يا هلا وبك مهلا طال عمرك ..

وبما إنك حضرت فإنا نطلب منك أن تعطينا من الألغاز أللي عندك ، الله يحفظك ..

وتشرفنا بمشاركتك لنا ..

أما الأحلام فراح نطلب من أبو مشاري إنه يحط لنا قسم للاحلام نبي نشوف من هو اللي حلمان إنه يصير مؤرخ والا نسابة مره وحده أو باحث لقبيلة عنزة ونفسر له حلمه ونفصله له على شطئان الأحلام

:):):)

هذا والله العلم واللغز الصح
ابن دوهان جيد يحل لغز المزاز ويحط لغز عن السياره
نبي نشوف شطارته هالحين

الله العالم غير تطلع لنا شطحه مثل يوم يقول حل كميره ساهر الحريم

وهذا حله والله العالم عبدالله العبار

اثنين مره وحده ماني ببسيط<< لاتفشلني يالفققي ترا علي شطحات خطيره وابن دوهان المحترم تهون شطحاته معي

الوائلي بن ربعه
اهلا اخي اسعد الله اوقاتك
العود عنزي مهو حويطي

صح لسانك طال عمرك ويستاهل ابو مشعل اما العود تراني خطيت عجزي عنه واتركه لغيري وبارك الله فيك

نعم صدقت يا الوائلي بن ربيعه هو بن عبار
ماهي غريبه عليك يا الوائلي بن ربيعه

مدب عنزة لاتعليق ورا كلامه

اخي الوائلي بن ربيعه . اولا ماعليك زود يا طيب يا ابن الكرام ثانيا مالك علي يمين انني اقدرك وانا ما اعرفك يا بناخي لان طرحك يدل على اخلاقك الحميده وفكرك العالي في النقاش . تدري عذورب الاسما المستعاره اننا نخسر امثالك . لان الحروف في عالم النت تعطي صوره كامله عن شخصية صاحب الحروف واحيانا حروفه تزرع المحبه والتقدير وهي المقياس شاكرا لك .

وفقك الله

ماعليك زود طال عمرك وانت قامه من قامات عنزة الذين نفخر بهم وتقبل احترامي وتقديري لشخصك الكريم وانا اعتبرني اخ صغير لك استفيد منك طال عمرك ويعلم الله اني احفظ لكل رجل قدره حتى وإن اختلفت معه برأي او غير ذلك فمن حقّر الرجال يحتقر وصدقت بقولك عن الاسماء المستعارة ولكن تلك حكمة الله وشكري واحترامي لك

جد محمد اللي هو دوهان

نعم يا ابو مشاري هو دوهان-- صح فكرك ورفع لله ذكرك با الخير
لكن العتب على الحفيد------ حيث ان دوهان الرماحي السبيعي العنزي له قصه مشهوره تتناقلها القبيله حتى يومنا هذا . وشجاعته الذي تستحق الذكر

ومليون نعم الله يرحمه

شباب هالوقت يابوعبدالله اللي يجي منهم زين :)


اللغز الجاي عند الوائلي بن ربيعه

اسعد الله مساكم يالويلان

ونعم والله بابن دوهان

اشوف الموضوع من لي فتره وكنت اعتقد انه لغز واحد ولاحد حله

وقلت اللي وصل ثلاث صفحات ولاحلوه الربع ماني وياه

المهم اني تونست بالغازكم السابقه الله يعطيكم العافيه

وبانتظار ابن ربيعه

صح لسانك اخوي مشعل وانا اترك اللغز لك او لأخوي النداوي

الشاعر مسعد الجعفري( النداوي)

اللغز عندك

أرسل

الحقيقه اني مالي باللغاز لكن حاولت لكم بهذا اللغز اللي يمكن

اعتبره اول لغز اكتبه


انشدك عن رجلٍ مع الناس معروف /// وله هيبةٍ كلنٍ تمنى ذراها

وصفه مع اسمه مايبي زايد وصوف /// وله سيرةٍ بالمجد كلن قراها

اللغز واضح والهدف منه مكشوف /// بكل الدّير تلقا عياله تباها

مبغي عليه بكثر الاحقاد محفوف //// من كثر ماهو للمعالي رقاها

صح لسانك يالنداوي واعتقد انه عامر بن اسد (عنزة)

صح بدنك يالوائلي جوابك صحيح

والله يعطيك العااافيه

الله يعافيك يالنداوي واللي عنده لغز يطرحه من الاخوان

عندك الدور يالوايلي مافيها

انشدك عن رجل يدور على حاجه """ يدور على حاجة(ن) ماهو بباغيها
وليــــا لقاها عنها صـــد بحجـاجه """ يصد عنها ما لـــــه رغبة(ن) فيها

واعذرونا من القصور

هل هي الحقيقه اذا وجدها يصد عنها ------ او الماوس ------------ نبي نحرك الموضوع اشوف محد مقرب يحل

راعي الهوى

رمعتك طيبة يالفققي مالك لوا يالبناخي

رمعة طيبة من طيب مالك لوا يالبناخي

مساكم الله بالخير جميع ..

بدايةً أتقدم بصادق الشكر والفخر للأخ العزيز شيخنا متعب بن عبدالهادي الفققي على ما كتبه لنا من ألغاز ورفع الله شآنك وعقال على الرآس يا راع العرفا ..

ورمعتي بالنسبة للغز المقدم من الأخ الوايلي بن ربيعه أعتقد إنه

العسكري ( شرطي التحقيق الجنائي ) .

الله يمسيك بالرضا اخوي ابن دوهان ويستاهل البناخي متعب الفققي ونعم فيكم جميع يأهل العرفا

وبالنسبه لرمعتك فهي طيبه من طيب ولا لك لوا يبناخي

ابرة الطبيب.

رمعه طيبه ما لك لوا

ما هو المريض ليا لقى علاجه

ما لك لوا واظن ان اللغز طول واللي عنده لغز يطرحه

طيب رمعه أخيره

ما هي المرآة

ليا منك طالعت بها وقلبتها تدور الشيب وليا لقيته صديت عنها وكضيت بحجاجك


:):):)

تم الاستعانه بصديق

أرسلنا اللغز الى أحد المخيمات بالمنطقه الشرقيه وراح نحط الرمعات