|
تسلم يمينك ابو مشعل وصح لسانك ابدعت في القصيدة بصراحة فواق القمة |
السلام عليكم ورحمة الله وبركاته
استاذي القدير نسابة ربيعة عامه وعنزه خاصه عبد الله العبار ان القبيلة تفتخر بك حيثك بطل من ابطالها الغيورين على نسبها من الضياع وعبث العابثين الحاسدين الحاقدين به لا اقول الا لاخلا ولاعدم يابن عبار تقبل مروري |
بيض الله وجهك يابو مشعل وماقصرت
|
بيض الله وجهك والله يرحم والديك
|
من يطق بجهدكم هافي نصيب
يامنزّه سمعتك عن عيبــــــــها |
الأخوة الكرام : سعد مسهوج وهذال الجلعود ورياض سالم وأبو زياد والوذيناني والنويبعي ومتعب الفققي والرجال العنزي وسري للغاية ومبارك النومسي وسعد فرحان الجفران وفارس الهزاع والزميل منصور بن حواس الخضع شكراً لكم جميعاً على مروركم وأعجابكم بهذه المقاطع الشعرية التي أضررت أن انظمها وغيرها الكثير ممن لم تطلعون عليه وذلك لأن قبيلة عنزة في الأونة الأخيرة تعرضت لتزوير نسبها وطمس تاريخها من قبل بعض رجالها وقد كتب البعض أن أفضل قبائل ربيعة بكر وتغلب وحسب الأفضلية نقلوا نسب قبيلة عنزة إلى القبيلتين وضللوا على العامة أن هذه القبيلة هي بكر وتغلب ولكنها انتحلت اسم عنزة وزعموا أن عنزة بن أسد قبيلة ضعيفة وحقيرة وهذه القبيلة قوية لذلك فيجب نقل نسبها وتزويره وتحويرة وكتبوا كتيبات ونشرات ومقالات يندى لها الجبين وطمسوا تاريخ هذه القبيلة وجحدوا نسبها المتسلسل وانتحلوا لها وائل بن قاسط وشوهوا وشنعوا حتى فاحت ريحة أقلامهم بمثل جيفة الحمار وبدأت الغوغاء من العوام بالمجالس تتحدث على لسان هؤلاء فشمرت عن سواعد الجد لأنقاذ تاريخ هذه القبيلة وبدأت أوضح في المقالات والأسناد إلى التاريخ وأيراد المصادر حتى فهموا المثقفين وبقي العوام والجهلاء لا يعون ولا يفقهون القول لأن حجم الدعاية والمخطط كبير فبدات بقصف المزورين وكشف ألاعيبهم وبدأت بالتوضيح للعامة وهاهم قد فهموا الحقائق وهجد كل مزوّر وشكراً لكم على أشادتكم وقد لاحظت أن زميلي الشاعر منصور بن حواس الخضع قد كتب بيت من الشعر من نوع الحداء يقول :
من يطق بجهدكم هافي نصيب *** يامنزّه سمعتك عن عيبــــــــها تـسلـم وتـعـيـش يـالـقـرم اللبـيـب *** والجـزيـلـه دايـمـاً تـحـريبها أنت من عزوة أهل ساس عريب *** أهل العليا نفتخر في طيبـهـا |
الزميل والعم الفاضل/عبدالله بن عبار العنزي
لاأكتب كي ترد ولاأمدح لأهداف أنما أشهد الله وهو خير الشاهدين في ودك بناء على ماعرفت وسمعت عن نزاهتك ودينك وطيبك وحياءك وحمياك وهذا الصفات هي صفاتك. أما القصيد فيكفي منك ماضيك التليد باللازم وبغير اللازم فمن ينكر مواقفك للقبيله لئيم أو غشيم . وأنا حين أكتب لاأطالبك بارك الله فيك برد فقط أكتب مايدور بخلدي لك وللقبيله من ود وتحيّز بالحق.ودمت سالمآ. ماعليكم زود ياسرور الكئيـــب بالمواضي وأن لفت هاذي بها لابة الفدعان بايجة الغبيــــب يعوزون البنت من خطيّبهــــا |
يــــا أبــــو مشــــعـــــل
 |
قال عبدالله بن دهيمش بن عبار هذه القصيدة في الأعتزاز بالنفس والأعتزاز بالقبيلة ويوضح ملابسات الإشاعات حول موضوع تحوير نسب قبيلة عنزة من قبل بعض الذين يدعون بالمعرفة فيقول :
مبـداي فـي منشي عبـاده وخالقهـا *** رب الخـلايـق ولـي الكـون كـونهـا من مـد جوده جميع الخلق رازقهـا *** أرزاق خلقـه عظيم الشان ضامنها وبعد ذكر الله نظمت أشعار ناطقهـا *** من خاطري صغتها والفكـر لحنّهـا أمـيّـز أهـدافـهـا وأفـهـم طـرايـقـهـا *** من فن بدعي عن التحوير وازنهـا الحـر نـفسه دروب الـعـز تـعشقـهـا *** يشمخ ويرفـع هـامتـه مـا يطمنّهـا من عز نفسه عن المحذور يفهقهـا *** عـن كل غاية تجيب العيب صاينها مـا فات وقـته مـع الشلات بالمقهـا *** يجلس مع رجال عارفهـا وباخنهـا أهـل الفضيله تشّرف مـن يرافـقهـا *** وأهـل الرذيلـه تـنـّدم مـن يخادنهـا ومن سار بالواقع أهدافـه يحقـقّهـا *** وكل الصعوبات رب العرش هوّنها مسيرة المقـتـدي مـا أحـدٍ يعـوقهـا *** يفـوز وأهـل الحسد تكثـر غـبـاينها من أتعب الحال بالتكليف وارهقهـا *** الـعـادل المنصف جهـوده يـثـمـنهـا وأهل الجحود الولي مولاي يمحقهـا *** تبحث عـن الشين والزينات تدفنهـا ومـن يـفتهم جـل الأمور ودقايقهـا *** مـا يجهلـه ضاهـر القصّة وباطنهـا نويت أسجل بيوت الشعـر وأرفقها *** تهـدى لبعيد النظـر لأجـل ايتمعنهـا الفـاظ شعـري مديح الربـع شوقهـا *** أذكر فخر عـزوتي وأذود بـه عنها أرتّـب فـروع الحـمـايـل وأنـسقـهـا *** أبحـث عن أمجادها وبالطرس أدونها سجلت تاريخها وماضي سوابـقهـا *** أفخر بها وأعتزي وأذكر محاسنها أسجـل أنـسـاب القبـيلـة وأوثـقـهـا *** ولا كل من خـاض بالأنساب يتقـنهـا وثـايـق أنسابهـا تـعـرف حقـايـقهـا *** كـل المصادر عـلى الأشهاد تعلنهـا معـروف تاريخها وتعرف معامقهـا *** قـبايـلٍ طيـبهـا مـن طـيـب معـدنهـا عنـاز فـي قـبلي الديـرة ومشرقهـا *** معـروفـه بـجـدهـا لا فـي مساكنهـا أولاد وايـل لـو تـبـاعـد منـاطـقـهـا *** من سابق العهد ديرة نجـد موطنهـا عصر المغازي ترد حقوق واسقها *** وفي كل ديـرة ربيع وريـف تقطنها تشهـد لها سيوفها وتشهد بنادقهـا *** يوم الفوارس عزيز الروح ترهنها ريـح الفتايـل تـفـوح بأنـف ناشقها *** والكل لأخصامه الحشوات يسحنها شجعـان يـوم الوغى تلفح بيارقهـا *** أدناهم الـلي صـدور القـوم يطعنهـا سـرد السبايـا اليـا لاحـوا معارقهـا *** الكـل منـهـم عـلى السربات مـرّنهـا كـل أبـلـجٍ يشعف ذلولـه ويدعـقهـا *** عـلى المعادي أنغام النصر هيجنها كم روح زابن عن أخذ الثار تعتقها *** الجالي الخـايـف المظيـوم يـزبـنهـا ماخانت أصحابها والـلي يصادقها *** تـعـتـز صـدقـانـهـا واتـذل خـايـنهـا من طبع الأجـواد ما تنفى لواحقهـا *** السلّم والعـرف لهم حقـوق قـنّـنهـا نعـم الـرجال الـلي تشيل بعـواتقهـا *** اللي الصبر طبعهـا والطيب ديدنهـا تتعب على الجود والأموال تنفـقهـا *** صدقـانهـا بعـز والعـدوان تمهـنهـا مـفـاخـر أمجـاد القبيـلـة انـطبـّقـهـا *** على الحقايق ويشهد مـن يعـاينهـا أقـوالـي الفـاهـم المـدرك يصدّقـهـا *** ولاني بحـال مغـّفّل الناس وأرعنها والـلي بقـولـه سراة القـوم وهـقّهـا *** له الفـت أنظـار الحمايـل وأفـطنهـا الـلي أوراقـه بهـا التزييف يحرقهـا *** وش لـه بلولاس المشاكل يشكبنها من خالف الواقـع أوراقـه يمزقـهـا *** والـلي يخط الغلط عن منهجه ينهـا من خـط حـرف الغلط وأرياه لفـقهّا *** بالفـاظ من وحي الخيـال ايـتكهنهـا الـلي جدود العرب له شف يسرقها *** مـا تـنتحـل مبطي التـاريـخ بـيّـنهـا والمبحث الـلي بجد الغيـر يلصقهـا *** يحـز بنفـوس الحمـايـل ويـحـزنهـا واللي يصدون كن أسماعهم صقها *** عن الحقايـق ولـو صحت قـراينهـا كان السفينه غشاها الموج يغرقها *** من يرغب اسعافها صعب ايتماكنها نفخـر بعزوة عسى الله مـا يفرقهّـا *** الـلي يـبي عـزهـا يسعى بتـظامنهـا بـيـت القبـيلـة خـلولـه مـايـفتـقّهـا *** ألا نـحـيـس تـجّـزع مـن تـعـاونـهـا بعـض الرجال اللي الرفاقه يخانقها *** يزهد بالأصحاب والعدوان هادنهـا واللي الإشاعات بين الناس يطلقها *** له قصد نفس الغبي بالغـل يشحنها مالـه جـدا غـيـر الـدعايـه يسوّقهـا *** كل الفضايل بوسط الـرمس كـفّنهـا بـرقٍ عيونـه عـلى الخيبة يبحلقهـا *** ينفـخ وهـو غايته بالصدرخازنهـا وسط المجالس هروج الزور يسلقها *** يشمت ونفسه شنيع الحسد جننهـا والمعجب الـلي لـه الكفين يصفـقها *** عـلى الفلس يـرقع طبوله يـدندنهـا أهـل الـتـمـلـّق مـا نـفـعـها تـملقّـهـا *** الـلي بهـرج الخطـأ تلفـظ ملاسنها من خـادع النـاس بالحيلات يدرقها *** لاخيـر بالـلي هـل الـريبـة يداهنهـا حـكي النقـيلي سعيـر الشـر يعلقهـا *** يكـيـد بـيـن البشـر والنـاس يفتنهـا واللي عـلى الباطل هـروجه ينمّقها *** فتاح بوب القشر وش مقصده منها فـتـاّح بـوب القشر ملـزوم يغـلقهـا *** وأهـل النمايـم رسـول الـلـه يلعنّهـا مبطي هـل البوق ما تؤمن بوايقهـا *** مثـل الأفاعي لـدوغ وكيـف نأمنهـا سـم الأفـاعـي تـمـزق كبـد ذايـقـهـا *** اجسامهـا سامـه مـهـمـا تـلايـنـهـا والفضل لـلي رمـوز الظلم خازقهـا *** حكـم العدالـة دعات الشـر عـارنهـا وأختمها باللي بشرع الحق طوقها *** المصطفى صان الشريعة وحصّنها |
الله يبيض وجهكم يأبن عبار = عز الله انك فخر لعيال وايل جبت الحقايق واضحه مابها انكار= ولجمت منه للحقايق يحايل الحق مثل الشمس واضح للأبصار= وانت السند محضره بالدلايل مثل الذهب من صافي القول تختار= قريت أنا ملخصات الجزايل من كل نوع مثبته تقل نوار = للي يشكك واضحات الرسايل |
| الساعة الآن 01:40 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd