موقع قبيلة عنزه الرسمي: الموقع الرسمي لقبائل ربيعه عامه و عنزة خاصه

- - أبيات مهداه إلى مشعل العبار (http://www.bnabar.com/vb/showthread.php?t=7330)

مبروك يابو مشعل عطيت خيراً وكفيت شراً والله ياقاك من ساهر !!

[align=center]
الأخ الرجال العنزي حيّاك الله :

بالنسبة لساهر فقد اخذ حقه مني ومن العيال حيث نهب منا مبالغ طائله وقد قلت لغز في كمرته وغضب ثم تحاورت معه بقصيدة وغلبني وسلّمت الأمر لله ثم له وبدأت امشي ثمانين رغم مشاويري المتكررة ومما قلت بالكمرة :

أنشدك عن عـذرا تغذت من السحت *** تاكل حرام وتسلب الشخص ماله
قداّم دربـك واقـفـه ويـن مـا رحـت *** معهـا عـلـى كـل الـطـراقـي وكالـه
ما ظنتي تلطف بحالك ولـو صحت *** ماهي عطـوف ولا تعـرف الجمالـه
من تلمحه في عينها تكحتـه كحـت *** لـو كـان مـفلـس مـا تـوفـر ريـالـه
كـان المطيـه بالفيـافي لـهـا جحـت *** تشبح خيـالـك وأنـت غـافـل ودالـه
هـد المطـيـة كـان بشـدادهـا لـحـت *** خلـك حـذر وامسك زمـام الـزمالـه

الأخ الرجال العنزي حيّاك الله :

بالنسبة لساهر فقد اخذ حقه مني ومن العيال مبالغ طائله وقد قلت لغز في كمرته وغضب ثم تحاورت معه بقصيدة وغلبني وسلّمت الأمر لله ثم له وبدأت امشي ثمانين رغم مشاويري المتكررة ومما قلت بالكمرة :

أنشدك عن عـذرا تغذت من السحت *** تاكل حرام وتسلب الشخص ماله
قداّم دربـك واقـفـه ويـن مـا رحـت *** معهـا عـلـى كـل الـطـراقـي وكالـه
ما ظنتي تلطف بحالك ولـو صحت *** ماهي عطـوف ولا تعـرف الجمالـه
من تلمحه في عينها تكحتـه كحـت *** لـو كـان مـفلـس مـا تـوفـر ريـالـه
كـان المطيـه بالفيـافي لـهـا جحـت *** تشبح خيـالـك وأنـت غـافـل ودالـه
هـد المطـيـة كـان بشـدادهـا لـحـت *** خلـك حـذر وامسك زمـام الـزمالـه

.... الله يعوضكم خير يابو مشعل أنت والعيال وانا بعد معكم ومثلنا كثيرين يعانون من ساهر اللي سلبياته أكبر من ايجابياته خصوصاً بالبدايه عندما كانت السرعه 60 كيلومتر في الساعه

... من تلمحه في عينها تكحته كحت = لو كان مفلس ماتوفر رياله !! انشهد انك صادق ..

... الله يعطيك الخير ويكفيك الشر !!!

الف مبروك الجيب يابو مشعل وعساك تهنابه والله يطول عمر مشعل وأنت تستاهل كل خير ومشعل من الرجال الي علومهم غانمه ولا يردي الي من العبار أبد0

أما ساهر الله يعين عليه حنا بالشمال سالمين منه ومره من المرات جاني احد الاصدقاء قال ابشرك ان ساهر جانا فقلت والله انها ماهي بشره بكره يتولجنا كل يوم غرامه ادفع وقلت هذه الابيات بساهر 00

الله لايحيي ساهــــر ولا يجيبه 000 ولاهو مرحــــــب عندنا ولا هلابه
يشارك عيشة عيالنا بالغصيبه 000 وكل واحداً يأخـــــــذ فلوسه نهابه
يروح فيها الضعييــــــف طليبه 000 ينهب حـــــــلاله والفقـــر يعذابـــه
والأ الغنـــي لو غرمه ما دريبه 000 ولا هو بحاله ولا حسب له حسابه
والشرع حرم ساهر ولا رضيبه000 والله يستر من فتــنة ً هــــو اسبابه
اشــوف كل ً يشــمته ويهـــذيبه 000 وصــرنا على ما قيـــل نــظام غابه

شكراً لجميع الأخوة الذين تفاعلوا مع هذا الموضوع ونسأل الله أن يوفق ولاة أمرنا في أبعاد ساهر عنا وعدم دبل المخالفة لأنهم هم الذين يرأفون بحال المواطن الذي يرغب ان ما يحصل عليه ساهر من جيوبهم ينفقونه على أطفالهم بالأخص في عصر غلاء الأسعار وصعوبة المعيشة وقلة الوضائف والله يبعد عن ولاة أمرنا بطانة السؤ

تستاهل يابوي وما قصر ابو مشاري كريم وابن كريم