـنـابـك عـد نبـت الخميلـه عسى فـداك الـلي مـثـل حـيّـة الغـار *** يـلـدغ وهـو مـلـبـد بـوسـط النثيلـه لـو أنـكـر المـجـهـود غـادر ومـكّـار *** تـثـني عـليـه أهـل الأعمال الجليلـه وحـنـا لبعضنـا من قـديمـات الأدوار *** يـوم الفخـر يكسب بسرج الكحيلـه ولا هي غريبه حث صلبين الأشوار *** مـلـزوم نـنخـى كـل رهـط وفصيلـه ومسـاهـمتـنـا حـق يـا نسـل الأبـرار *** نـقـوم بالـواجـب ونخشى الفشبلـه أقـولـهـا ولا خـيـر بالـلي كـبى وبـار *** ومـن خالـف الأقراب ماله وسيلـه ونطلـب ولـي الكـون عـلاّم الأسـرار *** يفـرج لـلي يـرجي الفرج كـل ليلـه قال عبدالله بن عبار جواب لأبيات الأخ رحيّل بن معيليق السبيعي : 285 يـا رحـيّـل الـقـرم يـالـمـغـوار *** حيث أنت فهيم وسياسي أشـكـرك يـا صافـي الأفـكــار *** يفدونـك النّـذل والخـاسي قـافـك مـثـل خـنّـة الـنــــــوار *** بالروضه القفر مايداسي جواب عبدالله بن عبار على عبدالرزاق المطرفي : 286 حيـاالـلـه الـوافي سلـيـل الـمـغـاويـر *** عبـدالرزاق القـرم نـال أحـتـرامي يا راعي العشوى عسى فالك الخيـر *** يالمطـرفـي أهـديـك عاطر سلامي مجناك من روس القروم المشاهيـر *** مـطـارفـه نـعـم الـرجـال الكـرامـي يـوم النفـيشي مـا قـدر يدلج السيـر *** شالـوا غـنـم قصيرهـم بالـزحـامي جابـوا شياهه مـن بعـيـد المشاويـر *** وأقـفى ضعـنهـم بالتـلاع المظـامي وأفعـالهـم مـا تنحـصي بالتـعـابـيـر *** ستر العذارى مرودعات الوشامي قال عبدالله بن عبار جواب لأبيات الأخ أبو خالد الفدعاني : 287 مشكور يا طـيّـب الأذكـار *** يا أبو خالد زال واهسنا جتني مقاطع من الأشعار *** منطـق كـلامـك يونسنـا جواب عبدالله بن عبار : 288 بارك الـلـه فيك يا عـال المقـام *** يا أبو خالـد ما جحدت ولا نسيت تذكـر الواقع بـرغبـه واهتمـام *** والخبر يالقـرم مـثـل الـلي هقيـت مبـلـغ الغايات وبـلـوغ المـرام *** من نوى علوم المراجل نال صيت قال عبدالله بن دهيمش بن عبار هذه القصيدة توضيح بعض المواضيع لمن تنقصه الدراية : 289 قال الـذي صاغ القوافي عـلى النون *** قـرايـضٍ مـن فــن بـدعــه بـداهــا أهـديـه لـلـي بـالـعـهـد مـا يـبـوقـون *** أعـنـي نـوادر عــزوتـي وافهمـاهـا جميع الـلي من ساس عـنّـاز يعزون *** قـولي يـعـم شخوصها واوجهـاهـا الـلابـة الـلـي بـالـفـعــال يـتـبـاهـون *** بـهـم اتـفـاخـر وأعـتـزي واتـبـاهـا وأنـا مـن الـلي عن حماهـا يذودون *** أذكـر مفـاخـر عـزوتي مـن غـلاهـا أذود عـنـهـا كـل هـاجـي ومـلسـون *** وأكبـح جمـاح الـلي القبيلـه هجاهـا ولا أسـب غيـر الـلي لربعي يسبون *** ومن يشمت الويـلان جعـلـه فـداهـا الـعـزوه الـلـي بالـلـّزوم يـتـحـامـون *** تـربي عـلى علـوم المراجل ضناها الـلي عـلى الفعـل الجميـل يتواصون *** رجـالـهـم روس الـمعـالـي رقـاهـا رجالهـم باللّطـف والطـيـب مبـخـون *** نـزيـه عن طرق الـردى ما مشاها الـلي بـوقـت الـلّازمـه مـا يـتخـفـون *** أهـل السلـوم الـلي تـعـز اقصراهـا أهـل النفـوس الـزاكيـه مـا ايتعالون *** أجـواد يـعـرف بـالعـرب مستـواهـا عـن الظـروف الطاريـة مـا يغيبـون *** الـلي نـهـار الكـون تـقهـر اعـداهـا زبن الـذي من جايـر الوقت يشكون *** ومـلاذ الـلي جـور الليـالـي حـداهـا عـصر النقاء يـوم الرجال يتناخـون *** فرسان كـان الحـرب دارت رحـاهـا يـوم الدبش يحجـر معـقّـل ومرجون *** أذوادهـم مـا يـربـح الـلـي غـزاهــا أفعالهم شاعت لهـا عصور وقـرون *** أمجـاد لـو طـال الـزمـن مـا محاهـا العـزوه الـلي بغيـرهـم مـا ايتسمّون *** الاسـم والـفـعـل الـمشـرّف كـفـاهـا الـعـزوه الـلي بـالـهـواشـل يـهـلـّون *** مـع الـكـرم للـضـيّـف حـلـوٍ نـبـاهـا عزوه على علوم الفضيله يحرصون *** يصعب عـلى جـمع المعادي لقاهـا عـن الـلـوازم طـبعـهـم مـا يصـدّون *** ولهـم ضمايـر ناصعـه مـن صفاهـا العـزوه الـلي فـي جهـودي يشيدون *** وراعي الوفاء يجهـر بها ما كماها المنصفين الـلي عـلى الجهد يثنـون *** ومن يعـمل المعروف يلقى جـزاهـا شاكر من اصحاب العـدالـه وممنون *** ومن كـل منصف وقفتي مـا نساها مـا يـجـامـلـون وللحـقيـقـه يـعـدّون *** حصـن الـرجـال الـلي بـعيـٍد مـداهـا الـلي اليـا شـافـوا خـمـال يتغاضون *** ومن شاف غرّه ما جلع عن غطاها أهل القـلـوب الطاهـره مـا يغـدرون *** ولابهـم الـلي فعـل الخيانه نـواهـا أهـل التـقى الوافين بالخيـر يدعـون *** دعـواتهـم بالنـاس يـدوي صداهـا كـل الـرجـال المنـصـفـه يستـعـزون *** بالـلي أجتهد وأمجاد ربعـه حصاها لاشـك قيـل النـاس هيهـات يرضون *** مهما بذلـت الجهـد يصعب رضاهـا عـنـدي يـقـيـن الـلـي لكتبي يـذمّـون *** أكـثـرهـم الـلي تـجهلـه مـا قـراهـا عـلى الـدعـايـة يشمتـون ويلومـون *** ولا منهم اللي شاف وش محتواها ولا اطاوع اللي دون خبره يقصّـون *** وأعارض الـلي أمجـاد وايـل نفاهـا بعض الرجال الـلي بالأنساب يفتون *** بهـم الـذي من دون مصـدر رواهـا قلت الصحيح وكـل الأجـواد يـدرون *** ضـنـا عـنـاز أفـرادهـا وأزعـمـاهـا قلته وأنا لساني عن السب مسجون *** وانصح الـلي شين المهاجي حكاها والـلي يـبـون لـمـا بـنـيـتـه يـهـدون *** مـثـل الـشـوامـخ مـا تـهـدّم بـنـاهـا والـلي بـلمـات المجالـس يهـرجـون *** تقليـد قـول الـلي العـلـوم افـتـراهـا لومي عـلى الـلي للدعايات يصغون *** بعـض الحكي شمـل القبيله شظاهـا خاب الـلي خـلاّ عزوته مـا يتدانـون *** تبـاغضت عـقـب الغـلا مـا تـشاهـا نحتـاج الـلي لجمع الجماعه يلمـون *** جـمـع الـرفـاقـه مـا نـدوّر سـواهــا والـلي جـداهـم للمـكـايـد يـحـوكـون *** من فضل ربـي خـيّـب الـلـه رجاهـا والـلـه ما أعلم قصدهم وش يريدون *** أطـلـب عـسى رب العبـاد يهـداهـا الـلـي بـغـيـبـة كـل غـايـب يـنـمــوّن *** مـا دريـوا أن الـلـه رقـيـب يـراهــا الـلي يـدورون القشـر مـا يحـوزون *** عـلـى مـقـاصـدهـا وغـايـة مـنـاهـا يبطون عـن نيـل الهـدف ثـم يبطون *** عـوج المقاصد مـا تـصـل مبتغاهـا والـلي بـوجـود الخـطـأ يستـشكّـون *** تـدور نقـص بمنهـجي مـن عـنـاهـا الحـمـد لـلـه كـامـل الحـق مصـيـون *** حـكـم الـعـدل كـل الحقوق يحمـاهـا نمشي عـلى منهج شريعـه وقانـون *** ومـن لـه قضيـه توصلـه منتـهـاهـا يـالـيـتـهـم عـن الـظـلايــم يـتـوبـون *** وأهـل الخطـأ ياليـت تمنـع خطـاهـا ياجـب عـلى الـلي للحقايق يعرفـون *** عـقـالـهـا تـمـنـع هـيـاط اسفـهـاهـا كـل الـعـبـاد مـفـتحـيـن ويـشـوفــون *** ألا الـلي عـيـونـه غشاهـا عـمـاهـا الـنـاس فـي شبح النواظـر يراعـون *** ولا يشجعون الـلي الخلايق شناها بعـض الـرجـال لكـل ناجح يحسدون *** يا نـاس وش مطلوبها وش بـلاهـا والـلي بجـوفـه أسـود الـرّان مكنون *** نفسه عن دروب الغـوا مـا نهـاهـا حسيبـهـم رب الـمـلأ مـبـدع الـكـون *** الـلي جـميـع الخـلـق يعـلـم خـفـاهـا ماجـيـت ناصيـهـم أبـيـهـم يـقـطـون *** ولا يـوم مـديـت الـيـديـن لـعـطـاهـا الحـمـد لـلـه مقتـنع واطـلـب العـون *** مـن بـاسـط البـيـدا ورافـع سمـاهـا ومـن صـدّق بهقوات نـاسٍ يـظنـون *** فـشل وبـاطـت كـل هـقـوه هـقـاهـا ومن فوهوا بالكذب ما حصّلوا لـون *** أبـقى عـزيـز وهـم عليهـم خـزاهـا |
| الساعة الآن 01:27 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd